Dagblaðið Vísir - DV - 04.11.1985, Blaðsíða 2

2
DV. MÁNUDAGUR 4. NOVEMBER1985.
Félagar úr Björgunarsveitinni Ingólfi koma að Gróubúð eftir leitina að rjúpnaskyttunum sem týndust i ná-
grenni Skjaldbreiðs og leitað var að i gær. DV-mynd S.
r
Ottast um sjö rjupna-
skyttur um helgina
Þrátt fyrir slæmt veðurútlit létu
margir sig hafa það að fara á rjúpna-
veiöar um helgina. Ekki er vitað
hvernig veiöin gekk en aftur á móti
hafði björgunarsveitarfólk nóg að
gera við að leita að veiðimönnum.
Alls var óttast um sjö veiöimenn
um þessa helgi. Voru þeir í þrennu
lagi, tveir, tveir og þrír saman.
Leitarflokkar fóru af stað til leitar á
tveimur stöðum en áður en leit var
hafin að mönnunum tveimur, sem
voru á veiðum í Bláfjöllum, komu
þeir hraktir og kaldir til byggða í
Selvogi. Höfðu þeir villst í óveðrinu.
Björgunarsveitin Osk í Dalasýslu
var beðin um að fara að leita að
þremur rjúpnaskyttum upp úr mið-
nætti aðfaranótt sunnudagsins. Voru
það tveir menn sem ætluðu til veiða í
Bröttubrekku og voru ekki komnir
fram. Leitarmenn fundu þá fljótlega.
Fundu þeir bíl þeirra félaga og voru
þeir í honum.
Á laugardaginn fóru fjórir menn
til rjúpnaveiða í nágrenni Skjald-
breiös. Þegar veöriö versnaði upp
úr hádeginu komust tveir þeirra aö
bílnum sem þeir voru á en hinir tveir
komu ekki fram. Björgunarsveitir
frá Reykjavík, Kópavogi, Hafnar-
firði, Hveragerði, Selfossi, Flúðum,
Kjalarnesi, Laugarvatni og af
Suðumesjum — alls um 250 manns —
hófu leit að þeim klukkan fimm á
sunnudagsmorgun. Mennirnir
fundust fljótlega. Voru þeir á gangi
eftir að hafa séð blikkljós á
björgunarsveitarbílum.
Höfðu þeir villst og ekki fundiö bíl-
inn. Leituðu þeir þá skjóls og létu
fyrirberast um nóttina. Þeir voru
hvorki með kort, áttavita né blys
með sér og höfðu ekki fatnaö til að
verjast bleytu. Að öðru leyti voru
þeir vel búnir en voru samt kaldir og
hraktir þegar þeir fundust.
Vanur veiðimaður, sem blaðiö
ræddi við og fór til veiða í birtingu á
laugardagsmorguninn, sagði að
hann og fleiri heföu snúið við heim
um leið og fyrsta élið kom. Þá hefði
verið fjöldi fólks að koma á veiöi-
svæðin og haldið af stað á fjall þrátt
fyrir slæmt veðurútlit. Margt af
þessu fólki hefði verið illa búið og
ekki verið með nein hjálpartæki með
sér. Sagði hann það mestu mildi að
ekki skyldi fara verr hjá mörgum
um þessa helgi. klp-
Sameining kennaraf élaganna:
Ekki fyrr en
eftir tvö ár
— segir Kristján Thorlacius,
formaðurHÍK
„Kennarafélögin verða sameinuð á
endanum þótt ég sjái ekki fram á að
það gerist á næstu mánuðum,” sagöi
Kristján Thorlacius, formaður Hins ís-
lenska kennarafélags, þegar DV ræddi
við hann um líkur á sameiningu kenn-
arafélaganna tveggja.
I síðustu viku var, sem kunnugt er,
samþykkt tillaga í báðum félögunum
þess efnis að sameina beri félögin
verði það niðurstaða allsherjarat-
kvæðagreiöslu meðal félagsmanna.
Kristján taldi að þótt sameining yrði
niðurstaða slíkrar atkyæðagreiðslu,
eins og almennt er talið líklegt, þá gæti
ekki orðið af henni fyrr en eftir þing fé-
laganna árið 1987.
