Morgunblaðið - 02.09.1999, Blaðsíða 76

Tölvueftirlitskerfi
y sem skilar
arangrí
<Q> nýherji S: 569 7700
MORGUNBLAÐIÐ, KRINGLAN1,103 REYKJAVIK, SÍMI5691100, SÍMBRÉF5691181
PÓSTHÓLF3040, NETFANG: RITSTJ@MBL.IS, AKUREYRI: KAUPVANGSSTRÆTI1
FIMMTUDAGUR 2. SEPTEMBER 1999
VERÐ í LAUSASÖLU 150 KR. MEÐ VSK
'v
Morgunblaðið/Árni Sæberg
Mikil
fjölgun
nemenda
NEMENDUM grunnskóla
Reykjavíkur fjölgar um 350 frá
síðasta skólaári og eru samtals
um 15 þúsund. Samsvarar fjölg-
unin heilum skóla og eru mörg
ár síðan nemendum hefur fjölgað
jafnmikið milli ára. Þessi sjö ára
drengur var í öruggum höndum
móður sinnar í gær, fyrsta skóla-
daginn í Laugarnesskóla.
■ TJtlit fyrir/13
Gufunesradíó
Mótmæla
íbúðarbyggð
ÞRJÁTÍU íbúar í Rimahverfi
hafa mótmælt áformum um
íbúðarbyggð á lóð Gufunes-
radíós. Telja þeir að sam-
kvæmt skipulagi sem í gildi var
þegar þeir fluttu í hverfið hafi
verið gert ráð fyrir íþrótta- og
útivistarsvæði á lóðinni.
■ fbúar mótmæla/14
Bílstjórar lokuðu
Rey kj anesbraut
Þrjú stór hugbúnaðarfyrirtæki stofna AX-hugbúnaðarhús
Mótmæla
hækkun
olíuverðs
og skatta
- m
VÖRUBÍLSTJÓRAR lokuðu ann-
arri akrein Reykjanesbrautar í
Hafnarfirði í eina klukkustund síð-
degis í gær til þess að mótmæla
kostnaðarhækkunum á bílaútgerð-
irnar undanfama mánuði. Talsmaður
bílstjóra segir að olíuverðshækkunin
í gær hafi verið kornið sem fyllti
mælinn og gefur í skyn að gripið
verði til frekari aðgerða.
Um 70 til 90 stórir vörubílar voru
stöðvaðir á Reykjanesbrautinni
klukkan fimm síðdegis í gær og lok-
uðu með því fyrir umferðina frá Suð-
urnesjum. Myndaðst töluverð röð bíla
þann klukkutíma sem aðgerðin stóð
en Jón Pálsson, formaður Vörubíla-
stöðvarinnar Þróttar, segir að vegfar-
endur hafi sýnt málinu skilning.
Næstu skref ígrunduð
Tilgangur aðgerða bílstjóra er að
sögn Jóns að mótmæla kostnaðar-
hækkunum sem dunið hafa yfir eig-
endur vörubíla og beinast mótmælin
að ríkisvaldinu. Vekur hann athygli á
því að olíuverð hafi hækkað um 19%
frá því í mars og það hafi gífurlegan
kostnað í för með sér fyrir eigendur
stórra vörubíla sem eyði 50 til 100
lítrum á hundraði. Ríkið fái stóran
hluta hækkunarinnar. Þungaskattur
hafi hækkað tvisvar frá áramótum,
^^samtals um 5,5%. Þá hafi tryggingar
hækkað um 12-15% vegna breytinga
á löggjöf. Jón bætir því við að það
sitji enn í bíleigendum hvernig hags-
munir þeirra voru sniðgengnir við
breytingar á þungaskattslöggjöfinni
á sínum tíma.
Jón segir að mikill urgur só í vöru-
bílaeigendum enda séu þeir mest
^skattpínda stétt landsins. Áðgerðirn-
i®ar nú séu aðeins byrjunin og næstu
skref verði ígrunduð.
Ráðgert að starfsmenn
verði um eitt hundrað
TÆKNIVAL hf., Skýrr hf. og Opin
kerfi hf. hafa stofnað nýtt hugbún-
aðarfyrirtæki, AX-hugbúnaðarhús
hf., sem taka mun yfir starfsemi
hugbúnaðarsviðs Tæknivals og
Agresso-sviðs Skýrr. Á blaða-
mannafundi í gær kom fram að
markmiðið með stofnun fyrirtækis-
ins sé að skapa öflugt hugbúnaðar-
fyrirtæki sem verði í stakk búið að
sækja fram á mörkuðum, bæði inn-
anlands og utan.
