Morgunblaðið - 18.02.1999, Blaðsíða 16

16 FIMMTUDAGUR 18. FEBRÚAR 1999
MORGUNB LAÐIÐ
AKUREYRI
Ekki samkomulag um byggingu sameiginlegrar
heimavistar við framhaldsskólana
Bæj arfulltrúar
lýsa gremju sinni
„ÞAR SEM fyrir liggur að ekki
næst samkomulag milli Mennta-
skólans á Akureyiá og Verkmennta-
skólans á Akureyri um sameigin-
lega byggingu heimavistar þá
leggst bæjarstjórn Akureyrar ekki
gegn því að framkvæmdir við við-
byggingu og breytingar á heimavist
MA hefjist sem fyrst,“ segir í bókun
sem samþykkt var á fundi bæjar-
stjórnar Akureyrar. Ennfremur
kemur fram í bókuninni að fram-
kvæmdir og fjármögnun verði á
grundvelli þeirra hugmynda um
sjálfseignarstofnun sem stjóm MA
hefur lagt fram. Þá hvetur bæjar-
stjórn í bókun sinni skólanefnd
VMA til að hraða vinnu við undir-
búning heimavistarbyggingar fyrir
nemendur skólans.
Töluverðar umræður urðu um
málið á fundi bæjarstjómar og kom
fram í máli bæjarfulltrúa að þeim
þætti leitt að samkomulag hefði
ekki náðst milli forsvarsmanna
skólanna tveggja um sameiginlega
heimavist svo sem stefnt hafði verið
að.
Starfshópur við VMA
ýtir málinu úr vör
„Það hefur verið reynt um
nokkurn tíma að ná samkomulagi
um sameiginlega heimavist, en nú
þykir fullreynt og fyrirsjáanlegt að
ekki verður um slíkt að ræða,“ sagði
Kristján Þór Júlíusson bæjarstjóri.
Stjórnendur MA hafa sett fram
hugmyndir um sjálfseignarstofnun
um heimavist sem mun standa und-
ir sér sjálf með eigin sjálfsaflafé.
Engin heimavist er til staðar við
VMA en Kristján sagði þörfina
brýna, samkvæmt óskum nemenda
skorti um 150-60 heimavistarrými.
Oktavía Jóhannesdóttir bæjar-
fulltrúi Akureyrarlistans sagði að
mikið hefði verið reynt til að ná
samkomulagi, en allt komið fyrir
ekki. Skólanefnd VMA hefði nú
stofnað starfshóp til að ýta heima-
vistarmálinu úr vör, en málið væri
nánast á byrjunaiTeit þar sem gert
hefði verið ráð fyrir að byggð yrði
eins vist fyrir báða skólana.
Samleið með háskólanemum?
„Ég á ekki gott með að sætta mig
við þessa niðurstöðu," sagði Ásta
Sigurðardóttir bæjarfulltrúi Fram-
sóknarflokks, en þar sem ekki hefði
náðst samkomulag um sameiginlega
byggingu hvarflaði að sér hvort
heimavist við VMA ætti ef til vill
betri samleið með háskólanemum.
Oddur Helgi Halldórsson, bæjar-
fulltrúi L-listans, Lista fólksins,
sagði verulega gremjulegt að niður-
staðan væri þessi, farsælla hefði
verið að byggja eina heimavist fyrir
báða skólana en ráðast í byggingu
tveggja vista.
Djass í Deiglunni
EFNT verður til djasstónleika í
Deiglunni í Kaupvangsstræti á
Akureýri fimmtudagskvöldið 18.
febrúar og hefjast þeir kl. 21. Þar
leikur þekkt danskt tríó, Kind of
Jazz, en það skipa Nils Raae á
píanó, Ole Rasmussen á kontra-
bassa og Mikkel Find á trommur.
Djasstríóið Kind of Jazz hóf leik
sinn árið 1990 og hefur verið á tón-
leikaferðum um Danmörku þvera
og endilanga auk fleiri landa.
Einnig hefjast í matvöruverslun-
um KEA danskir dagai- sem standa
frá 18. febrúar til 28. febrúar, þar
sem boðið verður upp á danskar
vörur á sérstökum kjörum.
Jazzklúbbur Akureyrar hefur í
samstarfi við danska sendiráðið,
NoiTænu upplýsingaskrifstofuna á
Akureyri, Café Karólínu og Sam-
land sf. staðið að heimsókn Kind of
Jazz til Akureyrar. Aðgangur að
tónleikunum er ókeypis fyrir félaga
í Jazzldúbbi Akureyrai-, félaga í
Norræna félaginu og skólafólk, en
1.000 krónur fyrir aðra. Kind of
Jazz leikui’ einnig í Reykjavík, í
Múlanum á Sóloni Islandusi á
sunnudagskvöld.
Morgunblaðið/Kristján
Allir hlæja á öskudaginn
HEFÐ fyrir hátíðahöldum barna á öskudaginn er sterk á
Akureyri en allt frá því á síðustu öld hafa akureyrsk börn
klætt sig upp í búninga af margvísiegu tagi og haldið út í
bæ þar sem kötturinn er sleginn úr tunnunni en flestum
þykir mest um vert að komast á sem flesta vinnustaði þar
sem sungið er hástöfum fyrir starfsfólkið sem launar með
sælgætispoka í flestum tilfeilum. Mörgum þykir þó nóg um
sælgætisát barnanna á þessum degi og hefur þannig færst í
vöxt að harðfiskpakka, tannkremstúbu eða einhverju öðru
sé lætt í poka barnanna.
