Morgunblaðið - 27.05.1998, Blaðsíða 56

MORGVNBLAÐIÐ, KRINGLAN1,103 REYKJAVIK, SÍMI5691100, SÍMBRÉF 5691181
PÓSTHÓLF 3040, NETFANG: RITSTJ@MBL.IS, AKUREYRI: KAUPVANGSSTRÆTI1
MIÐVIKUDAGUR 27. MAÍ 1998
VERÐ í LAUSASÖLU 125 KR. MEÐ VSK
Finnur Ingolfsson vísaði ábyrgð á Lindarmálinu til bankaráðs LÍ í júní 1996
Kjartan Gunnarsson hyggst
óska sakamálarannsóknar
Úttekt Standard &
Poor’s á ríkissjóði
Lánshæfís-
einkunn
Islands
KJARTAN Gunnarsson, sem situr í bankaráði
Landsbanka Islands, lýsti í gær yfir því að hann
hygðist leggja til á fundi bankaráðsins á morgun
að óskað yrði eftir því að fram fari sakamála-
rannsókn á því hvort framkvæmdastjóri eignar-
haldsfyrirtækisins Lindar hf., stjómarmenn í
fyrirtækinu og aðrir starfsmenn kynnu að hafa
brotið lög í störfum sínum.
Finnur Ingólfsson, iðnaðar- og viðskipta-
ráðherra, hélt blaðamannafund í gær í kjölfar
umræðna á Alþingi um svar hans við fyrirspum
Astu Ragnheiðar Jóhannesdóttur þingmanns um
málefni Landsbankans og Lindar þar sem hann
^iígði öll þau gögn, sem tilheyrðu ráðherratíð
hans um þetta mál, á borðið.
Þar á meðal var skýrsla Ríkisendurskoðunar
frá því í mars 1996 um Lind, sem Landsbankinn
eignaðist að hluta við kaup á Samvinnubankan-
um árið 1990, að öllu leyti árið 1992 og var sam:
einað Landsbankanum við gjaldþrot árið 1994. I
skýrslunni er fundið að ýmsu varðandi rekstur
Lindar og meðal annars sagt að störf fram-
kvæmdastjóra fyrirtækisins, Þórðar Yngva Guð-
mundssonar, gætu hafa brotið í bága við hegn-
ingarlög og varðað allt að sex ára fangelsi.
Finnur lagði einnig fram bréf, sem hann skrif-
aði Kjartani Gunnarssyni, þaverandi formanni
bankaráðsins, 14. júní 1996. í því bréfi segir að
bankaráð hafi yfirumsjón með starfsemi við-
skiptabanka, eftirlit með rekstri þeirra og taki
ákvarðanir um veigamikil atriði í stjórn og
rekstri þeirra.
„Það er því hlutverk bankaráðs að taka
ákvörðun um aðgerðir í tilvitnuðu máli,“ segir í
bréfi Finns. „Telji bankaráð ástæðu til sér-
stakra aðgerða í málinu, er því rétt að leita til
þeirra aðila sem fara með opinbert vald í hverju
tilviki."
Stjórnarandstaðan gagnrýndi viðskipta-
ráðherra við umræðu um málefni Lindar á
Alþingi í gærmorgun fyrir að leyna upplýsing-
um. Asta Ragnheiður Jóhannesdóttir spurði
m.a. hvers vegna ekki hefði verið farið að þeim
ráðum sem kæmu fram í skýrslu Ríkisendur-
skoðunar, samkvæmt heimildum hennar, að
rannsaka bæri ýmsa þætti Lindarmálsins nán-
ar.
Finnur birti skýrsluna síðdegis í gær og þar
segir að Ríkisendurskoðun telji brýnt að
bankaráð Landsbankans láti rannsaka málið
nánar. Kjartan Gunnarsson sagði í samtali við
Morgunblaðið í gær að bankaráðið hefði sent
RQdsendurskoðun greinargerð um málið í sept-
ember 1996 og gert grein fyrir því að ekki bæri
að aðhafast frekar í málinu og Ríkisendurskoðun
hefði tekið undir það í svari í nóvember að málið
yrði látið kyrrt liggja nema fram kæmu nýjar
upplýsingar.
