Morgunblaðið - 16.04.1998, Page 15

MORGUNBLAÐIÐ
LANDSBANKINN
FIMMTUDAGUR 16. APRÍL 1998 15
sera upplýsingarnar byggðust á og
að leita hefði átt nánari skýringa
ráðherra á forsendum fyrirspurnar-
innar hafi þær þótt óljósar.
Svo sem áður hefur komið fram
nemur mismunurinn á umræddu 5
ára tímabili samtals kr. 28.358.000,-.
Greinist hann nánar á eftirfarandi
hátt:
• Mismunur vegna kostnaðar við
veiðiferðir sem farnar voru á veg-
um dótturfélaga bankans, samtals
að fjárhæð 16.428.521. Gjaldfærður
kostnaður hjá dótturfélögunum
sjálfum, vegna þessara ferða, nam
kr. 10.708.438 eins og fram kom í
síðara svari bankans. Pessu til við-
bótar er kostnaðarhlutdeild bank-
ans vegna þessara sömu ferða sam-
tals kr. 5.720.083. Þessi kostnaðar-
hlutdeild í ferðum á vegum dóttur-
félaga var í síðara svari bankans til-
greind sem veiðikostnaður bankans
sjálfs. Er hér fyrst og fremst um að
ræða hlutdeild í kostnaði Lands-
bréfa hf. en í þeim ferðum tóku
jafnan þátt einn bankastjóri Lands-
bankans, sem stjómarformaður
Landsbréfa hf. auk eins aðstoðar-
bankastjóra, sem stjórnarformaður
sjóða Landsbréfa.
• Mismunur vegna kostnaðarhlut-
deildar Landsbankans í veiðiferð-
um á vegum hlutdeildarfélags og
vegna sameiginlegra ferða, sam-
tals að fjárhæð 2.496.711. Kostnað-
arhlutdeild bankans í veiðiferð sem
farin var á vegum eins af hlutdeild-
arfélögum hans, nam kr. 1.196.330.
Auk þessa var kostnaðarhlutur
Landsbankans í ferðum með öðrum
bönkum kr. 1.300.381.
• Mismunur sem á sér aðrar skýr-
ingar, samtals að fjárhæð
4.432.768. Stærsti einstaki liðurinn
hér er kostnaður sem bókfærður
hafði verið í útibúi bankans á Húsa-
vík samtals að fjárhæð 1.307.520
sem ekki var tekinn með í upphaf-
legu svari bankans. Annar mismun-
ur á þessum lið er m.a. vegna ferða
þar sem ekki var um að ræða að yf-
irstjórn bankans væri með í fór og
kostnaðar tengdum veiðiferðum
sem var vantalinn í fyrra svari
bankans m.a. vegna vöntunar á
nægilega ítarlegri sundurliðun í
bókhaldi bankans.
í bréfi ráðherra er einnig að því
vikið, að ekki hafi í svari bankans
verið fyllilega greint frá því í hvaða
veiðiár hafi verið farið hvert hinna
tilgreindu ára, auk þess sem félög
sem bankinn hafi keypt veiðileyfi af
hafi verið vantalin. Bankaráðið vís-
ar til greinargerðar Ríkisendur-
skoðunar til bankaráðs Landsbanka
íslands hf. vegna veiðiferða, risnu
o.fl., þar sem svör við þessu koma
fram.
Um innra eftirlitskerfi bankans,
sem nefnt er í bréfi ráðherra, tekur
bankaráðið fram, að venjan sé sú að
öll veigameiri upplýsingagjöf til op-
inberra aðila sé yfirfarin af innri
eða ytri endurskoðendum bankans,
áður en bankinn sendir hana frá
sér. I þessu tilviki virðist ekki hafa
verið talin þörf á slíkri yfirferð. Það
eru ekki ásættanleg vinnubrögð.
í desembermánuði sl. gerði
bankaráð Landsbanka Islands hf.
ráðstafanir til að tryggja, að ráðinu
yrðu reglulega fengnar upplýsingar
um sérstaklega upptalin efni í því
skyni að ráðið geti betur en áður
sinnt eftirlitshlutverld sínu. (Sjá
meðfylgjandi bréf.) I tilefni þessa
máls hefur bankaráðið ennfremur
ákveðið að gera sérstakar ráðstaf-
anir til að tryggja, að upplýsingar
sem bankanum ber að veita opin-
berum aðilum um rekstur sinn verði
yfirfarnar af innri endurskoðanda,
sem beri jafnframt ábyrgð á rétt-
mæti þeirra. Þá hefur bankaráðið í
hyggju að skýra valdsvið innri end-
urskoðanda með það fyrir augum að
tryggja með ótvíræðum hætti sjálf-
stæði hans gagnvart bankastjóm-
inni. Loks mun umsjón með risnu
og ferðabókhaldi bankans framveg-
is verða í höndum fjárhagsdeildar,
sem fer með almennt bókhald í
bankanum.
