Dagblaðið Vísir - DV - 19.06.1986, Side 26
26
DV. FIMMTUDAGUR 19. JÚNÍ 1986.
Sviðsljós Sviósljós Sviðsljós Sviðsljós
Ólyginn
sagði
Sting
fyrrverandi Police-meðlimur og
stórsöngvari hefur sagt frá því að
í húsi hans í London búi tveir
húsdraugar. Fólkið sem gengur
aftur er kona og barn hennar, að
sögn popparans. Hann treysti þó
ekki alveg þessari draugatilfinn-
ingu sinni og til að fá staðfestingu
fékk hann þekktan miðil til að
halda miðilsfund í húsinu. En til-
finning Sting var á rökum reist
því miðillinn náði sambandi við
andana eftir smástund. Þegar
miðillinn spurði Sting hvort hann
ætti að flæma draugana í burtu
svaraði söngvarinn : ,,Nei, mér
finnst þægilegt að hafa þá hér á
sveimi í kringum mig."
Bill Cosby
hefur sýnt það og sannað að hann
er stórskemmtilegur leikari. Þættir
hans um fyrirmyndarföður eru
nokkuð vinsælir hérlendis. í Am-
eríku rís þó stjarna hans hvað
hæst því þar er þáttur hans, er
nefnist „The Cosby show",
óheyrilega vinsæll. Hefur bæði
þátturinn og Cosby unnið allar
vinsældakannanir sem gerðar
hafa verið i landi Sáms frænda
upp á síðkastið. Leikarinn hefur
~i nú ákveðið að róa á enn nýrri mið
og nú sem rithöfundur. Bókin á
að bera nafnið Föðurímynd og
þar ætlar Cosby að rita um sína
eigin barnæsku og um það hvern-
ig það er að vera faðir í dag.
Utgefendur bókarinnar segja að
hún muni verða dýrmæt lestrar-
bók fyrir verðandi feður.
Freddie
Mercury
aðalsöngvari og ímynd bresku
hljómsveitarinnar Queen ætlar í
næstu framtíð að hasla sér völl
sem sólósöngvari. Hljómsveitin
er nú á tónleikaferðalagi og verður
það í síðasta skiptið sem þeir
drottningarstrákar spila saman í
a.m.k. þrjú ár. Mercuiy segist vera
orðinn leiður á samvinnunni í bili
og því sé hljómsveitinni og með-
limum hennar fyrir bestu að taka
sér langa hvild.
Flugfreyjustarf nútímans?
Sú var tíð að ungar stúlkur
dreymdi um að verða flugfreyjur.
Fá að ferðast land úr landi og
kynnast hinum ýmsu þjóðum, vera
frjáls eins og fuglinn. í dag hefur
þetta breyst. Þó að flugfreyjan sé
enn vinsæl eru fyrirsætustörf
sennilega efst á listanum. Varla
fyrirfmnst sú stúlka sem ekki hefur
einhvern tíma dreymt um að prýða
forsíður. En í þessu sem öðru er
samkeppnin hörð, margir kallaðir
en fáir útvaldir. Á laugardaginn fór
fram úrslitakeppni Ford Models á
Islandi en keppnin er haldin í sam-
vinnu við Vikuna. Sex stúlkur voru
mættar til leiks en tilgangurinn var
að velja bestu fyrirsætuna fyrir
Ford Models. Spennan var mikil
og mátti glöggt finna hana í and-
rúmsloftinu, svo og sjá á andlitum
keppenda. Andrea Brabin, Val-
gerður Backman, Sjöfn Sverris-
dóttir, Anna Herdís Eiríksdóttir,
Lára Snæbjörnsdóttir og Elín Guð-
mundsdóttir biðu óþreyjufullar
eftir að heyra hver þeirra væri sú
heppna.
Eftir að Þórunn Gestsdóttir, rit-
stjóri Vikunnar, hafði boðið gesti
velkomna tók Trace Flynn við,
sagði frá Ford Models og kynnti
keppendur. Síðan hófst mynd-
bandssýning á lokakeppninni 1984
og gátu gestir þá gert sér nokkuð
heillega mynd af því hvernig
keppni sem þessi færi fram. Sú sýn-
ing stóð stutt því stóra stundin kom
fyrr en varði. Tilkynnt var að í ár
yrði um tvo sigurvegara að ræða.
