Bókasafnið - 01.02.1978, Blaðsíða 13

fyrirlestur um flokkun með sérstöku tilliti til
þekktustu flokkunarkerfa nú, Library of
Congress Classification, Decimal Classifi-
cation, Universal Decimal Classification,
Bliss Classification og Broad System of
Ordering.
Coates lagði áherslu á að ætlunarverk
hvers safns hlyti að ráða því hvaða flokk-
unarkerfi væri valið til notkunar. Hann áleit
að heimagert flokkunarkerfi væri réttlæt-
anlegt í bókasafni ef í ljós kæmi við ná-
kvæma athugun að slíkt hentaði. Æskilegt
væri þó að sem flest söfn notuðu eitthvert
hinna alþjóðlegu flokkunarkerfa. Gaf hann
þátttakendum yfirlit yfir notkun þessara
kerfa í heiminum í dag og kosti þeirra og
galla eins og þeir horfðu við honum. Eink-
um ræddi hann um Bliss-kerfið sem nú er að
koma út í nýrri útgáfu og BSOkerfið.
Eftir hádegi þennan dag var farið í kynn-
isferð til þess að skoða nýlegt bókasafn
norska íþróttaháskólans (Norges idretts-
hogskole). Yfirbókavörður safnsins flutti
erindi um sögu safnsins og notendafræðslu
eins og hún er rækt af bókavörðum þar.
Síðan var safnið skoðað.
Fimmtudaginn 11. ágúst var Eric Coates
aftur á dagskrá með fyrirlestur fyrir hádegi.
Ræddi hann um gerð efnislykla og nýjustu
aðferðir sem beitt er við það verk.
Seinni fyrirlestur þessa dags flutti Kenn-
eth Roberts, deildarstjóri frá UNESCO í
París. Fræddi hann þátttakendur um
NATIS-áætlunina (National Information
Systems) á vegum UNESCO. Markmið
NATIS-áætlunarinnar er að sérhver not-
andi geti ávallt fengið í hendur hvaða rit
sem er, eða upplýsingar um það, hvaðan
sem er úr heiminum. Þessu markmiði
hyggjast menn ná með eftirfarandi ráðum: í
hverju landi sé gerð og gefin út fullkomin
þjóðbókaskrá; þess sé gætt að varðveita
a.m.k. eitt eintak af hverju riti sem út kemur,
í einhverju bókasafni landsins; þau rit sem
gefin eru út í landinu séu ávallt til reiðu,
Norski bókavarðaskólinn f Osló (Statens bibliotekskole).
með lánum eða öðrum hætti, hverjum þeim
sem á þeim þarf að halda til menningar- eða
vísindastarfs; haldið sé uppi bókfræðilegri
þjónustu sem veiti notendum, innan- og ut-
anlands, þær bókfræðilegu upplýsingar er
þeir þarfnast; séð verði til þess að nógu
margt sérmenntað fólk sinni þessum
verkum.
Til þess að þetta megi verða þarf að vinna
að alþjóðlegri samræmingu þess bókfræði-
lega starfs sem unnið er í einstökum lönd-
um. Þáttur í því verki er gerð ISBD-staðals-
ins sem fyrr var getið. Hornsteinar NAT-
IS-áætlunarinnar eru UBC (Universal Bib-
liographic Control) og UAP (Universal
Availability of Publications).
Kenneth Roberts gerði grein fyrir sögu
þessa starfs og sagði frá áætlun þeirri
(Medium Term Programme 1977—82), í tíu
liðum, sem UNESCO hefur gert sér til
næstu ára. Hann lét í ljósi óskir um að
stofnunin gæti í framtíðinni haft frjálsari
samvinnu, en verið hefði, við einstakar
stofnanir og félög bókavarða í hverju landi.
Föstudaginn 12. ágúst hófst námskeiðið
með því að Per Ongstad hélt fyrirlestur um
tölvutækni og bókasöfn. Ongstad er for-
stöðumaður Norsk dokumentdata í Osló en
sú stofnun menntar fólk til starfa í bóka-
söfnum við verkefni er krefjast tölvunotk-
unar. Einnig sér hún um undirbúnings- og
áætlanavinnu og forritun við slík verkefni
13