Morgunblaðið - 19.06.1996, Blaðsíða 2
2 MIÐVIKUDAGUR 19. JÚNÍ 1996
MORGUNBLAÐIÐ
FRÉTTIR
Mikil eftirspurn er eftir
lóðum á hafnarsvæðinu
MIKIL aukning hefur verið á um-
sóknum um lóðir á hafnarsvæði
Reykjavíkurhafnar, einkum við
Sundahöfn. Bæði er um að ræða
fyrirtæki sem vilja bæta stöðu sína
gagnvart flutningum og aðila á
svæðinu sem vilja stækka við sig,
svo sem olíufélögin, skipafélögin
og fyrirtæki sem tengjast rekstri
þeirra, að sögn Jóns Þorvaldsson-
ar, forstöðumanns tæknideildar
hjá hafnarstjóra.
Lóðagjöld nokkur
hundruð milljónir
Reykjavíkurhöfn úthlutar lóðum
á svonefndum lóðagjöldum sem er
fermetragjald, og er það hið sama
alls staðar á hafnarsvæðinu, alls
rúmar 3.000 krónur á fermetra.
„Lóðagjöid af þessu svæði nema
nokkur hundruð milljónum króna,
en kostnaðurinn við þróun landsins
nemur svipaðri tölu. Það að taka
land í notkun, ekki síst á hafnar-
svæði þar sem talsvert er um fyll-
ingar í sjó fram, kallar á gatna-
gerð, byggingu holræsakerfa og
annað slíkt sem er kostnaðarsamt.
I raun er eingöngu verið að skapa
þeim fyrirtækjum sem hér starfa
aðstöðu og olnbogarými á heppi-
legum lóðum til rekstrar," segir
hann.
Jón kveðst telja efnahagsbata í
íslensku þjóðfélagi helstu ástæðu
aukinnar eftirspurnar. „Margir
aðilar, sem hafa verið að spá í
framkvæmdir, þurfa að stækka
aðstöðu sína og staðsetja sig á
betri stöðum í borgarlandinu.
Fjölda fyrirtækja er vegna starf-
semi sinnar nauðsyn að vera nærri
hafnarsvæðinu og sérstaklega
flutningahöfninni í Sundahöfn, í
stað þess að flytja vörur sínar lang-
ar leiðir,“ segir hann. „En þótt
heilmikil eftirspurn sé eftir lóðum,
er ekki fullvíst að allar umsóknir
standi þannig að til úthlutunar
komi.“
Hægt að sinna flestum
Hann kveðst telja sýnt að hægt
verði að sinna flestum þeim sem
sækja um og í lok júní og á næstu
vikum þar á eftir verði teknar
ákvarðanir um þorra úthlutana.
„Þarna er aðallega um ýmis
svæði í Sundarhöfn að ræða, en
einnig um lóðir í Vesturhöfn. Við
höfum þetta sem þróunarsvæði,
sumt af þessu landi er til í dag en
annað er fyllingar í sjó, þannig að
talsvert verk er eftir við að búa
þar í haginn fyrir frekari stækkun
fyrirtækja og uppbyggingu," segir
hann.
Bowie til
*
Islands
í dag
BRESKA rokkstjarnan David
Bowie kemur til landsins í dag
ásamt fylgdarliði, alls 25 manns,
og heldur hann tónleika í Laug-
ardalshöll annað kvöld. Tónleik-
arnir eru á Listahátíð í Reykja-
vík en fyrirtækið Tin stendur að
þeim.
Bowie kemur hingað til lands
frá Rússlandi þar sem hann lék
í Moskvu og St. Pétursborg.
Ragnheiður Hansson hjá Tin seg-
ir að í samtali við Bowie á sunnu-
dag frá Rússlandi, hafi hann bor-
ið ástandinu þar illa söguna
vegna kosninga til embættis for-
seta landsins og lýst yfir mikilli
tilhlökkun sinni yfir fyrirhugaðri
Islandsferð.
„Hann sagðist ekki geta beðið
eftir því að koma til íslands,"
segir Ragnheiður en Bowie hefur
ekki komið hingað til lands fyrr,
fyrir utan stuttar viðdvalir vegna
millilendinga.
