Dagblaðið Vísir - DV - 23.01.1988, Page 41
LAUGARDAGUR 23. JANÚAR 1988.
53
í Disney World á Flórida. Þangað sækja margir í nóvember og fram yfir
áramót.
Ferðamál
Ferðaalmanak
Þaö er lagt upp í ferðalag í ýmsum tilgangi. Flestir eru
sammála því að hver sem tilgangur ferðarinnar er þá sé
tilbreytingin, sem felst í því að skipta um umhverfi, veiga-
mikið atriði. En tilgangurinn er ólíkur og áfangastaðirnir
margir. Fyrir þá sem vilja leitast við að vera á réttum
stað á réttu augnabliki ætlum við að gefa upp nokkur
atriði sem hægt er að setja á ferðaalmanak fyrir árið.
Margir setja þaö efst í forgangröðina aö sækja heim listahátíðir á feröum sínum. Nokkrar eru nefndar í greininni.
Hvert á að fara til aó fá rétta litinn - þaö er málið að vera á réttum stað
JANUAR
Það er kominn seinni hluti jan-
úarmánaðar og hver síðastur aö átta
sig á því hvað hæfir til ferðalaga
þennan mánuðinn ef leita á út fyrir
landsteinana. Margur hefur farið til
Kanaríeyja eða til Evrópu á skíði.
Fleiri janúafstaðir eru, t.d. Eilat við
Rauðahafið. Það er rómaður staður
syðst í ísrael sem hkt er við bæi á
frönsku Rivíerunni, eins er straum-
irn til Gambíu. Þar þykir loftslagið
vera ljúft á þessum árstíma, sérstak-
lega fyrir Norðurlandabúa. Gambíu-
menn eru minnsta þjóð á meginlandi
Afríku. Bretar réðu ríkjum þar til
ársins 1965 er landið hlaut sjálf-
stæði. Áriö 1981 sameinaðist Gambía
Senegal í ríkið Senegambía. Höfuð-
borgin er Banjul og íbúarnir tæplega
sex hundruð þúsund.
FEBRÚAR
í febrúar eru karnivalhátíðir
víöa. Mardi Gras hátíöin í New Or-
leans er í fehrúar og stóra kamival-
hátíðin í Rio de Janeiro hefst um
miöjan mánuðinn og stendur fram á
öskudag. Áramótin eru í Kína um
miðjan febrúar eða 17. dag mánaöar-
ins. Þá er mikið um dýrðir sem
forvitnilegt væri fyrir ferðamenn að
upplifa. Þriggja vikna golfferð hefst
í Indlandi fyrsta dag febrúar og verö-
ur mikið um dýrðir bæði fyrir golf-
leikarana og þá sem vilja fylgjast
með. Kamivalhátíð verður í Feneyj-
um dagana 6.-16. febr. og maraþon-
sigling á gondólum. Þá munu
vetrarólympíuleikarnir í Calgary í
Kanada hefjast 13. febrúar og standa
yfir til 28. s.m.
MARS
Marsmánuður er að mati reyndra
ferðamanna góður mánuður til að
heimsækja sumar heimsborgir, t.d.
Moskvu, Jerúsalem, Búdapest eða
Monte Carlo. Síðasttalda staðinn
væri ákjósanlegt að heimsækja í
marslok, þ.e.a.s. ef þeir gætu hugsað
sér að ná þar að hlusta á Pavarotti
syngja í óperuhúsinu. Hann mun
syngja þar dagana 19.-23. mars. í
suðvesturhluta , Sviss í Engadine
hefst maraþon-skíðaganga 13. mars
og 17. mars er dagur heilags Patreks
haldinn hátíðlegur í New York og
skrúðganga mikil í borginni þann
daginn. Annars er marsmánuöur
góður mánuður fyrir þá sem heima
sitja að huga að sumarleyfmu og
hvert eigi þá að halda. Þetta á frekar
við utanlandsferðir en innanlands,
þó ekki sé dregið úr fyrirhyggju hvað
varðar ferðir hér á Fróni.
• í apríl er mjög hagstætt að ferð-
ast til Karíbahafsins, þá er háanna-
tímanum að ljúka, veðriö mjög gott
en verðið á niðurleið. Margir leggja
leið sína til Rómaborgar í byrjun
apríl yfir páskana til að hlýða á boö-
skap páfans á Péturstorginu. í
Vínarborg verður sérstök tónlistar-
helgi daga 14.-18. apríl, m.a. verður
Töfraflauta Mozart flutt í Ríkisóper-
unni þar. 19.-24. apríl verður hin
árlega Sevilla-hátíð haldin og þar
.verður nautaat, flamengodansar og
fleira til skemmtunar.
MAI
í maímánuði er heimsókn til Mið-
jarðarhafslandanna, sérstaklega
þeirra sem eru sunnan við hafið, tal-
in ákjósanlegur kostur, einnig ferð
til Suður-Ameríku, til dæmis Brasil-
íu og Perú. Af sérstökum viðburðum
í maí má nefna kvikmyndahátíðina
í Cannes sem verður 11.-24. maí.
