Morgunblaðið - 26.08.1998, Blaðsíða 35

MORGUNBLAÐIÐ
MIÐVIKUDAGUR 26. ÁGÚST 1998 35
MINNINGAR
GUÐJON
GUÐMUNDSSON
+ Guðjón Guðmundsson fædd-
ist í Reykjavík 25. desember
1925. Hann lést á heimili sínu
19. ágúst síðastliðinn og fór út-
för hans fram frá Áskirkju 25.
ágúst.
Guðjón Guðmundsson kom til
starfa hjá Krabbameinsfélagi ís-
lands á árinu 1991. Þar gegndi
hann fjölbreytilegu starfi umsjón-
armanns og húsvarðar. Það var
komið að starfslokum Guðjóns
vegna aldurs og hugðist hann
hætta störfum síðar á þessu ári, en
snemma í vor greindist hann með
illkynja sjúkdóm sem dró hann til
dauða á fáeinum mánuðum.
í húsi Krabbameinsfélags Is-
lands í Skógarhlíð 8 vinna nokkrir
tugir fólks að mjög fjölþættri
starfsemi. Þar er m.a. til húsa
Leitarstöð Krabbameinsfélagsins
þangað sem fjöldi kvenna kemur á
hverjum degi í legháls- og
brjóstakrabbameinsleit. Þar er
rannsóknastofa í sameinda- og
frumulíffræði sem hefur skilað
merkum niðurstöðum í rannsókn-
um á brjóstakrabbameini. Krabba-
meinsfélag Reykjavíkur hefur að-
setur í húsinu og hefur annast
fræðslu um tóbaksvarnir um ára-
tuga skeið meðal skólafólks og al-
mennings og haldið regluleg nám-
skeið í húsinu til að hjálpa fólki
sem vill hætta að reykja. Krabba-
meinsskráin starfar einnig á veg-
um félagsins og skráir öll krabba-
mein sem greinast á íslandi. Hin
ýmsu aðildarfélög til stuðnings
krabbameinssjúklingum hafa
einnig samastað í húsinu og þar
eru líka stjórnendur og skrifstofu-
hald félagsins sem viðhalda tengsl-
um við aðildarfélögin úti á landi.
Þar er einnig símaráðgjöf fyrir
sjúklinga og aðra sem vilja leita
sér upplýsinga um krabbamein og
miðstöð Heimahlynningar sem
annast þá sjúklinga sem vilja og
geta dvalið í heimahúsum. Þessar-
ar þjónustu naut einmitt Guðjón
og fjölskylda hans undanfarnar
vikur.
Auk umfangsmikillar daglegrar
starfsemi fer ýmis fundar- og fé-
lagsstarfsemi fram í sölum hússins
að kvöldlagi.
Það er því ljóst að umsjónarmað-
ur og húsvörður á slíkum vinnustað
þarf að geta sinnt mörgum ólíkum
erindum og hefur í mörg horn að
líta. Guðjón var lærður fram-
reiðslumaður og kunni vel sitt fag.
Hann hafði gegnt ábyrgðarstörfum
á því sviði en einnig unnið við ýmis
önnur störf áður en hann kom til
Krabbameinsfélagsins. Þessi
starfsreynsla nýttist honum vel en
þó réð mestu um farsæld hans í
starfi að hann var úrvalsmaður.
Hann var hæglátur og prúður
maður og sérlega lipur og þægileg-
ur í samstarfi við aðra. Hann var
bóngóður og einstaklega minnugur
á öll smáerindi sem honum voru
falin og þurfti ekki minnismiða til
að skila þeim með sóma. Hann var
ábyggilegur og úrræðagóður og
ævinlega fús og viljugur til að
sinna óvæntum erindum sem komu
upp utan hefðbundinnar dagskrár.
Guðjón ávann sér traust og var vel
liðinn af samstarfsfólki sínu og
stjómendum félagsins sem munu
nú sakna hans og þakka honum lið-
veislu og vel unnin störf. Fyrir
hönd samstarfsfólks og stjómenda
Krabbameinsfélags Islands vil ég
votta ástvinum Guðjóns Guð-
mundssonar samúð okkar við and-
lát hans.
