Morgunblaðið - 14.11.1999, Síða 1
STOFNAÐ 1913
260. TBL. 87. ÁRG.
SUNNUDAGUR 14. NÓVEMBER 1999 PRENTSMIÐJA MORGUNBLAÐINS
Björgunarsveitir leita 1 rústum húsa eftir öflugan jarðskjálfta í Tyrklandi
Vitað að 320 fórust og
margra enn saknað
Duzce. AP.
BJÖRGUNARSVEITIR héldu í
gær áfram leit að fólki er grófst
undir rústum húsa sem hrundu í
jarðskjálftanum í norðvesturhluta
Tyrklands á föstudag. Að minnsta
kosti 320 lík höfðu fundist en
margra var enn saknað og óttast
var að tala látinna myndi hækka
verulega.
Slökkviliðsmenn voru önnum
kafnir við að slökkva elda, sem
kviknuðu í húsarústunum. Her-
menn fluttu hjálpargögn á ham-
farasvæðið og herþyrlur fluttu al-
varlega slasað fólk á sjúkrahús í
Ankara.
Tyrkneskar björgunarsveitir
notuðu loftbora til að rífa rústirn-
ar í sundur svo hægt yrði að moka
þeim í burtu. Björgunarsveitir frá
Grikkland, Bandaríkjunum,
Frakklandi, Þýskalandi og Italíu
voru væntanlegar á svæðið.
Rúmlega 1.850 slösuðust
íbúar borgarinnar Duzce í norðvesturhluta Tyrklands ganga framhjá húsarústum eftir jarðskjálfta sem
reið yfír borgina á föstudag.
Embættismaður í heilbrigðis-
ráðuneyti Tyrklands sagði í gær
að a.m.k. 320 manns hefðu farist í
jarðskjálftanum og rúmlega 1.850
slasast. Hann bætti við að mörg-
um hefði verið bjargað úr rústun-
um.
Hundruð manna söfnuðust sam-
an við bálkesti í almenningsgarði í
borginni Duzce til að ylja sér.
Þykkan reykmökk lagði yfir borg-
ina frá eldunum.Yfirvöld á ham-
farasvæðinu ákváðu að taka raf-
magnið af til að minnka hættuna á
að fleiri eldar kviknuðu.
Talsmenn björgunarsveitanna
sögðust búast við því að tala lát-
inna myndi hækka. Celil Sen, sem
skipuleggur björgunarstarfið í
Duzce, sagði að sést hefði til fólks
draga í burtu lík skyldmenna
sinna og því væri erfitt að veita
nákvæmar upplýsingar um fjölda
látinna.
Tyrkneskir embættismenn
sögðu að þrátt fyrir jarðskjálftann
á föstudag yrði ekki hætt við að
halda leiðtogafund Öryggis- og
samvinnustofnunar Evrópu (ÖSE)
í Istanbúl á fimmtudag og föstu-
dag.
Slökkt var á hreyflum EgyptAir-þotunnar áður en hún fórst
Yfírvöld eru eng’ii nær
um orsök flugslyssins
Newport. AP.
UPPLÝSINGAR úr flugrita farþegaþotu
EgyptAir, sem fórst undan strönd Bandaríkj-
anna 31. október, hafa leitt í ljós að slökkt var á
báðum hreyflum þotunnar skömmu eftir að við-
vörunarhljóð heyrðist í stjómklefanum eftir að
þotan hafði tekið mikla dýfu.
Embættismenn stofnunarinnar NTSB, sem
sér um rannsóknir á flugslysum í Bandaríkjun-
um, sögðu að viðvörunarhljóðið benti til þess að
„alvarlegt vandamál" hefði komið upp. Ekki
væri vitað um ástæður viðvörunarhljóðsins og
rannsóknarmennirnir væru engu nær um orsök
flugslyssins.
Margar spurningar vakna
James Hall, formaður NTSB, sagði að marg-
ar spurningar vöknuðu vegna þeirra upplýsinga
sem fengjust úr flugritanum.
Flugmálasérfræðingar segja þó að nýju upp-
lýsingarnar bendi til þess að slökkt hafí verið
viljandi á hreyflum þotunnar.
Talið er að „svarti kassinn“ með hljóðupptök-
um flugmanna geti skýrt það sem gerðist. Hafin
hefur verið leit að kassanum á hafsbotninum og
talið er að hann sé undir braki úr þotunni á um
75 m dýpi.
Upplýsingarnar úr flugritanum benda til þess
að allt hafi verið með felldu þar til átta sekúnd-
um eftir að sjálfvirkur stýribúnaður þotunnar
hefði verið tekinn úr sambandi. Hún hefði síðan
tekið mikla dýfu, úr 33.000 fetum í 16.000 fet, á
40 sekúndum. Þotan hefði síðan risið í 24.000 fet
áður en hún hrapaði í hafið.
Vann 90
milljónir
fyrir
mistök
LÍTIÐ kaupfélag í Randaberg í
Noregi, nálægt Stafangri, hefur
unnið 9,7 milljónir norskra króna,
um 90 milljónir íslenskra, í lottói
vegna þess að einn af starfsmönn-
um þess kunni ekki á lottótölvuna.
Norska lottófyrirtækið hafði
leitað að vinningshafanum í sex
daga þegar í ljós kom að kaupfé-
lagið í Randaberg hefði greitt
vinningsmiðann. Starfsmaður
þess mun hafa ætlað að prófa tölv-
una, sett inn tölur og ætlað að
ógilda þær en ýtt á rangan takka.
Norska dagblaðið Aftenposten
hafði eftir kaupfélagsstjóranum
að hann gleddist mjög yfir þessum
mistökum og að allir félagsmenn
kaupfélagsinn myndu njóta góðs
af vinningnum.
„Eg vona að við starfsmennirnir
fáum bónus og gott jólahlaðborð í
ár,“ sagði starfsstúlka í kaupfé-
laginu, sem sór af sér mistökin.
Fflar
skelfa
Kínverja
Peking. The Daily Telegraph.
VILLTIR fílar, sem eru orðn-
ir sjaldgæfir í Kína, hafa vald-
ið mikilii skelfingu meðal íbúa
landbúnaðarþorpa í Yunnan-
héraði í suðurhluta landsins.
Embættismenn og dýra-
sérfræðingar reyna nú að
kenna bændum og þorpsbúum
í héraðinu að hafa hægt um sig
og forða sér frá fílunum eftir
að þeir höfðu orðið þremur
mönnum að bana.
Fílarnir vega þrjú tonn og
hjarðirnar hafa lagt hús í rúst
og eyðilagt uppskeru bænd-
anna. Fólkið vissi ekki hvernig
bregðast ætti við þessum vá-
gesti og reyndi að fæla fílana í
burtu með því að reka upp
öskur, kveikja bál og kasta
jafnvel kínverjum á þá.
Þúsundir asíufíla voru áður
fyrr í suðurhluta Kína en þeir
lifa nú aðeins í Yunnan-héraði.
Verndunarstefna stjómvalda
hefur orðið til þess að fílarnir
laðast að þorpunum.