Morgunblaðið - 11.01.1997, Blaðsíða 15

MORGUNBLAÐIÐ
VIÐSKIPTI
LAU GARDAGUR 11. JANÚAR 1997 15
URVERINU
Styttistísölu
Thomson
MontpelIier.Morgunblaðið.
FRANSKA ríkisstjórnin mun á
næstunni kynna endurskoðuð
áform sín hvað varðar fyrsta
áfanga einkavæðingar franska
rafeindaiðnaðarfyrirtækisins
Thomson SA og er búist við því
að hluti fyrirtækisins verði settur
á markað fljótlega.
Eins og kunnugt er hætti
franska ríkisstjórnin við sölu fyr-
irtækisins í desember og tilkynnti
skömmu síðar að hún hygðist
selja það í tveimur hlutum, ann-
ars vegar rafeindaarminn Thom-
son-CSF og hins vegar margmiðl-
unararminn Thomson Multi-
media.
í fyrstu lotu er ætlunin að setja
Thomson-CSF á markað en sala
á Thomson Multimedia mun bíða
uns endurfjármögnun hans er lok-
ið. Stjórn Thomson-CSF hefur
lýst því yfir að hún telji best að
selja fyrirtækið á opnum markaði
og nýtur sú leið stuðnings iðnað-
arráðherra Frakklands og virðist
heldur ekki vera varnarmálaráð-
herra landsins á móti skapi.
Samkvæmt því sem fram kemur
í franska dagblaðinu Les Echos,
kýs fjármálaráðherra Frakklands
hins vegar heldur að ganga til
samningaviðræðna við hæstbjóð-
anda um sölu á Thomson-CFS í
einu lagi. Aðstoðarmenn ráðherr-
ans þvertaka hins vegar fyrir að
hafa látið eitthvað uppi um við-
horf hans í þessu máli. Ríkisstjórn-
in fundaði um málið á þriðjudags-
morgun, en enn hefur ekki neitt
verið gefið upp um niðurstöðu
þess fundar.
Dassa ult-A erospa ti-
ale sameinast í vor
París. Reuter.
FRANSKA ríkisflugiðnaðarfyr-
irtækið Aerospatiale og herfiug-
vélaframleiðandinn Dassault verða
sameinuð í vor og verður nýja fyr-
irtækið síðan fljótlega einkavætt
að sögn talsmanna franska varn-
armálaráðuneutisins. Að sögn
stjórnvalda verður óháð einkavæð-
ingarnefnd Frakka beðin að meta
verðmæti fyrirtækjanna og láta í
ljós álit á skilmálum samrunans.
Sú ákvörðun ríkisstjórnarinnar
að bíða eftir samþykki einkavæð-
ingarnefndar áður en skilmálarnir
verða ákveðnir er talin benda til
þess að stjórnin vilji fara að öllu
með gát í máli Aerospatiale/Das-
sault og geri sér grein fyrir að
hún megi ekki við öðrum eins
skakkaföllum og klúðrinu í sam-
bandi við sölu Thomson SA í
fyrra.
Rúmlega 4 milljómr atvmnulausar
Kohl vill viðræður
um atvinnuleysi
Bonn. Reuter.
HELMUT KOHL kanzlari sagði á
fimmtudag að efnahagsbati Þjóð-
verja stæði traustum fótum, en lýsti
sig fúsan til nýrra viðræðna við
vinnuveitendur og verkalýðsleið-
toga um leiðir til að vinna bug á
atvinnuleysi.
Síðustu tölur sýna að 4.156 millj-
ónir Þjóðveija voru án atvinnu í
desember, fleiri en nokkru sinni frá
stríðslokum, og Kohl sagði að erf-
itt yrði að ná því takmarki að
minnka atvinnuleysi um helming
fyrir árið 2000, en ekki ógerlegt.
