Morgunblaðið - 08.11.1996, Blaðsíða 13

MORGUNBLAÐIÐ
FRETTIR
FÖSTUDAGUR 8. NÓVEMBER 1996 13
EIGENDUR KR-þjónustunnar hafa verið að auka viðskipti fyrir-
tækisins. Magnús Þorsteinsson er til vinstri á myndinni og
Smári Jósafatsson til hægri.
FYRSTA sumarið var gott hjá Gallery pizza. Hér er, til vinstri,
annar eigandi fyrirtækisins, Þorsteinn Jónsson, ásamt Siguijóni
Sváfnissyni starfsmanni staðarins.
Einstaklingar rífa upp
kaupfélagsrekstur-
inn á Hvolsvelli
Hreyfing hefur komist á atvinnulífíð á Hvolsvelli eftir sameiningn
*
Kaupfélags Rangæinga og Kaupfélags Amesinga eins og Helgi
Bjarnason komst að í heimsókn á Hvolsvöll. Einstaklingar hafa
tekið við ýmsum rekstrarþáttum og stofnað til nýs atvinnurekstrar
og er að verða líflegt um að litast á ýmsum stöðum þar sem kaup-
félagið var áður með dauflegan rekstur.
Morgunblaðið/RAX
BRÁÐUM verður aftur líf í söium Húsgagnaiðjunnar. Hér er Friðrik Óskarsson t.v. eigandi húss-
ins ásamt Helga Hermannssyni skrifstofumanni í bókhaldsþjónustunni.
HVOLSVÖLLUR byggðist upp með
Kaupfélagi Rangæinga og þróun
byggðarinnar og velmegun íbúanna
hefur fram á síðustu ár farið mest
eftir gangi þessa eina fyrirtækis.
Því var það mikið tilfinningamál hjá
mörgum íbúum héraðsins þegar
ákveðið var fyrr á þessu ári að sam-
eina félagið Kaupfélagi Árnesinga á
Selfossi undir nafni KÁ. Fólk ótt-
aðist atvinnuleysi, fækkun góðra
starfa og minnkandi þjónustu. Að-
eins örfáum mánuðum eftir samein-
ingu er að koma í ljós að þessi
hræðsla virðist hafa verið ástæðu-
laus. Atvinnulífið hefur eflst við
breytinguna og íbúarnir fá betri
þjónustu því fjöldi einkafyrirtækja
hefur sprottið upp og yfirtekið rekst-
ur sem KR var með og komið upp
nýrri starfsemi. Nú er komin starf-
semi í byggingar sem stóðu ónotaðar
árum saman hjá kaupfélaginu.
Breytt viðmót starfsfólks
Við yfirtöku KÁ á rekstrinum á
Hvolsvelli var því lýst yfir að KÁ
sérhæfði sig í ákveðnum rekstri, það
er matvöruverslun, ferðaþjónustu og
þjónustu við búrekstur, og myndi
reyna að koma öðrum rekstri á
staðnum í annarra hendur. Að þessu
hefur verið unnið. Það var einnig
hluti af forsendum sameiningarinnar
að bankar og sjóðir yfirtóku stóran
hluta af fasteignum félagsins. Frá
því KÁ tók við rekstrinum hefur
félagið verið að selja frá sér rekstrar-
einingar og leigja húsnæði og lána-
stofnanirnar að selja eða leigja fast-
eignir sínar.
í nokkrum tilvikum hafa fyrrver-
andi starfsmenn KR fengjð aðra til
liðs við sig við kaupin. í kjölfarið
hafa orðið breytingar á rekstrinum
og þjónustunni. Þykjast menn sjá
breytingar á viðmóti gamalla starfs-
manna KR þegar þeir eru orðnir
sjálfs sín herrar eða undir nýrri
stjórn. Magnús Halldórsson sem
áður var verkstjóri á Vélaverkstæði
KR en nú eigandi þess fyrirtækis
segir að þetta sé staðreynd. KR
hafi lengi átt í fjárhagserfiðleikum
og orðið að halda öllu í lágmarki.
Hætta væri á því að starfsfólk staðn-
aði og yrði hálf leitt við þannig að-
stæður. Þegar nýir eigendur væru
að leggja sig fram við að finna við-
skipti og fríska upp húsnæði hrifust
starfsmennirnir með. Þá segir hann
að lögð sé enn meiri áhersla en áður
á gott viðmót og þjónustulund við
viðskiptavini fyrirtækisins.
