Morgunblaðið - 06.04.2000, Blaðsíða 92

PfergmnMntíit*
fELCCÍ
r\ZI
Síðan 1972
Leitið tilboða!
Trausti
íslenska
múrvörui
II steinpi
MORGUNBLAÐIÐ, KRINGLUNNI1,103 REYKJAVÍK, SÍM15691100, SÍMBRÉF5691181, PÓSTHÓLF 3040,
ÁSKRIFT-AFGREIÐSLA S691122, NETFANG: RITSTJ@MBL.IS, AKUREYRI: KAUPVANGSSTRÆTl I
FIMMTUDAGUR 6. APRÍL 2000
VERÐ í LAUSASÖLU 150 KR. MEÐ VSK.
Flugvirkjar hjá Flugleiðum boða verkfall frá og með 13. aprfl
Flug frá landinu
stöðvast samdægurs
Samkeppnisstofnun
Landssím-
inn ákvað
—* sjálfur
hækkun
LANDSSÍMINN ákvað hækkun
GSM-álags úr 7,47 kr. í 12,50 kr. án
nokkurra afskipta Samkeppnisstofn-
unar en í frétt Morgunblaðsins í gær
var sagt að Samkeppnisstofnun hefði
í bréfi til Landssímans gefið til kynna
að svo kynni að fara að stofnunin
beitti fyrirtækið sektum hækkaði það
ekki álag á millilandasímtöl úr GSM-
símum í tengslum við kvörtun
Frjálsra fjarskipta.
Guðmundur Sigurðsson, forstöðu-
maður Samkeppnissviðs Samkeppn-
\?stofnunar, segir að stofnunin hafi
ekki beint neinum fyrirmælum til
Landssímans um að hækka GSM-
álag vegna máls Frjálsra fjarskipta,
enda sé því máli ólokið.
Hann segir að Samkeppnisstofnun
hafi borist afrit af bréfi Landssímans
til Frjálsra fjarskipta í framhaldi af
fundi fyrirtækjanna, en þar tilkynni
Landssíminn um hækkun GSM-álags
úr 7,47 kr. upp í 12,50 kr. á mínútuna.
„Þessa ákvörðun tók Landssíminn án
nokkurra afskipta Samkeppnisstofn-
unar enda hefur erindi Frjálsra
■■•Ptarskipta aðeins hlotið hefðbundna
stjórnsýslumeðferð. Það þýðir að leit-
að var umsagnar Landssímans um
málið og honum greint frá því að brot
fyrirtækja á samkeppnislögum eða
ákvörðunum gætu varðað viðurlög-
um, t.d. beitingu stjórnvaldssekta."
Guðmundur segir að slík tilkynn-
ing sé í samræmi við stjómsýslulög
um andmælarétt og sé í fullu sam-
ræmi við hefðbundin vinnubrögð
samkeppnisyfirvalda. í þessu hafi því
ekki á nokkum hátt falist úrskurður
um háttsemi Landssímans.
Loks
lét sólin
sjá sig
GÆRDAGURINN minnti okkur á
að sumarið er handan við hornið,
þótt enn geti brugðið til beggja
vona. Fólk notaði tækifærið og
dreif sig í sundlaugarnar.Veður-
horfur næstu daga eru nokkuð
góðar, en á mánudag er búist við
að kólni eilítið í veðri með norð-
anatt.
FLUGVIRKJAR hjá Flugleiðum hf.
hafa boðað ótímabundið verkfall frá
13. apríl nk. semjist ekki fyrir þann
tíma. Komi til verkfalls stöðvast allt
flug til og frá landinu samdægurs.
Flugvirkjar hjá Flugfélagi Islands
hf. hafa einnig boðað til verkfalls frá
og með 17. apríl nk.
Flugvirkjafélag Islands hélt kjör-
fund um verkfallsboðun 3. og 4. apríl
sl. Samþykkt var ótímabundið verk-
fall sem á að ná til vinnu við allt línu-
viðhald flugvéla Flugleiða og við-
haldsstýringu á Keflavíkurflugvelli.
Skal það hefjast að morgni 13. apríl.
