Morgunblaðið - 04.04.1996, Side 22

22 FIMMTUDAGUR 4. APRÍL 1996
MORGUNBLAÐIÐ
ERLENT
Reuter
LÖGREGLUÞJÓNN í Kaliforníu dregur konu, sem grunuð var
um að vera ólöglegur innflytjandi, á hárinu út úr bifreið við
vegarkant nálægt Los Angeles. Konan var síðan barin með kylfu.
Alþjóðavinnumálastofnunin
Vill aðgerðir
gegn barnavinnu
Genf. Reuter.
HUNDRUÐ milljóna barna vinna
víðs vegar um heim, oft við að-
stæður sem geta verið skaðiegar
eða hættulegar heilsu þeirra.
Kemur þetta fram í nýrri skýrslu
á vegum Alþjóðavinnumálastofn-
unarinnar, ILO.
í skýrslunni, sem byggir á rann-
sókn er náði til svæða í dreifbýli
og þéttbýli í Indónesíu, Ghana,
Senegal og á Indlandi, kemur
fram að fjórða hvert bam á aldrin-
um fimm til fimmtán ára í þessum
ríkjum er í hlutastarfi eða fullu
starfi. Rannsóknin var fram-
kvæmd á áranum 1992-1993.
ILO segir að oftar en ekki starfi
börnin við erfiðar og jafnvel
hættulegar aðstæður sem hafi
slæm áhrif á heilsu þeirra, mennt-
un og eðlilegan þroska.
Byggt var á nýjum aðferðum
við rannsóknina þar sem stofnunin
taldi að fyrri rannsókn, er náði til
200 ríkja og byggðist á hefðbund-
inni aðferðafræði, væri ekki full-
nægjandi hvað barnavinnu varð-
aði. Stjórnir þróunarríkja leggja
oft áherslu á að þær reyni að
koma í veg fyrir misnotkun barna
en að barnavinna sé nauðsynleg
á því þróunarstigi, sem þau séu á.
í ríkjunum fjórum, sem rann-
sóknin náði til, var fremur óal-
gengt að börn yngri en tíu ára
væru vinnandi en hlutfall vinnandi
bama óx hratt í aldursflokknum
tíu til fjórtán ára. Langstærsti
hópurinn er börn sem vinna kaup-
laust innan fjölskyldunnar. Stór
hluti barna afhendir foreldrum
sínum allar tekjur og í flestum
tilvikum er litið svo á innan fjöl-
skyldunnar að vinna barnanna sé
nauðsynleg til að viðhalda kaup-
mætti fjölskyldunnar.
LÖGREGLUÞJÓNN reiðir kylfu sína til höggs yfir meintum
ólöglegum innflytjanda. Hafin er rannsókn á því hvort lögreglu-
þjónarnir hafi beitt óhóflegu valdi.
Barsmíðar á innflyijendum í Kaliforníu
A
Arás lögreglunnar
mótmælt í Mexíkó
Los Angeles. Reuter.
ARAS tveggja lögregluþjóna í Kali-
forníu á tvo mexíkanska innflytjend-
ur hefur vakið reiði og hneykslan
allt frá hreysahverfum Los Angeies
til Hvíta hússins og bandaríska utan-
ríkisráðuneytisins. Mexíkönsk
stjórnvöld hafa sent Bandaríkja-
mönnum kvörtun vegna málsins.
Bill Clinton Bandaríkjaforseti
sagði að þetta atvik væri „áhyggju-
efni“ eftir að stjórnvöld í Mexíkó
sendu bandaríska utanríkisráðu-
neytinu orðsendingu og lýstu yfir
„hneykslan".
Hópar mexíkanskra Bandaríkja-
manna mótmæltu barsmíðunum á
götum úti á þriðjudag og kröfðust
réttlætis. Lögregluþjónarnir tveir
hafa verið sendir í launalaust leyfi
fyrir að beija mann og konu með
kylfum eftir langan eltingarleik á
hraðbrautum Kaliforníu 1. apríl.
Maðurinn og konan voru í pallbíl
ásamt 19 öðrum. Þegar pallbíliinn
var stöðvaður hlupu flestir á brott,
en maðurinn og konan komust ekki
út úr bílnum áður en lögreglu bar að.
Maðurinn og konan voru barin
með kylfum og sagði konan eftir á
að hún hefði óttast um líf sitt.
