Morgunblaðið - 08.08.1997, Blaðsíða 27

r
MORGUNBLAÐIÐ
FÖSTUDAGUR 8. ÁGÚST 1997 27
álver Norðuráls á Grundartanga
ÞAÐ var regnbogi yfir byggingarstaðnum á Grundartanga í gær.
illllllÍlS!
Fjármögnunarsamningar Norðuráls við bank-
ana Paribas og ING frágengnir
Lágur framleiðslukostn-
aður traustvekjandi
DAVID Cole frá Banque
Paribas í París og Sibylle
Scach von Wittenau frá
ING bankanum í Amster-
dam voru meðal þeirra bankamanna
sem hingað komu til að líta á fram-
kvæmdir við Grundartanga. Jafn-
framt var það erindi þeirra að undir-
rita ásamt þeim íslensku aðilum sem
að álversframkvæmdunum standa
þá samninga sem nauðsynlegir eru
til að tryggja byggingu og rekstur
álversins. Samningar um íjármögn-
un milli Norðuráls, Columbia Vent-
ures Corporation og bankanna verða
hins vegar undirritaðir í London í
næstu viku, væntanlega á föstudag.
Að sögn David Cole er ekkert sem
ætti að geta komið í veg fyrir að sú
áætlun standist; „það er búið að íeysa
öll mál milli bankanna og fjárfest-
anna og undirritunin nánast forms-
atriði,“ segir hann og segir að vegna
fjölda lögfræðinga og sérfræðinga
sem komi að verkefninu ytra þyki
rétt að undirritun fari fram í London.
Stuðningur stjórnvalda
lykilatriði
Þau Cole og Sibylle Scach von
Wittenau segja að vitneskja um ein-
dreginn stuðning íslensku ríkis-
stjórnarinnar við verkefnið og við-
leitni stjórnvalda til að laða orkufrek-
an iðnað til landsins hafi haft lykil-
þýðingu fyrir þátttöku banka þeirra
í verkefninu.
Um viðskiptalegt mat á stöðu
Norðuráls sögðu þau að verkefnið
hefði sterka samninga varðandi hrá-
efniskaup og afurðasölu, sem tryggi
tekjur. „Hér verður framleiðslu-
kostnaður lágur sem okkur þykir
traustvekjandi,“ sagði Cole.
Um það hvað það væri sérstaklega
við ísland að hans mati sem gerði
landið vænlegt fyrir stóriðju nefndi
hann fyrst og fremst orkumálin.
„Orkan er lykilatriði varðandi það
hve vel okkur líst á þetta verkefni.
Morgunblaðið/Arnaldur
DAVID Cole fyrir miðju í hópi bankamanna á Grundartanga í gær.
Tenging orkuverðsins við fram-
leiðslukostnaðinn auðveldar fjár-
mögnun og kostnaðaraðhald."
Einnig sagði hann að reynsla verk-
taka og hönnuða hér af stækkun
álversins í Straumsvík og reynsla
breska verktakafyrirtækisins
K-Home Engineering og Paul Cox
staðarverkfræðings af svipuðum
verkefnum væri mikilvæg.
Bankamennirnir sögðu að samn-
ingar þeirra við Norðurál og Columb-
ia Ventures Corporation miðuðust
nú allir eingöngu við 60 þúsund tonna
ársframleiðslu. „Ef um stækkun
verður að ræða þá held ég að megi
búast við því að verksmiðjan verði
endurfjármögnuð en við erum mjög
vongóðir og deilum trú fjárfestanna
á það að verksmiðjan verði stækkuð
innan tíðar.“
Fljótleg fjármögnun
Sybille Scach von Wittenau sagði
að þau David Cole hefðu unnið að
fjármögnun framkvæmdanna á
Grundartanga síðan 1. maí og hefðu
nær eingöngu sinnt þessu verkefni
síðan. „Við heyrum að mörgúm hafi
fundist fjármögnunin tímafrek en
það er um að ræða svo stórt verk-
efni að ég held að þetta hafi gengið
hraðar en ætla mátti." Þau komu
hingað í maí og sögðu að breyting-
arnar á byggingarstaðnum síðan
væru miklar og framgangur verksins
traustvekjandi.
