Dagblaðið Vísir - DV - 09.12.1981, Side 17

DAGBLAÐIÐ & VÍSIR. MIÐVIKUDAGUR 9. DESEMBER 1981.
17
Páll Þórðarson, framkvæmdastjóri Læknafélags íslands:
„Stinga i eigin vasa gjaldtöku fyrir þjónustu”
— Furðuleg ummæli þingmanns
Eftirfarandi ummæli eru höfð eftir
Alexander Stefánssyni alþingismanni í
Tímanum 2. des. sl. vegna fyrirspurnar
til heilbrigðisráðherra á Alþingi fyrir
nokkru.
„Heilsugæslulæknar stinga í eigin
vasa gjaldtöku fyrir röntgen- og
slysaþjónustu o. fl., sem þeir innheimta
í skjóli gjaldskár Læknafélags íslands
við Tryggingastofnun ríkisins, án þess
að þeir þurfi að leggja sér til eitt einasta'
áhald, umbúðir, lyf eða aðstöðu. Og
viðkomandi heilsugæslustöð fær ekk-
ert. Þetta er algjörlega óviðunandi.”
í samtali við Dagblaðið og Vísi þann
3. des. sl. kveðst þingmaðurinn þess
fullviss að upphæðir þessar séu
umtalsverðar.
Vegna þessa óskar Læknafélag
íslands eftir að koma eftirfarandi
athugasemdum á framfæri:
1. Læknar á heilsugæzlustöðvum fá
greidd laun með tvennum hætti:
A. Úr ríkissjóði föst laun, skv.
launaflokki 110 í kjarasamningi
BHM við fjármálaráðherra og fyrir
vaktabindingu. Föstu launin eru í
dag kr. 10.066,- á mánuði, en fyrir
vaktir eru greiddar 303 klst. í hvert
heilsugæzluumdæmi, tæpar 20,- kr.
á klst., en sú greiðsla skiptist á
lækna viðkomandi heilsu^æzlu-
stöðvar, sem eru 1—4.
B Frá Tryggingastofnun ríkisins
skv. samningi Læknafélags íslands
við þá stofnun. Greiðslur þessar eru
mismunandi eftir eðli læknisverka.
Þessar greiðslur eru hvort tveggja
hreinar launagreiðslur.
2. Á stöðum þar sem
heilsugæzlustöðvar eru ekki enn
komnar, og læknar reka sínar eigin
stofur, er læknum heimilt að taka
kostnaðarverð einnota áhalda. í
gildandi samningi er kveðið á um
þennan rétt, en þar segir, að læknir
megi „krefja sjúkling um
kostnaðarverð umbúða, einnota
tækja eða lyfja, sem hann leggur
sjálfur til”.
Læknum á heilsugæzlustöðvum er
þetta hins vegar ekki heimilt, og
gera það ekki, enda leggja
stöðvarnar þessar vörur til. Um
röntgenrannsóknir segir I sama
samningi, að þær „greiðast með
60% af gjaldskrá daggjaldanefndar
sjúkrahúsa”. Læknar koma hvergi
nærri ákvörðun um þá gjaldskrá, en
réttur þeirra til greiðslu fyrir þessar
rannsóknir er hins vegar skýlaus.
3. Eins og fram kemur í svari ráðherra
við fyrirspurn þingmannsins, sem
birt var í Tímanum, yfirfara sjúkra-
samlög og Tryggingastofnun
ríkisins reikninga lækna áður en
þeir eru greiddir og gera athuga-
semdir, ef þeim finnst ástæða til.
4. Það er alveg ljóst samkvæmt til-
vitnuðum samningsákvæðum, að
um er að ræða laun til lækna, en
ekki endurgjald fyrir útlagðan
kostnað og að læknum er, eins og
þingmönnum, heimilt að setja laun í
eigin vasa.
Dylgjum þingmannsins um, að
gjaldtökur og greiðslur til lækna
fyrir læknisverk séu óeðlilegar og
fullyrðingar hans um, að þetta sé
algjöriega óviðunandi, er því vísað
til föðurhúsanna.
5. Þingmanninum er hér með boðið að
koma á skrifstofu læknafélaganna
til umræðna um þessi mál. Slík um-
ræða gæti komið í veg fyrir, að
ógrundaður áburður um óráðvendni
heilla stétta sé uppi hafður á
Alþingi. .Á sama stað getur þing-
maðurinn einnig fengið afhenta alla
kjarasamninga lækna, sér til fróð-
leiks.
Reykjavík, 7. des. 1981
Páll Þórðarson,
framkvæmdastjóri
Læknafélags íslands.
Akureyri:
Játaði tvær
íkveikjur
19 ára piltur hefur játað við yf-
irheyrslur hjá rannsóknarlög-
reglunni á Akureyri að hafa lagt
eld að vinnuskúr er stóð við Út-
vegsbankahúsið svo og að bíl er
stóð þarskammt frá.
Pilturinn var á röltinu um mið-
bæinn á Akureyri eftir dansleik á
laugardagsnóttina og eftir því
sem komizt er næst mun hér
fremur hafa verið á ferðinni
óvitaskapur hjá viðkomandi en
glæpahneigð. Ekki þykir ástæða
til að halda piltinum í varðhaldi
enda á hann ekki að baki sér fleiri
afbrot. -ELA
Fauk út af
veginum
Lítill fólksbíll fór út af veginum
nálægt Rauðhólum um eittleytið í
fyrrinótt og skemmdist bíllinn
talsvert. Tvennt var í bílnum en
sakaði ekki. Líklegt er talið að
bíllinn hafi fokið út af veginum í
rokinu . -ELA
Tryggingamiðstöðin 25 ára:
Gaf 100.000 kr. til Slysavarnaf élagsins
í tilefni 25 ára afmælis Trygginga-
miðstöðvarinnar ákvað stjórn fyrir-
tækisins að gefa Slysavarnafélagi ís-
lands 100.000 krónur sem viðurkenn-
ingarvott fyrir vel unnin störf. Var
gjöfin afhent í kaffisamsæti i húsi
Slysavarnafélagsins við Grandagarð. Á
myndinni sést Gísli Ólafsson, forstjóri
Tryggingamiðstöðvarinnar, afhenda
Haraldi Henrýssyni, varaforseta Slysa-
varnafélagsins, hina rausnarlegu gjöf.
-KMU/KV-mynd: Einar Ólason.
11 Á) afsláttur
af teno sófasettuwi
SöSuSU'GBE.ÐSLUKJÖR
I .
\SKO
HÚSGÖGN

KRlSTJfln
I25870

Nú höfum við opnað verslun
með heimsþekkt hljómtæki
^ sem ekki hafa áðurfengist á
Islandi. Nú gefst þértækifæri til
að eignast betri tæki sem bera
tóninn alla leið!
Við bjóðum þér að líta við og
kynnast þessum frábæru
hljómtækjum sem núfástfyrst
— hérlpnHis
Við bjóðum þérJBL hátalara
á sérstöku kynningarverði
Skúlagata61 14363