Morgunblaðið - 02.03.2000, Qupperneq 6

6 FIMMTUDAGUR 2. MARS 2000
MORGUNBLAÐIÐ
FRÉTTIR
Julian Harston, sendiherra Sameinuðu þjóðanna í Sarajevo, Jón F. Bjartmarz yfírlög-
regluþjónn, Jens Börsting yfirlögregluþjónn frá Danmörku, Jón S. Ólason aðaivarðstjóri,
Haraldur Johannessen ríkislögreglustjóri, Jóhannes Sigfússon varðstjóri, Torsten Hessel-
bjcrg, ríkislögrcglustjóri Danmerkur, Ólafur Egilsson aðalvarðstjóri og Detlef Buwitt, yfir-
maður alþjóölegu lögreglusveitanna í Bosnfu við orðuveitinguna í Sarajevo í gær.
Enn er merki eyðileggingarinnar víða að sjá í Sarajevo. Hér sjást rústir höfuðstöðva dag-
blaðsins Oslobodenje, sem var eyðilagt í umsátrinu um borgina. Þrátt fyrir átökin gengu
prentvélar blaðsins áfram og tókst blaðamönnum blaðsins að sjá til þess að ekki datt úr út-
gáfudagur. Var haft eftir einum blaðamanna blaðsins þegar átökin voru í hámarki að á
meðan þessi frétt væri enn tit staðar myndi blaðið koma út.
Þrír íslenskir lög-
reglumenn heiðraðir
í Sarajevo
ÞRÍR ístenskir lögreglumenn voru meðal
þeirra, sem í gær var veitt orða við hátíð-
lega athöfn, sem fór fram í Sarajevo að
viðstöddu fjölmenni frá atþjóðastarfstiði
Sameinuðu þjóðanna í Bosníu-Hersegóvínu.
Athöfn þessi fer fram reglulega og við það
tækifæri veita Sameinuðu þjóðirnar þátt-
takendum á sínum vegum sérstaka
þjónustuorðu sem viðurkenningu fyrir
störf þeirra á vegum stofnunarinnar.
Athöfnin í gær var sérstaklega haldin
fyrir fslenska og danska lögreglumenn sem
starfað hafa í Bosníu-Hersegóvínu á und-
anförnum mánuðum. Detlef Buwitt, lög-
reglustjóri alþjóðalögregluliðsins í Bosnfu-
Hersegóvínu, afhenti orðuna af hálfu Sam-
einuðu þjóðanna. Sérstakir gestir við
athöfnina voru Julian Harston, sérlegur
fulltrúi aðalframkvæmdastjóra SÞ, Harald-
ur Johannessen ríkislögreglustjóri og Tor-
sten Hesselbjerg, ríkislögreglustjóri
dönsku lögreglunnar.
íslensk lögregla fyrst í friðargæslu
í Israel fyrir 50 árum
í ávörpum sínum lögðu ríkislögreglu-
stjórarnir áherslu á þátttöku fslensku og
dönsku lögreglunnar í alþjóðlegu lög-
reglustarfi og gátu þess hve samvinna
landanna við þessi störf hefði tekist vel.
Haraldur gat þess að íslenska lögreglan
hefði fyrst tekið virkan þátt í alþjóðastarfi
SÞ fyrir um 50 árum en þá voru íslenskir
lögreglumenn þátttakendur í friðargæslu í
ísrael. Það hefði síðan verið 1997 sem ís-
lensk lögregla tók á ný þátt í slíkum verk-
efnum í Bosníu-Hersegóvínu.
Detlef Buwitt áréttaði mikilvægi þess al-
þjóðlega uppbyggingarstarfs sem þarna
væri unnið á vegum SÞ og þakkaði ís-
lensku og dönsku lögreglumönnunum fyrir
þeirra störf. Hann gat þess sérstaklega að
það vekti eftirtekt að allir íslensku lög-
reglumennirnir gegndu lykilhlutverki í
starfsemi alþjóða lögregluliðsins í Bosníu-
Hersegóvínu.