Veðrið var ekki upp á það besta
á Grundartanga í gærmorgun og
nokkrum sinnum gerði hvassar skúr-
ir yfir bankamennina, sem greinilega
áttu ekki að venjast sumarveðri af
þessu tagi. David Cole er hins vegar
ekki ókunnugur landinu. „Ég vann
áður í New York og ísland var eitt
fárra landa þar sem hægt var að
millilenda á leið til Evrópu. Ég stopp-
aði hér nokkrum sinnum í 2-3 daga
og hef séð svolítið af landinu. En
um veðrið er óhætt að segja að það
er auðveldara að fjármagna verk-
smiðjuna en að byggja hana.“
Kenneth Peterson aðaleigandi Columbia
Ventures Corp. og álversins á Grundartanga
Ráðgerum að
stækka álverið í
framtíðinni
„ÞAÐ er mjög spennandi að sjá
álverið taka á sig mynd fyrir
framan augun á manni,“ sagði
Ken Peterson, forstjóri og sijórn-
arformaður Columbia Ventures
Corporation eiganda Norðuráls, í
samtali við Morgunblaðið á
Grundartanga í gær þegar hann
var að skoða framkvæmdir ásamt
bankamönnum. „Framfarirnar
eru mjög miklar frá því ég var
hér fyrir 2 vikum, steypuvinnunni
miðar vel áfram og stólparnir rísa
hver af öðrum,“ sagði hann.
Peterson sagði að undirritun
samninga við íslenska viðsemjend-
ur sem fram fór í Reykjavík í gær
hafi verið nauðsynleg áður en
fjármögnunarsamningar yrðu
formlega afgreiddir í London í
næstu viku. Með því verði síðasti
hnúturinn hnýttur í þessari 180
milljón dala, eðarúmlega 13 millj-
arða króna, fjárfestingu en þar
af segir Peterson að samningur
hans við bankana ING og Bank
International í Amsterdam og
Banque Parisbas hljóði upp á yfir
100 milljónir dala, a.m.k. 7,3 millj-
arða króna.
Vaxandi traust á íslensku
rekstrarumhverfi
Peterson sagði að eftir því sem
á viðræður og samstarf við islensk
stjórnvöld og verktaka hefði liðið
og þekking hans á efnahagslífi
og lagaumhverfi landsins hefði
vaxið hefði álit hans á islensku
rekstrarumhverfi aukist. „Undan-
farna 6-8 mánuði höfum við orðið
öruggari með okkur gagnvart ís-
landi og íslendingum; eftir því
sem við kynnumst betur landinu,
þjóðinni og siðum og venjum hér.
Island er aðili að Evrópska efna-
hagssvæðinu og löggjöf hér er
vinsamleg atvinnulífi. Það er af
hinu góða að okkar mati.“
Peterson vildi engu lýsa yfir
um hugsanlega stækkun álversins
úr þeim 60 þúsund tonnum sem
samið var um í gær í þau 90 þús-
und og endanlega 180 þúsund
tonn sem umhverfismat gerir ráð
fyrir. „Það er ekkert að frétta af
því, en það er enginn vafi á því
að við ráðgerum að stækka álver-
ið í framtiðinni en það verður
ákveðið í samráði við Landsvirkj-
un og veltur einnig á ástandinu á
álmörkuðunum. Það verður
ákveðið á næstu árum. Núna ein-
beitum við okkur að þvi að koma
þessum áfanga á skrið.“
Starfsemi álvers Norðuráls á
Grundartanga á samkvæmt áætl-
un að hefjast í júní á næsta ári
og að sögn Petersons þótti það
djarflega áætlað en framkvæmda-
hraði hefur verið í samræmi við
þær áætlanir. Jarðvinna við lóð
verksmiðjunnar er langt komin
og er áætlað að henni ljúki i lok
mánaðarins. Steypuvinna við ker-
skála gengur samkvæmt áætlun
og á að ljúka 21. desember. Aðrar
byggingar eru á útboðsstigi.
