Morgunblaðið - 08.11.1994, Blaðsíða 44
44 ÞRIÐJUDAGUR 8. NÓVEMBER 1994
MORGUNBLAÐIÐ
Með morgunkaffinu
ÞAÐ er sölumaður
fyrir utan og hann er
hræðilega
uppáþrengjandi.
I DAG
NOVEMBERTILBOÐ A
HREINLÆTISTÆKJUM O.FL.
20-40% AFSLÁTTUR
VATNSVIRKINN HF.
Ármúla 21, símar 68 64 55 - 68 59 66
Umsjón Margcir
I’ ctursson
ÞESSI staða kom upp á
„Sikileyjar“-mótinu í Buenos
Aires sem lauk fyrir mán-
aðamótin. Lettinn Aleksei
Shirov (2.740) var með hvítt
en ungverska stúlkan Júdit
Polgar (2.630) var með
svart og átti leik. Shirov lék
síðast 16. Rb3-a5.
sjá stöðumynd
16. — Re3!! (Hugmyndin er
glæsileg: 17. Dxg5? — Rf3
mát og eftir 17. Bxe3 —
Dxe3 hótar svartur Rf3+ og
máti á d2) Dg3 — Dxg3,
18. Rxg3 - Rxc2+, 19. Kdl
— Rxal, 20. Rxb7 — b3,
21. axb3 — Rxb3 og með
skiptamun yfir vann Júdit
skákina örugglega. Hún
.vann Shirov líka í fyrri skák
þeirra á mótinu.
Um helgina: Unglinga-
meistaramót íslands fyrir 20
ára og yngri (skákmenn
fæddir 1974 og síðar) fer
fram dagana 10.-13. nóv-
ember næstkomandi í Skák-
miðstöðinni við Faxafen.
Keppnin hefst fimmtudaginn
10. nóvember kl. 20. Skrán-
ing í síma Skáksambandsins
frá 10-13 virka daga og á
mótsstað.
VELVAKANDI
Svarar í síma 691100 frá 10-12 og 14-16
frá mánudegi til föstudags
Góð þjónusta í
Ullarhúsinu
OFTAR en ekki er kvart-
að yfir lélegri eða ófull-
nægjandi þjónustu á
ýmsum sviðum verslunar
og þjónustu. Hinsvegar
er ósjaldan þagað yfír því
sem vel er gert.
Mig langar til að
greina frá dæmi um
óvenjulega og ótrúlega
góða þjónustu sem ég
fékk í Ullarhúsinu í Aðal-
stræti.
Svo var mál með vexti
að við hjónin, sem búum
erlendis, fengum glæsi-
legan, uppstoppaðan
stokkandarstekk í jóla-
gjöf frá bömum okkar
og bamabörnum um síð-
ustu jól. Um mitt sumar
kom í ljós vandamál með
fuglinn sem óljóst var
hvert mætti rekja.
í sumarleyfi okkar á
íslandi í júlfmánuði lögð-
um við leið okkar í Ullar-
húsið og náðum tali af
eigandanum og greind-
um henni frá vandamál-
inu. Hún tók okkur strax
einstaklega vel og leitaði
umsvifalaust skýringa
hjá sérfræðingi sem
kannaðist strax við
vandamálið, en taldi
óvíst hvar orsakanna
væri að leita. Eigandinn
tók þá af skarið og bauð
okkur að velja annan
fugl úr safni því sem hún
hafði á boðstólum, án
þess að við hefðum gert
nokkra kröfu til slíks,
enda töldum við okkur
ekki eiga rétt í þessu
máli.
Reyndar færðumst við
undan því í fyrstu að
taka þessu boði því okkur
fannst ekki viðeigandi að
verslunin tæki á sig allan
skaðann.
Það var hinsvegar ekki
við annað komandi af
hálfu eiganda en við
veldum okkur annan fugl
og endirinn varð sá að
við gengum út úr versl-
uninni með glæsilegan
lóm sem nú prýðir heim-
ili okkar ásamt öðrum
íslenskum fuglum.
Við hjónin vildum
koma á framfæri kæru
þakklæti til eigenda Ull-
arhússins, þótt seint sé,
og jafnframt benda á
dæmi um óvenjulega og
óvænta þjónustu, ef
hægt er að kalla slíkan
rausnarskap því nafni.
Kristján Stefánsson,
Hrönn Kjartansdóttir,
17 val de Lérng,
L-6137 Junglinster,
Luxemborg.
Tapad/fundið
SVÖRT kvenhandtaska
með axlaról tapaðist á
11-sýningu í Stjörnubíói
sl. föstudagskvöld. í
töskunni voru ógrynni af
allskyns munum, þ.á m.
