Dagblaðið Vísir - DV - 10.10.1987, Blaðsíða 16

16
LAUGARDAGUR 10. OKTÓBER 1987.
Best að siá
Rætt við
Guðjón Guðmundsson
um nýja plötu
Það telst alltaf til tíðinda þegar
nýgræðingar á tónlistarsviðinu láta
að sér kveöa, aö maður tali nú ekki
um þegar þeir senda frá sér hljóm-
plötu. Guðjón Guðmundsson, eða
Gaui, eins og hann kýs aö nefna sig,
gefur nú í vikunni út hljómplötu eft-
ir 6 mánaða vinnu í hijóöveri.
Blaðamaður hitti Gauja að máli og
spurði hann hversu lengi hann hefði
fengist við tónsmíðar.
- Þetta hefur loðað við mann allt
frá unglingsárunum. Ég hef alltaf
verið iðinn við að semja ljóð og fund-
ið hjá mér þörf til þess að tjá mig í
ljóðaformi. Á síðustu 5 árum hef ég
unnið við samningu á lögum og text-
um. Ég hef síðan verið að koma fram
í hinum ýmsu menntaskólum og
samkomum, þannig að platan er í
beinu framhaldi af því. Ég ákvað að
prófa að leggja inn efni hjá útgefanda
- nánar tiltekið hjá Skífunni. Þeim
leist svo vel á efnið að mér var boð-
inn samningur. Ég fékk óvanalega
góðan tíma til að vinna plötuna og
er hún sjálfsagt ein af fáum plötum
sem hafa verið unnar á hálfu ári.
Hvers vegna svona langan tíma?
- Samstarfið við tónlistar- og upp-
tökufólkiö var þannig að lögin þurftu
sinn tíma til að þróast til hins betra.
Það er æskiiegt fyrir ungan mann
sem er að gera sína fyrstu plötu að
hann fái umhugsunartíma inni í
stúdíói og að platan sé ekki kláruð á
stuttum tíma. Ég lærði sjálfur mjög
mikið á þessum tíma og sérstaklega
af samstarfmu viö Tómas R. Tómas-
son sem mér finnst vera einn af
okkar bestu upptökumönnum.
Stemmningin viö upptökurnar var
þannig að þær fóru heldur fram á
nóttunni. Það má líka segja að
stemmningin yfir plötunni sjálfri sé
haustleg.
Víkjum að ljóðagerðinni,,hvernig
hófst hún?
- Ég hef alltaf dundað mér við að
sen\ja órímuð ljóð, hafði mikinn
áhuga á þeim og las mikið af ljóðum,
jafnt íslenskum sem erlendum. Ég
legg mikið upp úr því að textamir
við tónlistina séu góðir. Þessi ljóða-
gerð þróaðist út í það að ég tók þátt
í söngvakeppni, sem haldin var fyrir
tveimur árum í skemmtistaðnum
Holly wood, eftir að vinir mínir höfðu
ýtt mér út í hana. Plötuupptakan er
samt alls ekki framhald af þeirri
keppni heldur haföi ég alltaf þörf á
að tjá mig og koma mínu efni á fram-
færi. Ef ég kafa dýpra ofan í fortíðina
þá var tjáningarþörfm þegar til stað-
ar í bamaskóla þar sem ég fann hjá
mér þörf til aö leika. Draumurinn
var alltaf sá að semja tónlist við leik-
rit. i
Hvernig verður þín tónlist til?
- Þegar ég er að semja finnst mér
best að gefa mig tónlistinni á vald
og hverfa inn í hana þannig að hægt
sé aö sjá myndir úr henni sem lista-
maðurinn sér á meðan hann er að
hlusta á hana. Ég hef einfaldlega
þörf fyrir það að setjast niður við
píanó eða með kassagítar og tæma
tankinn sem hefur fyllst.
Geturðu lýst innihaldi textanna í
fáumdráttum?
- Textarnir hafa allir sinn boðskap
og það leynist alltaf pólitík í þeim,
ég rey ni að taka afstöðu til þess sem
gerist í heiminum. í textanum um
demantsbrúðuna segi ég frá því
hvernig maðurinn felur sig sífellt á
bak við grímu. Annars er erfitt að
skipa þeim í ákveðna flokka. Mér
verður tíðrætt um ástina, lygina og
svo eru aðrir sem eru ævintýra-
kenndir.
Hvað um fyrirmyndir?
- Sá sem hefur haft einna mest
áhrif á mig er Peter Gabriel. Hans
laga- og textasmíð er fyrsta flokks
hvort sem hann yrkir á ensku eða
þýsku. Hann er frumlegur og tekst
vel að samræma texta og ljóð. Hon-
um hefur tekist að móta sinn eigin
stíl eftir að hann yfirgaf Genesis.
Hann hefur bæði haft áhrif á laga-
smíöar mínar og stíl. Gabriel er einn
af þeim sem túlka sína tónlist hvað
best. Annar áhrifavaldur minn er
fyrrverandi söngvarinn í hljómsveit-
inni Japan, David Sylvian, sem er
einn merkilegasti textahöfundurinn
auk Phil Collins.
Hvað um framtíðaráform?
- Nú er platan nýkomin út þannig
að mest vinna mín fer í að fylgja plöt-
unni eftir með ýmiss konar kynning-
arstarfsemi. Ég mun verða mikið á
ferðinni með hljómsveitinni Gíslun-
um og munum við bæði leika tónlist
af plötunni sem og nýtt efni. Það
verður spennandi að sjá hvernig við-
tökur platan fær því fólk virðist hafa
fest sig við ákveðnar hljómsveitir
sem hafa tröllriðið markaðnum á síð-
ustu árum og þaö er kominn tími til
að nýir menn fái að láta ljós sitt
skína. Viðtal: Ásgeir Eggertsson.
LITLA
GLASGOW
Skipholti 50 c, við hliðina á Pítunni
RYMINGAR-
ÚTSALA
vegna flutnings í nýtt húsnæði
★
Rýmingarsalan stendur 8.-12. október.
★
Þeir fyrstu gera bestu kaupin.
★
Ný sending af töskum, skartgripum og
venjulegum gallabuxum.
OPIÐ TIL KL. 8 Á KVÖLDIN,
LAUGARDAGA 11-16.