11 flutningaskip væntanleg
f lok þessa mánaðar eða í byij-
un hins næsta eru væntanlegtil
landsins 11 flutningaskip með
þann tækjabúnað sem keyptur var
úr þýsku álveri sem er hluti þess
sem notað verður hjá Norðuráli
og settur verður upp í nýbyggðu
álverinu ásamt nýjum sérsmíðuð-
um kerum og öðrum tækjabúnaði.
„Okkar framkvæmdaáætlun er
metnaðarfull en vonandi fáum við
góðan vetur til framkvæmda."
Ken Peterson sagðist búast við
að koma hingað til lands oft og
reglulega eftir að álverið tekur
til starfa þótt daglegur rekstur
verði í höndum Gene Caudill, for-
stjóra Norðuráls, sem sestur er
að hér á landi. Peterson sagði að
fyrirtæki sitt í Vancouver yrði í
daglegu sambandi við Norðurál
um tölvupóst og skjáfundi sem
gerðu það að verkum að samband-
ið yrði náið þótt fjarlægðir milli
móður- og dótturfyrirtækis værú
miklar.
Finnur Ingólfsson iðnaðarráðherra
Gekk ekki hljóða-
laust fyrir sig
„MÉR er efst í huga að þetta skuli
hafa tekist því þetta gekk ekki
alveg hljóðalaust fyrir sig í upp-
hafi ársins þegar mótmæli fóru
af stað við byggingu álversins.
Þá voru auðvitað margir reiðu-
búnir til að hrópa en með góðri
samvinnu, sem ég tel að hafi tek-
ist við heimamenn, réttkjörin
stjórnvöld á vettvangi og við fyrir-
tækið, hefur tekist að ganga frá
þessum samningum þannig að
þetta verkefni er að verða að
veruleika," sagði Finnur Ingólfs-
son iðnaðarráðherra að lokinni
undirritun samninga í gær.
Hann sagði verkefnið sérstak-
lega merkilegt þar sem þetta væri
fyrsti fjárfestingarsamningur frá
1977 milli stjórnvalda og erlends
aðila sem ekki hefði áður fjárfest
í landinu. 1977 var samið um
byggingu Járnblendiverksmiðj-
unnar á Gruhdartanga en samn-
ingarnir tveir sem gerðir hafa
verið um stækkun álversins í
Straumsvík og Járnblendiverk-
smiðjunnar á Grundartanga hafi
verið gerðir við aðila sem áður
höfðu fjárfest í þessum sömu fyr-
irtækjum.
6,8 miHjarðar inn í efnahagslífið
„Hérna höfum við samið um
einn áfanga, 60 þúsund tonna ál-
framleiðslu á ári, en allir samning-
ar miða að því að menn geti
stækkað álverið í 180 þúsund
tonna ársframleiðslu. Þegar þessi
fyrsti áfangi verður kominn í
gagnið mun hann hins vegar skila
6,8 miRjörðum króna inn í efna-
hagslífið í auknar útflutningstekj-
ur á ári,“ sagði iðnaðarráðherra
og sagði að auk þess fylgdi samn-
ingnum fjölgun starfa, aukin fjár-
festing og ýmis margfeldisáhrif.
Þá minnti hann á að þessir
samningar og samningar undan-
farinna missera um erlenda fjár-
festingu hefðu verið lykilatriði i
því að lánshæfi íslenska ríkisins
væri nú metið í hæsta flokki af
bandariska fyrirtækinu Moody’s.