Bókasafnið - 01.02.1978, Blaðsíða 7

haldin voru. Fara þau hér á eftir, en innan
sviga er sett nafn framsögumanns.
1. Veigamestu tillögur og niðurstöður
nefndar Rannsóknaráðs um skipulag upp-
lýsingamála (Reynir Hugason).
2. Upplýsingaþjónusta í tækni og raun-
greinum. Þarfir, gildi og form slíkrar þjón-
ustu (Dan Fink).
3. Kynning á starfsemi Dansk teknisk
oplysningstjeneste (K. Ingemann Pedersen).
4. Stefnumörkun í upplýsingamálum
(Sveinn Björnsson framkvæmdastjóri).
5. Ástand upplýsingamála á íslandi og
notendafræðsla (Jón Erlendsson).
6. Eftirmenntun tæknimanna á Norður-
löndum (K. Ingemann Pedersen).
7. Upplýsingaöflun og bókasöfn (Kristín
Þorsteinsdóttir bókavörður).
8. Tölvuvædd upplýsingaþjónusta (Sauli
Laitinen).
9. Þurfum við tæknilega upplýsingaþjón-
ustu á íslandi. Einn vísindamaður og einn
atvinnurekandi lýsa skoðunum sínum á þörf
íslendinga fyrir að koma sér upp tæknilegri
upplýsingaþjónustu (Davíð Sch. Thor-
steinsson og Jón Óttar Ragnarsson).
Á eftir framsöguerindum voru myndaðir
8 umræðuhópar sem fjölluðu um ýmsa þætti
upplýsingamála og skilaði hver hópur sér-
stöku áliti. Að lokum voru frjálsar umræður.
Niðurstöður
Helstu niðurstöður umræðuhópa skulu
nú raktar. Eru þær teknar orðrétt eftir
fréttatilkynningu frá Rannsóknaráði.
1. Marka þarf almenna stefnu í upplýsingamálum.
Meginmarkmiðið ætti að vera að byggja upp
skipulega upplýsingastarfsemi í landinu, sem
tryggi það að þjóðin geti á aðgengilegan hátt fylgst
með þróun innanlands og á alþjóðavettvangi á
helstu sviðum sem snerta hagsmuni hennar.
2. Ljóst er að íslendingar verða að mestu þiggjendur á
sviði grunnrannsókna og jafnframt á flestum svið-
um hagnýtra rannsókna. Innlendar rannsóknir
hljóta öðru fremur að beinast að rannsóknum á
ýmsum þáttum sem sérstakir eru fyrir íslenska
staðhætti og að notkun erlendra uppgötvana eða
tækni og aðlögun þeirra að íslenskum vandamál-
um.
Skipulögð upplýsingaþjónusta ætti að auðvelda
okkur að fylgjast sem best með því sem gert er
erlendis og jafnframt vinna að því að niðurstöður
innlendra rannsókna komist til aðila í atvinnulífi
og verði þeim að gagni.
3. Mikil þörf er á þjónustumiðstöð sem annast miðl-
un upplýsinga. Þessi miðstöð ætti að tileinka sér
aðferðir og tækni hliðstæðra miðstöðva erlendis og
samhæfa krafta innlendra þjónustuaðila og tengja
íslenska notendur við erlendar upplýsingastöðvar.
4. Sú upplýsingaþjónusta í tækni og raungreinum
sem nú verður sett á stofn á vegum Rannsóknaráðs
er fyllilega tímabær og raunhæfur vísir að al-
mennri upplýsingamiðstöð.
Umræðuhóparnir lögðu ríka áherslu á að upp-
lýsingaþjónustan og bókasöfn, eða upplýsinga-
deild eins og lagt er til að þau verði kölluð, í land-
inu á sviði raunvísinda og tækni verði hlutar af
samvirku kerfi upplýsingamiðla sem miðaði að
hagkvæmri verkaskiptingu og gagnkvæmri aðstoð.
Mikið efni er til í landinu, en samræmingu og
úrvinnslu er ábótavant og upplýsingar ekki að-
gengilegar.
5. Auka þarf skilning á gildi upplýsinga og þörf á
öflun þeirra. Oft er ráðist í framkvæmdir og fjár-
festingu án þess að aflað sé nægra og tímanlegra
upplýsinga og þess eru dæmi að gengið sé fram hjá
upplýsingum við töku slíkra ákvarðana.
6. Efla þarf notendafræðslu í upplýsingaleit. Kynna
þarf þá þjónustu sem söfn eða upplýsingadeildir
geta veitt, hvaða efni er fáanlegt þar og í hvaða
formi. Kenna þarf notkun bókfræðilegra hjálpar-
gagna við leit að upplýsingum og kynna möguleika
á öflun efnis frá söfnum hér og erlendis. Fræðsla
sem þessi ætti að vera fastur liður náms í raunvís-
inda- og tæknigreinum og í eftirmenntun þeirra
sem nú eru að störfum. Tækniþróun í landinu er
beinlínis háð því hversu vel menn kunna að not-
færa sér upplýsingar.
7. Mörg íslensk fyrirtæki eru smá í sniðum og ráða
ekki yfir starfsliði sem kann að notfæra sér tækni-
legar upplýsingar. Það þarf því að efla þjónustu-
stofnanir sem geta aðstoðað fyrirtækin og verið
tengiliðir þeirra við upplýsingaþjónustuna.
8. Efla þarf bókasöfn og upplýsingadeildir í rann-
sóknastofnunum. Leggja þarf áherslu á kaup
mikilvægra tímarita, efnislykla og útdrátta. Þarf
sérstaklega að þjálfa starfsmenn upplýsingadeilda
sem eiga að veita notendum þjónustu og vera
tengiliðir við þá.
7