Minnir á Rodney King-málið
Atvikið náðist á fílmu og hefur
verið sýnt hvað eftir annað í Banda-
ríkjunum. Þykir þetta mál minna á
Rodney King-málið þegar lögreglu-
þjónar gengu í skrokk á blökku-
manni eftir eltingarleik á bifreiðum
árið 1991. Þegar lögregluþjónarnir
vora sýknaðir 1992 blossuðu upp
miklar óeirðir í Los Angeles, en tveir
þeirra vora sakfelldir síðar.
Bandaríska alríkislögreglan (FBI)
og lögreglan á staðnum rannsaka
nú málið. Annar mannanna hefur
verið lögregluþjónn í 21 ár, en hinn
í fimm ár.
Boðað hefur verið til mótmæla í
Los Angeles á laugardag vegna
þessa máls.
Hryðju-
verkalög
endur-
skoðuð
LOG um baráttu gegn hryðju-
verkum og heimildir til neyðar-
laga á Norður-írlandi verða
endurskoðuð á næstunni í Bret-
landi. Neðri deild þingsins
framlengdi á þriðjudagskvöld
til tveggja ára neyðarlögin sem
eru í gildi á svæðinu. Lögin
gera yfirvöldum m.a. kleift að
hafa menn í haldi án réttar-
halda og rétta í málum án at-
beina kviðdóms.
Danadrottn-
in g á spítala
MARGRÉT
Danadrottn-
ing var lögð
inn á sjúkra-
hús í gær
vegna of-
næmis en
hún veiktist
á mánudag.
Talsmaður
hirðarinnar
sagði í gær að ekki væri um
alvarleg veikindi að ræða en
læknar væru að kanna orsakir
ofnæmisins.
Erkibiskup
ákærður
SALVATORE Cassisa, erkibis-
kup í Monreale á Sikiley, hefur
verið ákærður fyrir að svíkja
sem svarar 30 milljónum króna
út úr landbúnaðarsjóðum Evr-
ópusambandsins. Réttað verður
í máli hans í júlí en biskup er
einnig sakaður um fjárdrátt í
sambandi við endurbætur á
dómkirkjunni.
Ihaldsmenn lofa
þjóðaratkvæði
um EMU-aðild
London. Reuter.
BREZKI íhaldsflokkurinn lofaði í
gær að beita sér fyrir þjóðaratkvæða-
greiðslu, verði ákveðið á næsta kjör-
tímabili að Bretland gangi í Efna-
hags- og myntbandalag Evrópu
(EMU) og taki þar með upp mynt
Evrópusambandsins, evró, í stað
sterlingspundsins.
John Major forsætisráðherra von-
ar að þetta loforð geti orðið til þess
að brúa bilið á milli Evrópusinna og
ESB-andstæðinga innan íhalds-
flokksins og hjálpað flokknum að
einbeita sér að baráttunni fyrir næstu
þingkosningar, sem haldnar verða
eigi síðar en í maí á næsta ári.
„Við höfum ákveðið að heita því
í kosningastefnuskrá okkar að ákveði
ríkisstjómin að ganga í myntbanda-
lagið á næsta kjörtímabili, verði að
staðfesta þá ákvörðun í þjóðarat-
kvæðagreiðslu," sagði Malcolm Rif-
kind utanríkisráðherra á blaða-
mannafundi í gær.
Evrópusambandið stefnir að því
að EMU taki gildi í byrjun ársins
1999. Bretland hefur samkvæmt
Maástricht-sáttmálanum undanþágu
frá þátttöku í myntbandalaginu.
Engu að síður telja margir ráðherrar
í ríkisstjórn íhaldsflokksins, þeirra á
meðal Kenneth Clarke fjármálaráð-
herra, að EMU-aðild sé í þágu hags-
muna brezks efnahagslífs. ESB-and-
stæðingar í flokknum mega hins
vegar ekki heyra á slíkt minnzt og
telja grafið undan fullveldi Bretlands
með þátttöku í myntbandalagi.
Clarke setti skilyrði
Orðrómur hefur verið á kreiki
undanfarnar vikur um að Clarke
hygðist segja af sér, yrði ákveðið að
bera EMU-aðiId undir þjóðina. Fjár-
málaráðherrann segist á móti þjóðar-
atkvæðagreiðslum, þar sem þær
gangi gegn þingræðinu.