Virðingarfyllst, Bankaráð Lands-
banka Islands hf.
Helgi S. Guðmundsson, Kjartan
Gunnarsson, Anna Margrét Guð-
mundsdóttir, Jóhann Ársælsson og
Birgir Þór Runólfsson."
Sverrir Hermannsson fyrrverandi
bankastjóri Landsbanka Islands
Halldór Guðbjarnason fyrrverandi
bankasljóri Landsbanka Islands
Bankaráðið reyn-
ir að bjarga sínu
pólitíska skinni
Ber ekki ábyrgð
á þessu máli
Landsbankans
SVERRIR Hermanns-
son, fyrrverandi
bankastjóri Lands-
banka Islands, segir
augljóst að bankaráð
Landsbanka Islands
sé með bréfum sínum
til Finns Ingólfssonar
viðskiptaráðherra í
gær, sem andsvör við
skýrslu Ríkisendur-
skoðunar, að reyna að
bjarga sínu eigin póli-
tíska skinni. „Eg er
þrumu lostinn yfir
málatilbúnaði banka-
ráðsins í dag, ég verð
að játa það,“ sagði
Sverrir í samtali við
Morgunblaðið í gærkveldi, „en ég
er ekki hræddur við hann.“
Sverrir sagði: „Það sýnir sig nú
að þetta er óhæft ástand. Þeir í
bankaráði hafa tekið svo slaklega á
þessu málefni fyrir hönd bankans
sem fyrirtækis að með endemum
er. Þeir hafa allir verið í ani við það
að bjarga því sem þeir álíta sitt
pólitíska skinn.“
Sverrii' var spurður hvemig
hann myndi bregðast við þeirri
ákvörðun bankaráðsins frá í gær
að fela Jóni Steinari Gunnlaugs-
syni hæstaréttarlögmanni að
kanna hver væri réttarstaða hinna
þriggja fyrrverandi bankastjóra
gagnvart bankanum að því er varð-
aði hugsanlegar endurkröfur bank-
ans á hendur þeim og að hann
kannaði einnig hver kynni að vera
ábyrgð bankastjóranna lögum
samkvæmt í þeim atriðum sem
fjallað væri um í greinargerð Rík-
isendurskoðunar:
„Ég hef ekkert brotið af mér og
þess vegna geta þeir reynt að fara
þessa lögsóknarleið ef þeim sýnist.
Ætla þeir í bankaráðinu að fara að
lögsækja okkur fyrir framkvæmd á
reglum, sem þeir þykjast nú ekki
kannast við og vita ekki hverjar
eru? Hvar á þetta að enda? Mér er
óskiljanlegt hver getur verið ráð-
gjafi mannanna í þessum efnum.
Þama er hérinn á sprettinum að
reyna að skjóta sér undan ábyrgð.
Ég ætla ekki að dæma um það
hvort þeir eru ábyrgir. Það er Al-
þingis og ríkisstjómar að gera
það.“
vegna þess að ég hef
alla tíð fylgt þeim
risnureglum sem gilt
hafa í Landsbankanum
frá því að ég kom
þangað til starfa. Hann
getur ekki komið hér,
eftir dúk og disk, eftir
að hafa verið ábyrgðar-
maður að reikningum
Landsbankans í öll
þessi ár og sagt, svona
áttu reglurnar að vera.
Af hveiju sagði hann
þetta ekki fyrr?“
Sverrir segir að eng-
ar sérstakar reglur
hafi verið settar um
ferðalög og risnu fyrr
en um síðustu áramót, þegar
Landsbanki íslands varð Lands-
banki íslands hf. „Ég fékk ekki
einu sinni ráðningarsamning við
þennan banka fyrstu níu árin sem
ég var þar, þótt margsinnis væri
beðið um hann,“ sagði Sverrir.
