Dagblaðið Vísir - DV - 27.10.1982, Blaðsíða 9

Dagblaðið Vísir - DV - 27.10.1982, Blaðsíða 9
DV. MIDVIKUDAGUR27. OKTOBER1982. Útlönd Utlönd Utlönd Utlönd Sósíaldemókratar missa mikils í Hel- mut Schmidt —sem gef ur ekki kost á sér til kanslaraf ramboðs aftur. Sigurvonir Kohls kanslara og kristilegra demókrata stórauknar í næstu kosningum Sigurhorfur Helmuts Kohls kanslara, ef til kosninga kæmi næsta vor í V-Þýskalandi, þykja hafa vaxiö stórlega eftir að Helmut Schmidt, fyrrum kanslari sósíaldemókrata, lýsti því yfir í gærkvöldi aö hann mundi ekki gefa kost á sér aftur í kanslaraembættiö. Þykir það mikið áfall fyrir sósíal- demókrata því að persónulegt- fylgi Schmidts hefur þótt flokknum til mikils framdráttar í átta og hálft ár sem hann var kanslari. Svo mikils- virtur hef ur Schmidt verið heima fyrir og erlendis að álit hans þótti engan hnekki bíða þótt mið- og hægriflokk- arnir felldu stjórn hans í byrjun þessa mánaðar með vantrausti. Fremur hafa skoðanakannanir og einstaka fylkiskosningar sýnt vaxandi fylgi flokksins, sem margir rekja til sam- úðar kjósenda með Schmidt, eftir aö frjálslyndir demókratar hlupust úr stjórn hans. Kohl, kanslari kristilegra demó- krata, hefur ekki á sinum stutta valda- tima áunnið sér slikt traust og álit sem Schmidt en möguleikar hans þykja stórauknir ef í kanslaraframboð sósialdemókrata kemur annar en . Schmidt. Schmidt, sem verður 64 ára í desem- ber, ber viö heilsufarsástæðum, en hann hefur átt við hjartakrankleika að stríða og skjaldkirtilsveikindi. I fyrra var græddur í hann hjartagangráður. „Að mínu mati opnar þetta yngri öflunum í okkar flokki leiö," sagði hann í gærkvöldi og lét í veðri vaka að leiði hans á andstöðu vinstri armsins í flokknum við stjórnarstefhu hans i efnahags- og öryggismálum hefði tölu- veröu ráðið um þessa ákvörðun hans. Sósíaldemókratar þykja nú staddir á krossgötum eftir f ráhvarf Schmidts og líklegt að flokkurinn þreif i f yrir sér um samstarf við „Græningja", umhverfis- verndarmenn, sem með vaxandi fylgi hafa náð oddaaöstöðu í tveim fylkis- þingum. I leit að hugsanlegum kanslara- efnum sósialdemókrata i stað Schmidts beinast augu manna helst að Hans^Jochen Vogel, leiðtoga stjórnar- andstööunhar í Vestur-Berlín, og Jóhannesar Rau, forsætisráðherra Norður-Rín-Vest-Phalíu. Vogel var dómsmálaráðherra í Bonnstjórninni 1974—81, en Rau leiddi Helmut Schmidt lætur af kanslara- embætti: Ætlar ekki að berjast um það á ný. Kohl fyrir framan mynd.af Adenauer, sem hann vill helst taka sér til fyrir- myndar: Melri sigurlíkur ef Schmidt vill ekki kanslaraembættið. sósíaldemókrata til hreins meirihluta 1980 í fjölmennasta fylki V-Þýska- lands. Fjörutíu manna framkvæmdaráð flokksins mun taka til afgreiðslu á föstudaginn spurninguna um eftirmann Schmidts. Kafbátaleitinni hætt í Svíþjóð Gunnlaugur A. Jónsson, fréttaritari DVíLundi: Skipulagðri leit að óþekktum kafbát- lim i skerjagarðinum út af Stokkhólmi var hætt í gær. Talsmenn sænska varn- armálaráðuneytisins segjast ekki i neinum vafa um að óþekktur kafbátur hafi verið inni í Haarsf irðinum en telja að hann haföi sloppiö út hinn 7. októ- ber. Þann dag taldi sænski sjóherinn