Morgunblaðið - 06.01.1995, Side 12

12 FÖSTUDAGUR 6. JANÚAR 1995
MORGUNBLAÐIÐ
VIÐSKIPTI
Erlend tryggingafélög frá sjö þjóðlöndum óska eftir að veita hér þjónustu
Níu af alls sautján
félögum eru bresk
ALLS hafa sautján erlend vátrygg-
ingafélög tilkynnt til Vátrygginga-
eftirlitsins að þau hyggist veita þjón-
ustu hér á landi án þess að setja
upp starfsstöð. Þar er um að ræða
níu bresk félög, tvö þýsk félög og
tvö belgísk félög ásamt tryggingafé-
lögum í Frakklandi, Hollandi, Sví-
þjóð og Noregi.
Ekkert félaganna veitir þjónustu
í ökutækjatryggingum en þá þyrftu
þau að hafa sérstakan uppgjörsfull-
trúa hér á landi. Flest félögin sem
hafa sent inn tilkynningar eru líf-
tryggingafélög með víðtæka þjón-
ustu og félög sem sækjast eftir við-
skiptum við fyrirtæki. Sum þeirra
hafa fyrst og fremst áhuga á trygg-
ingum stórra fyrirtækja eða svokall-
aðri stóráhættu.
Samkvæmt EES-samningnum
þurfa erlend tryggingaféiög sem
hafa starfsleyfi í sínu heimalandi
einungis að tilkynna að þau hyggist
stunda hér starfsemi. Með nýjum
lögum um vátryggingarstarfsemi
sem gengu í gildi í maí var opnað
fyrir þennan möguleika hér á landi
en áður þurftu erlend félög að sækja
um leyfi til að starfa hér.
Tryggingamiðlarar að
taka til starfa
Helgi Þórsson, tölfræðingur hjá
Vátryggingaeftirlitinu, sagðist í
samtali við Morgunblaðið, sjá fyrir
sér að erlendu félögin gætu tryggt
sér viðskipti hér á landi með því að
senda hingað sölumenn í nokkra
daga. „Við vitum aðeins um eitt
fyrirtæki sem hefur í undirbúningi
að setja upp skrifstofu með íslensku
starfsfólki. Annar möguleiki fyrir
félögin er að bjóða þjónustu sína
gegnum tryggingamiðlara eða ráð-
gjafa. Tryggingamiðlarar hafa lítið
starfað hér á landi en hugmyndin
er sú að þeir stundi smásölu á trygg-
ingum t.d. frá mörgum vátrygging-
arfélögum.
Reglugerð um tryggingamiðlun
var sett í sumar en hún reyndist
innihalda óaðgengileg skilyrði. Ný
reglugerð var gefín út milli jóla og
nýárs þannig að ég á von á því að
nokkrir miðlarar taki til starfa fljót-
lega. Við vitum að sumir þeirra
munu leggja höfuðáherslu á inn-
flutning á þjónustu."
Helgi benti hins vegar á að nýju
lögin kæmu íslensku vátryggingar-
félögunum einnig til góða vegna
aukins frjálsræðis. „Allt eftirlit með
vátryggingarfélögunum breytist og
þau þurfa nú ekki lengur að fá sam-
þykki fyrir skilmálum og iðgjöldum."
