Morgunblaðið - 16.04.1998, Qupperneq 62

, 62 FIMMTUDAGUR 16. APRÍL 1998
MORGUNBLAÐIÐ
FÓLK í FRÉTTUM
• •
Frá A til O: Hvað er að gerast? Hverjir voru hvar? Hvað er í boði - á skemmtistöðum?
Skemmtileg
blanda
Dags daglega leggja ungir sem aldnir leið
sína á Café Karolínu á Akureyri, þótt ungt
fólk að skemmta sér hafí verið þar í meiri-
hluta, þeffar Hildur Loftsdóttir leit þar
inn á páskada^snótt.
ÞAÐ hefur lengi þótt upplagt að
leggja í skemmtiferð til Akureyrar
hvort sem Hlíðarfjall, Samkomu-
húsið eða Akureyringar sjálfir eru
aðalaðdráttarafl ferðalanga. Gestir
bæjarins hafa nú úr mörgu að velja
þegar á að bregða undir sig betri
fætinum í höfuðstað Norðurlands
því skemmti- og veitingastaðimir
eru orðnir fjölmargir.
Café Karolína stendur við Kaup-
vangsstræti, sem flestir þekkja sem
Gilið, og heitir eftir gistihúsinu
Caroline Rest, sem lengi stóð á
svipuðum stað. Um síðustu aldamót
reysti Þjóðverji nokkur húsið og
nefndi í höfuðið á móður sinni.
Hann hafði einnig gerst svo sniðug-
ur að setja á fót hesthús fyrir bænd-
ur sem höfðu erind- ____________
um að sinna I kaup-
staðnum. Vigni Má
Þormóðssyni eig-
anda og fram-
kvæmdastjóra Café
Karolínu fannst upp-
lagt að nefna kaffl-
húsið sitt eftir gisti-
húsinu sem á sínum
tíma setti mikinn svip á bæinn, og
nú þykir Café Karolína ómissandi
hluti af bæjarlífinu jafnt fyrir
bændur sem aðra.
Café Karolína skiptist í tvo
hluta; uppi og niðri og eru stílar
hæðanna mjög ólíkir. Uppi er
dekkra yfirlitum; þykkir og djúpir
leðursófar hvíla lúna skíðarassa og
aðra í rómantískari hugleiðingum.
Stór motta er á gólfinu og
dökklökkuð antikborðstofuborð og
stólar em upplögð fyrir konur með
tertur á daginn og en nú sátu þar
strákar að spila. Dökkgrænir vegg-
ir bera ámálaðar kúlur eftir lista-
manninn Sigurð Arna Sigurðsson,
og Leikfélag Akureyrar hafði feng-
ið að færa sér efri hæðina í nyt og
skreytt með ýmsu skemmtilegu til
að minna á sýningu sína á „Söngva-
seið“. Niðri er léttari blær yfir
hlutunum þar sem dæmigerð kaffi-
húsastemmning ræður ríkjum og
nóg að gera á barnum. Um þessar
mundir sýnir Hallgrímur Ingólfs-
son innanhússarkitekt og grafískur
hönnuður verk sín, en skipt er um
sýningu á mánaðar fresti. Það er
setið við öll borð og flestir gest-
anna eru ungt fólk úti á lífinu.
Vignir Már segir viðskiptahópinn
mjög fjölbreyttan. „Ætli megi ekki
segja að ýmiskonar listafólk og
listunnendur séu stærsti hópur við-
skiptavinanna. Skólafólk setur líka
mikinn svip á staðinn, og er t.d.
Myndlistaskóli Akureyrar hinum
megin við götuna, auk Menntaskól-
ans og Verkamenntaskólans sem
eru ekki langt undan. Annars er
þetta allskonar fólk
á öllum aldri, og
þannig þarf það að
vera í bæ af þessari
stærð. Þetta er
skemmtileg blanda."
Og það var ekki
hægt að segja annað
en að viðskiptavin-
irnir væru ánægðir
með stemmninguna og þjónustuna
sem ríkir á Café Karolínu því þegar
blaðamaður spurði hvers vegna þeir
kæmu þangað fékk hann eftirfar-
andi svör;
„Mér þykir rósemdin hér á efri
hæðinni góð, og kem hingað alltaf
til að reykja og spila, bæði um helg-
ar og virka daga. Þetta er fastastað-
urinn, hann er „chillo", sagði spila-
strákurinn.
„Þetta er langþægilegasti staður-
inn til að vera á, hér er maður látinn
í friði og getur spjallað við félag-
ana,“ sagði námsmaðurinn.
„Eg kem hingað út af félags-
skapnum, hingað koma allir. Það er
ekki spuming að þetta er svalasti
staðurinn í bænum“, sagði unga
konan.
„Hér er svo heimilislegt, það er
svo gott,“ sagði listamaðurinn.
KRISTJÁN Bergmann og Sigurður Árni Svanbergsson spiluðu kana.
AKUREYRI
• Café Karolína opnaði 10. júní
1993 og verður því fímm ára í
sumar.
• tírval léttra rétta á viðráðan-
legu verði fæst á Café Karolfnu.
Kökuúrvaiið þykir einstaklega
mikið og ijúffengt og er mar-
engskaka hússins nú fræg norð-
an heiða. Allir fá ábót af venju-
Iegu kaffí þótt þeir hafi verið að
drekka eitthvað annað á undan.
• Stór bjór á krana kostar 500
krónur en sá minni 400.
• Allar kökur sem eru á
boðstólum á Café Karolínu eru
heimabakaðar.
• í hádeginu er boðið upp á súpu
dagsins ásamt brauði og osti eins
og hver hefur magarúm fyrir
gegn 400 krónum.
• Á sumrin er innangengt í
Deigluna þar sem eru djasstón-
leikar hvert fimmtudagskvöld í
samvinnu við Listasumar.
• Café Karolína er opin frá 10-1
virka daga en til 3 um helgar.
Ræðulið Verslunarskóla íslands
0G VAKANDI

, Morgunblaðið/Golli
Á NEÐRI hæðinni á Karólínu er gott að tylla sér niður í mesta hversdagsamstrinu, fá sér eitthvað í gogginn og
virða fyrir sér nýjustu afsprengi listamanna bæjarins sem kjósa að setja upp sýningar á kaffihúsinu.
Menntaskóladömurnar Berglind Ragnarsdóttir og Tinna Rún Einarsdóttir
segjast koma á Karolínu á hverjum degi.
„Ræðukeppni Morfis er mjög krefjandi,
þess vegna notuðum við Rautt eðal-
gingseng þegar reyndi á athygli og
þol. Þannig komumst við í andlegt
jafnvægi og jukum úthaldið."
Sigurvegarar í Morfis 1997 og 1998.
RAUTT EÐAL
GINGSENG
- Það er vit í því
Hvert
hylki inni-
heldur 300 mg af
hreinu rauðu eðalgingsengi.
CAFÉ KAROLÍNA
JÓN Laxdal, Kristján Pétur Sigurðsson og Þröstur Ásmundsson voru að fá
sér kaffi og vildu ekki láta taka mynd af sér.
ELFA Þórólfsdóttir með kræsilegar heimabakaðar kökur á Karolínu.
mSmmmm