Dagblaðið Vísir - DV - 01.11.1982, Blaðsíða 36

44
DV. MANUDAGUR1. NOVEMBER1982.
Sviðsljósið
Sviðsljósið
Sviðsljósið
sjálfrar.
— Leikritið fjallar um konu sem
yfirgefur sambýlismann sinn eftir
margra ára sambúð, segir Liv. —
Hún verður ástfangin á ný en það
lendir fljótt í sama farinu með það
ástarævintýri og það gamla. Konan
heldur þó áfram aö þroskast og loks
verður henni ljóst að hún verður að
lifa lífinu upp á eigin spýtur og án
þess að treysta á einhvem
karlmann.
— Þetta byrjaði allt meö því að
kanadísk sjónvarpsstöð bað mig að
skrifa stutt leikrit um ástina. Reynd-
ar voru fimm aörar þekktar konur
beðnar um að gera þaö sama. Svo
fékk ég bréf frá Granada sem vildi fá
lengra handrit frá mér eða sem næði
klukkustundar sýningartíma.
Liv hefur að undanförnu leikið í
Ibsen-leikriti í Washington og á
Broadway og notaði hún allar frí-
stundir sem gáfust til að vinna að
handritinu. Hún segist hafa mikinn
áhuga á aö snúa sér enn meira aö
skriftum en hún vinnur nú einnig að
nýrri bók sem á að heita Flóð og
fjara.
— Bókin fjallar um konur sem ég
hef kynnst í Thailandi, Afríku og á
Sri Lanka, segir Liv. — Einnig helga
ég Ingrid Bergman langan kafla í
bókinni.
Liv vonast til aö bókin geti komið
út á næsta ári en hún kemur út á
vegum sömu bókaútgáfu og sjálfs-
ævisaga hennar, Breytingin.
Liv er þó ekki aldeilis hætt að leika
því um þessar mundir er hún aö
undirbúa leikför til Ástralíu, en þar
mun hún leika í Villiöndinni eftir
Ibsen.
Norska leikkonan Liv Ullman hef- sjónvarpsstöðina Granada og bygg-
ur skrifað leikhandrit fyrir ensku ist það að mestu leyti á ævi hennar
Liv Ullman: Vill hafa meiri tima til aðskrifa.
Sjónvarpsmynd
um ævi Bardot
Frakkar hafa nú lokið við þriggja
klukkustunda sjónvarpsmynd um
ævi Brigitte Bardot og veröur
myndin sýnd í þremur hlutum í
franska sjónvarpinu í desember.
Segist Brigitte hafa samþykkt gerð
myndarinnar af því að hún vildi í eitt
skipti fyrir öll sýna að hún hefur í
rauninni leikhæfileika.
— Eg lék í 50 kvikmyndum en fékk
aldrei að sýna hvað í mér bjó, segir
leikkonan. — Þess vegna hætti ég
kvikmyndaleik þegar ég varð fertug.
Eg var bara sæta stelpan í öllum
þessum myndum og enginn vildi
gefa mér tækifæri til að sýna hæfi-
leika mína. En þessi mynd um ævi
mina verður góð. Enda hef ég æft
mig í að leika sjálfa mig allt mitt líf!
Brigitte varð nýlega 48 ára og lifir
kyrrlátu og heilbrigðu lifi á sveita-
Birgitte Bardot varö 48 ára i
september en þykir halda fegurð
sinni furðanlega vel.
setri sínu í Frakklandi. Elskhugar
sjást þar varla lengur þar sem kvik-
myndastjaman segist hafa fengið
nóg af föstu sambandi við karimenn
eftir tvö misheppnuð hjónabönd. Hún
smakkar varla vín, fer snemma í
háttinn og er alltaf komin á fætur
fyrir níu á morgnana.
— Mér liður alveg stórkostlega
vel, segir Brigitte. — Nú skil ég ekki
lengur hvemig ég gat eytt mörgum
árum af lífi mínu í næturklúbba-
skemmtanir og víndrykkju. Annars
var þaö Giinter Sachs sem fékk mig
út úr þeim vítahring. Mér finnst ég
skulda honum mikið, jafnvel þótt
hjónaband okkar færi í vaskinn.
Brigitte segir einnig að baráttan
fyrir betri meðferð á dýmm hafi
gefið lífi hennar nýjan tilgang — þó
hún fái ekki grænan eyri fyrir hana.
Elísabet og Philip
sveifluðu pilsunum
Elísabet Englandsdrottning og eigin-
maður hennar, Philip, mættu nýlega á
árlega sekkjarpípuhátið í Edinborg og
voru auðvitað bæði tvö klædd pilsum.
