Morgunblaðið - 02.09.1999, Side 1

197. TBL. 87. ARG.
FIMMTUDAGUR 2. SEPTEMBER 1999
PRENTSMIÐJA MORGUNBLAÐSINS
Enn óvissa um
Wye-samninginn
Jerúsalem. Reuters^AFP.
VIÐRÆÐUR ísraela og Palestínu-
manna um framkvæmd Wye-sam-
komulagsins virtust vera í uppnámi
seint í gærkvöld og hafði verið
frestað. Var ekki ljóst hvort aftur
átti að setjast að samningaborði í
dag en til stóð að undirrita væntan-
legt samkomulag í dag í Alexandríu
í Egyptalandi að viðstöddum Hosni
Mubarak, forseta landsins, og Mad-
eleine Albright, utanríkisráðherra
Bandaríkjanna.
Á ýmsu gekk í viðræðunum í gær
og um miðjan dag í gær virtist sem
þær hefðu farið út um þúfur. Var
meðal annars deilt hart um fjölda
þeirra palestínsku fanga, sem Isra-
elar skyldu láta lausa. Viðræðumar
hófust þó aftur og skömmu síðar
sagði ísraelski ráðherrann Haim
Ramon, að samkomulag væri í sjón-
máli. Var það einnig haft eftir Saeb
Erekat, helsta samningamanni Pal-
estínumanna.
Óvissa um framhaldið
Ekki er vitað hvaða snurða hljóp
á þráðinn en ísraelska ríkisstjórnin
tilkynnti eftir miðnætti að ísraelsk-
um tíma, að samningar hefðu ekki
tekist og hefði viðræðunum verið
frestað.
Mubarak hafði boðið Ehud
Barak, forsætisráðherra Israels, og
Yasser Arafat, leiðtoga Palestínu-
manna, að undirrita væntanlegt
samkomulag í Alexandríu í dag og
þangað er Albright væntanleg frá
Marokkó. Var Arafat í Hollandi í
gær en gerði þar stuttan stans og
hélt til Egyptalands er líkur jukust
á samningi.
Morð og ofbeldi
á götum Dili
Nýsjálendingar
telja hugsanlega
þörf á erlendu
herliði á A-Tímor
Dili, Austur-Tímor. Rcutcrs, AFP.
VOPNAÐIR menn, sem andvígir
eru sjálfstæði á Austur-Tímor, hófu
í gær skothríð að fólki við höfuð-
stöðvar Sameinuðu þjóðanna í Dili.
Leitaði fólkið, um 400 manns, skjóls
í SÞ-byggingunni en úti á götunni
var einn maður höggvinn til bana
með sveðju. Að sögn vitna féllu
a.m.k. fimm manns í valinn í gær og
virðist enginn endir ætla að verða á
ofbeldisverkunum. Þeir, sem and-
vígir eru sjálfstæði landsins, njóta
augljóslega velvildar Indónesíuhers
og er óttast, að þeir efni til borgara-
styrjaldar þegar úrslit þjóðarat-
kvæðagreiðslunnar sl. mánudag
verða kunngjörð.
Hvergi var að sjá hermenn eða
lögreglumenn er ofbeldishóparnir
lögðu undir sig strætin en þeir
komu þó á vettvang er á leið. Vopn-
aðir menn virtust þó fara óáreittir
um borgina þar sem þeir kveiktu í
mörgum húsum.
Don McKinnon, utanríkisráð-
herra Nýja-Sjálands, sagði í gær, að
yrði ekkert lát á ofbeldinu væri
hugsanlegt, að aðrir en SÞ reyndu
að skakka leikinn, tii dæmis Nýsjá-
lendingar, Ástralar, Japanii- og
Bandaríkjamenn. Talsmaður
indónesíska utanríkisráðuneytisins
sagði hins vegar, að engin þörf væri
á erlendu herliði á A-Tímor þar sem
Indónesar eru með 15.000 her- og
lögreglulið. I gær var ákveðið að
fjölga í því um 350 manns.
Búist er við að mikill meirihluti
Austur-Tímorbúa hafi greitt at-
kvæði með sjálfstæði landsins í at-
kvæðagreiðslunni á mánudaginn en
skýrt verður frá niðurstöðunni í
næstu viku.
Reuters
Fólk flýði eins og fætur toguðu undan skothríðinni í Dili, höfuðborg A-
Tímor, í gær. Vitað er um fímm menn að minnsta kosti, sem féllu fyrir
kúlum ofbeldismannanna.
Sokkarnir
tryggja
sætan svefn
London. Reuters.
FLÓUÐ mjólk er ágæt og þeir,
sem því nenna, geta reynt að
telja sauði til að sofna betur en
besta svefnmeðalið er einfald-
lega sokkar og vettlingar.
Svissneskir sérfræðingar,
sem fást við að rannsaka lífs-
klukkuna og svefnvenjur fólks,
hafa komist að þeirri niður-
stöðu, að sé fólki hlýtt á hönd-
um og fótum, sofni það fljótt og
vel. Hitinn dreifist þá vel um
líkamann og við það losni úr
læðingi ýmis hormón, til dæm-
is melatónín, sem ráða miklu
um svefninn.