Blessuð sé minning hans.
Guðrún Agnarsdóttir, forstjóri
Krabbameinsfélags Islands.
AUÐUR
GUÐMUNDSDÓTTIR
+ Auður Guðmundsdóttir
fæddist í Reykjavík 10.
október 1928. Hún lést í Kanada
5. ágúst síðastliðinn og fór útför
hennar fram í kyrrþey 14.
ágúst.
Kveðja frá Þjóðleikhúsinu
Sú sorgarfregn barst okkur ný-
verið að Auður Guðmundsdóttir
sem um hartnær þriggja áratuga
skeið starfaði sem aðalhvíslari við
Þjóðleikhúsið væri látin. Andlát
hennar bar brátt að. Hún var
stödd á leikferðalagi á erlendri
grund með félögum sínum í leikfé-
lagi eldri borgara, Snúði og
Snældu. Hópurinn hafði nýlokið
við sýninguna, þegar kallið kom og
Auður varð bráðkvödd. Hún var
enn á besta aldri og eins og leikur
hennar í umræddu leikriti bar með
sér ennþá fær í flestan sjó.
Auður stundaði á sínum tíma
nám við Leiklistarskóla Þjóðleik-
hússins og lauk þaðan prófi vorið
1967. Áhugi Auðar á leiklistinni
var mikill. Hún hafði leikið með
áhugaleikfélögum, m.a. Leikfélagi
Hafnarfjarðar og svo staðráðin var
hún í því að afla sér menntunar að
hún fékk undanþágu hvað aldur
snerti til þess að hefja nám við
skólann, þá hátt á fertugsaldri.
Ekki hindraði það hana í að ná
góðum námsárangri né aðlagast
félögum sínum í skólanum, sem
bera henni sérlega vel söguna.
Auður lék samhliða náminu
nokkur hlutverk á sviði Þjóðleik-
hússins, eins og þá tíðkaðist með
nemendur skólans, svo og að námi
loknu, þótt ekki fengi hún tækifæri
til þess að takast á við stærri burð-
arhlutverk. Hefur þar eflaust ráðið
mestu að leikhúsið hafði yfir að
ráða mörgum reynslumiklum
leikkonum á hennar aldri. Auður
gerði þeim hlutverkum sem hún
fékk að glíma við oft eftirminnileg
og skemmtileg skil. Hún hafði sér-
staka og kraftmikla rödd, næma
kímnigáfu og ágæta og sterka
sviðsnærveru. Meðal hlutverka
sem henni voru falin var hjúskap-
armiðlarinn Yenta í Fiðlaranum á
þakinu í fyrstu uppfærslu verks-
ins, Ingibjörg á Hóli í Pilti og
stúlku, Elín í þættinum Uppeldi í
Ertu nú ánægð, kerling? og frú
Haffjörð í Ég vil auðga mitt land
svo örfá hlutverk séu nefnd.
Auður hóf störf sem hvíslari við
Þjóðleikhúsið fljótlega að loknu
námi og starfaði þar sem hvíslari
eða leikþulur eins og það hét á há-
tíðlegu máli í tæpa þrjá áratugi,
allt til ársins 1995. Starf hvíslar-
ans er bæði flókið og erfitt og í
það þarf mikið næmi og vökula at-
hygli. Hvíslarinn er vissulega
virkur á ákveðnu skeiði æfingar-
tímans en eftir að sýningar hefj-
ast þarf hann að kunna þá list að
láta sem minnst á sér bera, enda
er hann einkum öryggisráðstöfun.
Vitneskjan um að hvíslarinn and-
ar og lifir með sýningunni og
fylgist með hverju orði, tilbúinn
til aðstoðar, er leikaranum ómet-
anleg og það er ekki á allra færi
að taka á sig þetta erfiða hlut-
skipti. Auður var samviskusamur,
natinn og góður hvíslari. Hún
hafði þægilega en hljóðlega nær-
veru eins og nauðsynlegt er í um-
ræddu starfi.
