Morgunblaðið - 21.07.1995, Page 31

MORGUNBLAÐIÐ
FÖSTUDAGUR 21. JÚLÍ 1995 31
FRÉTTIR
AFMÆLI
Morgunblaðið/Guðmundur Ólafsson
FÉLAGAR í hestamannafélaginu Snarfara og björgunar-
sveitarmenn sjá um gæslu á tjaldsvæðinu meðan á kántrýhá-
tíðinni stendur. Á myndinni sjást nokkrir félagar í Snarfara
á æfingu hjá Hallbirni Hjartarsyni en gæslumennirnir verða
ríðandi og merktir fógetasljörnu við gæslustörfin.
Kántrýhátíð
á Skagaströnd
Skagaströnd. Morgunblaðið.
Nessöfn-
uður gróð-
ursetur í
Heiðmörk
SKÓGRÆKTARFÉLAG
Reykjavíkur hefur úthlutað
Nessöfnuði landspildu í Heið-
mörk til gróðursetningar og
umsjár í svonefndri Skógar-
hlíð. Fyrsta ferð í safnaðar-
reitinn verður farin sunnu-
daginn 23. júlí nk. og er þá
ætlunin að koma nokkrum
plöntum í jörðu.
Fólk á öllum aldri er vel-
komið í ferðina til að leggja
sitt af mörkum, smátt eða
stórt eða bara til að njóta
samvista stundarkorn í Heið-
mörk.
Fólk er beðið að klæða sig
í samræmi við veður og mælt
er með að hver og einn hafi
með sér nestisbita. Farið
verður frá Neskirkju skömmu
eftir að guðsþjónustu lýkur á
sunnudaginn eða um kl.
12.30.
UM verslunarmannahelgina
verður haldin kántrýhátíð á
Skagaströnd. Hátíðin er ætluð
fjölskyldufólki og eru
skemmtiatriðin miðuð við það.
Á dagskrá verða ratleikur,
vatnsfótbolti, útitónleikar,
grillveisla, varðeldur og flug-
eldasýning. Þess utan verður
kántrýdansasýning og kennsla
fyrir þá sem hafa áhuga á að
læra slíka dansmennt.
Dansleikir verða á tveimur
stöðum öll kvöldin þar sem
hljómsveit Magnúsar Kjartans-
sonar og hljómsveitin Kúrek-
arnir munu sjá um tónlistina.
Farið verður í gönguferðir
um Höfðann undir leiðsögn og
saga staðarins verður rakin.
Hestaleiga verður starfrækt
og áformað er að halda gospel-
messu í kirkjunni.
Útvarp Kántrýbær verður
með sérstaka dagskrá allan
sólarhringinn þar sem fram
koma ýmsir dagskrárgerðar-
menn. Að sjálfsögðu verður
Hallbjörn Hjartarson til staðar
á hátíðinni.
Norðurlandsmót í golfi verð-
ur einnig haldið á Skagaströnd
og Blönduósi þessa helgi. Þar
verða spilaðar 36 holur, 18
holur á vellinum við Blönduós
og 18 holur á vellinum við
Skagaströnd.
BJÖRGYIN
JÖRGENSSON
BJÖRGVIN Jörgens-
son, fyrrum kennari
og formaður KFUM á
Akureyri, er áttatíu
ára í dag. Hann er
fæddur á Akranesi og
sleit þar barnsskónum
ásamt systkinum sín-
um en fluttist ungling-
ur til Hafnarfjarðar
þar sem hann hóf nám
í rafvirkjun en settist
síðan á bekk í Kenna-
raskóla íslands 18 ára
að aldri.
Sem drengur kynnt-
ist Björgvin sr. Friðrik
Friðrikssyni, stofnanda KFUM og
KFUK á íslandi, en hann þjónaði
sem prestur á Akranesi um skeið
á uppvaxtarárum Björgvins. Á
námsárum sínum í Kennaraskól-
anum endurnýjaði hann kynni sín
við sr. Friðrik og hóf þá að sækja
fundi og samkomur hjá KFUM.
Kvöld eitt bauð góður kunningi
hans honum á samkomu, en það
kvöld flutti Magnús Runólfsson,
þá framkvæmdastjóri KFUM og
síðar prestur, ræðu. Magnús var
þá nýlega kominn frá Noregi og
átti þessi samkoma eftir að hafa
mikil áhrif á líf og störf Björgvins
Jörgenssonar. Að samkomunni
lokinni eignaðist hann sannfær-
ingu og trúarvissu um að Jesús
Kristur væri lifandi og persónuleg-
ur frelsari sinn. Hann hafði gefist
Kristi - komið til hans í bæn með
synd sína og galla og beðið Drott-
in að taka við sér. Hann hafði eign-
ast friðinn sem er æðri öllum skiln-
ingi.