Þau hjónin má helst ekki vanta á hátíö
þessa þar sem Philip er hertogi af
Edinborg. Sveifluðu hjónin pilsum
sinum ákaft í dansinum og virtust
skemmta sér hið besta. Enda sögðu
þau í blaðaviötali daginn eftir aö
sekkjarpípuhljóð væm einmitt þau
unaöslegustu hljóð sem þau gætu hugs-
aðsér.
Þýskar og f ranskar
myndir f sókn á
Bandaríkjamarkaði
Svo virðist sem franskar og þýskar
myndir eigi nú greiðari aögang að
Bandaríkjamarkaði en um langt
skeið. Á síöustu þremur árum hafa
ýmsar þýskar myndir náð svo mikl-
um vinsældum aö leita þarf langt aft-
ur í tímann til að finna annaö eins.
Nægii- að nefna Hjónaband Maríu
Braun eftir Fassbinder og Nosferatu
eftir Herzog. Og nú síðast hefur
myndin Báturinn (Das Boot) eftir
Wolfgang Petersen hlotiö miklar vin-
sældir.
Frakkar hafa að sönnu ekki komist
með fætuma þar sem Þjóðverjar
hafa haft hælana varðandi vinsældir
undanfarin þrjú ár í Bandarikjun-
um. En myndin Diva eftir Beineix
hefur slegið þar í gegn svo aö um
munar og þá jafnt hjá kvikmynda-
húsgestum, videospólukaupendum
og gagnrýnendum. Þessi mynd hefur
raunar ekki verið sýnd í kvikmynda-
húsum hér en gengið eitthvað á
videomarkaði. Diva er ákaflega sér-
stæð mynd, skemmtilegt sambland
glæpamyndar og tónlistarmyndar,
auk þess sem spilling og markaðs-
kerfið fá sinn skammt.
Alkunna er að bandariskir gagn-
rýnendur eru oft og tíðum duglegir
við að benda löndum sinúm á að þeir
megi læra mikið af Evrópubúum í
kvikmyndagerð.
Schlöndorff, Herzog, Fass-
binder, Truffaut, Rohner, Tati og
fleiri eru yfirleitt meðal þeirra
sem komast á toppinn í vali kvik-
mynda ársins hjá gagnrýnendum í
Bandaríkjunum. Og ekki er ótrúlegt
að Beineix fylli þann flokk, því að
Diva hefur fengið frábæra dóma.
Sem dæmi má nefna að tveir gagn-
rýnendur Movies and Video gáfu
henni hæstu einkunn, 4 st jömur.
Anna Frank skrifaði tvær dagbækur
Anna Frank: Föður hennar fannst
dagbókin of opinská.
Það hefur nú komið í ljós að Anna
Frank skrifaði ekki eina dagbók
heldur tvær. Anna Frank byrjaði á
fyrri dagbókinni 1942, sama ár og
hún og fjölskylda hennar varð að
leita skjóls í bakhúsi í Amsterdam
undan ofsóknum nasista. 1944,
nokkrum mánuöum áður en fjöl-
skyldan var svikin í hendur Gestapó,
endurritaði Anna dagbókina af þvi
að henni fannst hún of bamaleg.
Fjölskyldan lést öll í útrýmingar-
búðum nasista nema faðir hennar,
Ottó Frank, og hann sá um útgáfu
dagbókar önnu 1947. Felldi hann þá
m.a. niður þá kafla í dagbók önnu
sem fjölluðu um kynlífsdrauma
hennar og reynslu hennar af því að
hafa á klæðum í fyrsta sinn. Einnig
felldi hann niður kafla sem fjölluðu
um deilur önnu og móður hennar,
þeim kom illa saman og Anna átti
það til að skrifa miður fallega um
hana i dagbókina. Gerði hann þetta
af tillitssemi við hina látnu fjöl-
skyldu sína og auk þess þótti þá ekki
jafn sjálfsagt aö skrifa opinskátt um
kynlífsdrauma og nú þykir.
En nú á sem sagt að gefa út báðar
útgáfumar af dagbók önnu ásamt
þeirri sem faðir hennar fór yfir. Ot-
gefandi er hollenska stríösheimilda-
stofnunin og er bókin væntanleg síð-
ari hluta ársins 1983. Sjálfsagt
verður henni misjafnlega tekið ef
dæma má af viöbrögðum foreldra í
Virginiu í Bandaríkjunum við hefð-
bundnu útgáfunni, en þeir fóru ný-
lega fram á að dagbókin yrði tekin af
lesefnaskrá grunnskólabama á aldr-
inum 12—13 ára þar sem hún væri
svo ósiðleg. Skólayfirvöld útiloka
ekki þann möguleika að það sé frem-
ur gyðingahatur sem hér býr aö baki
en umhyggja fyrir siðfræðikcnnd
bamanna.