„Menn hafa ekki verið tilbúnir til
mikilla breytinga. Það er munur á
stefnu félaganna í kjaramálum. Þess
vegna eru félögin tvö núna. Eg held
líka að það sé betra aö fara sér hægt
núna og forðast að setja allt í loft upp,”
sagði Kristján til skýringar á hæglæt-
inu sem verið hefur í þessu máli.
GK.
Skipulagflar strætisvagnaferðir eru ekki hafnar um Þorlákshöfn eins
og aðkomumaður mætti ætla þegar hann sér þennan vagn aka um
götur byggðarlagsins. Einar Gislason keypti þennan gamla strætis-
vagn úr Reykjavik. Núna er vagninn notaflur til að aka starfsfólki fisk-
verkunarstöflva til vinnu og heim aftur.
-KMU/DV-mynd PK.
Kjördæmisþing Framsóknarf lokksins á Norðurlandi eystra
Framsóknarflokkurinn
tapar fylgi jafnt og þétt
—sagði Ingvar Gíslason þingmaður í umtalaðri ræðu
Frá Jóni G. Haukssyni, blaðamanni
DVáAkureyri:
„Að slá mig til riddara? Nei, það
er ég ekki að gera. Eg er aðeins að
ræða um 'flokkinn á opinskáan hátt.
Eg tel það nauðsynlegt að opnar
umræður eigi sér stað. Og í sumu af
því, sem ég sagði í ræðu minni og
menn hafa kannski hnotið um, er ég
meira að vísa til þess sem ég heyri
sagtumflokkinn.”
Þetta sagði Ingvar Gíslason, þing-
maður Framsóknarflokksins, um
ræðu sína sem hann flutti á kjör-
dæmisþingi flokksins í Norðurlands-
kjördæmi eystra sem fram fór um
helgina á Hótel KEA.
„Eg hef bent á það áður að það sé
sýnilegt að Framsóknarflokkurinn
sé að tapa fylgi jafnt og þétt. Það er
hnignunarskeið í flokknum. Það
byrjaði í kringum 1974 og stendur
enn.
Það eru ýmsar ástæður fyrir
þessu. Ég tel að okkur hafi ekki
tekist að koma stefnu flokksins
nægilega fram í verki. Eins eru ýmis
atvik sem hafa skaðað flokkinn.
Eg nefni deilur í flokknum, sem
urðu til aö flokkurinn klofnaði fyrir
kosningarnar 1974. Þá gengu áhrifa-
miklir menn úr flokknum eins og
Olafur Ragnar Grímsson. Þeir fóru
með mikið af fólki með sér og við
misstum fylgi hjá yngra fólkinu.
Þá tel ég að sakamál eins og
Geirfinnsmálið, sem reynt var að
klína á flokkinn og einstaka menn
hans hafi skaðað hann. Þrátt fyrir að
hið sanna kæmi í ljós finnst mér að
enn gæti tortryggni hjá sumu fólki.”
Ingvar sagði að það eitt hvað
flokkurinn er búinn að sitja lengi í
stjóm, nú fjórtán ár samfellt, hefði
hugsanlega þau áhrif á fólk að
honum gengi illa aö koma með
ferskar hugmyndir.
— Á hann að hvíla sig á stjómar-
setu eftir þetta kjörtimabil?
„Já, ég tel að það komi sterklega
til greina. Og skýringin er sú, eins og
ég nefndi í ræöu minni, að ég tel að
Framsóknarflokkurinn þurfi í hug-
sjónalega endurhæfingu.
Þá er ég sannfærður um að sam-
starfið við Sjálfstæðisflokkinn eitt
sér geti orðið til að minnka fylgið
verulega. Þetta samstarf verkar
mjög illa á vinstrisinnaða menn sem
eiga reyndar samleið með
Framsóknarflokknum.
— Viltu slíta stjóraarsam-
starfínu?
„Nei.þaðvil égekki.”
— Hvers vegna ekki?
„Eg sé engan annan kost betri og
sjálfur tel ég að þessari stjórn hafi
ekki tekist illa upp.”