Að venju var fjöldi barna á ferðinni í gærmorgun og létu
þau ekki nístingsfrost aftra sér frá göngu milli fyrirtækja.
Tvíburasysturnar Björk og Laufey sem greinilega eru
samrýndar bjuggu sig sameiginlega í morgunkornspakka
og örkuðu þannig um bæinn. Þríburarnir Hafsteinn, Hinrik
og Haukur klæða sig gjarnan í eins föt og er öskudagurinn
engin undantekning þar á; allir í batmanbúningi.
Unnið að undirbúningi náms f dreifbýlislækningum við Háskólann á Akureyri
Áhugavert verkefni sem
gæti snúið vörn í sókn
ÞORSTEINN Gunnarsson, rektor
Háskólans á Akureyri, segir að til-
lögur Sigurðar Guðmundssonar
landlæknis um nám í svonefndum
landsbyggðarlækningum við Há-
skólann á Akureyri væni áhuga-
verðar og nám af þessu tagi hent-
aði þeim áherslum sem lagðar
hefðu verið innan heilbrigðisdeild-
ar háskólans. „Við erum albúin að
fást við þetta verkefni," sagði Þor-
steinn.
Landlæknir var á ferð á Akur-
eyri í gærmorgun og átti þá m.a.
fund með forsvarsmönnum Há-
skólans á Akureyi’i þar sem þetta
mál var til umræðu. Tillögur land-
læknis ganga út á að háskólinn í
samvinnu við heilbrigðisstofnanir
á Norðurlandi og jafnvel Austur-
landi bjóði upp á nám í dreifbýlis-
lækningum sem yrði viðbót við
læknanámið en þannig yrði þess
freistað að bæta úr bráðum skorti
lækna úti um hinar dreifðu byggð-
ir landsins. Stefnt er að því að
námið geti hafist strax næsta
haust, en gert er ráð fyrir að fyrst
í stað yrði hópurinn ekki stór, inn-
an við tíu manns. Góður árangur
hefur orðið á þessu sviði t.d. í
Astralíu og einnig Norður-Amer-
íku og öðrum dreifbýlum svæðum.
Þorsteinn sagði að á fundinum
hefði verið farið yfir málið og lagt
á ráðin um næstu skref. „Við mun-
um vinna að þessu áfram í sam-
vinnu við heilbrigðisstofnanir á
landsbyggðinni og við stefnum að
því að boða til fundar nú alveg á
næstu dögum,“ sagði Þorsteinn.
Hann sagði að vinna þyrfti hratt ef
það markmið ætti að nást að hefja
þetta nám næsta ár. „Við höfum
áður unnið hratt og það gengið
upp svo við gerum alveg ráð fyrir
að þetta mál eigi að komast í höfn.
Við munum af krafti vinna að því
að ljúka þessu máli.“
Breyta þyrfti áherslum í lækna-
námi við Háskóla Islands að sögn
rektors ef þetta nám verður tekið
upp á Akureyri. Hann sagði að
tekist yrði á við það viðfangsefni á
næstunni og koma því í farveg.
„Ég tel að nám af þessu tagi
myndi styrkja landsbyggðina mjög
og það er það sem skiptir mestu
máli,“ sagði Þorsteinn.
Kjörnar aðstæður á
Norður- og Austurlandi
Ólafur H. Oddsson, héraðslækn-
ir á Norðurlandi, sagði um mjög
áhugavert verkefni að ræða og það
gæti snúið vörn í sókn varðandi
það vandamál að fá fólk til starfa
við heilsugæsluna í dreifbýlinu. Á
vegum embættisins var haldinn
fundur um þetta mál fyrr í vik-
unni, þar sem Gísli Auðunsson,
læknir á Húsavík, greindi frá
reynslu Ástrala í þessum efnum,
Vilborg Ingólfsdóttir, yfirhjúkrun-
arfræðingur hjá Landlæknisemb-
ættinu, fjallaði um starf hjúkrun-
arfræðinga í dreifbýli, Þorvaldur
Ingvason, lækningaforstjóri FSA,
gerði grein fyrir mögulegu hlut-
verki sjúkrahússins í námi í dreif-
býlislækningum/hjúkrun og Elsa
Friðfinnsdóttir, lektor og settur
forstöðumaður heilbrigðisdeildar
Háskólans á Akureyri, fjallaði um
mögulegt hlutverk háskólans á
þessu sviði. Á fundinum kom fram
í máli Katrínar Ásgrímsdóttur, hjá
Heilsustofnun Austurlands, áhugi
fyrir því að tengjast þessu verk-
efni.
„Þetta er mjög spennandi verk-
efni og landlæknir hefur á því mik-
inn áhuga, en hann telur að á
Norðui’- og Austurlandi séu kjörn-
ar aðstæðui' til að fara af stað með
það,“ sagði Ólafur.