Sverrir var spurður hvort hann
hefði rætt þessa nýju stöðu að því
er varðar mögulega endurkröfu
bankans og lögsókn við fyrrverandi
kollega sína, þá Björgvin Vilmund-
arson og Halldór Guðbjamason og
hvemig þeir þrír myndu hugsan-
lega bregðast við.
Braut engar reglur
„Nei, ekki orð. Ég hef enga trú á
því héðan af að við munum ráða
ráðum okkar. Hann Björgvin er
sjúkur maður, en hann er sá fróð-
asti okkar þriggja um þessi mál og
mér sýnist einhvem veginn öðru
vísi sprettur á Halldóri Guðbjarna-
syni en sá, að ég hafi við honum,“
sagði Sverrir.
Hvað með þær tæplega tvær
milljónir í risnu hjá þér, sem Ríkis-
endurskoðun segir enn óútskýrðar,
eftir að hún hefur fallist á skýring-
ar þínar upp á um fjórar milljónir
króna?
„Sú upphæð er ekki óútskýrð.
Ríkisendurskoðandi tekur skýring-
ar mínar bara ekki gildar. Ég hafði
fullt leyfi til þessarar risnunotkun-
ar, samkvæmt þeim reglum sem við
höfum starfað eftir. Eg hef engar
reglur brotið,“ sagði Sverrir Her-
mannsson.
HALLDÓR Guðbjarna-
son, fyrrverandi banka-
stjóri Landsbanka Is-
lands, kvaðst í gær eklri
vita til þess að Sverrir
Hermannsson, fyrrver-
andi bankastjóri Lands-
bankans, hefði neitað að
skrifa undir svar bank-
ans við fyrirspurn um
laxveiðikostnað, sem
lögð var fram á Alþingi,
vegna þess að hann
hefði fengið tölur upp-
gefnar um laxveiðar
1997 og þeim hefði ekki
borið saman við þá tölu,
sem komin hefði verið í
bréfið. Halldór kvaðst
ekki bera ábyrgð á
þessu máli.
Halldór, Sverrir og þriðji banka-
stjórinn, Björgvin Vilmundarson,
sögðu af sér stöðu bankastjóra
Landsbankans á mánudag. í viðtali í
Morgunblaðinu í gær sagði Sverrir
að í svarinu, sem Finnur Ingólfsson,
iðnaðar- og viðskiptaráðherra, lagði
fyrir Alþingi vegna fyrirspumar Jó-
hönnu Sigurðardóttur, þingmanns
jafnaðarmanna, í mars, hefði sagan
aðeins verið hálfsögð og því yrði
„ekkert komist hjá því, annað en játa,
að þama blekktu menn“ og bætti við:
„Ég neitaði að skrifa undir þetta,
vegna þess að ég vildi ekki standa
svona að málum.“
Björgvin Vilmundarson og Halldór
skrifuðu undir bréfið. Kvaðst Halldór
ekki kannast við þessi viðbrögð
Sverris.
„Segir hann það, blessaður?" sagði
Halldór í gær. „Ég veit ekki hvers
vegna hann skrifar ekki undir. Ég
kannast ekki við neitt af þessu svari
Sverris."
Samdi ekki bréfið - sá sem
býr til svarið ábyrgur
Halldór lagði áherslu á að hann
hefði ekki samið bréfið.
„Af gamalli hefð, sem kann að
vera jafn gömul bankanum, 111 ára
gömul, hafa tveir bankastjórar eða
bankastjóri og aðstoðarbankastjóri
undirritað bréf,“ sagði hann. „Annar
þeirra er náttúmlega sá, sem býr til
svarið, og er ábyrgur fyrir efnisinni-
haldi - að vinna svarið. Hinn stað-
festir með undimskrift sinni að
gengið hafi verið formlega frá bréfi
frá viðkomandi banka.“
Hann sagði að það
væru engin vinnubrögð
ef staðan væri sú þegar
fleiri en einn þyrfti að
skrifa á öll bréf, sem
færu frá bankastjórn,
að hver og einn krefðist
þess að fá viðkomandi
skjalabunka inn á borð
til að enduryfirfara
málið.
„Það var ekki í mín-
um verkahring að svara
bréfinu,“ sagði hann.
„Bréfið kom bara inn á
mitt borð frágengið og
undirritað. Ég ber ekki
ábyrgð á innihaldi
svarsins og hef ekki
komið nálægt því.“
Sverrir sagði einnig í viðtalinu að
bankastjórarnir bæru allir þrír „fulla
og sameiginlega ábyrgð á þessum
málum, undan því mun ég aldrei
skorast".