Þeir íslensku lögreglumenn sem nú var
veitt orða eru Jón S. Ólason, aðalvarðstjóri
í lögreglunni í Reykjavík, Ólafur Egilsson,
aðalvarðstjóri í Iögreglunni í Reykjavík, og
Jóhannes Sigfússon, varðstjóri í lög-
reglunni á Akureyri. Áður hafa 9 íslenskir
lögreglumenn hlotið orðu fyrir störf sín á
vegum SÞ í Bosníu-Hersegóvínu.
Ibúðarhús í Sarajevo, sem skemmdist í sprengingum og skotbardögum og virðist enn vera
eins og daginn er átökunum um borgina lauk. Þegar betur er að gáð sést að búið er í húsinu,
rúður hafa verið settar í glugga og fólk og bflar standa fyrir utan.
f hverfinu Dobrinja í Sarajevo má víða sjá húsveggi alsetta skotgötum og jafnvel vantar
heilu húshliðarnar þannig að sést inn í herbergi og ganga húsanna. Haraldur Johannessen
ríkislögreglusljóri og Jón F. Bjartmarz yfirlögregluþjónn fóru skoðunarferð um borgina.
Grunnskólanem-
endur kenna eldri
borgurum á tölvur
FRÆÐSLUMIÐSTÖÐ Reykjavík-
ur veitti í gær 33 grunnskólanem-
endum í Reykjavík viðurkenningu
fyrir að taka þátt í að kenna eldri
borgurum í borginni á tölvur. Guð-
rún Þórsdóttir, kennsluráðgjafi hjá
Fræðslumiðstöð Reykjavíkur, sagði,
þegar viðurkenningarnar voru veitt-
ar í Ráðhúsi Reykjavíkur í gær, að
með tölvunámskeiði fyrir aldraða,
undir einkunnarorðunum Einum
kennt - öðrum bent, hafi ræst gamall
draumur um að koma á tengingu
milli kynslóðanna. Námskeiðin eru
samstarfsverkefni Fræðslumið-
stöðvar Reykjavíkur, Námsflokka
Reykjavíkur og sex grunnskóla í
Reykjavík, Rimaskóla, Hagaskóla,
Hólabrekkuskóla, Breiðholtsskóla,
Háteigsskóla og Langholtsskóla. 33
grunnskólanemendur tóku þátt í að
kenna 75 eldri borgurum helstu
grunnatriði í tölvunotkun og voru
námskeiðin haldin í tölvuveri skól-
anna í samstarfi við kennara. I máli
Guðrúnar kom fram að allir hafa
skólarnir lýst sig reiðubúna til að
halda námskeiðunum áfram.
Pálína Jónsdóttir, stjórnarmaður í
Félagi eldri borgara, sagði að það
S'V
i Jk- /> WT-m K —' *■ H Æ ,^í ' É&i ' j fk í $ >' ;fv **
Morgunblaðið/Jim Smart
33 grunnskólanemendur voru í gær heiðraðir í Ráðhúsi Reykjavíkur fyrir að hafa tekið þátt í að kenna eldri
borgurum í Reykjavík á tölvur.
hefði verið frábær hugmynd að fá
grunnskólanemendur til að kenna
eldri borgurum á tölvur. Þetta hefði
verið liður í að tengja kynslóðirnar
saman í raunhæfu verkefni og allir
sem lagt hefðu verkefninu lið ættu
þakkir skildar. Pálína sagði að sú
skrítla væri sögð að eldri kona sem
var að byrja að læra á tölvu hefði lagt
músina á gólfið og ætlað að stýra
henni með fætinum eins og hún var
vön að stýra saumavélinni sinni. Hún
sagði að það væri í góðu lagi að ungl-
ingar skemmtu sér þannig á kostnað
hinna eldri. „En talið ekki bara um
okkur eldri borgara. Talið líka við
okkur,“ sagði Pálína. Hún sagði að
þetta hefði einmitt gerst í tölvu-
fræðslunni og eldri borgara langi til
að fræðast af þeim yngri og ná að
skilja unglingamenninguna.