„Baráttam gegn atvinnuleysi er
enn meginviðfangsefnið innan-
lands,“ sagði Kohl á blaðamanna-
fundi, „og 4,1 milljónar atvinnu-
leysi, eins og nú, er óviðunandi.“
Kohl kvaðst reiðubúinn að stýra
nýjum viðræðum vinnuveitenda og
verkalýðsfélaga. Svipaðar viðræður
í fyrra um „bandalag um atvinnu"
fóru út um þúfur vegna andstöðu
verkalýðshreyfingarinnar gegn að-
haldsstefnu stjórnarinnar. Kohl tók
fram að ekki gæti orðið af nýjum
viðræðum nema án fyrirfram skil-
yrða.
Kohl sem vill koma í veg fyrir
tafir á fyrirætlunum um stofnun
myntbandalags Evrópu (EMU)
1999, lýsti sig andvígan þýzkri
þjóðaratkvæðagreiðslu um EMU,
en kvaðst vongóður um að fá þýzku
þjóðina á sitt band að lokum.
Flokkur sósialdemókrata sagði
að stjórn Kohls hefði „engar hug-
myndir og óljós loforð“ fram að
færa í baráttu gegn mesta atvinnu-
leysi síðan í heimskreppunni miklu.
Talsmaður flokksins í efnahags-
málum, Ernst Schwanhold sagði
að stórfellt atvinnuleysi ógnaði
stöðugleika í Þýzkalandi.
Tölur sýna að atvinnuleysi í des-
ember í 4.148 milljónir, eða 10,8
af hundraði og kann það að aukast
í 4.5 milljónir í vetur að sögn for-
stöðumanns þýzku vinnumálaskrif-
stofunnar, Bernhard Jagoda.
Kohl kvað eina ástæðuna inn-
flutning fólks frá Austur-Evrópu,
en kvaðst ekki skilja hvers vegna
fyrirtæki segðu upp fólki og núver-
andi starfsmenn yrðu að vinna yfir-
vinnu. Með minni yfirvinnu yrðu
til hundruð þúsunda starfa.
_ ^ Morgunblaðið/Þorkell
VERKSTJORAR og stjórnendur fyrirtækja innan ÍS funduðu í gær með starfsmönnum ÍS innan
lands og utan um markaðsmálin, söluna á síðasta ári og horfur á þessu. Ari Þorsteinsson, forstöðu-
maður sjávarútvegssviðs KEA, ávarpar fúndarmenn, en honum á hægri hönd eru Hermann Hans-
son, s^'órnarformaður ÍS, Árni Benediktsson fundarritari og Sæmundur Guðmundsson fundarstjóri.
Velta ÍS jókst um
6 milljarða í fyrra
Sala afurða árið 1996 nam alls um 166.000 tonnum
ÍSLENZKAR sjávarafurðir seldu
á síðasta ári 166.300 tonn af fiski
og fiskafurðum að verðmæti rúm-
lega 20 milljarðar króna. Það er
meira en hundrað þúsund tonna
aukning frá árinu 1995. Aukning-
in á sölu afurða frá íslandi er 71%
og sala afurða frá erlendum fyrir-
tækjum hefur tífaldazt. Alls voru
seld 98.600 tonn héðan að heim-
an, en 67.700 frá erlendum fyrir-
tækjum. ÍS er þar með orðinn
stærsti seljandi sjávarafurða á
íslandi. Afkoma ÍS á síðasta ári
liggur ekki fyrir, en þegar er þó
ljóst, að hún var betri en árið
áður. Heildarvelta fyrirtækisins
varð tæplega 21,3 milljarðar
króna og jókst um rúma 6 millj-
arða frá árinu 1995.
Framleiðsla ÍS á síðasta ári nam
alls 135.500 tonnum, sem er rúm-
lega tvöfldun frá árinu 1995. Á
íslandi voru framleidd 72.400
tonn, sem er aukning um 22%.
