Morgunblaðið - 24.06.1994, Qupperneq 41

MORGUNBLAÐIÐ
FÖSTUDAGUR 24. JÚNÍ1994 41
FRETTIR
Morgunblaðið/AH
UNDIRBÚNINGUR stendur nú sem hæst fyrir Landsmót
hestamanna á Hellu, sem hefst nk. þriðjudag.
Landsmót hestamanna
Búist við fjölda
fólks og hrossa
Hellu - Landsmót hestamanna
verður haldið á Gaddastaðaflötum
við Hellu dagana 28.-3. júlí nk.
Sextán hestamannafélög milli
Lómagnúps í austri og Hvalfjarð-
arbotns í vestri standa að lands-
mótinu en mótshaldarar búast við
að þetta verði fjölmennasta mót
sinnar tegundar sem haldið hefur
verið hér á landi. Áhugi útlendinga
er mjög mikill og giskað er á að
um þrjú þúsund erlendir gestir
sæki mótið og að fjöldi gesta geti
farið allt upp í átta þúsund manns.
Að sögn Fannars Jónassonar
framkvæmdastjóra mótsins hefur
undirbúningur staðið yfir í nokkra
mánuði en strax fyrir Fjórðungs-
mót sunnlenskra hestamanna sem
haldið var á Hellu 1991 var ráðist
í miklar endurbætur á aðstöðunni
á Gaddastaðaflötum sem miðaði
að því að geta haldið myndarlegt
landsmót núna. „Að þessu búum
við nú, en undirbúningur mótsins
er nú á lokastigi og allt að verða
tilbúið fyrir stóra daginn n.k.
þriðjudag. Við teljum okkur vera
vel í stakk búna að taka á móti
þessum mikla ijölda, á flötunum
verður góð tjaldaðstaða og gerðar
hafa verið sérstakar ráðstafanir til
að hreinlætisaðstaða verði í lagi. Á
svæðinu verða fjölbr'eyttar veiting-
ar í boði, bæði innanhúss og í tjöld-
um vítt og breitt. Við fórum þá
leið núna að bjóða allar veitingar
og hvers kyns sölu út, en þar sem
við erum í göngufæri við Hellu
erum við bærilega sett með alla
aðra þjónustu, s.si sundlaug, versl-
anir, banka, pósthús, verkstæði
o.þ.h.,“ sagði Fannar.
Keppt á þremur völlum
Að sögn Fannars er aðstaða á
móttsvæðinu mjög góð bæði fyrir
hestamenn og áhorfendur en svo
viðamikil er dagskrá landsmóta
orðin að ekki veitir af sex dögum
til að koma öllum dagskrárliðum
fyrir og stundum verður keppt á
þremur völlum samtímis. „Sú regla
gildir að hvert hestamannafélag í
landinu má senda einn keppanda
fyrir hveija 125 félagsmenn og er
út frá því reiknað með um 360
keppendum. Þetta gildir um gæð-
ingakeppnir í A- og B-flokkum og
unglinga- og barnaflokkum. Auk
þess verður mikill fjöldi kynbóta-
hrossa sýndur, bæði einstaklinga
og afkvæmahross. Ræktunarbú
verða með sýningar, kappreiðar
verða, töltkeppni, sölusýningar,
útreiðatúrar og heimsbikarmót sem
nú er haldið í fyrsta sinn á íslandi
í tengslum við Landsmót," sagði
Fannar Jónasson að lokum.
■ HAFNFIRÐINGUM gefst í
dag kostur á að ganga undir leið-
sögn staðfróða manna á Asfjall
■ og fræðast um nýtt skipulag í
nágrenni Ástjarnar sem er frið;
lýst skv. náttúruverndarlögum. í
fréttatilkynningu segir: „A Ás-
fjalli er gott útsýni yfir Hafnarfj-
röð og reyndar allan Faxaflóann
ef vel viðrar og ekki sakar ef sól-
in skartar geislum sínum rétt yfir
haffletinum. Varla verður þó
tækifæri til að velta sér upp úr
dögginni enda á slíkt að gerast á
miðnætti sólarhring áður. En
Jónsmessan verður kvödd á Ás-
fjalli.“
Eins og venjulega eru þeir sem
hafa góða þekkingu á staðháttum
og sögu svæðisins hvattir til að
slást í hópinn og miðla öðrum af
þekkingu sinni.
■ DREGIÐ var í happdrætti
Sundfélagsins Ægis 17. júní sl.
Eftirtalin númer komu upp: 1. v.
1204, 2. v. 642, 3. v. 507, 4. v.
609, 5. v. 97, 6. v. 211, 7. v.
919, 8. v. 538, 9. v. 16, 10. v.
1840, 11. v. 540. Vinningsnúmer-
in eru birt án ábyrgðar.
Mikil aðsókn að
Kringlukasti
KRINGLUKAST hófst í Kringl-
unni miðvikudaginn 22. júní sl.,
en þetta er í sjöunda sinn sem
fyrirtækin í Kringlunni halda það.