Auður var í alla staði góður og
vandaður starfsmaður, vel liðin og
vinsæl af félögunum enda glað-
sinna og skemmtileg. Við söknuð-
um hennar síðustu árin eftir að
hún lét af störfum og glöddumst
yfir að sjá hana aftur á sviði, þegar
hún fór að starfa með leikfélaginu
Snúði og Snældu. Reyndin varð sú,
að þar skildi hún eftir sig síðustu
sporin í leiklistinni en við sem
kynntumst henni og störfuðum
með henni í Þjóðleikhúsinu mun-
um ætíð minnast hennar sem góðs
félaga og vandaðrar samstarfs-
konu. Eftirlifandi eiginmanni
hennar, Magnúsi Randrup, og fjöl-
skyldu sendum við okkar innileg-
ustu samúðarkveðjur.
Stefán Baldursson.
+
Móöir mín, tengdamóðir, amma og langamma,
SIGURBJÖRG GUNNLAUGSDÓTTIR
frá Gjábakka,
Vestmannaeyjum,
andaðist á Sjúkrahúsi Reykjavíkur þriðjudaginn 25. ágúst.
Birgir Vigfússon, Svandís Jónsdóttir,
barnabörn og barnabarnabörn.
+
Innilegar þakkir fyrir auðsýnda samúð og hlý-
hug við andlát og útför eiginmanns míns, föður
okkar, tengdaföður og afa,
GÍSLA GUÐMUNDSSONAR
fyrrv. lögreglumanns,
Skúlagötu 40,
Reykjavík.
Elín Helga Þórarinsdóttir,
Þórarinn Gíslason, Bryndís Benediktsdóttir,
Guðný Gísladóttir, Sigurgeir Guðmundsson,
Guðmundur Ingi Gíslason, Vigdís A. Gunnlaugsdóttir,
Hrafnkell V. Gíslason Björg Eysteinsdóttir,
Brynhildur Ósk Gísladóttir
og barnabörn.
BRIPS
linsjóu Arnór G.
Ragnarsson
Þrjár vikur eftir í Sumarbrids
Sumarbrids verður starfrækt í
þrjár vikur til viðbótar, eða til 11.
september nk. Því er kjörið tæki-
færi fyrir spilara að dusta rykið af
gullputtunum og hefja undirbúning
fyrir komandi tímabil. Afmælis-
mótið á Siglufirði hafði mikil áhrif á
fjölda þátttakenda í sumarbrids um
síðustu helgi. Fimmtudagskvöldið
20. ágúst spiluðu aðeins 12 pör eins
kvölds Howell-tvímenning. Meðal-
skor var 216 og þessi pör urðu efst:
Þorsteinn Berg - Baldur Bjartmarsson 197
Jórunn Fjeldsted - Gróa Guðnadóttir 179
Magnús Aspelund - Steingrimur Jónasson 178
Erla Sigurjónsdóttir - Þorsteinn Joensen 172
Kristófer Magnúss. - Guðlaugur Sveinss. 172
Föstudagskvöldið 21. ágúst var
spilaður Mitchell-tvímenningur
með þátttöku 19 para. Efstu pör
(meðalskor 216):
NS:
Erlingur Sverriss. - Unnar A Guðmundss. 252
Ólína Kjartansdóttir - Friðrik Jónsson 244
Jóhannes Guðmannss. - Aðalbj. Benediktss. 242
Guðmundur M. Jónsson - Hans Isebarn 232
AV:
Unnsteinn Arason - Hólmsteinn Arason 255
Valdimar Sveinsson - Friðjón Margeirsson 251
Andrés Þórarinsson - Halldór Þórólfsson 235
Magnús Magnúss. - Sigurleifur Guðjónss. 230
Eftir tvímenninginn var spiluð
útsláttarsveitakeppni. Átta sveitir
voru með og til úrslita spiluðu
sveitir Ólínu Kjartansdóttur (Frið-
rik Jónsson, Dúa Ólafsdóttir og
Þórir Leifsson, auk Ólínu) og Unn-
steins Arasonar (Hólmsteinn Ara-
son, Árni Hannesson og Gestur
Halldórsson, auk Unnsteins). Ur-
slitaleikurinn endaði með jafntefli,
4-4, og lýstu báðar sveitir yfir
ánægju sinni með þau úrslit. Bráða-
bana var þar með sleppt og haldið
heim á leið.