Ur Vátrygingafélagaskrá
Eftirtalin erlend tryggingafélög
hyggjast veita þjónustu hér á landi:
wc
Aetna National Accounts U. K. Limited Breskt
Allianz Lebensversicherungs AG Þýskt
The Association of Underwriters, Lloyd’s Breskt
The British Aviation Insurance Company Limited Breskt
Champagnie Francaise d’Assurance pour le Commerce Extérieur (COFACE) Franskt
FM Insurance Company Limited Breskt
Friend’s Provident Life Office Breskt
Gan Minster Insurance Company Limited Breskt
Heddington Insurance (U. K.) Limited Breskt
Kemper S. A. Belgískt
Maatschappij tot Onderlinge Verzekering Tegen de Geldelijke Gevolgen van Arbeidsongeschiktheid Movir U.A. Hollenskt
NAMUR Assurance du crédit S.A. Belgískt
Royal Insurance Plc. Breskt
Sirius International Insurance Corporation Sænskt
Sun Life Assurance Society Plc. Breskt
UNI Storebrand Skadeforsikring AS Norskt
Wúrttembergische Versicherung AG Þýskt
Gengismál
Spá gengislækkun á árinu
Forsvarsmenn fyrirtækja í inn- og útflutningi
svartsýnir í skoðanakönnun Gjaldeyrismála en
seðlabankastjóri segir óttann ástæðulausan
MÖRG af helstu fyrirtækjum lands-
ins í inn- og útflutningi ásamt fjár-
málafyrirtækjum o.fl. aðilum sem
fylgjast grannt með gengismálum
telja líklegt að gengi krónunnar
lækki umfram 2,25% fráviksmörk
fastgengisstefnunnar innan 12
mánaða. Þetta kemur fram í nýrri
skoðanakönnun fréttabréfsins
Gjaldeyrismála sem gefíð er út af
ráðgjafarfyrirtækinu Ráðgjöf og
efnahagsspám. Svör fengust frá 48
aðilum.
Samkvæmt könnuninni töldu
rúmlega 60% svarenda að gengið
muni víkja frá fráviksmörkunum
innan 6 mánaða og 91,5% svarenda
sögðu að það myndi gerast innan
12 mánaða. Flestir þeirra sem
vænta gengisbreytingar telja að
gengið muni lækka eða 95,6%, tveir
aðilar telja að gengið muni hækka
en þrír að gengið verði óbreytt.
Hins vegar sögðust 60% svarenda
ekki telja meira en helmingslíkur á
því að flotgengisstefna yrði tekin
upp í stað fastgengisstefnu.
Könnunin var gerð meðal áskrif-
enda Gjaldeyrismála en þar á meðal
eru mörg af helstu fyrirtækjum í
inn- og útflutningi, sjávarútvegi,
iðnaði og verslun ásamt bönkum,
verðbréfafyrirtækjum, lífeyrissjóð-
um og sveitarfélögum. Allir þessir
aðilar eiga það sameiginlegt að
fylgjast grannt með gengis- og
gjaldeyrismálum.
Fram kemur í fréttabréfinu að
niðurstöður könnunarinnar séu án
efa mótaðar af þeirri almennu fjár-
málaóvissu sem nú ríki og stafi af
þrennu í senn. í fyrsta lagi séu
kjarasamningar lausir. í öðru lagi
séu fjármagnshreyfingar að fullu
fijálsar frá áramótum. í þriðja lagi
verði þingkosningar haldnar í vor
og óvissa ríki um hvers konar ríkis-
stjórn taki við af núverandi stjórn.
Að mati fréttabréfsins gæti upp-
hafið að þrýstingi á gengi krónunn-
ar orðið það að ótti skapist um að
í kjarasamningum verði samið um
óhóflegar kauphækkanir. í kjölfarið
myndi ótti um gengislækkun magn-
ast og fyrirtæki og einstaklingar
grípa til kaupa á erlendum gjald-
miðlum fyrir íslenskar krónur bæði
framvirkra kaupa og á daggengi.
Ásókn myndi síðan aukast í innlent
fjármagn til að fjármagna gjald-
eyriskaup og veija framvirka samn-
inga sem aftur ylli vaxtahækkun.
Þá myndi ríkissjóður auka hlutdeild
erlendrar fjármögnunar hallans í
því skyni að draga úr hækkun lang-
tímavaxta og til að auka gjaldeyr-
isforðann. Seðlabankinn myndi því
næst grípa til sérstakrar vaxta-
hækkunar í því skyni að draga úr
ásókn í fjármagn til gjaldeyris-
kaupa. Dæmi séu um að erlendis
hafi vextir verið hækkaðir mjög
mikið t.d. í Svíþjóð 1992 í 500%.
