Bókasafnið - 01.02.1978, Blaðsíða 34

aðeins í litlu upplagi. Þetta á einkum við
sýningarskrár, en þær eru taldar vera einn
mikilvægasti þáttur listbókmenntanna.
Bæði Fawcett og Pacey telja eftirfarandi
efni nauðsynlegt í listabókasöfnum:
1. Bókfræði-, heimilda- og uppsláttarrit í
listum.
2. Bækur í listum, bæði nýjar og „out of
print“.
3. Sýningarskrár, söluskrár og ýmiss konar
leiðarvísar frá söfnum.
4. Listatímarit.
5. Einkaútgáfur, svo og jafnvel óútgefið.
6. Litskyggnur, ljósmyndir, eftirprentanir,
veggspjöld, og annað myndefni, s.s.
kort, úrklippur, dagatöl o.fl.
Hvar áherslan á þessi efni svo liggur fer
að sjálfsögðu eftir eðli safnsins, deild í al-
menningsbókasafni velur t.d. meira af
föndur- og almennum handbókum en sér-
safn í listaskóla mundi gera.
Myndefnið eitt sér getur gefið tilefni til
enn meiri sérhæfingar innan listabóka-
safnsins. Litskyggnusöfn eru oft sérdeildir í
stærri listabókasöfnum erlendis, þá er talað
um litskyggnu- eða ljósmyndabókavörð.
Um frekari greinar um þetta efni vísa ég til
heimilda.
Félag listabókasafna ARLIS
Samvinna milli listabókasafna er ekki
síður mikilvæg, en á milli annarra safna,
einkum þegar tekið er tillit til hins háa
verðlags á listabókum og ýmsum erfiðleik-
um við að ná í sjaldgæfar eða uppseldar
bækur. Það er aðeins á hinum síðari árum
að slík samvinna hefur verið framkvæman-
leg og samkvæmt heimild þá er í gangi slíkt
samvinnukerfi á milli listabókasafna í
Þýskalandi. Er þar aðallega um að ræða
skiptingu og sérhæfingu á nýjum aðföngum,
og útgáfu á samskrá um listatímarit í vest-
ur-þýskum bókasöfnum.
En áhugi og skilningur á aukinni sam-
vinnu og samhæfingu starfsemi listabóka-
safna leiddi til stofnunar félaga listabóka-
safna og listabókavarða sem áður hefur
verið getið um.
Öll hafa félög þessi verið stofnuð á síðustu
10 árum, hið fyrsta árið 1967 q r stofnuð voru
samtök listabókavarða innan Kanadíska
bókasafnafélagsins (Canadian Library As-
soc.). I apríl 1969 var svo ARLIS, the Art
Libraries Society, stofnað í Bretlandi, og var
aðalhvatamaður þess Trevor Fawcett. Meg-
intilgangur ARLIS var settur fram sem: „að
vekja athygli á listabókasafnsfræði, og að
vera vettvangur tjáskipta um upplýsingar og
gögn.“ Einnig var samþykkt að bæði stofn-
anir og einstaklingar gætu gerst félagar.
1972 var svo ARLIS/NA (North
America) stofnað og þá hafði einnig verið
stofnuð deild listabókasafna innan Associ-
ation des Bibliothécaires Francais. 1976
voru svo 2 ný ARLIS félög stofnuð, eitt fyrir
Ástralíu og Nýja-Sjáland, og annað í
Svíþjóð.
Markmið allra þessara félaga eru svipuð:
— að efla fagkunnáttu (raise professional
standards)
— að leitast við að veita betri þjónustu hvað
snertir upplýsinga- og gagnamiðlun
— að vera sameiginlegur vettvangur ýmissa
hagsmunamála
— og síðast en ekki síst að efla hina sérhœfðu
stöðu listabókavarðarins.
Til að efla menntun og fagkunnáttu lista-
bókavarða hefur t.d. ARLIS í Bretlandi
staðið fyrir ýmsum ráðstefnum um málefni
listabókasafna og listabókavarða, og í apríl
1976 var fyrsta alþjóðlega ráðstefna lista-
bókavarða haldin í London. Aðalmál ráð-
stefnunnar var um listatímarit, val þeirra og
áhrif, og í tengslum við ráðstefnuna var
sýning í Victoria & Albert safninu um sama
efni.
34