Björgvin kynntist eiginkonu
sinni, Bryndísi Böðvarsdóttur, í
Reykjavík og eignuðust þau þrjú
börn: Ingibjörgu, Margréti og
Böðvar, en Bryndís lést langt um
aldur fram, aðeins 41 árs gömul.
Björgvin stundaði kennslu í
Borgarnesi um átta ára skeið og
á þeim tíma eignaðist hann marga
góða vini og félaga þar sem hann
annaðist kristilegt barnastarf jafn-
hliða kennslustörfum og hafa þau
tengsl sem þar spunn-
ust mörg hver haldist
fram á þennan dag.
Árið 1946 fluttist
Björgvin til Akureyrar
og þar fór á sömu leið
og í Borgarnesi að
hann hóf kristilegt
starf á meðal barna
og unglingá. Björgvin
fékkst við kennslu á
Akureyri um margra
ára skeið auk þess sem
hann stofnaði Kór
Bamaskóla Akur-
eyrar. Björgvin fór
með kórinn til Noregs
árið 1954 er var eftirminnileg ferð
þeirra sem fóru. Haustið 1946 tók
Björgvin til við að skipuleggja
kristilegt barnastarf í anda KFUM
og KFUK á Akureyri. Þetta starf
leiddi til þess að KFUM-félag var
stofnað á fullveldisdaginn 1951 og
KFUK-félag ári síðar. Björgvin var
fyrsti formaður KFUM á Akureyri
og gegndi því starfi allt til ársins
1993 að KFUM- og KFUK-félögin
voru sameinuð í eitt félag.
Björgvin heur lifað að sjá
drauma sína rætast á vettvangi
KFUM-starfsins. Sumarbúðirnar
við Hólavatn risu og voru vígðar
árið 1965, en þeim helgaði hann
starfskrafta sína á meðan þeir
entust.
Félagsheimili KFUM og KFUK
í Sunnuhlíð var tekið í notkun árið
1985, en við það varð mikil breyt-
ing á allri aðstöðu félaganna hvað
starf varðar. Að öllu þessu lagði
Björgvin hönd en mesta gleðin í
lífi hans var ávallt þegar ungt fólk
eignaðist lifandi frelsara og játaði
trúna á Jesúm Krist sem er megint-
ilgangur starfs KFUM- og KFUK-
félaganna.
Margs er að minnast frá sam-
starfsárum með Björgvin Jörgens-
syni. Það verður þó ekki tíundað
hér heldur aðeins þakkað fyrir far-
sælt samstarf að málefnum KFUM
og KFUK á Akureyri á þessum
tímamótum í lífi hans.
Jón Oddgeir Guðmundsson.
■ UM HELGINA verður boðið
upp á fjölbreytta dagskrá í þjóð-
garðinum í Skaftafelli og er öll-
um heimil þátttaka sér að kostn-
aðarlausu.
Á föstudeginum fer landvörður
í göngu út á varnargarða Skeiðár
kl. 11 og tekur gangan um 2 klst.
Á laugardeginum hefst svo
dagskráin kl. 14 með klukkutíma
barnastund fyrir 8-12 ára
krakka þar sem farið verður í
stutta náttúruskoðun og biyddað
upp á ýmsu skemmtilegu. Á sama
tíma, kl. 14, hefst ganga í fylgd
þjóðgarðsvarðar upp að gamla
Selbænum og verður á leiðinni
rætt um sögu ábúenda í Skafta-
felli og sambúð þeirra við land-
vættina, sú ganga tekur um 2-3
stundir. Kl. 17 verður svo farið
í stutta gróðurskoðunarferð inn
auraslóð að Skaftafellsjökli og
rætt um nytjar jurta að fornu
Og nýju.
Á sunnudeginum verður
barnastund fyrir 5-8 ára krakka
þar sem farið verður í stutta
náttúruskoðunnarferð, leikið og
spjallað og hefst hún kl. 11.
Helginni lýkur svo með kvöld-
rölti upp með giljum í gamla
Selbænum og til baka um Lamb-
hagann.
■ ÞESSA dagana er Georges
Massé frá LaSiDo-verksmiðjun-
um staddur á íslandi á vegum
Tónstöðvarinnar. Af því tilefni
verður haldin kynning á Godin
og Seagull gíturunum, sem og
hinum bandarísku Carvin gítar-
mögnurum, [ húsnæði Tónstöðv-
arinnar við Óðinsgötu 7.
Þar verður Georges Massé til
að fræða forvitna um efni og
smíði gítaranna. Þá munu Björn
Thoroddsen, Eðvarð Lárusson,
Sigurgeir Sigmundsson, Eiður
Arnarson, Vilhjálmur Guðjóns-
son o.fl. leika fyrir gesti og gang-
andi, auk þess sem boðið verður
upp á léttar veitingar. Kynningin
fer fram kl. 17-19.
■ TÓNLISTARHÁTÍÐIN Ryk-
rokk verður laugardaginn 12.
ágúst við félagsmiðstöðina Fella-
helli og er hún nú haldin í átt-
unda sinn. Tónleikarnir hefjast
kl. 17 og lýkur þeim skömmu
fyrir miðnætti.