Fyrir skömmu var 500 miðum
MIKIÐ var um að vera í Laugardalshöll í gær þegar uppsetning hófst á tækja- og sviðsbúnaði
vegna tónleika Davids Bowie annað kvöld, en vegna þeirra eru sjö tonn af búnaði flutt hingað til lands.
H^ssxá «.1 W*; 'lB
1 \ 1!
á tónleikana bætt við þá 5.000
sem voru uppseldir, og um miðj-
an dag í gær voru rétt rúmlega
100 miðar eftir af viðbótinni að
sögn Ragnheiðar. Ljóst er því að
uppselt verður á tónleikana.
Vegna tónleikanna eru flutt
inn sjö tonn af margvíslegum
búnaði. í fylgdarliði Bowies má
nefna auk hljóðfæraleikara, líf-
vörð hans, öryggissljóra tónleik-
anna, einkaritara ofl. Bowie
heldur af landi brott á föstudag.
Vegna tónleikanna kemur
hingað til lands tökulið MTV-
sjónvarpsstöðvarinnar sem
hýggst gera þátt um dvöl Bowies
á íslandi.
Borað eftir gulli
við Hafravatn
BORUN eftir gulli á jörðum Þor-
móðsdals og Búrfells í nágrenni
Hafravatns hefst í dag á vegum
fyrirtækisins Melmis hf. en Jarðbor-
anir hf. munu annast borunina.
MEÐ blaðinu í dag fylgir fjög-
urra síðna auglýsingablað frá
BYKO.
Gull hefur fundist í kulnuðum jarð-
hitaæðum á þessum stöðum og
verða á næstunni boraðar 5-10
100-150 metra djúpar holur. Að
sögn Guðmundar Ómars Friðleifs-
sonar jarðfræðings ættu niðurstöð-
ur borananna að liggja fyrir í lok
ársins.
Eigendur Melmis eru Málmís hf.,
sem er í eigu Kísiliðjunnar og Iðn-
tæknistofnunar, og erlendir hlut-
hafar frá Kanada, Ástralíu og Sví-
þjóð. Leit að gulli hófst á vegum
Orkustofnunar, Kísiliðjunnar og
Iðntæknistofnunar 1989-1990 á
svæðinu frá Borgarfirði og austur
um land að Eyjafirði og stóð leitin
í þrjú ár. Síðan hafa verið unnar
skýrslur um niðurstöðurnar og leit-
að samvinnu við erlenda aðila um
fjármögnun frekari rannsókna sem
nú eru að hefjast.
Grafið var eftir gulli í landi Þor-
móðsdals og Búrfells á árunum
1911-13 og 1923-25 og stóð Einar
Benediktsson skáld að þremur fé-
lögum sem unnu að gulíleitinni, en
niðurstöður hennar lágu aldrei end-
anlega fyrir.
Andlát
ENGELLUND
ENGEL LUND söng-
kona lést í Landspítal-
anum laugardaginn
15. júní síðastliðinn, á
96. aldursári. Hún var
af dönskurn ættum en
fæddist á Islandi 14.
júlí árið 1900 og ólst
hér upp til ellefu ára
aldurs. Foreldrar
hennar voru Michael
Lars Lund, lyfsali í
Reykjavíkurapóteki,
og lcona hans, Emilie
Marie Magdalene
Hansen.
Engel Lund var oft
nefnd Gagga. Hún lauk stúdents-
prófl I Kaupmannahöfn árið 1919
og lagði síðan stund á söngnám í
Kaupmannahöfn, París og Þýska-
landi. Frá árinu 1933 var hún á
nær stanslausum tónleikaferðalög-
um, en hún settist að í London í
síðari heimsstyijöldinni og starfaði
lengi þar. Hún var þekkt sem þjóð-
lagasöngkona víða um heim og
hafði það fyrir sið að ljúka öllum
tónleikum sínum á íslensku þjóðlagi
og oftast varð lagið Litlu börnin
leika sér fyrir vaiinu.
Engel fluttist aftur
til íslands þegar hún
hætti að syngja opin-
berlega árið 1960.
Hún var lengi kennari
við Tónlistarskólann í
Reykjavík og kenndi
nemendum sínum
heimavið framundir
nírætt. Árið 1960 gaf
hún út plötu og bók
um íslensk þjóðlög og
skýringar við þau.
