Morgunblaðið - 11.01.1997, Blaðsíða 48

48 LAUGARDAGUR 11. JANÚAR 1997
MORGUNBLAÐIÐ
Dýraglens
Ljóska
Ferdinand
BREF
TIL BLAÐSINS
Kringlan 1103 Reykjavík • Sími 569 1100 • Símbréf 569 1329
• Netfang: lauga@mbl.is
12 alþingismenn
á Islandi
Frá Fríðberti Traustasyni:
REGLULEGA berast okkur al-
múganum upplýsingar um hve allt
sé dýrt og óhagkvæmt hér á Is-
landi. Matur er dýr, þjónusta er
dýr, sjúkra-,
mennta- og
samgöngu-
kostnaður er að
tæma ríkiskass-
ann, framleiðni
starfsmanna
með því lægsta
sem þekkist í
heiminum og
svo mætti lengi
telja. Allir sér-
fræðingarnir sem hafa atvinnu af
því að upplýsa okkur um þessi
ósköp eiga vart orð yfir allri óráðs-
íunni og ástkærir landsfeður taka
undir gagnrýnina, — þegar þeim
hentar hveiju sinni.
Það er ef til vill að bera í bakka-
fullan lækinn að benda alþingis-
mönnum á eftirfarandi staðreynd:
Ef borið er saman við nágranna-
lönd okkar og notuð hin fræga
höfðatala og hugað að framleiðni,
hagkvæmni, arðsemi og öllum hin-
um hagfræðihugtökunum, þá ættu
12 þingmenn að sitja á Alþingi,
en ekki 63. En eins og við vitum
hentar samanburðarfræðin ekki
öllum, alltaf. Auðveldast er að
gagnrýna aðra, vegna þess að
„Allir vilja síns böls blindir vera“.
Hvað vilja íslendingar? Það er
dýrt að búa á Islandi og verður
ávallt dýrt. Allir sem um málið
hugsa gera sér það ljóst. Því er
furðulegt að um það megi ekki
tala. Hagfræðikenningar sem
henta milljónaþjóðum ganga hrein-
'iega ekki allar upp hjá 270 þúsund
manna þjóð í stóru og dreifbýlu
landi. Það er að segja ef við viljum
byggja velferðarþjóðfélag sem
veitir öllum landsmönnum sömu
góðu þjónustuna á sem flestum
sviðum. Við sem viljum byggja
ísland allt og veita öllum lands-
mönnum sambærilega þjónustu og
aðstöðu erum tilbúin til þess að
greiða þann kostnað sem því er
óhjákvæmilega samfara.
Það er ef til vill draumur ein-
hverra að leggja niður búsetu á
landsbyggðinni og fjölga eyði-
byggðum. Ég hef gengið um eyði-
byggðir Hornstranda og vissulega
er þar friðsælt og fallegt, en ég
get ekki hugsað mér að fleiri
byggðum landsins búi sömu örlög.
Má ég þá frekar biðja um áfram-
haldandi fagurt mannlíf í stórkost-
legri náttúru landsins.
FRIÐBERT TRAUSTASON,
formaður Sambands
íslenzkra bankamanna.
Friðbert
Traustason
Upplýsingar um
alnetstengingu við
Morgunblaðið
Tenging við heimasíðu
Morgunblaðsins
Til þess að tengjast heimasíðu
Morgunblaðsins, sláið inn slóðina
http://www.centrum.is/mbl/
Hér liggja ýmsar almennar upplýs-
ingar um blaðið, s.s netföng starfs-
manna, upplýsingar um hvernig
skila á greinum til blaðsins og
helstu símanúmer.
Morgunblaðið á alnetinu
Hægt er að nálgast Morgun-
blaðið á alnetinu á tvo vegu. Ann-
ars vegar með því að tengjast
heimasíðu Strengs hf. beint með
því að slá inn slóðina
http://www.strengair.is eða með
því að tengjast heimasíðu blaðsins
og velja Morgunblaðið þaðan.
Strengur hf. annast áskriftar-
sölu Morgunblaðsins á alnetinu og
kostar hún 1.000 krónur.
Sending efnis
Þeir sem óska eftir að senda
efni til blaðsins um alnetið noti
netfangið: mbl@centrum.is.
Mikilvægt er að lesa vandlega
upplýsingar um frágang sem má
finna á heimasíðu blaðsins. Það
tryggir öruggar sendingar og
einnig að efnið rati rétta leið í
blaðið. Senda má greinar, fréttir
og myndir eins og fram kemur á
heimasíðu blaðsins.
Mismunandi tengingar
við alnetið
Þeir sem hafa Netscape/Mos-
aic-tengingu eiga hægt um vik
að tengjast blaðinu. Einungis þarf
að slá inn þá slóð sem gefin er
upp hér að framan.
Þeir sem ekki hafa Netscape/
Mosaic-tengingu geta nálgast
þessar upplýsingar með Gopher-
forritinu. Slóðin er einfaldlega
slegin inn eftir að forritið hefur
verið ræst.
Mótöld
Heppilegast er að nota a.m.k.
14.400 baud-mótald fyrir
Netscape/Mosaic tengingar.
Hægt er að nota afkastaminni
mótöld með Gopher-forritinu.
Allt efni sem birtist í Morgunblaðinu og Lesbók er varðveitt i upplýsinga-
safni þess. Morgunbiaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.