Aðalsigurvegarinn færi í loka-
keppnina í Hollywood en sú sem
skipaði annað sætið myndi halda
til New York í júlí og fá tækifæri
til að hefja fyrirsætuferil sinn. Sig-
urvegari varð Yalgerður Backman
og var hún vel að sigrinum komin.
I öðru sæti lenti Andrea Brabin.
Mun hún halda utan í næsta mán-
uði og búa hjá Eileen Ford, sem
er nokkurs konar móðir tísku-
heimsins, en þar býr einnig fjöldi
annarra stúlkna víðs vegar að úr
heiminum. Til þeirra eru gerðar
miklar kröfur og þeim eru settar
strangar reglur. Þær byrja á að
setja saman ljósmyndabókina sína
og fara síðan í svokallaðar „test-
myndatökur". Að því loknu er svo
bara að bíða og sjá hvort gæfan
reynist fyrirsætunni hliðholl. Val-
gerður fer einnig utan í sumar og
býr til bókina sína og undirbýr sig.
Hún heldur aftur út fyrir landstein-
ana í janúar, að loknu stúdents-
prófi, og tekur þátt í úrslitakeppn-
inni og eftir það mun hún reyna
fyrir sér sem fyrirsæta. Hún sagði
í smáspjalli að vinkonur hennar
hefðu sífellt verið að mana hana
upp í að fara í keppnina en hún
hefði tekið því frekar létt og frekar
í gamni en alvöru. Þegar hún sá
síðan auglýsingu í DV um að frest-
ur til að tilkynna þátttöku væri að
renna út ákvað hún að láta slag
standa. Vikan kallaði síðan stelp-
urnar saman og lét taka myndir
sem voru sendar út og úrslitahóp-
urinn valinn. Valgerður átti erfitt
með að lýsa tilfinningum á sigur-
stundinni. Hún sagðist vera
spennt, ánægð og tilfinningin væri
skrýtin og framandi. Aðspurð hvort
hún hefði orðið svekkt ef úrslitin
hefðu farið á annan veg sagðist
sigurvegarinn sjálfsagt hefðu orðið
það. Hún hefði haft hugboð um að
henni myndi ganga vel auk þess
sem í svona keppni væri spurningin
um að duga eða drepast. Valgerður
hefur starfað það sem af er sumri
Andreu óskað til hamingju.
í J.L.-húsinu. í júlí heldur hún til
Ameríku en kemur aftur heim i
haust og klárar stúdentspróf frá
Menntaskólanum í Hamrahlíð í
janúar. Hún segist ekki hafa áhuga
á meiri skóla, a.m.k. ekki í bili.
Stefnan í nánustu framtíð er nú
sett á úrslitakeppni Ford Models
um andlit níunda áratugarins og
DV-myndir GVA
að henni lokinni segist Valgerður
ætla að reyna fyrir sér við fyrir-
sætustörf. - Hún er verðugur
fulltrúi Islands og hver veit nema
hún eigi eftir að geta sér gott orð
fyrir „kynningar á ullarvörum er-
lendis", eins og segir í ágætum
texta.
Hér sjást þátttakendurnir i úrslitunum: F.v. Anna, Andrea, Sjöfn, Lára.
Valgerður og Elín.
mæm' ■-■■■imjBfff 9 ■’wBB
JÉjilyLv oó ML vL
I - jWgi ' h 2 % Í4§1
...
& ■\ , €, aÆ f
III ílllififliiiill**
Gallo Giro lést á 23. ári nú nýveríð. Hann var uppáhaldsreið-
hestur chilesku foringjanna í Quillota og fékk veglega útför.
Hann var orðinn háaldraður af hesti að vera því þessi 23
ár jafnast á við u.þ.b. eina mannsöld. Að sögn sjónarvotta
var athöfnin hátíðleg og áhrifamikil og mátti sjá ýmsa við-
stadda fella tár þegar þessi aldni vinur var til grafar borinn.
Ronald Reagan Bandaríkjaforseti fékk um síðustu helgi góðan
gest í héimsókn. Það var móðir Theresa, fyrrverandi nóbels-
verðlaunahafi, sem fengið hefur viðurnefnið engill hinna
fátæku frá Kalkútta. Áður en móðir Theresa heimsótti Reagan
hafði hún staðið fyrir fjársöfnun sem verja átti til byggingar
sjúkrastöðvar fyrir eyðnisjúklinga í Bandaríkjunum.