■ Málefni Lindar/10,11,12,13,28,29.
Leikskóla-
börn brugðu
sér í út-
skriftarferð
ÚTSKIFTARFERÐIR eru
vinsælt fyrirbæri hjá skóla-
nemendum. Ferðalögin eru
stutt hjá þeim yngstu en verða
lengri og dýrari þegar nem-
endurnir eldast. Þessi börn úr
leikskólanum í Hveragerði
brugðu sér til höfuðborgarinn-
ar í gær í tilefni af því að brátt
verða þau útskrifuð úr
leikskólanum. Var margt sér
til gamans gert í góða veðrinu
"'Tig Tjörnin með sitt fuglalíf
hafði aðdráttarafl sem
endranær. Að borða ís við
Tjörnina er í augum barnanna
jafn mikið ævintýri og sólar-
landaferð hjá þeim eldri.
Morgunblaðið/Golli
jákvæð
BANDARÍSKA matsfyrirtækið
Standard and Poor’s, staðfesti í gær
óbreytt lánshæfismat á ríkissjóði
Islands en tilkynnti um leið jákvæð-
ar horfur um lánshæfiseinkunn Is-
lands á erlendum skuldbindingum
til langs tíma.
f tilkynningu frá fyrirtækinu seg-
ir að lánshæfísmatið og horfur á
hækkun þess byggist m.a. á skyn-
samlegri efnahagsstefnu sem leitt
hefur til stöðugleika í efnahagslíf-
inu, styrkri stjóm á nýtingu fiski-
stofna, aukinni fjölbreytni í hag-
kerfinu, mikilvægum kerfisumbót-
um og langvarandi þjóðfélagslegum
og stjórnmálalegum stöðugleika.
Lánshæfismatinu em hins vegar
settar skorður af háum erlendum
skuldum, viðkvæmni efnahagslífsins
iyrir ytri áfóllum auk þess sem talin
er þörf á frekari kerfisumbótum til
að draga úr umfangi opinbera
geirans, sérstaklega með einka-
væðingu fjármálastofnana og stórra
fyrirtækja í opinberri eigu.
Mikilvægt að viðhalda
skynsamlegri hagstjórn
Jákvæðar horfur um breytingu á
lánshæfiseinkunn byggjast á því
mati fyrirtækisins að áframhaldandi
skynsamleg hagstjórn og kerfisum-
bætur muni styrkja undirstöður
hagkerfisins og fjárhagslega stöðu
þess og gera því þar með betur
kleift að mæta ytri áföllum. Hækk-
un lánshæfiseinkunnar muni ekki
síst ráðast af getu stjórnvalda til
þess að halda jafnvægi í opinberum
fjármálum yfir hagsveifluna og að
draga úr umfangi hins opinbera í
þjóðarbúskapnum, ekki síst í fjár-
málageiranum.
Þá myndi frekari lækkun er-
lendra skulda hafa jákvæð áhrif á
lánshæfismatið. Hins vegar myndi
skortur á aðhaldi í ríkisfjármálum
koma í veg fyrir hækkun þess.
Gekk í
þrjá tíma
ökkla-
brotinn
ÞRÖSTUR Brynjólfsson, yfir-
lögregluþjónn í Ámessýslu,
gekk til bæjar í rúmar þijár
klukkustundir eftir að hafa
þríbrotnað á ökkla síðdegis í
gær.
Þröstur var einn á ferð fyrir
ofan Gljúfur í Ölfusi þegar slysið
vildi til. Hann var að vaða yfir
læk í djúpu gljúfri þegar hann
hrasaði með þeim afleiðingum að
fóturinn festist og kubbaðist illa
sundur um ökklann. Þröstur var
með bakpoka með sér og úr hon-
um útbjó hann spelkur og náði
síðan í tvo girðingarstaura sem
hann notaði sem hækjur.
Að sögn lögreglunnar á Sel-
fossi gekk hann þannig búinn í
rúmar þijár klukkustundir að
bænum Gljúfri þar sem hund-
amir á bænum urðu hans varir
og gerðu heimamönnum viðvart
Imeð miklu gelti.