Framleiðsla á botnfiski dróst sam-
an um 11,6%. Þar munar mestu
um 15% samdrátt í þorski, 28% í
ýsu, 33 í karfa og 19 í ufsa. Mikil
aukning varð á framleiðslu á stein-
bít og öðrum tegundum. Loðnu-
framleiðsla varð alls um 20.700
tonn, sem er rúmlega tvöföldum
frá árinu 1995 og síldarfrysting
jókst um 41%. Þá tvöfaldaðist
framleiðsla á rækju og varð hún
alls um 9.100 tonn.
Mest selt af alaskaufsa
Framleiðsla á erlendri grundu
varð alls rúmlega 63.000 tonn, sem
er meira en tíföldun frá árinu áður.
í Namibíu voru framleidd 5.700
tonn, sem er 34,7% aukning frá
árinu áður, en þar er uppistaðan
lýsingur. Hjá UTRF á Kamtsjatka
tslenskar
sjávarafurðir hf.
>í>:i jf
| lJ • ii •• ■ ■ ■ ^
25-pmilljarðar
króna
Velta 1992-96
20
Annað
Sala erl. afurða
Útflutningur Cif
1992 1993 1994 1995 1996
voru framleidd 37.400 tonn, en á
síðasta ári seldi ÍS aðeins rúmlega
1.400 tonn þaðam. Uppistaðan í
þeirri framleiðslu er alaskaufsi,
42.600 tonn, síld, 6.800 tonn,
hrogn úr ufsanum 3.100 tonn og
kyrrahafsþorskur 3.600 tonn.
Alaskaufsi er því langstærsta fisk-
tegundin, sem framleidd var á veg-
um ÍS, en í tonnum talið kemur
loðnan, 20.600 tonn, næst, síld
rúmlega 20.000 tonn og þorskur,
10.500 tonn næst.
Horfum fram á betri tíð
„Árangurinn hérna heima næst
að rniklu leyti vegna dugnaðar
framleiðenda," segir Benedikt
Sveinsson, forstjóri IS. „Þeir eru
útsjónarsamir og hafa náð að auka
vinnsluna. Þessi árangur er einnig
vegna vinnu okkar sjálfra í sölu-
og markaðsmálum og við höfum
einnig náð í nýja framleiðendur
eins og Vinnslustöðina í Vest-
mannaeyjum sé dæmi tekið. Ég
held að horfurnar séu góðar áfram,
þó markaðurinn fyrir loðnu sé ekki
jafnopinn og í fyrra. í heildina litið
held ég að útlitið sé bara nokkuð
gott. Eg held að landvinnslan geti
einnig náð sér á strik, ef okkur
tekst að ná auknum þorskafla á
land og náð honum tiltölulega
ódýrt inn í húsin og unnið með
okkar ágæta vinnuafli. Markaður-
inn er að mínu mati góður um
þessar mundir. Því tel ég að við
horfum fram á betri tíð.
Hvað erlendu verkefnin varðar,
snýst málið um að viðhalda þeim
og bæta við þau í framtíðinni. Við
þurfum líka að ná meira út úr
því, sem við höfum þegar. Aukn-
ingin hjá okkur á síðasta ári er
auðvitað ævintýralega mikil og því
snýst málið kannski um að halda
fengnum hlut á þessu ári.
Miklar breytingar
Það er líka eftir miklu að sækj-
ast hér heima í viðskiptum með
fisk. Miklar breytingar hafa átt sér
stað á síðustu 10 árum og ég er
viss um að á næstu 10 árum verða
líka miklar breytingar. Við ætlum
okkur auðvitað ekki að sofna á
verðinum. Við verðum að fylgjast
með þeim breytingum sem eiga sér
stað og spila sem bezt úr þeim.
Það má til dæmis benda á þau
tækifæri sem felast í aukningu á
þorskafla. Þá við séum í landvinn-
ingum erlendis, höfum við auðvitað
ekki gleymt heimamarkaðnum,
sem er vissulega undirstaðan í
starfsemi okkar. Reyndar er sjáv-
arútvegurinn í vaxandi mæli án
landamæra, þannig að tækifærin
liggja í raun alls staðar," segir
Bendikt Sveinsson.