„Þeir, sem fara í rúmið með
kalda fætur, eiga erfiðara með
að sofna en þeir, sem eru heitir
fyrir,“ sagði Anna Wirz-Just-
ice, einn svissnesku sérfræð-
inganna, en frá rannsóknum
þeirra var skýrt í vísindatíma-
ritinu Nature. Einfaldasta ráð-
ið er því að vera í sokkum og
jafnvel með vettlinga líka en
annað, sem skiptir miklu máli
fyrir góðan svefn, er, að líkam-
inn geti losnað við hitann út í
umhverfið. Þess vegna má ekki
vera of heitt í svefnherberginu.
Reuters
Ráðamenn í Kreml tjá sig um rannsókn á peningaþvætti
Yísa ásökunum á bug
Moskvu, Washington. Reuters, AFP.
STJÓRNVÖLD í Rússlandi vísuðu í
gær á bug ásökunum um, að þau
væru viðriðin peningaþvætti og
sögðu þær vera vestrænan óhróður.
Buðust þau jafnframt til að skýra
nákvæmlega frá því hvernig lánum
IMF, Alþjóðagjaldeyrissjóðsins,
hefði verið varið. Bandaríska stór-
blaðið Washington Post sagði í gær,
að inn í rannsóknina á þessu máli
gætu dregist tugir banka um allan
heim.
Igor Ivanov, utanríkisráðherra
Rússlands, sagði, að ákveðnir hópar
á Vesturlöndum vildu sverta ímynd
Rússlands til að koma í veg fyrir
áhrif þess í heimsmálunum og spilla
um leið samskiptum þeirra við
Bandaríkjamenn.
Viktor Gerashchenko, seðla-
bankastjóri Rússlands, sagði á
blaðamannafundi í Zúrich í gær, að
allt lánsfé frá IMF hefði verið not-
að með eðlilegum hætti og Alexand-
er Lívshíts, sem er ráðherra án
ráðuneytis, sagði, að rússneska
stjórnin væri tilbúin til að skýra
Bandaríkjastjórn nákvæmlega frá
því í hvað lánsféð hefði farið eins og
endurskoðunarfyrirtækið Price-
WaterhouseCoopers hefði raunar
þegar gert.
Málið snýst um gífurlegt fjár-
streymi, rúmlega 1.500 milljarða ísl.
kr., frá Rússlandi um bandarískan
banka, Bank of New York, og leikur
grunur á, að hluti af þessu fé sé
IMF-lán, sem rússneskir glæpa-
menn, kaupsýslumenn og jafnvel
háttsettir embættismenn hafi komist
yfir.
Washington Post sagði í gær, að
tugir banka í Bandaríkjunum, Bret-
landi, Rússlandi, Japan, Ástralíu og
víðar hefðu tekið þátt í að flytja féð
til eða frá Bank of New York en
reikningarnir þai’ tengjast allir
Bandaríkjamanni af rússneskum
ættum, Peter Berlin, sem opnaði þá í
nafni ýmissa fyrirtækja og þá fyrstu
snemma á þessum áratug.
Fórst í
flugtaki
AÐ minnsta kosti 64 menn og
hugsanlega fleiri týndu lífi er
Boeing 737-farþegaflugvél fórst í
flugtaki í Buenos Aires í Argent-
ínu í gær. Er hún hafði sleppt
flugbrautinni fór hún í gegnum
girðingu við flugvöllinn, síðan á
bfla á fjölförnum vegi og stöðv-
aðist Ioks alelda á golfvelli
skammt frá. Ekki er vitað hvað
olli slysinu en annar af tveimur
svörtum kössum vélarinnar
fannst í gær. Það var lán í óláni
að flugvélin rann yfir veginn eða
gatnamótin er flestir bflarnir
biðu á rauðu ljósi en bflstjórarnir
gátu séð skelfingu lostna farþeg-
ana inn um glugga vélarinnar er
hún rann hjá. Myndin sýnir er
verið er að losa einn hreyfil vél-
arinnar úr brakinu.
I Allt að 80/26
♦ ♦♦
Færeyjar
Kosið um
sjálfstæði
Kaupmannahöfn. Reuters.
LANDSSTJÓRNIN í Færeyjum
hefur ákveðið að efna til þjóðarat-
kvæðisgreiðslu um sjálfstætt ríki á
eyjunum á næsta ári, líklega fyrir
mitt ár.
Anfinn Kallsberg, lögmaður
Færeyja, skýrði frá þessu á blaða-
mannafundi í Þórshöfn í gær en í
nýútkominni skýrslu um sjálfstæð-
ismálin er komist að þeirri niður-
stöðu, að Færeyingar geti staðið á
eigin fótum. Danska stjórnin setur
sig ekki upp á móti vilja Færeyinga,
hver sem hann verður, en leggur
áherslu á, að danski ríkisstyrkur-
inn, um 10 milljarðar ísl. kr., muni
falla niður. Svarai' hann til fjórð-
ungs allra útgjalda landsstjómar-
innar. I skýrslunni segir, að hið op-
inbera muni geta bætt sér upp þann
missi á 15-20 árum. Þá er ekki gert
ráð fyrir tekjum af hugsanlegri olíu-
vinnslu við eyjamar.