Sameinaði lífeyrissjóðurinn og Samvinnulífeyrissjóðurinn
Aldurstengd öflun rétt-
inda í undirbúningi
TVEIR af stærstu lífeyrissjóðum
landsins, Sameinaði lifeyrissjóðurinn
og Samvinnulífeyrissjóðurinn, era
með í undirbúningi eða hafa ákveðið
að taka upp aldurstengda öflun rétt-
inda í sjóðunum, en í slíku kerfi eru
þau réttindi sem menn vinna sér inn
mismunandi eftir aldri og háð því hve
iðgjöld sjóðfélaga eiga eftir að ávaxt>
ast lengi áður en ellilífeyristaka
hefst. Réttindaöflunin er ekki jöfn
alla starfsævina eins og nú er algeng-
ast. Einungis einn lífeyrissjóður, Líf-
eyrissjóður verkfræðinga, hefur ver-
ið með aldurstengda öflun réttinda til
þessa, en auk framangreindra sjóða
er Lífeyrissjóður tæknifræðinga og
arkitekta með slíkt kerfi í undirbún-
ingi og sama gildir um Trygginga-
deild lífeyrissjóða sem ALVÍB er að
setja á laggirnar.
Á aðalfundi Samvinnulífeyrissjóðs-
ins sem haldinn var fyrir helgi var
ákveðið að taka upp aldurstengt rétt-
indaöflunarkerfi og þannig breytt
reglugerð fyrir sjóðinn samþykkt.
Nýtt kerfi tæki gildi
um mitt ár 1999
Reglugerðin hefur verið send fjár-
málaráðuneytinu til staðfestingar og
er gert ráð íyrir að kerfið taki gildi 1.
júh' næstkomandi. Allir þeir sem ger-
ast félagar í sjóðnum eftir þann tíma
verða sjálfkrafa aðilar að slíku kerfi,
en þeir sem eru nú félagar geta valið
um hvort þeir halda áfram í eldra
kerfi jafnrar réttindaöflunar eða
færa sig yfir í nýja kerfið. Þau rétt-
indi sem þeir hafa þegar áunnið sér í
sjóðnum verða áfram í eldra kerfinu.
Sambærilegt aldurstengt lífeyris-
kerfi var kynnt á aðalfundi Sam-
einaða lífeyrissjóðsins í síðustu viku
og er stefnt að framhaldsaðalfundi í
haust, þar sem ákvörðun verður tek-
in um hvort taka eigi það upp eða
ekki. Ef það verður niðurstaðan
kemur nýtt kerfi til með að gilda frá
1. júlí 1999 vegna allra þeirra sem
gerast nýir félagar í lífeyrissjóðnum
og vegna þeirra eldri sjóðfélaga sem
óska eftir að vera í hinu nýja kerfi.
Um bæði kerfin gildir það sama
hvað snertir greiðslu ævilangs ellilíf-
eyris, örorku- og makalífeyris með
rétti til framreiknings og bamalífeyri.
Hins vegar gildir í nýja kerfinu að því
yngri sem sjóðfélaginn er þegar hann
greiðir til sjóðsins því meiri rétt fær
hann þar sem lífeyrissjóðurinn hefur
iðgjöldin lengur til ávöxtunar. Þetta
gerir það að verkum að sjóðurinn
verður ónæmur fyrir breytingum á
aldurssamsetningu sjóðfélaga, ekki
skiptir máli hvenær ævinnar menn
gerast sjóðfélagar, þeir eru alltaf að
fá réttindi í hlutfalíi við inngreiðslur.
I kynningarefni sem lagt var fram
á aðalfundi Sameinaða lífeyrissjóðs-
ins segir að samsetning sjóðfélaga
Sameinaða lífeyrissjóðsins muni leiða
til þess þegar fram líði stundir að
hann muni ekki geta boðið besta rétt
sem aðrir lífeyrissjóðir muni geta
boðið. Þá sé núverandi kerfi ekki
réttlátt, því þeir sjóðfélagar sem hefji
ungir greiðslui- til sjóðsins og greiði
til hans alla ævi fái ekki þann rétt
sem iðgjald þeirra gefur tilefni til í
samanburði við þá sem séu eldri þeg-
ar þeir hefji greiðslur til sjóðsins.
■ Stefnt að/29