Dagana 12.-24. maí fer Monaco
Grand Prix kappaksturskeppnin
fram og ekki er langt þarna á milli
staða. I Jerúsalem verður mikið um
að vera svo og annars staöar í ísrael
vegna 40 ára lýðveldisafmælis lands-
ihs. í maí hefst sýning á óperunni
Nabucco eftir Verdi í Jerúsalem og
verða sýningar fram undir miðjan
júní.
JÚNÍ
í júní segja heimshomaflakkarar
að best sé að halda til Tyrklands og
Grikklands áður en hitnar þar veru-
lega. Einnig er þessi árstími góður
til gönguferöa í Austurríki og
Frakklandi. Allan mánuðinn verður
á réttu augnabliki.
listahátíð í Búdapest í Ungverja-
landi, í Lissabon í Portúgal verður
hátið heilags Anthonys og þá er
dansað og drukkið innan dyra sem
utan um alla borg. í Leningrad er
árleg listahátíð, óperuflutningm-,
hallettsýningar og tónleikar í öllum
sölum.
JÚLÍ
Júlímánuður er baðstrandartími,
allir sem vettlingi geta valdið í Evr-
ópu leita til strandanna. Stórborgir
eru lítt eftirsóknarverðir áfangastað-
ir á þessum árstíma. Það eru samt
nokkrar borgir sem efna til hátíða-
halda að gefnu tilefni í þessum
mánuði. Dublin á írlandi á eitt þús-
und ára afmæli og víst er að þá
verður kneyfaður mjööur í krám
borgarinnar. Það verða mikil hátíða-
höld í Dublin 10. júlí nk. Önnur borg
í Evrópu á einnig eitt þúsund ára
afmæli í ár og það er Óðinsvé á Fjóni,
fæðingarborg H.C. Andersen. í júlí-
byijun hefst óperuhátíð í Verona á
Ítalíu og stendur hún yfir í tæpa tvo
mánuöi. í Bayreuth í Þýskalandi
hefst hin árlga Wagnerhátíö í lok júli.
ÁGÚST
Þá er ágústmánuður næstur. Þá
eru flestir Evrópubúar í sumarleyfi
og á ferð og flugi. Til Kenýa í Afríku
leggja margir leið sína á þessum árs-
tíma og að sjálfsögðu um öræfi
íslands. Á eyjunni Jersey í Ermar-
sundi er gott að dvelja í ágúst en
margt um manninn. Edinborgar-
hátíðin verður venju samkvæmt í
ágúst og sama er að segja rnn hátíð-
ina í Salzburg sem er ein af bestu
listahátíðum Evrópu. Mikið er um
að vera við Rín þennan mánuð og
ánægjulegt að ferðast á milli bæja
og þorpa við ána í ágúst.
SEPTEMBER
Septembermánuður er upp-
skerumánuður og mjög víöa vín-
hátíðir. í Hong Kong verður
matarhátíð fyrri helming mánaðar-
ins en tíminn frá september og fram
í byrjun desember er ferðamanna-
tíminn þar. í Kaliforníu verðui*
Monterey jasshátíöin 16.-18. sept.
Stærsti viðburður mánaðarins verða
ólympíuleikamir í Seoul í S-Kóreu
sem hefjast 17. september.
0KT0BER
Október er hentugur tími til Ind-
landsferðar til dæmis. Hindúar halda
mikla ljósahátíð 9. okt., þá er dansað
og fagnað og Ijós í litlum krúsum
logandi til hátíðabrigöa. Ævintýra-
ferð ein verður farin um þessar slóðir
í október sem hefst í Ata Alma í
Rússlandi og fariö eftir silkiveginum
til Kina. Þessi ferð hefst reyndar hjá'*
feröaskrifstofu í Lundúnum áttunda
október. Af einstökum viðburöum
mánaðarins má nefna alþjóðlega
jasshátíð í Cork á írlandi.
NÓVEMBER
í nóvember er ágætis síðsumars-
veður á Mallorca og eins á Costa del
Sol og Algarve. En þeir sem vilja
meiri hita leita í vestur, til dæmis til
Flórida. Thailand er einnig gott að
sækja heim í nóvember og reyndar
alveg fram í mars. Fyrir Flóridafara
er Disney World viö Orlando áfanga-_
staður sem böm á öllum aldri mæla
með. í lok nóvember verður mikil
ferðamálasýning í London, World
Travel Market, en hún er haldin ár-
lega.
DESEMBER
í desembermánuði rignir niður aUs
konar jólatilboðum fyrir ferðamenn.
Heimsreisur, skíðaferðir, sérstakar
jólaveislur á hótelum, heimsóknir til
jólasveinanna og fleira og fleira. An—
Ustviðburöum má helst geta Vetrar-
hátíðarinnar sem hefst í Moskvu á
jóladag, 25. desember.
Þetta feröaalmanak er aöeins örht-
ið sýnishom af þeim möguleikum og
valkostum sem blasa viö ferðcunönn-
um. Feröaskrifstofur hér innanlands
em væntanlegar með sumartílboð
sín á næstunni og þá er hægt afr»r
bæta við almanakiö.
-ÞG