Dagblaðið Vísir - DV - 15.03.1983, Blaðsíða 4
4
DV. ÞRIÐJUDAGUR15. MARS1983.
Ágreiningur í dvalarheimilast jórn Akureyrar
um hönnunarkostnað:
MINNIHLUTINN
ÁLÍTUR ÞÓKNUN
OFREIKNAÐA
Á þessu likani má sjá framtiðarskipulag af dvalarheimilinu Hlið við
Þórunnarstræti á Akureyri. Næst eru núverandi byggingar en fjær þær
byggingar sem nú er verið að hanna samkvæmt umdeildum samningi.
Klofningur kom upp í stjóm dvalar-
heimila aldraðra á Akureyri við af-
greiðslu á hönnunarsamningi við
Tækniteiknistofuna sf., en samkvæmt
samningnum er stofunni falið að hanna
fyrirhugaða byggingu við dvalar-
heimilið Hlíð. Hönnunarkostnaöur er
liölega 2 m. kr. FulltrúarKvennafram-
boösins, Svava Aradóttir, sem er for-
maöur stjómarinnar, og Annette
Bauder Jensen, treystu sér ekki til að
undirrita samninginn. Siguröur
Hannesson, Freyja Jónsdóttir og
Auöur Þórhallsdóttir greiddu hins
vegar atkvæöi með samningnum sem
endanlega var staðfestur í bæjarstjórn
sl. þriöjudag.
Vildu arkitekta
Svava Aradóttir og Annette Bauder
Jensen geröu grein fyrir afstööu sinni
með sérstakri bókun sem er í þrem
liðum. Þar segir orörétt:
„1. Þaö er aö okkar áliti óæskilegt að
fela svo vandasamt og umfangsmikið
verk sem hér um ræöir ekki hönnuöum
sem til þess hafa lært sérstaklega.
Okkur finnst misráðiö að ekki hafi
verið leitað til arkitekta sem em einir
stétta menntaðir til arkitektastarfa,
heldur hafi umrætt verkefni verið falið
tæknifræðingum sem hafa fyrst og
fremst menntun á sviði verkfræði. Þar
sem fyrrverandi stjóm dvalarheimil-
anna hafði þegar falið umræddum
hönnuðum verkið, höfðum við ekkert
með val hönnuða að gera.
2. Við höfumauk þess gildar ástæöur
til að álíta að þóknun fyrir fyrri tillög-
ur sem reynst hafa ónothæfar og þegar
hefur verið greitt fyrir kr. 814.062.-
samkvæmt verðlagi 1. janúar 1983, sé
ofreiknaö og í ósamræmi við gjaldskrá
Arkitektafélags íslands, sem hönnuðir
hafa þó haft til grundvallar fyrir
ákvörðun á hönnunarkostnaöi.
Tekið skal fram að hluti af fyrri
vinnu hefur reynst nothæfur í seinni til-
lögu og dregst það frá seinni
greiðslum.
Við skorum því á bæjarstjóm að
leita umsagnar gjaldskrárnefndar
Arkitektafélags Islands um túlkun
gjaldskrár Al sem notuð var í þessu til-
felli.
3. Þar sem forsvarsmenn Tækni-
teiknistofunnar sf. hafa lýst því yfir aö
starfsmenn hennar hafi ekki þá
þekkingu sem þarf til hönnunar loft-
ræstikerfa veröur að leita til annarra
með þann þátt hönnunarvinnunnar.
Raunhæfast hefði verið að vinna
saman loftræstilagnir og aðrar lagnir
þar sem þetta em mjög skyldir hlutir
og eðlilegast að hönnun þessi væri
unnin samhliða. (Aö undanskyldum
raflögnum.)
Þar að auki verður hönnunar-
kostnaður við loftræstikerfið hærri ef
það er unnið eitt og sér.
Við mælum því eindregið á móti því
að loftræstilagnir séu slitnar úr
samhengi viö aðrar lagnir í hönnun.”
Af þessum ástæðum treystu þær
Annetta og Svava sér ekki til að standa
að undirritun samningsins. Tillaga
Þorgerðar Hauksdóttur í bæjarstjóm,
sem meðal annars fól í sér að vísa
samningnum til gjaldskrárnefndar
Arkitektafélagsins, var felld.
Vantraust á hönnuði
nýbyggingarinnar
Þetta var álit minnihlutans í stjórn-
inni en meirihlutinn gerði einnig sína
bókun sem er þannig:
„Freyja Jónsdóttir, Sigurður
Hannesson og Auður Þórhallsdóttir
vilja láta í ljós undrun sína á bókun for-
manns, Svövu Aradóttur, og Annettu-.