Stefnt er að því að AX-hugbún-
aðarhús verði leiðandi í ráðgjöf,
þróun og þjónustu á sviði við-
skiptahugbúnaðar en starfsemin
mun byggjast á 6 viðskiptakerfum
sem Skýrr og Tæknival hafa verið
með á markaði hérlendis undanfar-
in ár. Gert er ráð fyrir að starfs-
menn verði um 100 en fýrirtækið
mun hafa aðsetur þar sem hugbún-
aðarsvið Tæknivals er nú til húsa,
Skeifunni 8.
Hlutafé 300 milljónir
Hlutafé er 300 milljónir og mun
skiptast þannig að Skýrr mun eiga
40%, Tæknival 25%, Opin kerfi
10%, og fagfjárfestar og starfs-
menn 25%. AX-hugbúnaðarhús
hefur eignast 83% hlut í hugbúnað-
arfyrirtækinu Kerfi hf. og er stefnt
að sameiningu félaganna á næst-
unni. Einnig á AX-hugbúnaðarhús
nú ráðandi hlut í Tæknivali AS í
Danmörku og mun markaðssókn
hins nýja fyrirtækis inn á erlenda
markaði verða sinnt gegnum
Tæknival AS.
Ekki hefur verið gengið frá því
hvaða fagfjárfestum verði gefinn
kostur á að eignast hlut í félaginu
en að sögn Hreins Jakobssonar,
stjórnarformanns AX-hugbúnaðar-
húss, verður stai-fsmönnum einnig
boðið að eignast hlut í fyrirtækinu
með valréttarsamningum. Ekki
hefur verið ákveðið hvort fyrirtæk-
ið verði tekið til skráningar á ís-
lenskan hlutabréfamarkað, eða
hvenær það geti orðið.
Jóhann Jónsson hefur verið ráð-
inn framkvæmdastjóri AX-hug-
búnaðarhúss. Hann var áður fram-
kvæmdastjóri hugbúnaðarsviðs
Tæknivals.
■ Verður stærsta/Cl
Fámennt í Grímsey vegna Sjávarútvegssýningarmnar
Yfir 70% eyjarskeggja
hafa brugðið sér í land
INNAN við 30 af um 100
íbúum Grímseyjar eru nú
staddir í eynni. Langflestir
þeirra sem nú eru staddir
uppi á landi hafa lagt leið
sína á Islensku sjávarútvegs-
sýninguna sem opnuð var í
Smáranum í Kópavogi í
morgun.
Gylfí Gunnarsson, skip-
sljóri, útgerðarmaður og
fiskverkandi í Grímsey er
einn þeirra fáu sem sátu
heima í gær. „Jú, það er rétt.
Það eru afskaplega fáir
hérna núna. Þetta er hálfgert
eyðisker, eins og segir í vís-
unni. Ég var nú að taka það
saman hérna í hádeginu að
það eru sennilega innan við
þrjátíu manns staddir í eynni
núna, svona 26-28 manns,“
segir Gylfi.
Ekki ballfært
vegna fámennis
Ekki taldi Gylfi að lát yrði
á fólksfækkuninni, einhverjir
væru að bræða með sér að
skella sér suður nú fyrir
helgi. „Ég held jafnvel að
eitthvað af því sé að fara á
morgun, jafnvel fjórir eða
fimm.“ Þetta merkir að yfir
sjötíu prósent íbúa hafa yfir-
gefið heimili sín í eynni þar
sem um eitt hundrað manns
eru skráð þar með lögheim-
ili.
Gylfi sagði langt síðan jafn
fámennt hefði verið í eynni.
„Það er ekki líf í mörgum
húsum þessa stundina. Það
eru þrjár fímm manna fjöl-
skyldur í þeim hópi sem er
hérna eftir. Ætli það sé ekki
fólk í níu eða tíu húsum.
Þetta er dálítið sérstakt. Það
voru aðeins tveir bátar á sjó í
dag af öllum flotanum! Ætli
fólk fari svo ekki að tínast
heim um eða upp úr helgi.
Þetta eru mikið sjómenn sem
hafa tekið fjölskylduna með
sér á Sjávarútvegssýning-
una,“ sagði Gylfi. Hann taldi
ólíklegt að ball yrði haldið um
helgina. „Við höldum það þá
bara í eldhúsinu hjá einhverj-
um.“