Skírnir - 01.07.1891, Qupperneq 38

38 Kvrópa 1891.
málinu lítt, en tóku í strenginn með Englendingum. ítalir og Austurrík-
menn sömuleiðis.
Um þessar mundir fréttist, að enskt brynskip hefði tekið herskildi
eyna Sigri, vestanvert við Mytilene (Lesbos) fyrir vesturströnd Litlu-Asíu.
Allt komst í uppnám út af þessu, en sendiherra Englendinga íMiklagarði
sagði, að þetta hefði verið meinlausar heræfingar. Brynskipið sigldi síðan
burt, en soldáni skaut samt skelku í bringu, og varð bljúgari við Eng-
lendinga.
Eitt var það sem bagaði Rússum og gerði þá spaka. Slik óáran var
í landinu, að stjórnin bauð í miðjum ágúst, að eptir hinn 27. dag sama
mánaðar mætti ekki flytja korn og rúg út frá Rússlandi. Þetta var ill
sending rúgbrauðsetandi þjóðum, einkum sökum þess, að uppskeran var svo
lítil og rýr vegna rigninga í Norður- og Mið-Európu. Þjóðverjar kvein-
uðu sáran, enda kom þetta harðast niður á þeim. Þýzkalandsher varð að
leggja hveitibrauð sér til munns um tíma, því rúgverðið hækkaði svo, að
hveitibrauð varð ódýrara en rúgbrauð. Útflutningsbannið stoðaði ekkert á
Rússlandi, því frá 12. ágúst — þann dag var það birt — til 27. ágúst
var flutt út tíu sinnum meira korn en á jafnlöngum tíma, 15 dögum, í
fyrra. Má nærri geta, að þetta olli korneklu, er það bættist ofan á óáran-
ina. Yíða upp til sveita hafði fólk að eins lauf og trjábörk að leggja sér
til munns. Stjórnin útbýtti pappírspeningum. Tolstoj greifl, rithöfundur-
inn mikli, og aðrir ferðuðust um landið, að bæta úr hallærinu; stjórnin
skipaði nefnd til að rannsaka það. En allt kom fyrir ekki. Rússar dóu
hrönnum saman, og hvernig átti Rússakeisari að leggja út í strið með
hungurmorða her?
Talið er, að um 25 miljónir Rússa hafi lifað við sult og seyru vetur-
inn 1890—91. Dóu margir þeirra úr hungurveiki (hungurtyfus). Óráð-
vendni embættismannanna gleypir allt það fé og mikið af matvælunum,
sem stjórnin og einstakir menn útbýta. Bærinn Pétursborg keypti korn
fyrir nærri miljón krónur til útbýtingar, en þegar farið var að neyta þess,
reyndist, að 20%, þ. e. fimmtungur þess, var hysmi, hýði, sandur og óæti.
Bændur gerðu sumstaðar uppreisn, brenndu hallargarða og rændu mat.
Rússastjórn lánaði 500 milljónir franka hjá Prökkum til, að kaupa korn,
en það sást lítið á.
Frakkar urðu vegna þessa hællæris að hafa hægt um sig; er það til
marks um það, að þegar Chadourne, franskur blaðamaður, var rekinn burt
úr Búlgaríu og Frakkar heimtuðu með harðri hendi skaðabætur, þá studdu