„Ekki ástæða til að óttast
kollsteypu"
Birgir ísleifur Gunnarsson, seðla-
bankastjóri, benti á í samtali við
Morgunblaðið að þátttakendur í
skoðanakönnun Gjaldeyrismála
væru ekki svartsýnni nú en í sams-
konar könnun í fyrra. „í fyrra töldu
allir að gengið færi út fyrir fráviks-
mörkin innan tveggja ára en nú eru
færri sem telja það. Þá bjuggust
svarendur við því að meðaltali að
gengið færi út fyrir mörkin eftir
átta og hálfan mánuð. Niðurstaðan
er svipuð núna.
Þá svara rúmlega 60% svarenda
því neitandi að meira en helming-
slíkur séu á því að flotgengisstefna
verði tekin upp aftur. Gengið hélst
mjög stöðugt á árinu 1994 þannig
að þeir sem spáðu gengislækkun
þá höfðu augljóslega rangt fyrir
sér. Ég er þeirrar skoðunar að svo
muni verða aftur.
í hinu almenna efnahagsum-
hverfi er allt sem bendir til þess
að gengið verði stöðugt. Raungeng-
ið er í sögulegu lágmarki, viðskipta-
jöfnuður hefur verið jákvæður á
árinu 1994 og verðbólga er í sögu-
legu lágmarki. Óvissan í kringum
kjarasamningana á ekki að gefa
neitt tilefni til þess að óttast neina
kollsteypu."
Tónlistarrisar
kaupa hlut í STAR
Honj? Kong. Reuter.
FJOGUR af voldugustu tónlistar-
fyrirtækjum heims hafa keypt
hlut í popptónlistarrás STAR-
sjónvarps fjölmiðlakóngsins Ru-
perts Murdochs og samkeppni um
hylli ungs fólks í Asíu hefur
harðnað samkvæmt tilkynningu
frá STAR.
Poppstöðin tók til starfa í maí
og þeir sem hafa keypt hlut í
henni eru BMG Entertainment
(Bertelsmann AG), EMI Music
(Thorn EMI Plc), Sony Pictures
Entertainment og Warner Music
Group (Time Warner Inc).
Samkvæmt góðum heimildum
seldi Murdoch 50% hlut í gervi-
hnattastöðinni, en sjálfur hyggst
hann halda áfram að stjórna
henni. EMI, Sony og Warner eiga
einnig hlut í VIVA, tónlistarsjón-
varpi í Þýzkalandi.
Fyrirtæki Murdochs, News
Corp, keypti 64% hlut í STAR
TV 1993 fyrir 525 milljónir
Bandaríkjadala og hefur verið
gagnrýnt fyrir að hafa greitt öf
hátt verð. Talið er að stöðin, sem
varstofnuð 1991, komi sléttútí
ár.
Helzti keppinautur STAR í
Asíu er fyrrverandi samstarfsað-
ili, MTV, gervihnattamúsíkstöð
Viacom International Inc. STAR
sendi út efni frá MTV í Hong
Kong, en sleit samvinnunni í
fyrra og hóf útsendingar á eigin
tónlistarefni.
I september hófust nýjar MTV-
sendingar í Asíu, fyrst á Ind-
Iandi, sem er mikill vígvöllur í
popptónlistarheiminum. Innan
tíðar verður meira popptónlistar-
efni sjónvarpað um gervihnetti
til Asiulanda á ýmsum tungumál-
’um. Gagnrýni á engilsaxneska
einstefnu í tónlistarvali og fram-
setningu verður tekin til greina
og meiri áherzla lögð á innlent
efni og innlenda kynningu.
Vaxtamál
Tveir bankar hækka
vextí á víxluin
BÚNAÐARBANKINN hækkaði í
gær forvexti á bankavíxlum um
0,6-0,85 prósentustig miðað við
1. desember í kjölfar hækkunar á
ávöxtunarkröfu ríkisvíxla. Lands-
bankinn hækkaði forvexti á Lands-
bankavíxlum úr 4,2% í 5,0% 3.
janúar, að sögn Brynjólfs Helga-
sonar aðstoðarbankastjóra.
