Dagblaðið Vísir - DV - 19.08.1985, Blaðsíða 14

Dagblaðið Vísir - DV - 19.08.1985, Blaðsíða 14
14 8*6.1 TaUiM Ml H UOACt iftUM 2&1 DV. MANUDAGUR19. AGUST1985 Menning Menning Menning Menning ORT VAXANDI VEFJARUST —norræni textflþríæringurinn að Kjarvalsstöðum Norræni textilþríæringurinn, sem nú gistir Kjarvalsstaöi, er meö ánægju- legri uppákomum sem norrænir lista- menn standa að. í stað þess að reiða sig á opinbera aðila, listasöfn og stjórnskipaða ráðgjafa, sem oft glutra niður góðum tækifærum í skrifræði og málamiölunum, tóku veflistamenn sig sjálfir til og sköpuðu sér samnorrænan vettvang með gæði og fjölbreytni að leiðarljósi. Sjóðir og listasöfn hafa vissulega hlaupiö undir bagga með þeim en framkvæmdin hefur alla tíö verið í höndum þeirra sjálfra. Frá því fyrsti textílþríæringurinn var haldinn árið 1974 hefur vefjarlist á Norðurlöndum tekið ýmsum breyting- um, e.t.v. fyrir áhrif þríæringsins. Fyrstu sýningarnar innihéldu talsvert mikiö af myndvefnaöi, og var sumt af honum ætlað að miðla boðskap um þjóðfélagsmál og tengslin milli manns og náttúru. Tilraunastarfsemi Smátt og smátt hefur boðskapurinn vikið fyrir einstaklingsbundinni til- raunastarfsemi með efni og form, sennilaga vegna aukinnar meðvitund- ar veflistarmanna á Norðurlöndum um þróun vefjarlistar í Austur-Evrópu og Bandarikjunum. Tauþrykk hefur t.d. losnað úr viðjum skreytilistar og fengið sjálfstætt hlutverk. En hefð- bundinn vefnaður, t.a.m. góbelín, hef- ur engu að síður haldið velli og þá í myndvefnaði sem afstrakt veftum. En um þetta, og margt fleira, má f ræðast í ágætri sýningarskrá sem fylgir f jórða textílþríæringnum að Kjarvalsstöðum. Mér skilst á skránni að innsend verk haf i aldrei verið fleiri og ef ég man rétt hafa verk á þríæringnum aldrei verið færri, eða 80 talsins. Hinar ströngu kröfur dómnefndar hafa ekki rýrt þennan þríæring heldur þvert á moti. Eg man satt að segja ekki eftir fjölbreyttari og skemmti- legri textilþríæringi og ekki sakar að hvert og eitt einasta verk fær aö njóta sín til f ullnustu. Kirsti Rantanen — Skugginn minn, 1985 (nr. 7). Myndlist Aðalsteinn Ingólfsson Þriðja víddin Ef nefna ætti einhver séreinkenni á þessum þríæringi þá er það sennilega mikil notkun veflistarmanna á öllum Norðurlöndum á þriðju víddinni, en u.þ.b. helmingur verkanna grundvall- ast á svipuðum forsendum og fram- sækinn nútimaskúlptúr. Sum þeirra eru frístandandi eða hangandi, önnur mundu flokkast undir lágmyndir. Mörg þeirra mundu taka sig vel út á „venjulegum" myndlistarsýningum sem er til marks um þann samruna handíða og f rjálsra myndlista sem orð- ið hefur á síðastliðnum áratug. Hefðbundinn efniviður nægir nú nor- rænum veflistarmönnum ekki lengur. Verkin eru t.d. gerð úr tjöru, plastefn- um, málmi, tágum, pappa, blýi og steyptum einingum. Velta má fyrir sér hvort ekki sé tímitil kominn að endur- skoða forsendur þessa þríærings og kenna hann við „mjúkan efnivið" eða víxlverkan ýmissa efna, eins og aö- standendur „Stoffwechsel" sýningar- innar í Kassel hafa gert. Hugtakið „textíll" er auðsjáanlega orðið of þröngt. Uppruni verka Leiða má getum að því að textíl- þríæringurinn hafi að einhverju marki afmáð séreinkenni á textíl á Norður- löndunum fimm. Nú er a.m.k. erfiðara en áður að geta sér til um uppruna hinna ýmsu verka er maður gengur um sýningarsalina. Á fyrstu þríæring- unum var ströng formskipun t.d. sterkt einkenni á finnskum veftum. Finnskir veflistarmenn hafa að vísu ekki gefið slíka formgerð alveg upp á bátinn en hún er alls ekki jafnáberandi og fyrr. Vistfræðilegar igrundanir og róman- tík einkennir heldur ekki danskar veft- ir í sama mæli og á fyrri sýningum. E.t.v. hefur þríæringurinn einnig haft hvetjandi áhrif á norska vefjarlist. Norðmenn voru fremur aftarlega á merinni á fyrstu tveimur þríæringun- um en nú blómstra þeir í ótrúlega fjöl- breyttum og mögnuðum verkum. Ef einhverjir eru „sigurvegarar" þessa fjórða þríærings þá eru það norskir veflistarmenn. Tilbreyting Islenskir veflistarmenn eru hér færri en oft áður en verk þeirra standa fyrir sínu. Hólmfríður Árnadóttir sýnir verk úr pappír og taui í fyrsta sinn á þessum vettvangi og er ört vaxandi á sínu sviði. Guðrún Marínósdóttir sýnir þrí- víddarverk sem tekur sig vel út í víð- áttu vestursalarins og Sigurlaug Jó- hannesdóttir heldur áfram að þróa blandaða tækni af miklu öryggi. Guð- rún Gunnarsdóttir er ein Islending- anna um tiltölulega hefðbundinn veggjar-vef, voldugt verk og áhrifa- mikið. Skemmtileg tilbreyting er einn- ig að útiverki Þórdísar Sigurðardóttur, „Appelsínugulur morgunn", sem stendur á grasinu fyrir utan Kjarvals- staði. Hvað erlendu veflistarmennina snertir er allt of erfitt að gera upp á milliþeirra. AI Guðrún Marínósdóttir — Form, 1984 (nr. 19). Sirkka Könonen — Purja 1,1985 (nr. 43). Gítarsnillingar halda námsk&ö Austurríski gítarleikarinn Siegfried Kobilza efnir í lok þessa mánaðar til námskeiðs í gítarleik á vegum Tón- skóla Sigursveins D. Kristinssonar. Á námskeiðinu nýtur hann aðstoðar Simonar H. Ivarssonar, gítarleikara og kennara við Tónskóiann. Þeir félagar eru Islendingum að góðu kunnir fyrir gítarleik og kynningu á gítartónlist á síðustu árum. Er þar skemmst að minnast tónleikaferöar um landið fyrr í sumar. Siegfried Kobilza er nú einn fremsti fulltrúi klassískrar gítartónlistar í Austurríki. Hann ferðast víða og heldur tónleika og leiðbeinir á námskeiðum. Á námskeiðinu gefst þátttakendum kostur á að leika verk sín fyrir leið- beinandann. Einnig verða fluttir fyrir- lestrar um gítarleik og gítarkennslu. Umsóknareyðublöð um þátttöku í námskeiðinu liggja frammi á skrif- stofu Tónskólans, Hellusundi 7. Skrif- stofan er opin frá 14.00—16.00 alla virka daga. Námskeiðið stendur frá 30. ágú§ttill. sept. Siegfried Kobilza og Simon H. ívarsson.

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.