Clarke sagði hins vegar á blaða-
mannafundi í London í gær að lof-
orðið um þjóðaratkvæðagreiðslu væri
sámeiginleg ákvörðun ríkisstjórnar-
innar og væri stefna flokks og ríkis-
stjómar fram að og fram yfir næstu
kosningar. í útvarpsviðtali neitaði
hann því að hann hefði st.illt samráð-
herram sínum upp við vegg með því
að hóta að segja af sér. Hann ítrek-
aði aftur á móti andstöðu sína við
þjóðaratkvæðagreiðslur almennt.
Samkomulagið, sem Rifkind
greindi frá, ber þess merki að Clarke
hafi sett sín skilyrði fyrir því að sam-
þykkja þjóðaratkvæðagreiðslu. Rif-
kind sagði að færi svo að ríkisstjórn
íhaldsflokksins ákvæði að leggja nið-
ur pundið og taka upp evró, myndi
Reuter
KENNETH Clarke fjármálaráðherra, Brian Mawhinney, for-
maður íhaldsflokksins, og Malcolm Rifkind utanríkisráðherra
skýra frá loforði íhaldsmanna um þjóðaratkvæðagreiðslu um
EMU-aðild á blaðamannafundi i London í gær.
hún fyrst fá lög þess efnis samþykkt
á þingi og síðan leggja málið í dóm
þjóðarinnar. Jafnframt yrðu ráðherr-
ar ríkisstjórnarinnar bundnir af slíkri
ákvörðun og þeim yrði ekki leyft að
beijast fyrir málstað andstæðinga
myntbandalags í slíkri atkvæða-
greiðslu.
í þágu flokks, ekki þjóðar
Eina þjóðaratkvæðagreiðslan, sem
áður hefur farið fram á Bretlandi,
var haldin fyrir 21 ári í tíð stjómar
Verkamannaflokksins. Þá vora
greidd atkvæði um aðild Bretlands
að Efnahagsbandalagi Evrópu og
hlaut hún stuðning tveggja þriðju-
hluta þjóðarinnar. Þá var ráðherram
Verkamannaflokksins hins vegar
leyft að styðja hvora fylkinguna sem
var.
Að þessu sinni hefur Verkamanna-
flokkurinn hins vegar ekki gert sig
líldegan til að bera EMU-aðild undir
þjóðaratkvæði, verði flokkurinn við
stjómvölinn eftir næstu kosningar,
sem margt bendir til. Gordon Brown,
talsmaður Verkamannaflokksins í
efnahagsmálum, sagði í gær um lof-
orð ríkisstjórnarinnar: „Þetta hefur
ekkert með þjóðarhagsmuni að gera.
Málið snýst eingöngu um að halda
saman klofnum flokki, sem hefur
orðið sér til skammar.“
Svisslend-
ingar slaka
á kröfum
Ziirich. Reuter.
SVISSNESKA stjómin samþykkti í
gær málamiðlanir á fjölmörgum svið-
um í því skyni að reyna að blása
nýju lífi í samningaviðræður við Evr-
ópusambandið um viðskiptamál. Hef-
ur nýtt tilboð Sviss um viðræður
þegar verið sent Evrópusambandinu.
Það hefur ekki síst staðið í vegi
fyrir viðræðunum að Svisslendingar
hafa viljað takmarka flutninga ESB-
borgara til Sviss og vörabílaumferð
í gegnum landið. Þá hefur verið deilt
um aðgang evrópskra flugfélaga að
flugvöllum í Sviss.
A þriðjudag náðu forystumenn
fjögurra stjómarflokka saman um
þær málamiðlanir er Svisslendingar
gætu sætt sig við og var málið tekið
upp í ríkisstjóminni í kjölfar þess.
Hótar þjóðaratkvæðagreiðslu
Christoph Blocher, einn forystu-
manna Svissneska þjóðarflokksins,
er hins vegar andvígur öllum tilslök-
unum á þessu sviði og hefur hótað
að beijast fyrir því að boðað verði
til þjóðaratkvæðagreiðslu um sam-
starfíð við ESB. Svisslendingar felldu
aðild að Evrópska efnahagssvæðinu
(EES) í þjóðaratkvæðagreiðslu árið
1992. Var Blocher einn helsti hvata-
maðurinn að þeirri atkvæðagreiðslu.
Svisslendingar eiga mikilla við-
skiptahagsmuna að gæta í viðræðum
sínum við ESB, ekki sízt hvað varðar
aðgang að Evrópumarkaðnum, en
viðræðumar hafa legið niðri frá því
í fyrra eftir að Svisslendingar höfnuðu
kröfum sambandsins um fijálst flæði
vinnuafls og vöruflutningabifreiða.