Fréttir frá Íslandi - 01.01.1878, Blaðsíða 31

MENNTIR.
31
skólansl877—78, Almanak þjóðvinafjelagsins 1879
með árbók íslands og fróðlegri ritgjörð um merkidaga o. fl.
Frjettablöðin voru hin sömu sem árið áður, og engin
breyting varð á ritstjórn þeirra önnur en sú, að doktor Grímur
Thomsen á Bessastöðum stýrði «ísafold» mikinn tíma ársins,
meðan Björn ritstjóri Jónsson var erlendis.
Prentsmiðjurnar voru einnig hinar sömu sem árið
áður. Sigurður prófaslur Gunnarsson á Hallormsstað Qekk,
eptir ósk nokkurra Austfirðinga, konungsleyfi til þess að stofna
nýja prentsmiðju á Seyðisfirði, en lionum entist eigi aldur til
að koma henni á stofn.
Bókmenntafjelagið hefur haldið líkri fjelagatölu sem
að undanförnu. Fjelagsmenn þeir, er tillag greiða, voru í sept-
embermánuði 773 að tölu, eða 21 færri en árið áður. Bóka
þeirra, er fjelagið að þessu sinni gaf út, hefur verið getið hjer
að framan, en því má bæta við, að fjelagið (deildin á íslandi)
hjet nú 500 kr. verðlaunum fyrir íslands sögu (10 til 15 arkir
að stærð), er ná skyldi frá landnámstíð til vorra daga.
pjóð vinafj elagið kom eigi við að þessu sinni að gefa
út, ársrit sitt Andvara, en útbýtti fjelagsmönnum í þess stað,
auk almanaksins, fyrra heptinu af ágripi mannkynssög-
unnar, eptir Pál Melsteð, og enskum landabrjefum, sem
hvorstveggja er fyr getið.
Um vísindaleg söfn vantar flestar skýrslur, en af því,
að mörgum þeirra er lagður nokkur fjárstyrkur árlega aflands-
fje, má ráða það, að þau aukist nokkuð á ári hverju, og það því
fremur sem sumum þeirra er við og við sent ýmislegt að gjöf,
svo sem ýmsum bókasöfnum, forngripasafninu og
náttúrusögusafni lærða skólans. Um náttúrusögusafnið
er þess getið, að því að þessu sinni gáfust ýmsar merkilegar
steinategundir frá Ameríku (gullsteinar o. fl.), frá Færeyjum,
úr DyngjuQöllum, af Mývatnsöræfum og víðar að; einnig nokkr-
ar tegundir dýra, fugla, fiska og orma, sumt sjaldsjeð. Um-
sjónarmaður forngripasafnsins í stað Sigurðar rnálara
Guðmundssonar var settur fornfræðingurinn Sigurður gullsmiður
Vigfússon, ásamt inspektor Jóni Árnasyni.
í latínuskólanum voru lærisveinar við byrjun skóla-