Dagskrá tónleikanna er blanda
af þekktum hljómsveitum og
efnilegum nýliðum og samkvæmt
venju er lögð áhersla á fram-
sækna rokktónlist. Eftirtaldar
hljómsveitir leika í ár: Unun,
Funkstrasse, Kolrassa krókríð-
andi, Lipstikk, Olympía, Maus,
Botnleðja, Stolía, Pops dogs, 13,
Quicksand Jesus, Súrefni og
Dallas.
■ í HREÐAVATNSSKÁLA á
laugardagskvöld skemmtir
hljómsveitin Draumalandið. í
hljómsveitinni eru: Einar Þór Jó-
hannsson, söngur, gítar, Sigur-
dór Guðmundsson, bassi, Rík-
harður Mýrdal Harðarsson,
hljómborð, Lárus Már Her-
mannsson, trommur, söngur.
Morgunblaðið/Sverrir
SUMARMYND úr Viðey.
Hefðbundin
dagskrá í
Viðey
DAGSKRÁ er með hefðbundnum
hætti í Viðey um helgina. Á laug-
ardag verður gönguferð um
Austúreyna. Lagt verður af stað
frá kirkjunni kl. 14.15 og gengið
austur á Sundabakka, með við-
komu í skólahúsinu. Þar er nú
ljósmyndasýning frá lífi og starfi
fólksins á Sundabakka á fyrri
hluta þessarar aldar. Gangan
tekur um einn og hálfan tíma.
Á sunnudag verður messa kl.
14. Séra Hjalti Guðmundsson
messar. Dómkórinn syngur undir
stjórn Kjartans Siguijónssonar.
Sérstök bátsferð verður með
kirkjugesti kl. 13.30. Eftir messu
verður boðið upp á staðarskoðun
sem hefst í kirkjunni kl. 15.15.
Gengið verður um næsta ná-
grenni húsanna, saga staðarins
reifuð og fornleifauppgröfturinn
skoðaður. Staðarskoðun tekur
um þrjá stundarfjórðunga.
Ljósmyndasýningin í skólahús-
inu er opin alla daga. Veitingar
eru seldar í Viðeyjarstofu. Hesta-
leiga er starfrækt.
Bátsferðir eru úr Sundahöfn á
klukkutíma fresti frá kl. 13 um
helgar.
Utvistar-
dagar í Lóni
FERÐAÞJÓNUSTAN Stafafell
skipuleggur útivistardaga í Lóni
helgina 22.-23. júlí. Veitt verður
ókeypis leiðsögn í gönguferðum
um Stafafellsfjöll.
Farið verður á laugardegi um
Framfjöll. Gengið inn á Gildru-
fjall, Seldal, Hvannagil, að Gren-
isgili, út á Smiðjunes, upp að
Vötnum og fram.
Á sunnudeginum verður farið
um Innfjöll. Gengið verður úr
Nesi við Kollumúla, upp Leiðar-
tungur, horft yfir í Víðidal, farið
í Tröllakróka og til baka.
Fyrir þá sem vilja láta reyna
meira á hreysti og þol verður
báða dagana boðið upp á fylgd
í tindaklifur. Fyrri daginn verður
gengið á Grákinnartind (1.147
m), en síðari daginn verður geng-
ið á Sauðhamarstind (1.319 m).
Þessa daga verður veittur afslátt-
ur á tjaldstæðum, jeppaferðum í
Austurskógi og á Lónsöræfi. Á
laugardagskvöld verður grillað,
leikin tónlist undir berum himni
og varðeldur. Þar koma fram
Sigurður Flosason og hornfirskir
jazzgeggjarar.
Bakkagerði
100 ára versl-
unarafmæli
Á ÞESSU ári vecða 100 ár liðin
síðan Bakkagerði á Borgarfirði
eystra var löggiltur verslunar-
staður. Þessa dagana er þessara
tímamóta minnst með ýmsum
hætti.
Laugardaginn 22. júlí býður
sveitarfélagið til afmælissamsæt-
is í Fjarðarborg og verður þar
flutt hátíðardagskrá. Á sunnu-
dag verður messa í Bakkagerðis-
kirkju. Þar messar séra Þórey
Guðmundsdóttir sóknarprestur
og Snæfellskórinn syngur.
Á laugardagskvöld verður
dansleikur í Fjarðarborg. Grillað
verður við varðeld, útimarkaður
verður og leikjadagskrá fyrir
börnin.
Opnuð verður sýning á göml-
um og nýjum ljósmyndum úr
sögu Borgarfjarðar, handunnum
munum eftir Borgfirðinga og
ýmsum hlutum sem tengjast
verslunarsögu staðarins í 100 ár.
í tilefni af afmælinu verður
Leikfélagið Vaka með sýningar
á Álfaborginni eftir þær Kristínu
og Sigríði Eyjólfsdætur.