Bauder Jensen, þar sem fram kemur
vantraustá hönnuði nýbyggingarinnar
við Hliö, þá Aðalstein Júlíusson og
Harald Árnason frá Tækniteiknistof-
unni sf., sem er í algjöru ósamræmi við
fyrri samþykktir. Samanber bókun frá
24. september, liðir 1, sem er
svohljóðandi:
„Fundinn sat Aöalsteinn Júlíusson,
sem lagði fram tvær tillöguteikningar,
sem vom mjög áþekkar, en tillaga 2
stærri í sniöum.
Teikningarnar voru alis ólíkar fyrri
teikningum og voru ræddar fram og
aftur, enda mjög athyglisverðar.
Stjórn og varastjóm var algjörlega
sammála um að tillaga tvö væri áUt-
legri og samþykkti aö fela Aöalsteini
Júlíussyni að vinna teikningarnar í
hendur skipulagsnefndar til umsagnar
og samþykktar.”
Undir þessa bókun rituðu alUr í
stjórn og varastjóm. Einnig vísast til
fyrri bókana frá 20. des og 18. jan. þess
efnis aö fela húsameistara bæjarins að
yfirfara verk- og greiðslusamning og
ganga frá honum tU undirritunar,
ásamt lögfræðingi bæjarins.”
Of seint í
rassinn gripið
Þaö kom fram í samtölum DV við
bæjarfuUtrúa að margir þeirra gátu
tekið undir sumt af því sem fram
kemur í bókun fulltrúa Kvennafram-
boðsins. Hins vegar kom þeim öllum
saman um þaö að hér væri of seint í
rassinn gripið, þar sem búiö væri fyrir
löngu að ákveða fyrirkomulag
hönnunarinnar og hverjir fram-
kvæmduhana.
-GS/Akureyri
„Hulduherinn”
á ferdinni
— búinn að taka um 2000 lítra af smygluðu áfengi
síðaníjúní
ToUgæslan fann í fyrradag 129
flöskur af áfengi svo og nokkurt
magn af bjór um borð í Skeiðsfossi
sem nýkominn var frá Spáni með
viðkomu í Belgíu. Hafa sex
skipverjar viðurkennt að eiga þenn-
an vaming og er mál þeirra nú í
höndum rannsóknarlögreglunnar.
Aö sögn Kristins Olafssonar toU-
gæslustjóra hefur toUgæslan lagt
hald á um 2000 lítra af sterku áfengi
frá miðjum júní í fyrra. Er þaö
helmingi meira en á sama tíma árið
áöur.
I júní í fyrra var vinnuaöferðum
breytt hjá tollgæslunni. Tók þá til
starfa sérstök leitardeUd — eða
„hulduherinn” eins og sjómenn kalla
þessa nýju deUd. Hefur hún þaö starf
að fylgjast með skipakomum til
landsins og leita í skipunum.
Að sögn Kristins hefur þetta
breytta vinnufyrirkomulag m.a. þaö
í för með sér að hægt er aö sinna
landsbyggðinni betur en áður og
koma embættismönnum á hinum
ýmsu stöðum til aðstoðar ef með
þarf.
„Hulduherinn” á ekki heiðurinn af
öUu því smygli sem tekið hefur verið
að undanförnu. Vegalögreglan og
rannsóknarlögreglan hafa tekið
annaö eins ef ekki meira. Er það úr
bílum sem hún hefur stöðvað þar
sem ökulag eða óvenjuleg hleðsla bíl-
anna hefur vakiö grunsemdir. Það
smygl hafði sloppið fram hjá „huldu-
hemum” í skipunum sem er annars
fátítt. Segja fróðir menn um þessi
mál að eftir að „hulduherinn” hafi
verið stofnaður, sé varla sjáanlegt
smyglaðvíneða bjórámarkaðnum.
-klp-
Svo mælir Svarthöfði_________Svo mælir Svarthöfði___________Svo mælir Svarthöfði
Að sameina hin borgaralegu öfl
Enn hefur forsætisráðherra ekki
sagt frá því hvort hann muni verða
við tilmælum nokkurra stuðnings-
manna sinna um að leiða framboð
sjálfstæöismanna í Reykjavík. Og í
sjálfu sér þarf forsætisráöherrann
ekkert að flýta sér í þessum efnum.
