Morgunblaðið - 07.07.2000, Síða 22

22 FÖSTUDAGUR 7. JÚLÍ 2000
MORGUNBLAÐIÐ
ÚRVERINU
Tillögu um eftirlit með
hvalaafurðum hafnað
FUNDI Alþjóða hvalveiðiráðsins
lauk í gær en helstu mál á dagskrá
voru skýrsla vísindanefndar ráðs-
ins og kjör forystumanna auk ým-
issa smærri mála. Ki'istin Har-
aldsdóttir sat fundinn fyrir hönd
sjávarútvegsráðuneytisins. „A
fundi vísindanefndar ráðsins kom
fram tillaga að ályktun um að vís-
indanefndin ynni að erfðafræðileg-
um aðferðum til að fylgjast með
verslun á hvalaafurðum en sú til-
laga var felld,“ segir Kristín. „Þau
ríki sem lögðu fram tillöguna um
að flýta gerð stjórnunarlaganna í
fyrradag greiddu ekki atkvæði
með þessari tillögu og var greini-
legt að þau töldu að þessi tillaga
myndi tefja gerð stjórnunarlag-
anna. Þessi atkvæðagreiðsla
skýrði mjög vel þær þrjár fylking-
ar sem eru á fundinum en það eru
þjóðirnar sem eru á sitt hvorum
pólnum og síðan þessi miðjufylk-
ing sem er að skera sig úr.“
A fundinum í gær var Svíinn Bo
Fernholm kosinn formaður í stað
írans Michael Canny sem er að
láta af störfum. „Leynileg at-
kvæðagreiðsla fór einnig fram um
hver myndi halda fundinn árið
2002 en bæði Japan og Nýja-Sjá-
land höfðu boðið sig fram. Japan
hlaut fleiri atkvæði í þeirri at-
kvæðagreiðslu og verður fundur-
inn því haldinn í japönsku borginni
Shimonoseki 2002.“
Hvalveiðar leyfilegar
en ómögulegar
Norðurskautssamtökin High
North Alliance, en aðild að þeim
eiga Noregur, Færeyjar, ísland,
Grænland og Kanada, hafa staðið
fyrir kynningarherferð í Ástralíu
vegna fundar hvalveiðiráðsins en
mikið upplýsingastríð hefur verið
háð milli umhverfissinna og þeirra
sem eru fylgjandi hvalveiðum.
Sveinn Guðmundsson, upplýsinga-
fulltrúi Norðurskautssamtakanna,
er ekki á sama máli og aðrir um að
ályktunin um hröðun vinnu við
stjórnunarreglanna komi til með
að flýta fyrir hvalveiðum. „Ég er
ekki sammála því að Alþjóða hval-
veiðiráðið hafi verið að stíga einu
skrefi nær hvalveiðum með þeirri
ályktun sinni. Ég tel að það hafí
frekar verið að stíga skrefi fjær
hvalveiðum.
Svíar koma með þessa ályktun
degi eftir að fulltrúi þeirra lýsti
því yfir að öll heimsins höf ættu að
vera griðastaður fyrir hvali og það
sjá allir að þetta gengur ekki upp.
Astæðan fyrir því að þeir ganga
fram með þessa ályktun er sú að
þeir eru undir pressu frá CITES
og eins vita þeir að ef stjórnunar-
lögin verða samþykkt eins og þau
eru á borðinu í dag verða hvalveið-
ar leyfðar en ekki stundaðar vegna
þess að þær koma ekki til með að
borga sig.
Ástæða þess er sú að reglurnar
gera ráð fyrir geysilega dýru eftir-
liti en kostnaðinn af því myndu
hvalveiðiþjóðirnar bera og er hann
langtum meiri en veiðarnar standa
undir. Það er því verið að gera
hvalveiðar leyfilegar en ómöguleg-
ar.“
Evrópsk æska án
eiturlyfja - á mbl.is
PATH
Kynntu þér allt um Path á
mbl.is um leið og þú tekur
þátt í samkeppni um slagorð
Path. Á mbl.is er einnig hægt
að lesa sér til um hvað er á
döfinni hjá Path.
10.-17. júlí:
ráðstefna ;v fallhlífarstökk
netleikur götugleði
..j'/
iM
V"/
/<■
og miklu fleira...
Path.is
► Lumar þú á skemmtilegu ? ■
gslagorð 1 fyrir Path?
Sendu tillögu í samkeppn-
ina á mbl.is og þú gætir
unnið frábærar Flakkferðir
í boði Ferðaskrifstofu
stúdenta og Eurocard-Atlas!
Meðal þess sem Flakkferðir bjóða
upp á í sumar er:
Fallhlífastökk 8. júlí, verð kr. 9800.
Svifflug 12. júlí, verð kr. 2000.
Rimini 22.-29. júll, verð kr. 29.990.
Portúga! 14.-28. ágúst, verð 30.900.
Skráning í sfma 551 5353.

SAMSKIP :: Islandsbanki *~firlírAn vímurfiu 1 •' ; ; " - If p^MÍE ® í i ifi f il • maa * Bm. tt I v 11 M 1 </
mbl.is
Morgunblaðið/Kristján Kristjánsson
Skipstjórum lýst illa á eftirlitsmyndavélar um borð í fískiskipunum.