Verslunar- og þjónustufyrirtæki
Kringlunnar eru með ótal tilboð á
nýjum vörum og má gera feikna-
góð kaup. Mikil aðsókn er á
Kringlukast og á miðvikudaginn
komu 16-17 þúsund manns í
Kringluna og eru sumar tilboðs-
vörur fyrirtækjanna næstum upp-
seldar.
Leikurinn „stóri afsláttur" held-
ur áfram, en þar bjóða nokkur
fyrirtæki í Kringlunni örfáa hluti
á ótrúlegum afslætti, en hlutirnir
eru allir í háum verðflokki, þannig
að afslátturinn af þeim nemur tug-
um þúsunda króna. Leikurinn
snýst um það að einu sinni á dag
er dregið nafn úr potti í þeim versl-
unum er halda leikinn. Sá er dreg-
inn er fær þá að kaupa hlutinn á
staðnum. Þeir sem vilja taka þátt
verða að koma í Kringluna og
kynna sér leikreglur. Fyrirtækin
sem bjóða hluti í leiknum stóra
afslætti eru Skífan sem býður
Kawai-hljómborð á 14.400 kr.,
Byggt & búið býður Ariston-kæli-
skáp á 19.900 kr., Heimskringlan
Samsung-sjónvarp á 13.560 kr.,
og Japis sem býður Panasonic-
ferðatæki á 9.840 kr.
Endurvígsla á
Glaumbæjarkirkju
UNDANFARNA mánuði hefur
verið unnið að miklum endurbótum
á Glaumbæjarkirkju í Skagafirði,
og var hún algjörlega endurnýjuð
innan veggja. Hvelfing var sett í
loft kirkjunnar, veggir múraðir og
skreyttir, gólf endurnýjað og
gluggar lagfærðir. Nýir bekkir eru
komnir í kirkjuna og nýtt pípuorg-
el hefur verið sett upp. Raflögn,
ljós og upphitunarkerfi voru einnig
endurnýjuð. Arkitekt kirkjunnar
er Hjörleifur Stefánsson, en Bragi
Skúlason hefur yfirumsjón með
verkinu.
Reynt er að afla fjár með ýmsum
hætti. M.a. var öllum fermingar-
börnum kirkjunnar sendur gíróseð-
ill, þar sem óskað var eftir styrk
í orgelsjóðinn og hefur töluvert
safnast á þann hátt. Einnig hafa
gjafir borist frá ýmsum aðilum,
sem vilja leggja sitt af mörkum til
þessa verks, og er öllum velunnur-
um kirkjunnar nær og fjær þakkað
fyrir framlag þeirra.
Endurvígsla Glaumbæjarkirkju
fer fram sunnudaginn 26. júní kl.
14, og mun herra Bolli Gústafsson
vígslubiskup vígja kirkjuna. Próf-
astur og prestur Skagafjarðarpróf-
astsdæmis verða einnig viðstaddir
og eru allir velkomnir til þessarar
hátíðarstundar í Glaumbæ.
Kór kirkjunnar syngur undir
stjórn Stefáns R. Gíslasonar oragn-
ista. Einsöng syngur Þuríður Kr.
Þorbergsdóttir.
Eftir athöfnina í kirkjunni bjóða
sóknarbörn Glaumbæjarkirkju til
veislu í Miðgarði.
Mættur
snemma
1 Ytri-
Rangá
VEIÐI byijaði með ágætum í Ytri-
Rangá, í gærmorgun höfðu þrír lax-
ar veiðst, einn 14 punda á Klöpp-
inni, einn 12,5 punda í Hólsá að
austan og einn 5 punda í Síma-
streng. Allir veiddust á flugu og
menn hafa talsvert orðið laxa varir
síðustu daga, einkum á svæðunum
frá Ægissíðufossi og niðurúr. í gær
var þó örugglega kominn lax í Ár-
bæjarflúðir. Þetta er miklu betri
byrjun en í fyrra, Rangárnar eru
síðsumarsár og þetta lofar því góðu.
Nokkru fyrir neðan Klöppina var
útbúinn veiðistaður í fyrra með því
að sturta nokkrum vörubílshlössum
af stórgrýti. Þar sást fyrir skömmu
til gríðarlega stórs lax- sem stökk.
Töldu menn hann losa 20 pund og
sennilega væri hann langt þar yfir.
Fyrir þremur árum var sleppt í ána
seiðum af stofni Laxár í Aðaldal og
telja menn sýnt að þetta muni vera
einn þeirra laxa, kominn aftur í ána
eftir þijú ár í sjó.
Margrét Hallgrímsdóttir t.v. og Sigríður Gylfadóttir með fyrstu
laxana úr Laxá á Refasveit, en þær voru þarna að veiðum ásamt
Reyni Olafssyni og Helga Ingvarssyni.
