Skírnir - 01.04.1914, Qupperneq 9

Nokknr orð um þjóðtrú og þjóðsiði Islendinga. 121
afalangafi hugsaði, lifði og talaði. Einveran og tilbreyt-
ingaleysið rótfesti hugsunina við hið sama, einangraði
hana og gerði hana þröngva og einhæfa. Og það, sem
er orðin margra alda erfðaeign, hverfur ekki svo fijótt.
Þess vegna geri eg mér von um, að margt mætti finna
hér í landi enn i dag, ef vel væri leitað.
Safni mínu hefi eg skift niður í flokka, og skal hér
gerð grein fyrir aðalefni þeirra í sem fæsturn orðum.
1. HúsasTcipun og byggingar. Þar hefi eg lýst húsaskip-
un og byggingarlagi bæja og úthýsa eins og það gerðist
á 18. og fyrri hluta 19. aldar. Þar þarf enn rnörgu við
að bæta, og er líklegt, að ýmsar upplýsingar mætti fá
því máli til frekari skýringar úr gömlum úttektum og
jarðaskjölum. Daniel Bruun hefir nákvæmlega lýst bygg-
ingarháttum hér á landi eins og þeir eru nú, og gert
glöggvan greinarraun þeirra héraða í milli og skýrt það
mál með fjölda af myndum. En eldri byggingarhætti
hefir hann lítið farið út í, sem þó verður að vera, enda
þótt þeir hafi að vísu haldist hér lengi við nær óbreyttir,
einkum hér norðanlands, þar sem alt stendur stórum bet-
ur vegna þurviðranna, enda standa þar víða hús og bæir,
sem enginn veit aldur á. Vegna rita hans hefi eg farið
styttra út í þetta mál en eg hefði annars gert.
2. Daglegt lif. Þar til heyrir fótaferðin, dagsvinnan,
rökkursvefninn, kvöldvökurnar og svo svefninn og rúmin
með öllu þvi er þar til heyrir. Undir þenna flokk hefði
vel mátt telja þrjá næstu flokkana, sem hér fara á eftir,
þó eg hafi nú samt fyrst um sinn tekið þá sér.
3. Fatnaðurinn: hvernig fólk klæddi sig bæði til
spari og hvers dags. Um það mætti vafalaust, fá mikinn
viðauka við það, sem eg hefi- enn getað safnað og náð til,
með því að rannsaka gamlar uppskriftir og skiftagerninga
og svo ýmislegt, sem íinst í forngripasafninu. Með þess-
um kafla er nauðsynlegt að hafa nokkrar myndir.
4. Hreinlœti, hvað oft menn þvoðu sjálfum sér, flík-
ur sínar og rúmföt, hvað menn höfðu til þess og hvernig
það var gert.