Einnig má nefna að
Sigurður Nordal skrif-
aði um hana þekkta
grein sem hann kallaði
Litla stúlkan í apótekinu í sam-
bandi_ við fyrstu tónleikaferð henn-
ar á íslandi, en greinin birtist upp-
haflega í Ungu íslandi árið 1947
og síðan í Félagsbréfum Almenna
bókafélagsins 1961.
Engel Lund var sæmd riddara-
krossi hinnar íslensku fálkaoi'ðu
m.a. fyrir kennslustörf og þátt sinn
í að kynna íslensk þjóðlög á er-
lendri grund.
Engel var ógift og barnlaus en
hún átti marga vini og velunnara á
íslandi.
Áætlunar-
flug hafið
til Berlínar
FLUGLEIÐIR hófu áætlunar-
flug til Berlínar í gær, þriðju-
dag, og verður flogið einu sinni
í viku fram til 10. september.
Flugleiðir hafa samvinnu við
þýska flugfélagið LTU á þess-
ari leið og flogið er á flugnúm-
erum beggja félaga.
Þota, sem Flugleiðir nota til
Berlínarflugsins, er af gerðinni
Boeing 737-400 og tekur 153
farþega. Flugtími frá Kefiavík
til Berlínar er um þijár klukku-
stundir og 15 mínútur. Halldór
Blöndal samgönguráðherra
opnaði flugleiðina formlega á
Schönefeld-flugvelli í gær.
Að sögn Margrétar Hauks-
dóttur hjá upplýsingadeild
Flugleiða eru bókanir góðar og
eru þær langflestar frá Þýska-
landi, sem er einn mikilvægasti
markaður Flugleiða fyrir ferða-
menn til íslands.
Flugleiðir fljúga nú áætlun-
arflug til fimm borga í Þýska-
landi.
Reykjanesbraut
Lýsing
fyrir árslok
VEGAGERÐIN hefur óskað
eftir tiiboðum í lögn strengja
og skurðgröft á Reykjanesbraut
milli Kapelluhrauns og Leifs-
stöðvar. Fyrsta útboðið verður
opnað 1. júlí. Áætlað er að verk-
inu verði að fullu lokið l. gept-
ember, en þá tekur viðmppsetri-
ing ljósastaura.
Jónas Snæbjörnsson, for-
stöðumaður Reykjanesumdæm-
is Vegagerðarinnar, segir að
fjárveiting til lýsingar á Reykja-
nesbrautinni sé 130 milljónir.
Stefnt sé að því að verkinu verði
að fullu lokið 1. desember.
Auk fyrrnefnds útboðs verða
tvö önnur á vegum Vegagerðar-
innar vegna þessa verks. Annars
vegar er útboð á efniskaupum,
ljósastaurum og lömpum, á Evr-
ópumarkaði og hins vegar útboð
á uppsetningu ljósastauranna.
Sprengdu
kínverja
í flösku
TVEIR piltar á 18. ári voru
handteknir á Selfossi í fyrra-
kvöld fyrir að sprengja heima-
tilbúna sprengju í íbúðarhverfi.
Rúða brotnaði I húsi en engum
varð meint af. Að sögn lögreglu
hefði sprengjan þó hæglega
getað valdið skaða á fólki.
Piltarnir sprengdu fyrst tvo
kínveija, að öllum líkindum úr
flugeldum, í nágrenni við Ölfus-
árbrú. Þeir settu svo kínveija í
glerflösku og sprengdu hana á
bak við Fossnesti. Aðra slíka
sprengju sprengdu þeir síðan
inni í íbúðarhverfi í nágrenni
Fossnestis. Glerbrot úr flösk-
unni þeyttist í glugga nærliggj-
andi húss og braut rúðu.
Mikið slasaðir
eftir árekstur
IVEIR ungir piltar slösuðust
alvarlega þegar bifhjól sem þeir
tvímenntu á ók í veg fyrir fólks-
bifreið á mótum Vulhúsabraut-
ar og Hæðarbrautar um klukk-
an 19 í gær.
Annar piltanna, sem eru
bræður, brotnaði illa á fæti en
hinn slasaðist m.a. á baki. Báð-
ir gengust undir aðgerð í gær-
kvöldi á slysadeild Sjúkrahúss
Reykjavíkur.