Dagblaðið Vísir - DV - 11.07.1986, Blaðsíða 18

18
FÖSTUDAGUR 11. JÚLÍ 1986.
Iþróttir
Leikdögum
víða breytt
Það voru fleiri lið en Fram og Akra-
nes sem fengu leikdögum sínum breytt
eftir að dregið hafði verið til Evrópumó-
tanna þriggja í Genf í Sviss í gær. Meðal
þeirra var ítalska liðið Torino sem leik-
ur gegn franska liðinu Nantes í
UEFA-keppninni. Fyrri leikurinn verð-
ur í Nantes sem um leið þýðir að
Juventus, sem einnig er frá Torino, leik-
ur örugglega fyrri leikinn gegn Vals-
mönnum á heimavelli sínum sem rúmar
71 þúsund áhorfendur. Valur leikur því
gegn Juventus á Laugardalsvellinum 1.
október. Aðeins í UEFA-keppninni var
leikdögum breytt í 15 leikjum. -hsíni
Landsliðið í
handknattieik á
friðarieikana
- leikur við sterkar þjóðir
íslenska landsliðið í handknattleik er
farið til Moskvu en þar tekur það þátt
í handknattleikskeppni friðarleikanna.
Island leikur gegn A- og B-liði Sovétríkj-
anna, Bandaríkjunum, Póllandi og
Tekkóslóvakíu. Leikmennimir koma
aftur heim 19. júlí.
Af ýmsum ástæðum var ekki hægt að
stilla upp sterkasta landsliði íslands -
margir af kunnustu leikmönnum okkar
gátu ekki farið. í þeirra stað koma ung-
ir, efhilegir leikmenn svo og nokkrir
kunnir kappar sem lengi hafa verið í
eldlínunni. Liðið verður þannig skipað.
Brynjar Kvaran, KA, Guðmundur
Hrafnkelsson, Breiðabliki, Sigurður
Sveinsson, Lemgo, Þorbergur Aðal-
steinsson, SAAB, Geir Sveinsson, Val,
Hilmar Sigurgíslason, Víkingi, Valdim-
ar Grímsson, Val, Héðinn Gilsson, FH,
Jakob Sigurðsson, Val, Júlíus Jónasson,
Val, Siguijón Guðmundsson, Stjöm-
unni, Gunnar Gunnarsson, Mahnö, Ámi
Friðleifsson, Víkingi, og Þorgils Óttar
Mathiesen, FH.
Fararstjóri verður Jón Hjaltalín
Magnússon, formaður HSÍ, en þjálfari
Bogdan Kowalczyk. Þá verða fleiri í
fararstjóm og auk þess læknir og Guð-
jón Guðmuridsson liðsstjóri. -hsím
Sovétríkin með
flest verðlaun
Bandaríkin sigruðu Sovétríkin 83-60
í körfúknattleik á friðarleikunum í
Moskvu í gær. Flestir þekktustu leik-
menn sovéskra nú á HM á Spárn svo
þessi úrslit komu ekki á óvart. í gær
var ekki keppt í neinum spennandi
greinum á friðarleikunum, heldur í dýf-
ingum og ýmsu öðm sem litla athygli
vekur hér á landi.
Eftir keppnina í gær á leikunum hafa
Sovétríkin hlotið flest verðlaun.,33 gull,
43 silfur og 33 brons. Bandaríkin em í
öðm sæti með 31-22-31 og em þessar
tvær þjóðir í algjörum sérflokki. Rúmen-
ía í þriðja sæti með 6 gullverðlaun, tvenn
silfúrverðlaun og fem bronsverðlaun.
-hsím
FH-ingar bæta
sig í Svíþjóð
26 manna hópur frá frj álsíþróttadeild
FH dvelst nú í Svíþjóð við æfingar og
keppni. Hefúr hópurinn keppt á ýmsum
mótum og náð ágætis árangri, sérstak-
lega hafa unglingamir verið iðnir við
að bæta sig.