— Þú talar um aö þið hafið lotið í
lægra haldi fyrir Sjálfstæðisflokkn-
um í ýmsum málum?
„Já, það er mín skoðun. Eg nefni
húsnæöismálin þar sérstaklega. Við
höfum félagsmálaráðherrann. Og
stefna okkar er sú að koma þeirri
festu á í húsnæöismálum á Islandi
sem þekkist í nágrannalöndunum.
Alexander hefur komið með ýmsar
tillögur um að endurskipuleggja
húsnæðiskerfið, þannig að fólki sé
gert kleift að kaupa sér íbúöir.
Þessum tillögum hefur hann ekki
komið fram vegna Sjálfstæðis-
flokksins.”
— Þú talar um að fólk líti svo á að
þið haldið fast í ráðherrastólana til
að ná ykkur í völd?
„Eg sagði í ræðu minni aö unga
fólkið, sem yfirgefur okkur eða telur
Framsóknarflokkinn ekki áhuga-
verðan stjómmálaflokk, líti hugsan-
lega svo á að flokkurinn sé haílur
undir ihaldssöm sjónarmið á fjöl-
mörgum sviðum aðeins til að geta
verið í ríkisstjóm.
Það situr síst á mér að halda því
fram að þetta sé heilagur sannleikur.
En hann er það svo lengi sem unga
fólkið lítur á aö þetta sé sannleikur.”
— Gætir andstöðu við ykkur
Stefán Valgeirsson á Akureyri?
„Eg hef ekki orðið var við þá
andstöðu.”
— Hvað um það sem Hafþór
Helgason sagði á þinginu um þá stað-
reynd að orsakast hefðu umræður í
kjördæminu um að þiö Stefán
Valgeirsson ættuð ef til vill að fara
að hugsa til þess að minnka afskipti
ykkar af st jómmálum?
„Eg tel almennt séð ekki óeölilegt
að nöfn manna sem hafa setið lengi á
þingi beri á góma, þegar rætt er um
að nýir menn komi í staðinn. En þaö
er af og frá aö líta svo á að það sé
andstaöa gagnvart okkur persónu-
lega.”
-JGH.
Hafþór Helgason:
IngvarogStefán
ættu að fara að
minnkavið sig
Frá Jóni G. Haukssyni, blaðamanni
DV á Akureyri:
„Ég var ekki aö gagnrýna þá
Ingvar Gíslason eða Stefán Valgeirs-
son,” sagði Hafþór Helgason, fulltrúi
á kjördæmisþingi Framsóknar-
manna á Akureyri um helgina. En
ræða Hafþórs vakti óskipta athygli.
„Eg sagði í ræðu minni að gera
mætti ráð fyrir því að á árinu 1987
gengju um 26.000 nýir kjósendur að
kjörborðinu. Þetta yrði fimmtungur
kjósenda.
Og það væru þessar staðreyndir
sem hefðu orsakað umræður í þessu
kjördæmi um að Ingvar Gislason og
Stefán Valgeirsson ættu ef til vill aö
fara að hugsa til þess að minnka af-
skipti sín af stjórnmálum. Eg sagði
ennfremur aö sú umræða, sem um
mál af þessu tagi hefur spunnist,
væri að öllum líkindum séríslenskt
fyrirbæri vegna þess að í flestum
ríkjum Vesturlanda hefðu valist til
starfa á löggjafarþingum rosknir
menn með mikla reynslu og þekk-
ingu.
Þannig hefðu slíkir menn öruggan
gmnn til að býggja á hvers konar
ákvarðanatökur I bráð og lengd. Eg
tók reyndar fram að persónulega sæi
ég ekki sannleikann sjálfan fólginn í
því að Ingvar og Stefán drægju sig út
úr st jómmálum fyrir aldurs sakir.
En það kynni aö vera, þó ekki ætl-
aöi ég að dæma þar um, að tíðarand-
inn yrði viðhorfunum yfirsterkari og
rændi menn því sem mætti nefna
hina dýpri skynsemi,” sagöi Hafþór
Helgason. JGH