Kosningarétt höfðu 156 félags-
menn; 106 samþykktu verkfallsboð-
un, 4 felldu hana en auðir seðlar og
ógildir vora engir.
Þá var samþykkt ótímabundið
allsherjarverkfall hjá Flugfélagi ís-
lands hf. frá og með 17. apríl nk. kl.
11. 22 félagsmenn höfðu kosninga-
rétt, 12 sögðu já og enginn nei. Einn
seðill var ógildur og annar auður.
Einar Sigurðsson, aðstoðarfor-
stjóri Flugleiða, segir fyrirtækið
treysta því að ekki komi til verkfalls.
Segir hann að það verði að forðast í
lengstu lög.
„Það myndi koma mjög illa niður á
flugrekstrinum og ferðaþjónustunni
líka. Ef til þess kæmi gæti það valdið
miklu tjóni á mörkuðum erlendis.
Flugið og ferðaþjónustan er sér-
stök að því leyti að þetta er ekki vara
sem hægt er að geyma til sölu
seinna. Þetta era hvort tveggja at-
vinnugreinar sem eru að vaxa, en
hafa verið með tiltölulega veika
rekstrarstöðu. Það er líka mikilvægt
fyrir atvinnulífið sem er að fóta sig á
alþjóðavettvangi að einangrast ekki
hér vegna verkfalls,11 segir Einar.
Einar sagði að Flugleiðir þyrftu
að hafa til hliðsjónar heildarlauna-
greiðslur félagsins sem væru um
átta milljarðar króna. „Hver tíu
prósent, hvort sem þeim er skipt nið-
ur á tvö, þrjú eða fjögur ár, eru átta
hundruð milljónir. Hvert prósentu-
stig á laun þýðir 80 milljóna króna
útgjöld fyrir félagið," sagði hann.
Morgunblaðið/RAX
■ Stofnunin hafði/12
---------------
Fæðingarorlof
Kveðjur frá
útlöndum
FJÖLDI árnaðaróska hefur borist
að utan til karlanefndar Jafnréttis-
ráðs vegna samþykktar laga um
lengingu á fæðingarorlofi hér á
landi. Ingólfur Gíslason, starfs-
maður nefndarinnar, segir að á bil-
inu 30-40 heillaskeyti hafi borist
frá starfsbræðrum á Norðurlönd-
um, Englandi og Bandaríkjunum.
Hann segir að þegar breytingin
hefur að fullu náð fram að ganga
jíiiandi Islendingar fremstir allra
þjóða hvað varðar rétt karla til
fæðingarorlofs.
I Fæðingarorlof/6
Fólksbflar lækka um á ann-
að hundrað þúsund króna
BÍLAUMBOÐIN eru þegar farin
að bregðast við breytingum á vöru-
gjaldi sem samþykktar voru á Al-
þingi síðdegis í gær, sem felur í sér
fækkun vörugjaldsflokka úr sex í
tvo. Toyota hefur lækkað verð allt
frá 2,25% upp í 12,06% og Brimborg
hefur lækkað verð um allt að 12%.
Mest verðlækkun verður á jepp-
um með bensínvélar stærri en 2.500
rúmsentimetra, sem báru 65% vöru-
gjald en fara í 45%, og með dísilvél-
ar yfir 3.000 rúmsentimetra sem
báru einnig 65% vörugjald en fara í
45%. Þannig lækkar Toyota Land
Páskar
í Dublin
20. - 24. apríl
Eigum örfá sæti laus í skemmtiferö til írlands um páskana.
KynnlA ykkur sérstaka golfdagskrá fyrir kylflnga.

Samvinnuferðir
Landsýn
Cruiser 100 VX með bensínvél úr
5.680.000 kr. í 4.995.000 kr. eða um
685.000 kr. Dísilbíll sömu gerðar
lækkar úr 5.980.000 kr. í 5.265.000
kr. eða um 715.000 kr. Lítils háttar
hækkun verður á verði Land Cruis-
er 90 með dísilvél sem fer úr 40%
vörugjaldi í 45%. Hækkunin er þó
minni en sem nemur hækkun vöru-
gjaldsins eða 1,30 í 1,67% fyrir dísil-
bílinn meðan hækkunarþörfin var
3,2%. Lítilsháttar verðlækkun verð-
ur einnig á Corolla og allt að 5,67% á
Avensis með 1,8 1 vél. RAV4-jepp-
lingurinn lækkar um allt að 4,65%.
