Morgunblaðið - 08.11.2000, Side 60

>0 MIÐVIKUDAGUR 8. NÓVEMBER 2000
MORGUNBLAÐIÐ
Grettir
VERIÐ VpLKOMIN,
NÚNA ER JON AÐ SKIPTA
UM LJÓSAPERU
17AV?S g-/fe
Hundalíf
Ljóska
Ferdinand
Smáfólk
ANOTHER REJECTlON 5LIP...
FILE IT UIITH TME OTMERS!
l‘M NOT 5URE l’P UUANT TO
5EE HI5FILIN6 5YSTEM..
BREF
TIL BLAÐSINS
Kringlunni 1 103 Reykjavík • Sími 569 1100 • Símbréf 569 1329
Athugasemd
við Ljóðabrot
Frá Jóni Vali Jenssyni:
í ÞEIM ágæta þætti Ljóðabrot í
Morgunblaðinu 1. nóv. birtist fallegt
ljóð, Á heimleið eftir Sigurð Gríms-
son. Það næma skáld og sá hug-
þekki, minnisstæði maður á það nú
fyllilega skilið, að haldið sé uppi
skáldheiðri hans. Því ber að þakka
birtingu þessa kvæðis eins og svo
margra annarra ljóðaperlna í þætti
þessum. En ég vil koma því á fram-
færi, að í blaðinu átti sér stað prent-
villa, þar sem orðið mynt breyttist í
mynd, en sjálfur segir hann: „Eg
henti minni hæstu mynt / í hæpið
tafl“ (Við langelda, Rv. 1922, bls. 89).
Hér notaði hann Ukingu af því, þegar
menn í fjárhættuspili kasta út eigum
sínum.
Önnur villa hefur orðið þama líka,
má hún heita lærdómsrík fyrir setj-
ara ykkar og prófarkalesara: í 2. er-
indi ljóðsins rofnar hinn taktfasti
háttur Sigurðar, þar sem prentazt
hefur: „Við dægurglaumsins gullnu
veigar / gleymdi ég mér.“ Orðin
„Gleymdi ég“ eru þrjú atkvæði
(styttast ógjarnan í framburði í
,,gleymdjeg“), en kvæðahátturinn og
skáldið sjálft vill hafa þau tvö, enda
lætur hann prenta þetta þannig í bók
sinni: „gleymdi eg“. Framburðurinn
er vitanlega „gleymdeg", þó að úr-
fellingarmerki hafi ekki verið notað
við i-ið, en skáld nota ekki alltaf úr-
fellingarmerki, þótt atkvæði falli úr
við lestur (stundum eru mörg úrfell-
ingarmerki í ljóði til óprýði fyrir aug-
að). Reyndar segir Sigurður ævin-
lega í þessu ljóði og yfirleitt í nefndri
bók sinni: „eg“, ekki „ég“. Hefði mátt
halda því við birtingu þessa ljóðs, al-
veg eins og ýmsum eldri skáldum
hefur verið sýnd sú sama virðing
með því að prenta nokkur ljóð þeirra
með gamalli stafsetningu, eins og
þeir sjálfir skiluðu þeim frá sér.
Ég þakka að endingu aftur fyrir
þessi Ljóðabrot, sem ekki bregzt að
maður lesi.
JÓN VALUR JENSSON,
cand.theol.

Anægjuleg kvöldstund
í Súðavíkurkirkju
Frá Friðrik Schram:
HELGINA 28.-29. október vorum
við hjónin, sem búum í Reykjavík,
gestkomandi hjá dóttur okkar á ísa-
firði. Meðan við vorum þar fréttum
við að á sunnudagskvöldinu yrði
samkoma í kirkjunni á Súðavík.
Samkoma þessi sem bar yfirskriftina
„Ljós í myrkri" var, ef ég man rétt, í
tengslum við menningarviðburð sem
kallast „Veturnætur á Vestfjörðum"
og sem er í gangi þar fyrir vestan um
þessar mundir. Við ákváðum að
sækja samkomuna og urðum ekki
fyrir vonbrigðum. Stundin var í um-
sjá séra Valdimars Hreiðarssonar,
sóknarprests á Suðurejri við Súg-
andafjörð. Flutti hann stutt ávörp
inn á milli söng- og tónlistaratriða.
Mæltist honum mjög vel. Tónlist og
söngur var í höndum 7 manna hóps:
flautuleikara og gítarleikara auk 5
manna söngsveitar. Var tónhstin og
söngurinn til fyrirmyndar og flutt af
mikilli alúð og innlifun og ekki spillti
lagavalið - trúarleg ljóð og sálmar,
allt mjög uppbyggilegt og sem leiddi
mann inn í nærveru Guðs. Mál séra
Valdimars féll mjög vel að yfirskrift
kvöldsins og var uppbyggilegt. Fór-
um við hjónin ásamt dóttur okkar
glöð og ánægð aftur til ísafjarðar
eftir Ijúfa kvöldstund í Súðavíkur-
kirkju. Við þökkum þeim sem að
þessari stund stóðu og gerðu þetta
kvöld ógleymanlegt.
FRIÐRIK SCHRAM,
Fljótaseli 25, Reykjavík.
Nýju fötin
keisarans
Frá Jóhanni Guðmundssyni:
ENN er Sri Chinmoy á ferðinni hér
á landi og er með ólíkindum hvað og
hvemig skrifað er vegna komu hans.
í þeirri grein sem birtist í Mbl. 29.10.
sl. skrifuð af Eymundi Matthíassyni
koma fram upplýsingar, sem útilok-
að er að trúa ef kannaðar eru.
Á þeim 35 ámm síðan hann kom til
Vesturlanda segir í greininni að
hann hafi skrifað hundmð bóka, ljóð,
ritgerðir, haldið fýrirlestra, málað
tugþúsundir mynda og fuglateikn-
ingar hans skipti milljónum, auk
þess hafl hann samið þúsundir laga.
Allt þetta á 35 ámm, starfað hjá
Sameinuðu þjóðunum tvisvar í viku,
verið ritstjóri tímarita um jóga og
andleg málefni, auk íþróttaafreka,
svo sem að lyfta Steingrími Her-
mannssyni í hæðir auk annars.
Þannig ofuimenni getur ekki verið
til og er ekki til að mínu mati.
Gefum okkur varlega áætlað að af-
rek hans séu þessi, byggð á framan-
sögðu: 500 bækur, 3000 lög, 100 þús-
und myndir, 3 milljónir fuglamynda.
Tökum þannig dæmi um fugla-
myndir Sri. Hann teiknar sam-
kvæmt þessu 250 myndir að meðal-
tali á dag x 30 daga = 7.500x12 mán.
= 90.000 á ári x 34 vinnuár = þrjár
milljónir og sextíu þúsund fugla-
myndir, auk alls annars sem hér að
framan er upptalið.
Trúir Eymundur þessu? Ritstjórn
Morgunblaðsins? Islendingar? Ekki
ég-
JÓHANN GUÐMUNDSSON,
Sléttuvegi 11, Reykjavík.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.
Hafnað enn einu sinni.
Láttu miðan hjá hinum.
Ég er ekki viss um að
ég vilji vita meira um
skráningarkerfið hans.