Halldór kvaðst líta málið öðrum
augum: „Hann hlýtur að hafa lesið
erindisbréf bankastjórnarinnar. Það
er erindisbréf fyrir hvem og einn
bankastjóra. Þar kemur annars veg-
ar fram sérstök ábyrgð hvers og eins
vegna þess starfs, sem bankaráðið
úthlutar honum, og sameiginleg
ábyrgð."
Ákveðin svið væru á ábyrgð við-
komandi manns og síðan væru sam-
eiginleg mál, sem værú sameiginlega
á ábyrgð bankastjórnarinnar.
„Hann hlýtur að geta lagt fram er-
indisbréf máli sínu til staðfestingar,“
sagði hann. „Ef því ber ekki saman
við það, sem hann hefur sagt, hlýtur
að vakna spurning hvernig standi á
því.“
Halldór kvaðst hafa séð drög að
greinargerð Ríkisendurskoðunar
þegar rætt var við hann fyrir birt-
ingu hennar í gær. Hann sagði að
engin atriði hennar hefðu verið borin
undfr sig.
„Ég hef kosið að svara ekki neinu
fyrr en endanleg skýrsla er komin,“
sagði hann. „Og ég svara náttúru-
lega aðeins fyrir mín atriði. Ég ætla
ekki að fara að svara fyrir aðra. En í
sjálfu sér ætti ég ekki að þurfa að tjá
mig um hana vegna þess að ég er
klár á því að í skýrslunni komi fram
að þetta mál sé mér ekki viðkomandi
eins og ég sagði í minni uppsögn. Ég
hef ekki getað borið ábyrgð á og ég
ber ekki ábyrgð á þessu máli.“
Sverrir
Hermannsson
Taka hráar allar meiningar
ríkisendurskoðanda
„Þeir í bankaráðinu taka hráar
allar meiningar ríkisendurskoð-
anda - mannsins sem skrifað hefur
athugasemdalaust upp á alla reikn-
inga Landsbankans og líka nú síð-
ast, þar sem allar þessar tölur hafa
komið fram,“ sagði Sverrir. „Nú
býr ríkisendurskoðandi allt í einu
til nýjar reglur, að sínum smekk og
segir: Eftir þessum reglum dæm-
um við nú. Landsbankinn og stjóm-
endur hans hafa í áratugi fai'ið eftir
allt öðrum reglum. Ríkisendurskoð-
andi fer í lúsaleit, tekur hvert plagg
sem hann finnur og hrúgar upp í
hrognkelsapýramída, til þess, að
því er virðist, að sverta nógu mikið
einstaka menn. Hann hrúgar allri
risnu bankaráðsins, hátíðahöldum
þeirra og dansiböllum inn á minn
einkarisnureikning og fer þannig
upp í einhverjar sex milljónir
króna.
Neitar að taka
skýringar Sverris gildar
Hann neitar að taka mínar skýr-
ingar góðar og gildar, nema að
hluta. Mig varðar ekkert um það,
SPLENDISSIMA
Skin Revolution - Bylting til húöarinnnar frá MARBERT
Við 25 ára aldur hægir verulega á starfsemi collagen (húðinni, en við
það missir hún teygjanleikann og húðin verður slöpp.
En MARBERT hefur nú komið með byltingu í þessum efnum með
nýju meðferðarprógrammi Skin Revolution - Ambúlum,
kremi og Lifting Balmi.
Ambúlurnar notast sem meðferð, annan hvem mánuð. Þessi
kraftmikla meðferð fær húðina til að blómstra á aðeins 14 dögum.
24 tíma Skin Revolution Cream inniheldur ASC III, MAP Complex
og antiaging effect. Árangur í baráttunni við ótímabærar línur og
slappleika húðarinnar er sjáanlegur á örskömmum tíma.
Með daglegri notkun á Skin Revolution Cream verður húðin
stinnari, línur hverfa og húðin
endurheimtir æskuljómann á ný.
24 tíma Lifting Balm inniheldur
ASC III. MAP Comples og
Glycine Soya sem er
sérstaklega öflugt Lifting
effect. Með daglegri
meðferð á notkun á Skin
Revolution Lifting Batm
verður húðin fallegri strax,
árangur sem endist dag eftír dag.
Velkomin á kynningu í dag, fimmtudag,
og á morgun, föstudag.
10% kynningarafsláttur.