ávísanahefti, debetkort,
peningar, farseðlar og
margt fleira. Skilvís
fínnandi vinsamlega
hringi í síma 97-12485
(Egilsstaðir) eftir kl. 20
eða í síma 91-18620 eft-
ir kl. 21. Fundarlaun.
Hringur
fannst
HRINGUR fannst að-
faramótt laugardagsins
29. október. Upplýsingar
í síma 685817.
Barnapeysa
fannst
BARNAPEYSA á 5-6
ára fannst við Brekku-
læk sl. sunnudag. Upp-
lýsingar í síma 685817.
Kettlingar
ÓSKUM eftir kettiing-
um. Upplýsingar í síma
13633.
Víkveiji skrifar.
••
ÞAÐ þykir orðið sjálfsagt, að
fólk sem nær ekki árangri í
prófkjörum eða öðrum tilraunum til
þess að komast til metorða í einum
flokki, leiti fyrir sér annars staðar.
Þannig var strax farið að spyrja
Eggert Haukdal, sem lenti í fjórða
sæti í prófkjöri sjálfstæðismanna á
Suðurlandi, hvort hann hygði á sér-
framboð. Hann gaf ekkert út á það
og gaf þar með til kynna að það
væri ekki útilokað. Eggert hefur
raunar áður farið í sérframboð á
Suðurlandi og náði þá kjöri.
Samkvæmt fréttum DV í gær-
morgun hafði Ásta Ragnheiður Jó-
hannesdóttir, sem lenti í þriðja sæti
í prófkjöri innan Framsóknarflokks-
ins, þá þegar ákveðið að taka ekki
sæti á listanum og blaðið hafði
uppi vangaveltur um, hvort hún
mundi fara í frambpð með Jóhönnu
Sigurðardóttur.
Nýlega sagði Gerður Steinþórs-
dóttir skilið við Framsóknarflokkinn
jog sterkur orðrómur um, að hún
muni hazla sér völl í stjómmála-
starfi á öðrum vettvangi, þótt hún
hafi á engan hátt gefið þeim orð-
rómi byr undir vængi.
Þetta er væntanlega til marks
um, að tengsl við stjórnmálaflokka
eru ekki jafn sterk og áður og
væntanlega endurspeglar þessi þró-
un einnig þá staðreynd, að munur-
inn á stefnu flokkanna er ekki eins
mikill og áður var. Það er kannski
ekkert erfítt fyrir fólk að fara á
milli flokka og stjórnmálahreyfínga
af þeirri einföldu ástæðu, að stefnu-
munur er ekki svo mikill.
ÞAÐ kemur Víkverja ekki á
óvart, að Hrafn Gunnlaugsson
skyldi fá kvikmyndaverðlaun í út-
löndum fyrir síðustu mynd sína.
Myndin er lítil perla og fékk ekki
þær viðtökur hér heima, sem efni
stóðu til, hugsanlega vegna þess,
að höfundur hennar var þá umdeild-
ur vegna starfa á öðm sviði.
IBANDARÍSKA fréttaskýringar-
þættinum 60 mínútur, sem Stöð
2 sýnir á sunnudagskvöldum, var í
fyrrakvöld greint frá þeim erfiðleik-
um, sem kaupsýslumenn lenda í,
ef þeir vilja eiga viðskipti við Rússa
eða stunda viðskipti í Moskvu eða
annars staðar í Rússlandi. Banda-
rískur veitingahúsaeigandi lýsti því,
að hann hefði þurft að fá ljósrit af
gögnum hjá opinberri stofnun.
Hann fékk þau svör, að það væri
ekki hægt af því að konan, sem
tæki ljósritin væri í fríi. Hann spurði
þá, hvort einhver annar starfsmað-
ur gæti ekki gert þetta, en fékk
þau svör, að konan hefði tekið lykil-
inn að tækinu með sér í fríið!
Þetta minnti Víkverja á raunir
íslendings, sem ætlaði að kaupa
brauð í bakaríi í Moskvu, sem ekki
hafði fengizt í nokkra daga en
fékkst nú. Og að sjálfsögðu var
biðröð. Þegar íslendingurinn nálg-
aðist afgreiðsluborðið sagði af-
greiðslustúlkan eitthvað á rúss-
nesku, sem varð til þess, að nokkr-
ir þeirra, sem í biðröðinni vom hurfu
á brott. Þegar að afgreiðsluborðinu
kom var upplýst hvað hafði gerzt.
Þeir einir fengu að kaupa brauð,
sem höfðu kaupverðið nákvæmlega
í höndunum, 420 rúblur. íslending-
urinn var bara með 500 rúblur og
fékk ekkert brauð. Það kom ekki
til greina að skipta og heldur ekki
að taka þá hærra verð, eða 500
ríiblur, fyrir brauðið!