Myndi ekki skila
ætluðum árangri
Hafa ekki trú á eftirlitsmyndavélum
EFTIRLITSMYNDAVÉLAR um
borð í fiskiskipum myndu ekki skila
tilætluðum árangri og leita verður
annarra leiða til að koma í veg fyrir
brottkast að mati skipstjóra. Sjávar-
útvegsráðherra kynnti á miðvikudag
aðgerðir gegn brottkasti fisks og
hefur m.a. skipað starfshóp sem
kanna á notkun eftirlitsmyndavéla
um borð í skipum til að komast að
umfangi brottkastsins og til að koma
í veg fyrir það.
Gestur Sigurðsson, skipstjóri á
frystitogaranum Rán HF frá Hafn-
arfirði, segist ekki viss um að eftir-
litsmyndavélar myndu þjóna tilgangi
sínum. „Ætli fólki í landi þætti ekki
óþægilegt ef það væri undir stöðugu
eftirliti í vinnunni? Það sama á ef-
laust við úti á sjó. Það væri vissulega
hægt að koma fyrir myndavélum hér
um borð en þær yrðu að vera ansi
margar. Við erum reyndar nú þegar
með myndavélar á grandaraspilun-
um og í vinnslunni en ef það ætti að
hafa eftirlit með öllu yrðu vélarnar
að vera á mun fleiri stöðum og það
yrði mjög dýrt. En það má vel vera
að myndavélar séu góð leið til að hafa
eftirlit með brottkasti en ég sé ekki í
fljótu bragði fyrir mér hvernig það
yrði framkvæmt.
Mér finnst umræðan um brottkast
á köflum dálítið undarleg. Við erum
reglulega með eftirlitsmenn um borð
hjá okkur á frystitogurunum og þeir
benda okkur á það sem betur má
fara. Fiskurinn sem við veiðum er
númeraður eftir stærðarflokkum og
Fiskistofa fær allar upplýsingar um
aflann. Fiskistofa getur síðan borið
þær saman við skýrslur úr veiðiferð-
um þegar ekki er eftirlitsmaður um
borð. Þannig kæmi strax í ijós ef
grunsamlega mikill munur væri á
aflasamsetningunni milli veiðiferða.
Við höfum heldur engan hag af að
henda fiski vegna þess að í frysting-
unni er sáralítill verðmunur á stórum
og smáum físki.“
Myndavélar ekki rétta aðferðin
„Fyrir mitt leyti væri mér sama þó
að hér væru eftirlitsmyndavélar um
borð. Ég hef ekkert að fela, enda
ekki það mikdll fiskimaður að ég hafi
efni á að henda fiski. En sjálfsagt
yrði óþægilegt að vinna undir slíku,“
segir Oli Fjalar Ólafsson, skipstjóri á
ísfisktogaranum Heiðrúnu GK frá
Grundarfirði. „Þetta er sjálfsagt
tæknilega framkvæmanlegt en ég
held að þetta sé hinsvegar ekki rétta
aðferðin til að koma í veg fyrir
brottkast á fiski. Maður sér í hendi
sér að þó að væru myndavélar um
borð í skipum myndu þeir sem á ann-
að borð eru að henda fiski finna ein-
hverja leið til komast fram hjá
myndavélunum. Það hljóta því að
vera til betri leiðir.
Að mínu mati væri skynsamlegast
að hækka verulega það hlutfall af
undirmálsfiski sem menn mega
koma með í land utan kvóta. Ég tel
að menn myndu ekki leggjast í smá-
fisk þó kerfinu yrði breytt þannig,
því menn fá mun lægra verð fyrir
smáan fisk. En þá myndi smáfiskur-
inn í meðaflanum koma á land. Það
er aftur á móti mjög jákvætt að um-
ræðan um brottkast sé nú komin upp
á borðið og að nú eigi að grípa til að-
gerða til að draga úr því. Það vita all-
ir að þetta viðgengst í einhverju
magni en það verður að beita
skynsamlegum aðgerðum í þessu
sambandi," segir Óli Fjalar.
Ósanngjörn umræða
„Ég hef ekki og hef aldrei haft
neitt að fela og þess vegna mættu
vera eftirlitsmyndavélar um borð
mín vegna. Slíkt eftirlit yrði vafa-
laust þrúgandi og óþolandi til lengd-
ar. Ég tók þessa hugmynd reyndar
ekki alvarlega og get ekki séð að af
þessu geti orðið,“ segir Gísli Vil-
hjálmur Jónsson, skipstjóri á línu-
skipinu Frey GK.
Freyr GK er gerður út af Vísi hf. í
Grindavík sem verkar afla af bátum
sínum í salt. Gísli segir að undir-
málsfiskur af bátum Vísis sé seldur á
markaði og fyrir hann fáist venju-
lega töluvert hærra verð en fyrir
þann fisk sem fari í saltverkun. Sjó-
menn hafi því enga ástæðu tii að
henda smæsta fiskinum fyrir borð.
„Umræðan um brottkast er þann-
ig ósanngjöm gagnvart stærstum
hluta sjómanna. Brottkast er engu
síður staðreynd en ég er sannfærður
um að það er stundað í mun minna
mæli nú er áður, því menn hafa tamið
sér mun betri vinnureglur í um-
gengni um auðlindina. Að mínu mati
eigum við ekki að vera að fást um það
hvemig málum var háttað fyrir
mörgum ámm heldur einblína á það
sem er að gerast í dag og hvemig má
koma í veg fyrir það.“
Stóreignir óskast
Höfum verið beðnir um að útvega:
2.500-3.000 fm skrifstofubyggingu (atvinnuhúsnæði).
4.000-5.000 fm skrifstofubyggingu (atvinnuhúsnæði).
Staðgreiðsla í boði.
Allar nánari upplýsingar veita Sverrir, Stefán Hrafn eða Óskar.