Áhrif á markað
með notaða bfla
Júlíus Vífill Ingvarsson, fram-
kvæmdastjóri Bílheima, segir að
hér sé verið að stíga skref frá
neyslustýringu sem hafi verið alltof
mikil. 65% vörugjaldsflokkurinn
hafi ekki þjónað neinum tilgangi.
Nánast enginn fólksbíll hafi verið
fluttur inn af bílaumboðunum í þeim
flokki. Fyrirhuguð breyting sé af
hinu góða en það hafi komið á óvart
að 40% vörugjaldsflokkurinn hækk-
aði í 45% sem valdi hækkun á öllum
innfluttum japönskum jeppum sem
voru í 40% vörugjaldflokknum.
Hann segir að breytingin opni einn-
ig fyrir endurskoðun á innflutningi á
bandarískum bílum, ekki síst GMC
Suburban og öðrum stórum banda-
rískum bflum. „Stærstu fréttirnar
eru þó kannski þær að vinsælir bílar
eins og Subaru lækka og aðrir fólks-
bflar með 2,0 1 bensínvélar, eins og
Opel Vectra og Nissan Primera,
lækka um eitthvað á annað hundrað
þúsund krónur. Ýmsir bflar sem
fram til þessa hafa aðallega verið
seldir með 1,6 1 vélar verða boðnir
með 1,81 og 2,01 vélar. Þarna verður
áherslubreyting og línan mun
breikka. Það koma aftur inn bflar
með 1,81 vélar sem hafa lítið verið á
boðstólum til þessa,“ segir Júlíus.
Hann telur að breytingin hafi
jafnframt áhrif á verð notaðra bfla.
Reikna megi með því að verð á al-
gengum jeppum sem nú eru til sölu
á bflasölunum breytist ekki á svip-
stundu en með tímanum muni þeir
hækka lítillega. Egill Jóhannsson,
framkvæmdastjóri Brimborgar,
segir að mestu áhrif vegna fyrirhug-
aðrar vörugjaldsbreytingar verði á
bflum með bensínvélar yfir 3,0 lítra
aðstærð og ef tekið sé dæmi af lúx-
usjeppa, eins og Ford Explorer,
lækki hann um 12%, eða úr 4,5 millj-
ónum kr. í tæpar 3.960.000 kr. eða
um 540.000 kr. Áhrif verði einnig til
lækkunar á fjölskyldubflum með 2,0
lítra vélar, eins og Ford Mondeo-
skutbfl með sjálfskiptingu sem kost-
ar nú um 2,4 milljónir en lækkar um
6,5% eða 170.000 kr. Egill kveðst
telja að tilfærsla verði milli vélar-
stærða og verði í kjölfarið auðveld-
ara fyrir fjölskyldur að eignast rúm-
góða fjölskyldubíla. Þá muni
samkeppnisstaða milli jeppa með
bensín- og dísilvélar jafnast. Einnig
megi reikna með því að innflutning-
ur nýrra jeppa frá Bandaríkjunum
aukist en sá innflutningur hafi nán-
ast legið niðri vegna tollmismunar.
Hekla hf. hefur ekki ákveðið verð-
breytingar enn sem komið er. Jó-
hannes Reykdal, blaðafulltrúi
Heklu, segir að helstu áhrifin af
vörugjaldsbreytingunni verði þau að
hægt verði að bjóða bíla með hag-
kvæmari vélar. Mitsubishi hefur
þróað nýja gerð véla, svokallaðar
GDI-vélar, sem eru bæði spameytn-
ari og umhverfisvænni en hefð-
bundnar bensínvélar. Þær hafa hins
vegar aðeins verið fáanlegar með
1.800 rúmsentimetra slagrými. Jó-
hannes segir að hægt verði að bjóða
þessar vélar á viðráðanlegu verði og
sömuleiðis er væntanlegur á markað
hérlendis nýr Pajero-jeppi með 3,5
lítra GDI vél sem fer úr 65% vöru-
gjaldi í 45%.
■ Tvær breytingar/10