sig hafa séð örugg merki þess að bátur- inn væri enn inni í firöinum. Siðari hluta þess dags voru sprengd- ar nokkrar sprengjur við kafbátagirð- inguna í norðurhluta f jarðarins vegna merkja um kafbát þar. Talsmenn varnarmálaráðuneytisins segja nú að kafbátagirðingarnar, sem loka áttu Haarsfirðinum,;-hafi aldrei verið eins þéttar og f jölmiðlar vildu vera láta. Hinsvegar hafði herinn ekki séð neina ástæðu til þess að leiðrétta f jölmiðla um þetta atriði. Hugsanlegt er talið að kafbáturinn hafi laskast við flóttann úr Haarsfirðinum vegna þess að stór oliubrák kom upp á þeim stað sem sprengjurnar sprungu á 7. októ- ber. Lennart Ljung, yfirmaður sænska hersins, segir það áfall fyrir herinn að svona hafi farið en augljóst sé að sænski herinn þurfi á betri tækniútbún- aði að halda í viðureigninni við kaf- báta. Alls var 36 djúpsprengjum varpað í leitinni að kafbátnum. En Olof Palme forsætisráðherra hefur lýst því yfir að hér eftir þurfi ókunnir kafbátar sem læðist inn í landhelgi Svía ekki að vænta neinna griöa. Þeir verði sprengdiríloftupp. Sovésk búhyggindi Kúabú eitt í Sovétríkjunum var bert að því að kaupa mjólkuraf- urðir í verslunum og síðan leggja þær aftur inn í ríkissamlagið til þess aö rétta af framleiðslu- skýrslur sínar — og um leið hagnast verulega fyrir niður- greiðslurnar. Búið var í Tadzhik-lýðveldinu í Mið-Asíu og vakti á sér athygli fyrir að auka framleiðslu sína um 455% á einu ári. — Bústjórinn hefur nú verið dæmdur í fangelsi fyrir svik. Niðurgreiðslur á matvörum í búðum hafa einnig komiö bændum til þess að kaupa braúð, kökur og kex í fóðurbæti fyrir nautgripi, enda ódýrara en venjulegt kjarnfóður. Ágengirfflar Fílar, sem sjúkir eru í appelsínur hjá ferðalöngum í þjóðgarði einum í Zimbabwe, eru sagðir orðnir svo aðgangsharðir að liggi við slysum, þar sem þeir geti troðið fólk undir. Þjóðgarðsverðir segja að fílar hafi spillt tjaldbúðum gesta í Mana Polls-þjóðgarðinum í leit að appelsinum, sem þeim finnast svalandi við þorsta og raunar á- vallt hið mesta sælgæti. Þurrkar að undanförnu gera þá enn ólmari í appelsinurnar. Ferðafólk, í tilraunum til að ná nærmyndum af fílum í garðinum, hefur vanið marga fílana á að þiggja appelsinur og gert þá með þvímannvana. Léstfátökum útaffótbolta Slagsmál milli aðdáenda fót- boltaklúbbanna Hamburg og Bremen í V-Þýskalandi leiddu ný- lega til dauða 16 ára drengs. Fannst lík hans í runna utan við íþróttavöllinn í Hamburg eftir leik liðannaþaríborg. Sjálfurvarhann frá Bremen. Haföi hann hrygg- brotnað er til mikilla átaka kom á milli u.þ.b. lOOunglinga aðleiknum loknum. Slysáíþrótta- velliíMoskvu Talið er aö nokkrir áhorfenda hafi látist og a.m.k. 60 hafi slasast á Leniníþróttavellinum í Moskvu sl. miðvikudag. Geröist þetta í kjölfar leiks milli Moskvuliðsins Spörtu og hollenska liösins Haarlem. Ahorfendur voru um 15.000 aö tölu og var þeim öllum komið fyrir á einum hluta íþróttavallarins. Aðeins tvær útgöngudyr voru opnar. Voru áhorfendur farnir aö tínast í burtu er Sparta skoraði sigurmark sitt í leiknum (2—1) og tróðst fólk þá til baka meö ofan- greindum afleiðingum.

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.