Morgunblaðið - 29.07.1995, Blaðsíða 35

MORGUNBLAÐIÐ
LAUGARDAGUR 29. JÚLÍ 1995 35
Undir-
skrifta-
söfnun á
Akranesi
UNDIRSKRIFTASÖFNUN
fór fram á Akranesi dagana
20. og 21. ágúst síðastliðinn.
Kveikjan að henni var þáttur
RÚV þar sem l^allað var um
mannréttindi í Kína. Undir-
skriftalistar lágu frammi í
nokkrum fyrirtækjum ásamt
bönkum, bensínstöðvum og
söluturnum. Texti undir-
skriftalistans var svohljóð-
andi:
Áskorun til íslenskra
stjórnvalda varðandi mann-
réttindabrot í Kína.
Við undirrituð förum þess
á leit við ríkisstjórn íslands
að hún beiti sér fyrir því að
kínversk stjórnvöld bindi
enda á mannréttindabrot sem
viðgangast þar í landi.
I fréttatilkynningu segir,
að alls hafi safnast 143 undir-
skriftir fólks á aldrinum
12-72 ára. Það er u.þ.b. 2,5%
þeirra sem búsettir eru á
Akranesi og samsvarar því
að u.þ.b. 3.000 Reykvíkingar
hefðu skrifað undir.
Undirskriftalistarnir hafa
verið afhentir Davíð Oddssyni
forsætisráðherra.
Kveðju-
messa í
Digranes-
kirkju
KVEÐJUMESSA verður á
morgun, sunnudag kl. 11, í
Digraneskirkju.
Séra Þorbergur Kristjáns-
son kveður söfnuð sinn, en
hann lætur af störfum sem
sóknarprestur safnaðarins nú
um mánaðamótin. Séra Þor-
bergur hefur þjónað Digra-
nesprestakalli síðan 1971,
lengst af í Kópavogskirkju,
en 25. september sl. var vígð
ný og glæsileg kirkja safnað-
arins við Digranesveg.
Að lokinni messu verður
kirkjugestum boðið til kaffí-
drykkju í safnaðarsal kirkj-
unnar.
Djass o g
blús á
Kaffi
Reykjavík
BRYNDÍS Ásmundsdóttir
jazz- og blússöngkona treður
upp á Kaffí Reykjavík á
sunnudagskvöldið.
Með henni leika Carl Möll-
er á píanó, Guðmundur Stein-
grímsson á trommur og Þórð-
ur Högnason á bassa.
Fjórmenningarnir leika að-
allega þekkta standarda.
Hljómleikarnir hefjast klukk-
an 22.
FRÉTTIR
Morgunblaðið/Runar Þór
YORKSHIRE terrier-hundurinn Presstop’s Easy Going
og eigandi hans, Elvar Jónsteinsson.
Alþjóðleg
hunda-
sýning í
Digranesi
HUNDARÆKTARFÉLAG ís-
lands heldur hundasýningu í
íþróttahúsinu í Digranesi, Kópa-
vogi, 3. september næstkomandi.
Vegna sýningarinnar eru
væntanlegir til landsins þrír
hundadómarar, Ole Staunskjær
og Birgit Roed frá Danmörku og
Don Miller frá Englandi. Um er
að ræða alþjóðlega sýningu, þar
sem hundarnir geta fengið al-
þjóðleg meistarastig, en aðeins
tvær slíkar sýningar eru haldnar
á ári.
Skráningarfrestur er til 3. ág-
úst og fer skráningin fram á
skrifstofu félagsins, sem nýlega
var flutt í Síðumúla 15, Reykja-
vík. Skrifstofan er opin kl. 14-18
alla virka daga. Einnig er hægt
að skrá þátttöku gegnum bréf-
síma.
Léku á fiðlu
o g píanó
fyrir fullu
Safnahúsi
Húsavík. Morgunblaðið.
TÓNLEIKAR voru haldnir í sal
Safnahússins nú nýlega. Það voru
þau Hjörleifur Valsson fiðluleikari
og Urania Menelau píanóleikari
sem léku fyrir fullu húsi áhorfenda
við mjög góðar undirtektir.
Hjörleifur hefur nýlokið tveggja
ára námi við Pragkonservatoríið,
en hann hlaut tékkneskan styrk.
Hjörleifur stefnir að því að halda
áfram námi hjá Petr Messiereur,
en hann er einn eftirsóttasti fiðlu-
leikari Tékka.
