Skírnir - 01.01.1890, Page 65

ENGLAND.
65
sagði, að brcfið væri ritað af skrifara Parnells, en nafn hans
stæði undir því, ritað með hans eigin hendi. Charles Russell,
málaflutningsmaður Parnells, heimtaði vitneskju um, hvernig
Times hefði komizt að bréfinu. Blaðið hafði fengið það hjá
Hauston nokkrum, fjandmanni Ira. Hauston hafði aptur
keypt það og fleiri bréf fyrir 1780 pund sterlinga (1 pd. sterl. =
18 kr.) af Pigott nokkrum. Pigott var kallaður fyrir dóm-
nefndina, og Russell þvældi hann munnlega og skriflega og
vafði honum um fingur sér þangað til enginn efi var á, að
Pigott hafði ritað bréfið og falsað nafnið, stælt hönd Par-
nells. Russell fann, að sömu réttritunarvillur, sem komu
fyrir í því, sem Pigott ritaði eptir fyrirsögn hans, voru í
bréfinu, sem skrifari Parnells átti að hafa skrifað. Og þetta
hefur verið aðalvopn Times og apturhaldsmanna í tvö ár,
til að sverta Parnell og rýja mannorð hans!
Pigott var meinsærismaður, falsari, svikari og lygari, og
hafði hann borið kápuna á báðum öxlum í 8 ár og látizt
veri í liði Parnells og mótstöðumanna hans, og haft fé út
úr báðum. Eitt af snilldarverkum hans tekur út yfir mörg
önnur. Hann sýndi stjórninni brjef, sem hótuðu honum
dauða, og sagði þau væru frá Parnellsliðum. Fékk hanu
svo hjá henni mörg þúsund krónur til að bjarga lífi sínu og
forða sér til Ameríku, en bréfin voru öll skrifuð af honurn
sjálfum. Pigott flýði áður en hann hafði meðgengið til fulls,
fyrst til Frakklands og þaðan til Madrid á Spáni. þaðan
sendi hann hraðskeyti til Englands, og bað senda sér pen-
inga. þetta skeyti komst í hendur lögreglunnar í Lundún-
um, og lét hún sjá svo um, að Spánverjar tækju hann
fastan í Madríd; tóku lögregluþjónar þar hús á honum, en
hann þreif, fyr en þá varði, hlaðna skammbyssu og skaut upp
í sig, og var þegar dauður. þannig lauk æfi hans, og þótti
ekki mikill mannskaði í honum.
Nú er að segja frá Times, sem sat eptir með sárt enn-
ið. þegar Charles Russell heyrði, að Pigott hefði sloppið
burt, hélt hann dynjandi ræðu yfir dómnefndinni, og kvað
stjórnina mundu vera riðna við þetta samsæri, sem hann
mundi nú reyna að fletta ofan af. Málaflutningsmaður Times
tók aptur bréfið, og afsakaði falsið við Parnell; það hefði
ekki verið vísvitandi. Parnell vann eið að því, að hann
6