Sunnudagskvöldið 22. ágúst var
spilaður Howell-tvímenningur í ein-
um riðli. Lauk hér fjórtándu spila-
vikunni í sumar og varð staða efstu
para þessi:
Rafn Thorarensen - Hafþór Kristjánsson 180
Tómas Siguijónsson - Friðrik Jónsson 178
Óskar Kristinsson - Kristinn Óskarsson 168
Páll Þór Bergsson - Sveinn Sigurgeirsson 165
Friðrik Jónsson náði toppsæti
vikunnar með því að enda í öðru
sæti í tvímenningi sunnudagsins.
Stig vikunnar dreifðust á 69 spilara
og var baráttan um sigurinn því af-
ar jöfn að þessu sinni. Röð efstu
manna í liðinni viku varð svona:
Bronsstig
Friðrik Jónsson 38
Ómar Olgeirsson 37
Gísli Hafliðason 32
Guðrún Jóhannesdóttir 32
Hákon Stefánsson 32
Reynir Grétarsson 32
Árni Hannesson 30
Unnsteinn Arason 30
Hólmsteinn Arason 30
Að launum fyrir efsta sætið í
þessari viku fær Friðrik gjafabréf
frá veitingahúsi. I sumarbrids er
spilað öll kvöld nema laugardags-
kvöld og hefst spilamennskan alltaf
kl. 19:00.
Spilastaður er að venju Þöngla-
bakki 1 í Mjódd, húsnæði Brids-
sambands Islands.
+
Sonur okkar og bróðir,
EINAR HEIMISSON,
Skólabraut 14,
Seltjarnarnesi,
verður jarðsunginn frá Seltjarnarneskirkju
fimmtudaginn 27. ágúst kl. 13.30.
Þeim, sem vildu minnast hans, er sérstaklega
bent á SlBS.
Steinunn Einarsdóttir,
Heimir Þorleifsson,
Kristrún Heimisdóttir.
+
Þökkum af alhug öllum þeim, sem sýndu okkur samúð og vinarþel við
andlát og útför
JÓHANNESAR BJÖRNSSONAR,
Ytri-Tungu,
eða heiðruðu minningu hans á annan hátt.
Ásbjörn Jóhannesson,
Sigurveig J. Hultqvist, Bengt Hultqvist,
Guðrún Jóhannesdóttir, Jón Heiðar Steinþórsson,
Þorgils Jóhannesson, Aðalheiður Stefánsdóttir,
Snjólaug Jóhannesdóttir,
Helgi Jóhannesson, Elín S. Jónsdóttir,
Hrefna Jóhannesdóttir, Jakob Ragnarsson,
Helga Jóhannesdóttir, Stefán Börkur Jónsson
og barnabörn.
+
Innilegar þakkir færum við öllum þeim, sem
sýndu samúð og hlýhug við andlát og útför
ástkærrar móður okkar, tengdamóður, ömmu
og langömmu,
STELLU GUNNAR SIGURÐARDÓTTUR,
Logafold 56,
Reykjavík,
áður til heimilis
í Sólheimum 23.
Sérstakar þakkir til starfsfólks Landakots og Foldabæjar fyrir frábæra
umönnun.
Jóhannes Norðfjörð, Sólrún L. Ragnarsdóttir,
Hermann Norðfjörð,
Ingibjörg S. Norðfjörð, Sigurður Ingólfsson,
barnabörn og barnabarnabörn.