KR-þjónustan fer vel af stað
Rekstur vélaverkstæðis og þó
einkum bílaverkstæðis KR var að
drabbast niður vegna erfiðleika
kaupfélagsins. Töluverð starfsemi
var þó í Vélaverkstæðinu og það lifði
á fornri frægð. í júní keyptu Magn-
ús Halldórsson yfirverkstjóri og
Smári Jósafatsson vélvirkjameistari
úr Reykjavík fyrirtækið og reka
undir nafninu KR-þjónustan ehf.
Leigja þeir húsið af KÁ nema hvað
rafmagnsverkstæði sem áður var á
vegum KR en nú er í eigu fyrrver-
andi starfsmanns og Árvirkjans hf.
á Selfossi er rekið í hluta plássins.
KR-þjónustan rekur vélaverkstæði
og efnissölu og bílaþjónustu ásamt
varahlutaverslun.
Smári Jósafatsson var áður mark-
aðs- og sölustjóri í fyrirtæki föður
sins, J. Hinriksson vélaverkstæði.
Hann segist lengi hafa haft áhuga
á að fara út í sjálfstæðan rekstur
og hafi strax verið tilbúinn þegar
hann frétti af því að Magnús væri
að leita að félaga til að kaupa véla-
verkstæðið. Smári segir að rekstur-
inn hafi gengið vel í sumar, tekist
hafi að auka veltuna á vélaverkstæð-
inu og búið sé að ná upp viðskiptum
bílaþjónustunnar. Þjónusta hefur
verið aukin en Smári telur þó að sú
áhersla sem þeir hafí lagt á kynn-
ingu þjónustunnar um allt Suðurland
og að bera sig eftir verkefnum hafi
skilað mestu.
Húsgögn framleidd á ný
Friðrik Óskarsson stofnaði bók-
haldsskrifstofu á Hvolsvelli í byijun
ársins og fékk þá leigt herbergi í
Húsgagnaiðju KR sem staðið hefur
lítið notuð árum saman. Hann keypti
síðan meirihlutann í steypustöðinni
Stöpli sem svo festi kaup á Hús-
gagnaiðjuhúsinu. Það er liðlega
1.700 fermetrar að stærð og var í
eigu Samvinnulífeyrissjóðsins frá
sameiningu kaupfélaganna. Hefur
Friðrik verið að byggja þar upp vísi
að þjónustumiðstöð. Seldi Þormari
Andréssyni verktaka 250 fermetra
og leigir nokkrum aðilum, auk þeirr-
ar starfsemi sem er þar á hans veg-
um en það er bókhaldsþjónustan,
steypustöðin Stöpull, útibú Lög-
manna Suðurlandi, fasteignasala og
fleira. Enn stendur stór hluti hússins
ónotaður en til stendur að bæta úr
því, að sögn Friðriks.
Friðrik hefur nú fest kaup á vélum
Húsgagnaiðjunnar og beitt sér fyrir
stofnun hlutafélags um innréttinga-
og húsgagnaframleiðslu í húsnæðinu
í samvinnu við húsgagna- og innrétt-
ingaverslunina Stólinn ehf. í Kópa-
vogi og einstaklinga á Hvolsvelli.
Fyrirtækið nefnist Form-innrétting-
ar ehf. og er fyrirhugað að framleiða
húsgögn og innréttingar undir því
vörumerki.
Áætlað er að starfsemin hefjist um
áramót og að 15 manns fái vinnu
við hana.
Friðrik býr í Reykjavík og segist
hafa leiðst út í þessi umsvif á Hvols-
velli. Hann hafi fengið svo mikinn
stuðning fólksins á staðnum þegar
hann byijaði að ekki hafí verið aftur
snúið. Nefnir hann sérstaklega fé-
laga sína úr steypustöðinni, þá Jón
Óskarsson og Tryggva Ingólfsson,
þeir hafi staðið vel við bakið á sér.
Hann viðurkennir að margir hafi í
upphafi haft vantrú á þessu fram-
taki, talið að kaupfélagið eitt gæti
gert alla hluti en nú hefði þetta
breyst.
Fram úr björtustu vonum
í húsnæði sem áður hýsti Raf-
magnsverkstæði KR er kominn veit-
ingastaður, verslun og ýmis þjón-
usta. Hjónin Þorsteinn Jónsson og
Aðalheiður Sæmundsdóttir hófu þar
rekstur föndur- og handavinnuversl-
unar í byijun ársins en þau komu
frá Vestmannaeyjum. Þorsteinn
stofnaði síðan veitingastaðinn Gall-
ery pizza með Ingólfi Ingvarssyni
og hefur verið að auka þjónustuna
í húsinu. Þau eru með sólbaðsstofu
og leigja húsnæði undir hárgreiðslu-
stofu og nuddstofu. Húsið er í eigu
Landsbankans.