í langstökki stúlkna, 17 til 18 ára,
stökk Súsanna Helgadóttir 5,46 metra
Finnbogi Gylfason, sem keppir í sveina-'
flokki, hljóp 800 m á 1.57,76 sem er
árangur sem hefði átt að duga honum
til að fara á Evrópumeistaramót ungl-
inga í Aþenu. Þá stökk Björg Óskars-
dóttir, sem er 16 ára, 1,65 m í hástökki
og bætti sig um hvorki meira né minna
en 15 cm. -SMJ
• Danski snillingurinn Michael
Laudrup, helsti sóknarmaður Ju-
ventus. Sló í gegn i Mexíkó.
• Michel Platini, fyrirliði HM-liðs
Frakklands og einnig fyrirliði hjá
Juventus.
• Geatano Scirea, fyrirliði ítalska
HM-tiðsins. Stórkostlegur varnar-
ieikmaður.
• Antonio Cabrini, heimsmeistari
1982 og lykilmaður í vöm Juventus.
Lék i HM-liði Ítalíu.
„Heppnin hefur fylgt okkur í
Evrópukeppni gegnum árin“
- segir Þorgrímur Þráinsson, fyriríiði Vals. Valur fékk Juventus
„Þetta var svo sannarlega drauma-
liðið. Það er ekki amalegt að enda
keppnistímabilið á því að leika við
svona lið. Það em frábærir leikmenn
í hverri stöðu hjá Juventus og nægir
að nefna þá Platini, Laudmp, Cabrini
og Scirea,“ sagði Þoigrímur Þráins-
son, fyrirliði Vals, en Valsmenn duttu
svo sannarlega i lukkupottinn þegar
dregið var í Evrópukeppninni í gær.
ítaliumeistarar Juventus em eitt fræg-
asta og ríkasta félagslið heims.
„Það má með sanni segja að heppn-
in hafi fylgt okkur í Evrópukeppninni
í gegnum árin. Það er auðvitað meiri
háttar mál að fá að leika við svona
lið. Þetta er ómetanleg reynsla fyrir
okkur leikmennina. Nú, ef Platini
stendur við það sem hann sagði um
daginn, að hann væri hættur að leika
með franska landsliðinu, verður þetta
eina tækifærið fyrir knattspymuunn-
endur að fá að sjá hann i leik hér á
landi. Þetta ætti að vera sárabót fyrir
þá,“ sagði Þorgrímur. Þess má geta
að Ian Rush var nýlega seldur til Ju-
ventus. Hann var þó lánaður aftur til
Liverpool og mun leika með því liði
næsta vetur.
Valsmenn stóðu sig frábærlega í
Evrópukeppninni í fyrra og sigmðu
þá franska liðið Nantes á Laugardals-
vellinum, 2-1. Það er því allt mögulegt
þó að Valsmenn stilli upp töluvert
breyttu liði frá því í fyrra. „Hópurinn
hjá okkur núna hefúr ekki eins mikla
reynslu í Evrópukeppni og liðið í fyrra.
Þetta verður ný reynsla fyrir lang-
flesta leikmenn okkar," sagði Þor-
grímur sem er nýlega farinn að leika
með V alsmönnum eftir þrálát meiðsli.
Það var Juventus sem fékk heima-
leikinn á undan en fyrri leikimir í
Evrópukeppninni verða 17. september.
Seinni leikimir em síðan 1. október
en leikið er á miðvikudögum. Ekki er
ljóst hvort Valsmönnum tekst að fá
leikjunum breytt þannig að fyrri leik-
urinn verði spilaður hér. Eggert
Magnússon, formaður knattspymu-
deildar Vals, var í Genf þegar dregið
var og líklegt er að hann reyni að fá
leikdögunum breytt. Það ætti að
hjálpa Valsmönnum að hitt Torinolið-
ið, AC Torino, leikur við Nantes í
Torino á sama degi.