Hörkubyrjun í Laxá á
Refasveit
„Ég hef opnað Laxá í Dölum í
mörg ár og séð ýmislegt í meðalvigt
hjá vorlaxi, en þetta sló öll met. Við
fengum átta laxa fyrsta daginn í
Laxá á Refasveit og meðalþunginn
var 15,5 pund. Minnstu laxarnir
voru 12,5 pund og sá stærsti 20,5.
pund. Einn var og 19 pund,“ sagði
Helgi Ingvarsson, annar leigutaka
árinnar, í samtali við Morgunblaðið
í gær, en áin var opnuð síðdegis á
þriðjudag. Þeir sem tóku við ánni á
miðvikudag fengu síðan tvo fiska á
síðdegisvaktinni, 14 og 20 punda,
þannig að meðalvigtin fór hækk-
andi! Helgi og félagar sáu lax víða
á svæðinu fyrir neðan laxastiga, sem
er um kílómetra frá sjó. Hann sagði
enn fremur að þeir félagar hefðu séð
einn lax sem var augljóslega mun
stærri en stærsti laxinn sem þeir
veiddu.
Sáttir menn við Langá
Mun betri veiði hefur verið í
Langá en á sama tima í fyrra, á
hádegi í gær voru komnir 42 laxar
á land fyrir löndum Ánabrekku og
Langárfoss. Megnið af því 8 til 14
punda lax, en síðustu daga hefur
nokkuð af smálaxi blandast við. Lít-
ið hefur gengið upp fyrir laxastigann
í Skuggafossi, einn þó verið dreginn
á Kattarfossbrún og Ingvi Hrafn
Jónsson veiddi tvo laxa á miðsvæð-
inu þegar það var opnað fyrir fáum
dögum, að sögn Rögnu Jóhannes-
dóttur í veiðihúsinu að Langárfossi.
Maðkurinn hefur verið drýgstur til
veiðanna.
Jónsmessu-
ganga í
Elliðaárdal
FÖSTUDAGSKVÖLDIÐ 24.
júní verður farin Jónsmessu-
ganga um Elliðaárdalinn á
vegum Árbæjarsafns. Leið-
sögumaður verður Guðrún
Ágústsdóttir forseti borgar-
stjórnar, sem búið hefur í ára-
tugi í dalnum. Mun hún fræða
göngufólk um náttúru og sögu
dalsins og rifja upp þjóðtrú
sem tengd er Jónsmessunni.
Lagt verður af stað frá bíla-
stæði Árbæjarsafns kl. 22.30.
Gengið verður niður Reið-
skarð, um árhólmana, upp
með Kermóafossi og til baka
á stíflunni. Áætlaður göngu-
tími er um ein og hálf klukku-
stund. Ekkert þátttökugjald.
Allir velkomnir.
(Fréttatilkynning)
Heimili
heilabil-
aðra opnað
REYKJAVÍKURDEILD
Rauða kross Islands opnar í
dag, föstudag 24. júní, heim-
ili fyrir aldraða með heilabil-
unareinkenni að Logafold 56.
Heimamenn verða sjö talsins.
Heimilið er rekið í samvinnu
við Öldrunarþjónustudeild
Félagsmálastofnunar Reykja-
víkurborgar.
í fréttatilkynningu segir:
„Heimili af þessu tagi eru
rekin víða í nágrannalöndum
okkar. Þykir þetta bezti val-
kosturinn í umönnun aldraðra
með einkenni heilabilunar,
sem ekki geta dvalist í heima-
húsum.
Þessir einstaklingar eiga
oft í miklum erfiðleikum með
að bjarga sér hjálparlaust í
hinu flókna neyzlusamfélagi
nútímans, sérstaklega þó
þeir, sem eru einstæðingar
og njóta ekki aðstoðar íjöl-
skyldu eða vandamanna. Oft
eiga þeir ekki annarra kosta
völ en að fara á stofnanir, sem
ekki eru sniðar fyrir þarfir
þeirra og henta þeim illa sök-
um stærðar og margmennis.
Þessum sömu einstkaling-
um hentar bezt umhverfi, sem
líkist sem mest venjulegu
heimili, þar sem þeir njóta
aðstoðar við daglegar þarfir.
Á vegum Reykjavíkurdeild-
ar Rauða kross íslands eru
nú reknar tvær dagvistar-
stofnanir fyrir aldraða: Múla-
bær, sem er dagvistun fyrir
aldraða og fatlaða og rekin í
samvinnu við SÍBS og Félag
eldri borgara og Hlíðarbær,
sem er dagvistun eingöngu
ætluð öldruðum með heilabil-
unareinkenni."
Hjúkrunar-
fræðingar
kynna loka-
verkefni
KANDÍDATAR í hjúkrunar- |
fræði kynna lokaverkefni sín
í dag, föstudaginn 24. júní, í
húsnæði námsbrautar í hjúkr-
unarfræði, Eirbergi, Eiríks-
götu 34. Hefst dagskráin kl.
13 og verður kaffi og veiting-
ar í boði. Áætlað er að dag-
skránni ljúki um kl. 17.
J