Hann getur dregið framboðstilkynn-
ingu fram á síðasta dag og haldið
uppi þeirri spcnnu sem oft er
nauðsyn klofningsframboöi.
Stuðningsmenn hans eru hins vegar
orðnir næsta óþolinmóðir enda hafa
þeir enn ekki náö þeim þroska að
skilja hina sælu nautn sem er fólgin í
því aö taka ákvörðun á síöustu
stundu.
Þeir sem ákafastir eru um
framboð forsætisráðherra styðja
margir mál sitt þeim rökum aö Ijóst
sé aö stór hópur stuðningsmanna
hans muni ekki kjósa lista
sjálfstæðismanna þvi aö slikt kæmi
Geir Hallgrímssyni á þing. Þess
vegna færu atkvæði þessara manna
til annarra flokka, einkum þó til
Ölafs Jóhannessonar og Bandalags
jafnaöarmanna. Þessir stuönings-
menn forsætisráöherrans myndu
hins vegar kjósa hann fullir áhuga og
gæti framboð hans því stuðlað að enn
meiri sigri sjálfstæðismanna í
Reykjavík en að sama skapi drepið
framboð framsóknar og Vilmundar.
Rök kjósenda við kjörborð eru oft
vandskýrð og sést þaö best á
úrslitum prófkosninga Alþýðuflokks-
ins á Vestf jörðum. Forsætisráðherra
hefur að sönnu mikinn velvilja
margra kjósenda en framboð hans
verður ekki rökstutt meö vísan til
þess er aö framan er sagt. í huga
langflestra kjósenda og stuðnings-
manna Sjálfstæöisflokksins yröi
framboö forsætisráðherrans fyrst og
fremst til framdráttar andstæðing-
um flokksins. Og þaö sem meira er:
það væri þvert á stjórnmálastefnu
forsætisráðherrans.
Saga dr. Gunnars og Sjálfstæðis-
flokksins er samslungin frá upphafi.
Þar hafa oft oröið árekstrar milli
hans og annarra forustumanna
flokksins. Dr. Gunnari hefur hvaö
eftir annað verið settur stóllinn svo
fyrir dymar að hann gat réttlætt það
bæði fyrir sjálfum sér og öðrum að
stofna nýjan flokk. En hann hefur
aldrei gert þaö. Hann hefur þvert á
móti reynt að halda ágreiningnum
innan flokksins, hann hefur verið
„enfant terrible” sumir segja „horr-
ible”, en „enfant” eigi að síður. Og
rétt eins og böm skilja ekki við for-
eldra sina hefur dr. Gunnari aldrei
dottið í hug aö leiðir hans og
Sjálfstæðisflokksins myndu skilja.
Þegar ríkisstjómin var mynduð
vildu skapmenn i báðum örmum að
nú yrði gengið saman til víga. Slíkt
var þó ekki gert og réðu þar mestu
um ráð Geirs Hallgrimssonar og
Gunnars Thoroddsen. Það hefur
verið erfitt að halda saman flokkn-
um þessi ár og þeir sem starfiö
mæddi mest á hafa gengið frá þeirri
orrarhríð með rifinn skjöld. En
flokkurinn stendur enn saman. Og
e.t.v. er mest um vert að þeir félagar
dr. Gunnars sem tóku meö honum
sæti í ríkisstjórn em nú eftir á listum
Sjálfstæðisflokksins. Þeir hafa báðir
lýst yfir eindregnum vilja sínum til
að ná fullum og heiðarlegum sáttum.
Framboð dr. Gunnars í Reykjavík
yrði mjög til þess að veikja stöðu
þessara manna og gera þeim erfitt
fyrir. E.t.v. yrði um stundarsigur að
ræða í Reykjavík en félagar ráðherr-
ans úti á landi yrðu að gjalda fyrir
þaö.
Það er eðlilegt að vöskum
stuðningsmönnum forsætisráðherr-
ans þyki sjónarsviptir að því að
hann dragi sig í hlé við næstu
kosningar. En þau sjónarmið geta
ekki ráðið úrslitum. Rétt eins og dr.
Gunnar hóf stjórnmálaþátttöku
ungur maöur til þess m.a. aö
sameina hin borgaralegu öfl í
landinu í einum víösýnum og þjóðleg-
um umbótaflokki, er eðlilegt aö hann
ljúki stjórnmálastarfi sínu með því
að tryggja að ævistarf hans molist
ekki. Það er þess vegna sem dr.
Gunnar á að skipa heiðurssæti
sjálfstæðislistans í Reykjavík.
Svarthöfði.