Urania er fædd á Kýpur og
hefur frá 16 ára aldri numið tón-
list í sama skóla og verið styrkt
til þess af tékkneska ríkinu.
Þau hafa víða komið fram á
tónleikum í Prag og léku meðal
annars við opnun málverkasýning-
ar Erros í Prag, að viðstöddum
Havel forseta Tékka og Vigdísi
Finnbogadóttur.
Hjörleifur og Urania munu
halda tónleika víðar á Norðurlandi.
Morgunblaðið/Sverrir
ÞÓRHALLUR Jósepsson, t.v., og Ari Arnórsson,
ritsljórar Mótors með 1. tölublaðið.
Mótor - nýtt bílablað
TÍMARITIÐ Mótor er komið út í
fyrsta sinn en það er helgað umfjöll-
un um hvers kyns bifvélar, notkun
þeirra og umhverfi.
Útgefandi er Mótorrit hf. en að
fyrirtækinu standa Fjölmiðlafélag
Landssambands íslenskra aksturs-
íþróttafélaga, Ari Arnórsson og
Þórhallur Jósepsson. Þeir tveir síð-
astnefndu eru jafnframt ritstjórar
hins nýja tímarits.
í Mótor eru greinar um fjöl-
skyldubíla, sportbfla, fornbíla, vöru-
bíla, rútur, kappakstursbíla, vinnu-
vélar, mótorhjól, um aksturskeppn-
ir, umferðarmál, réttindamál og
menn og málefni.
Meðal efnis í 1. tölublaði er út-
tekt á öllum bílum sem kosta minna
en eina milljón króna, reynsluakstur
á Hummer á Skjaldbreiði og Ómar
Ragnarsson skrifar um jeppa, jepp-
linga og jeppla. Mótor er 100 blað-
síður og kostar 645 kr. í lausasölu.
Sláttur hafinn í Skaftárhreppi
Víðast kal í túnum
Hnausum. Morgunblaðið.
SLÁTTUR er nú hafinn í Skaftár-
hreppi, en yfirleitt er heyfengur
lélegur. Kal er víðast í túnum eftir
mikil ísalög í vetur og kalt vor.
Þurftu nokkrir bændur að fara í
endurræktun túna vegna kalsins.
Illa hefur einnig sprottið vegna
þurrka en nú hefur nokkuð ræst
úr því.
Veðráttan hefur verið hagstæð
fyrir ferðamenn sem hafa verið all-
nokkrir undanfarið.
1 haust á að fullgera tvo kíló-
metra af veginum um Landbrot í
Meðallandi og telja heimamenn það
engan veginn nóg þar sem vegurinn
er eins og versti fjallvegur þar sem
hann er verstur.
Topp-
skórinn
stækkar
TOPPSKÓRINN í Veltusundi við
Ingólfstorg hefur verið starfrækt-
ur í 14 ár. í mars 1994 var útsölu-
markaður opnaður í Austurstræti
20 og nýlega var útsölumarkaður-
inn stækkaður og innréttingar
endurnýjaðar. Opnunartíminn hef-
ur verið lengdur og er opið frá kl.
9-18 alla virka daga.
Samgöngunefnd Alþing-
is á ferð um Vestfirði
ísafjörði. Morgunblaðið.
SAMGÖNGUNEFND Alþingis
ásamt nokkrum embættismönnum
er þessa dagana á ferð um Vest-
firði til að kynna sér ýmis sam-
göngumannvirki heimamanna sem
og til að heyra hljóðið í heimamönn-
um. Nefndin kom til ísafjarðar á
mánudag og fór þaðan til allra þétt-
býlisstaða á Vestfjörðum. Að sögn
Einars Kr. Guðfinnssonar, for-
manns samgöngunefndar, hefur
það færst í vöxt að þingnefndir
hafi farið í skoðunarferðir um land-
ið til að kynna sér aðstæður og er
ferð samgöngunefndar nú liður í
starfí nefndarinnar.
tæki
Hæffleiki #
heimilisl
Rowenia

Rowerifa
★
JAMES BURN
INTERNATIONAL
Efni og tæki fyrir nrite-é
járngorma innbindingu.
(tjj) J- ÁSTVRIDSSON HF.
SKIfflOUl 33,105 REYKJAVÍK, SÍMI552 3580