Skírnir - 01.01.1890, Page 54

54
BOULANGER.
þingi varð nú mikill gauragangur; kosningar sumra Boulangista
voru ónýttar og allt gekk í rifrildi og ryskingum, svo þingstofan
líktist fremur strákastúku en hefðarhúsi.
Boulanger fiuttist búferlum 8. október frá Lundúnum og
yfir á eyna Jersey í sundinu milli Frakklands og Englands og
situr þar enn (febrúar, 1890). Hann var orðinn félaus og hafði
ekki lengur efni á að búa í Lundúnum. Situr hann á næstu
grösum við Frakkland og halda menn, að hann sé að líkja
eptir Napóleon, þegar hann sat á eynni Elbu, og ætli sér, þegar
tímar líða fram, að bruna ínn á Frakkland, eins og hann. En
það er ekkert útlit fyrir, að hann eigi apturkvæmt fyrsc um
sinn, því fylgismenn hans eru farnir að verða hálfvolgir og
vondaufir. Hann hefur nokkrum sinnum boðið þeim til sín út
á Jersey, en fáir hafa orðið við því. Ameríkumenn hafa viljað
fá hann til að halda fyrirlestra hjá sér, en hann hefur ekki vilj-
að verða við því. Hann er skilinn við konuna og býr með
vinkonu sinni á eynni. Ein af vinkonum hans hefur huggað
hann, því hún erfði nýlega miljón franka. Hún heitir Mm-
Bonnemain, og hefur skilið við mann sinn. f>að er af sem áður
var, þegar hann var borinn á höndum þjóðarinnar; nú sér hann
Frakklandsströnd frá loptsvölunum á húsi sínu, og er sagt, að
honum verði opt litið þangað, þegar hann situr úti í góðu
veðri, en hann má ekki stíga fæti sínum á land.
Svo virðist sem Constans hafi kveðið Boulanger niður til
fulls og alls, ef þjóðveldismenn ekki vekja hann upp apturmeð
sundrungu, ódugnaði og hlutdrægni. Greifinn af París hafði
stutt Boulanger og mæltist það illa fyrir á eptir. Konungs-
sinnar sætta sig nú betur við þjóðveldið en áður, og þjóðveld-
ið er óvalltara fyrst um sinn, af því að þessari atreið reiddi svo
illa af.
Samoa-málið.
Hinn 10. desember 1889 var mál útkljáð, sem í þrjú ár
hefur staðið á dagskrá í þrem álfum, Evrópu, Astralíu og Am-
eríku. |>etta mál er Samoa-málið. |>að hefur verið barizt
út af því; það hefur verið ritað svo mikið fram og aptur um