Friðrik Halldórsson, forstöðu-
maður verðbréfaviðskipta Bún-
aðarbankans, sagði að forvextir á
bankavíxlum væru nú 5,25-6% og
ávöxtunin 5,41-6,22%. Hækkunin
væri tilkomin vegna hækkunar
ávöxtunarkröfu ríkisvíxla um 0,8
prósentustig í útboði á miðvikudag,
enda væru bankavíxlar í beinni
samkeppni við ríkisvíxla.
Jón Adolf Guðjónsson, banka-
stjóri Búnaðarbankans, sagði að
hann reiknaði ekki með að hækkun
á ávöxtunarkröfu ríkisvíxla hefði
áhrif á langtímavexti; það færi
varla nein skriða af stað.
Sigurveig Jónsdóttir, upplýs-
ingafulltrúi íslandsbanka, sagði að
ekki hefði verið rætt í bankanum
enn sem komið er um vaxtabreyt-
ingar í kjölfar hækkunar á ríkis-
víxlum.
Vextir á Kjörbók hækka
Brynjólfur Helgason sagði að
grunnvextir á Kjörbók Landsbank-
ans hefðu einnig hækkað úr 2% í
3%, en hækkanir verða svo lægri
á seinni þrepum ef innistæða helst
óhreyfð. Áður hækkuðu vextir um
1 prósentustig eftir 16 mánuði og
2 í viðbót eftir 24 mánuði, en nú
verður hækkunin 0,4 prósentustig
eftir 12 mánuði og 1 í viðbót eftir
24 mánuði.
B&L vill
BMW og
Renault
umboðin
SAMNINGAVIÐRÆÐUR
standa yfir á milli Bifreiða og
landbúnaðarvéla hf. og Bíla-
umboðsins hf. um að B&L taki
við umboði fyrir BMW- og
Renault-bifreiðar. Á starfs-
mannafundum í fyrirtækjun-
um í gærmorgun var skýrt frá
því að samningar væru á loka-
stigi, samkvæmt upplýsingum
Morgunblaðsins.
Gísli Guðmundsson, for-
stjóri B&L, vildi í samtali við
Morgunblaðið ekkert tjá sig
um þetta mál en Pétur Óli
Pétursson, framkvæmdastjóri
Bílaumboðsins, sagði að í
þessu efni væri allt falt ef rétt
væri boðið en vildi að öðru
leyti ekkert tjá sig um málið.
B&L hafa umboð fyrir
Huyndai- og Lada-bifreiðar. Á
síðasta ári seldi fyrirtækið alls
um 480 Huyndai-bifreiðar og
218 Lada-bifreiðar eða sam-
tals um 698 bifreiðar. Þetta
samsvarar tæplega 13% mark-
aðshlutdeild af fólksbílamark-
aðnum.
Bílaumboðið seldi aftur á
móti 226 Renault-bifreiðar og
28 BMW-bifreiðar eða um 254
bifreiðar. Fyrirtækið hafði því
um 4,7% markaðshlutdeild á
fólksbílamarkaðnum. Að auki
seldi Bílaumboðið 33 sendibíla
og nokkrar vörubifreiðar af
Renault-gerð.
Franskt
fargjaldastríð
París. Reuter.
FARGJALDASTRÍÐ er hafið á
einni fárra innanlandsleiða i Frakk-
landi, þar sem samkeppni flugfé-
Iaga er leyfð.
Ríkisflugfélagið Air Inter, sem hef-
ur hálfgerða einokun á innanlands-
leiðum, hefur lækkað fargjöld á
leiðinni París-Toulouse til bráða-
birgða vegna samkeppni frá Air
Liberté, Euralair og TAT, sem er í
eigu British Airways.
Franska stjórnin opnaði leiðirnar
París-Toulouse og París-Marseille
1. janúar vegna baráttu Evrópu-
sambandsins gegn höftum.