„Reksturinn gekk vel í sumar og
fór fram úr okkar björtustu vonum,“
segir Þorsteinn. Pizzastaðurinn er
inni í miðju þorpinu en þrátt fyrir
það hefur tekist að fá ferðafólk til
að koma þar við. Staðurinn hefur
fengið góða auglýsingu út á það að
senda pizzur inn á hálendið. Byijaði
þessi þjónusta á því að gönguhópur
á vegum Ferðafélagsins inni í Emstr-
um pantaði pizzur í einhveiju gríni
en Þorsteinn tók fólkið á orðinu, kom
flatbökunum fyrir í vel einangruðum
kössum, sendi jeppa með þær inn í
Emstrur og afgreiddi þær heitar. í
haust pöntuðu fjallmenn úr Lands-
sveit síðan pizzur inn í Landmanna-
helli.
„Það er mjög gott að vera með
rekstur hér á Hvolsvelli, ekki síðra
en í Eyjum þar sem ég var með
svipaða starfsemi," segir Þorsteinn.
Telur hann að sú breyting sem er
að verða í atvinnulífinu á Hvolsvelli
með mörgum minni fyrirtækjum í
staðinn fyrir eitt stórt sé mjög af
hinu góða. Einstaklingsframtakið
geti gert góða hluti og telur hann
að íbúar staðarins kunni að meta
það sem gert hefur verið.
Matvöruverð lækkað
í verslunarhúsi KR sem er í eigu
Landsbankans er KÁ með verslun
sína, VÍS með umboðsskrifstofu og
þar hefur Garðar Halldórsson fram-
kvæmdastjóri búrekstrarsviðs KÁ
starfsaðstöðu. Eftir skiptin var
verslunin frískuð upp og færð til
samræmis við aðrar KA-verslanir.
Við það lækkaði vöruverðið.
í skemmunum á bak við verslun-
arhúsnæðið þar sem áður var bygg-
ingavöruverslun KR og fóðuraf-
greiðsla félagsins er SG á Selfossi
með byggingavöruverslun og KÁ
með búrekstrardeild. Landsbankinn
á húsin. Við yfirtöku SG á bygg-
ingavörudeildinni hefur vöruval
aukist.
Hjónin Ágústa Guðjónsdóttir og
Guðjón Guðmundsson reka snyrti-
og sólbaðsstofuna Y1 í gamla mötu-
neytinu sem áður var í eigu KR.
Fleiri ný fyrirtæki eru á staðnum
þó ekki sé hægt að rekja þau beint
til falls kaupfélagsins, eins og til
dæmis bílaverkstæðið Bílvellir.
Enn er eftir að telja saumastofu-
húsið, stórt og mikið hús sem KR
átti en Iðnlánasjóður leysti til sín.
Ekki hefur tekist að selja það og
þar er lítil atvinnustarfsemi enn sem
komið er.
KR var með rekstur á Rauðalæk
og á þar enn fasteignir. Hefur sama
þróun orðið á þeim stað. Starfsmenn
keyptu bílaverkstæði og varahluta-
verslun en KÁ rekur verslun og
búrekstrardeild.
Urðu að hugsa öðruvísi
Garðar Halldórsson, fyrrverandi
kaupfélagsstjóri KR, er ánægður
með hvernig mál hafa þróast frá
samruna kaupfélaganna. „Þær
rekstrareiningar sem hafa verið
seldar hafa efist og verslanirnar
verið að auka hlut sinn. Það hefur
sýnt sig að með sérhæfingu næst
betri árangur," segir Garðar. Þá
segir hann að þjónustan hafi aukist,
vöruverð í mörgum tilvikum lækkað
og atvinna á staðnum ekki dregist
saman.
Helga Þorsteinsdóttir oddviti
Hvolhrepps segir að sameining
kaupfélaganna hafi komið af stað
hreyfingu í atvinnulífinu. „Einstakl-
ingar urðu að hugsa öðruvísi og
leggja sig meira fram. Menn sem
unnu hjá kaupfélaginu hafa fengið
aðra í lið með sér við að byggja upp
ný fyrirtæki. Ef þessi fyrirtæki
ganga vel verður hér mjög blómlegt
atvinnulíf," segir Helga. Hún segir
að varla sé hægt að tala um atvinnu-
leysi á Hvolsvelli, það sjáist rétt yfir
veturinn en á öðrum tímum árs vanti
frekar fleira fólk til vinnu.