Það er ekki mikið um stórleiki 1 1.
umferð Evrópubikarsins - keppni
meistaraliða. Þó drógust saman hol-
lensku meistaramir PSV Eindhoven
og Bayem Múnchen og vom forráða-
menn Bayem að vonum óhressir með
það. Sterkustu liðunum var raðað
þannig að þau lentu ekki saman og
vom þeir hjá Bayem ákaflega óheppn-
ir að lenda á móti þessu sterka hol-
lenska liði. „Þetta er það versta sem
fyrir okkur gat komið. Hollensku
• Þorgrímur Þráinsson, fyrirliði
Vals.
meistaramir em eitt af sterkustu
sóknarliðum Evrópu i dag,“ sagði Udo
Lattek, þjálfari Bayem. Einn af forr-
áðamönnum Bayem bætti því við að
þeir hefðu aldrei áður lent á jafnerfið-
um mótheijum í 1. umferð.
Evrópumeistaramir, Steaua Búkar-
est, sitja hjá í 1. umferð.
Framarartil Póllands
Lánið lék ekki við Framara að þessu
sinni. Þeir drógust gegn tiltölulega
óþekktu liði frá Póllandi, Katowice.
Þetta lið tekur nú i fyrsta skipti þátt
í Evrópukeppni og er lítið sem ekkert
vitað um það. Það verður án efa erfið
ferð hjá Frömurum til Póllands en
þeir ættu að hafa sæmilega möguleika
á þvi að komast áfram. Framarar
fengu leikdögunum breytt og verður
fyrri leikurinn hér á landi.
Stuttgart, lið Ásgeirs Sigurvinsson-
ar, tekur þátt í bikarkeppninni vegna
þess að Bayem vann tvöfalt. Stuttgart
lenti á móti Spartak Tmava frá
Tékkóslóvakíu. Þá mætast AC Roma
frá Ítalíu og Real Zaragoza frá Spáni
og einnig Rapid Vín frá Austurríki og
Brugge frá Belgiu. Aðrir stórleikir
verða ekki í 1. umferð i Evrópukeppni
bikarhafa.
Skagamenn mæta Sporting
Lissabon
Skagamenn drógust á móti portú-
galska liðinu Sporting Lissabon í
UEFA-keppninni og þeim tókst, eins
og Frömurum, að fá leikjunum breytt
og leika fyrri leikinn hér heima. Helstu
leikir í Evrópukeppni félagsliða verða:
Lens (Frakklandi) - Dundee United
(Skotlandi), Athletic Bilbao (Spáni) -
Magdeburg (A-Þýskalandi), Athletico
Madrid (Spáni) - Werden Bremen (V-
Þýskalandi), AC Torino (Italiu) -
Nantes (Frakklandi) og Uerdingen
(V-Þýskalandi) - Carl Zeiss Jena (A-
Þýskalandi). Þeir Atli og Lárus verða
því að bregða sér austur fyrir jámtjald
í fyrsta leik. _SMJ
Kátir Frakkar
Frönsku HM-leikmennimir - jafn-
niðurbrotnir og þeir vom eftir að hafa
tapað fyrir Vestur-Þýskalandi í und-
anúrslitum - vom þó fljótir að taka
gleði sína aftur. Það kom vel í ljós
eftir að Frakkland hafði sigrað Belgíu
í Mexíkó og þar með hlotið þriðju
verðlaunin á HM. Þá vom allir
kampakátir.
Á myndinni til hliðar em þeir Mic-
hel Platini, Jean Tigana og Luis
Femandez eftir að hafa veitt brons-
verðlaununum móttöku. Aðeins
Tigana lék gegn Belgíu en í fyrri leikj-
um Frakka á HM vom þessir þrír
leikmenn taldir bestu tengiliðir, sem
nokkurt lið hafði á að skipa á HM.
Platini er nú við lok leikferils síns -
á eftir eitt ár með Juventus en er
hættur með franska landsliðinu. Það
fer því hver að verða síðastur að sjá
hann í leik en til þess gefst okkur Is-
lendingum þó tækifæri 1. október á
Laugardalsvelli, þegar Valur leikur
við Juventus.