Dagblaðið Vísir - DV - 07.06.1988, Blaðsíða 12
12
ÞRIÐJUDAGUR 7. JÚNÍ 1988.
Utlönd
Michael Dukakis, fylkisstjóri Massachusetts, er talinn næsta öruggur um
að tryggja sér útnefningu sem forsetaefni demókrata í dag. Símamynd Reuter
Jesse Jackson reynir nú að tryggja sér tilnefningu sem varaforsetaefni demókrata í haust.
Símamynd Reuter
Lokaspretturinn í för-
kosningunum í dag
Lokasprettur forkosninga flokka
demókrata og repúblikana í Banda-
ríkjunum vegna forsetakosning-
anna, sem fram fara í nóvembermán-
uöi næstkomandi, stendur í dag.
Gengið verður til forkosninga í íjór-
um fylkjum Bandaríkjanna, þ.e.
Kaliforníu, New Jersey, Montana og
New Mexico.
Forkosningar repúblikana skipta
fremur litlu máli þar sem Geeorge
Bush, núverandi varaforseti, hefur
þegar fyrir löngu tryggt sér útnefn-
ingu sem forsetaefni repúblikana-
flokksins í haust. Hann notar því
kosningabaráttuna í þessum fylkjum
fyrst og fremst til að skýra stöðu sína
og reyna að sýna fram á sjálfstæði
sitt sem forsetaframbjóðandi. Eink-
um reynir Bush að sýna bandarísk-
um kjósendum fram á að hann verði
ekki einfaldlega merkisberi Ronalds
Reagans, núverandi forseta, komist
hann til valda í haust.
Bush hefur þegar lýst sig ósam-
mála nokkrum af stefnumiöum nú-
verandi forseta. Hann neitar að
gagnrýna Reagan alvarlega á opin-
berum vettvangi, en segir að þegar
hann verði formlega orðinn fram-
bjóðandi flokksins, eftir flokksþingiö
í sumar, muni hann leggja fram sína
eigin steínu.
Forkosningar demókrata í fylkjun-
um íjórum í dag geta haft mun meiri
þýðingu. Fastlega er búist við að
Michael Dukakis, fylkisstjóri
Massachusetts, tryggi sér útnefningu
sem forsetaefni demókrataflokksins
í þessum fylkjum í dag. Hann hefur
þegar tryggt sér fylgi Uðlega átján
hundruð af þeim nær tvö þúsund og
eitt hundrað kjörmönnum sem þarf
til að hljóta útnefningu. Fari svo sem
búist er við, að hann vinni sigur á
Jesse Jackson, blökkumannaleið-
toganum sem einn keppir enn við
Dukakis um útnefningu,. í öllum
fylkjunum fjórum verður útnefning
hans tryggö.
Skoðanakannanir benda til þess að
Dukakis hafi meira en þrjátíu pró-
senta forskot á Jackson í Kalifomíu.
Skoðanakannanir benda einnig
eindregið til þess að Dukakis muni
vinna sigur á Bush varaforseta í for-
setakosningunum í haust.
Jackson hefur enn ekki svarað
hvatningum Dukakis þess efnis að
hann láti af baráttu sinni innan
demókrataflokksins og einbeiti sér
þess í stað aö baráttunni sem þeir
verði að heyja sameiginlega við re-
públikana í haust.
Jackson hélt í gær síðasta opinbera
kosningafund sinn fyrir forkosning-
arnar í dag og þar réðst hann enn á
Dukakis fyrir afstöðu sína, eða öllu
heldur ai'stöðuleysi gagnvart málefn-
um Suður-Afríku. Jackson segist
ákveðinn í að gera Suöur-Afríku að
kosningamáli í haust.
Jackson hefur undanfarið verið
gagnrýndur nokkuð fyrir tilhneig-
ingu sína til að vera seinn alls staðar
og alltaf. í gær þótti hann hins vegar
ganga fulllangt í seinaganginum,
þegar hann var sextán mínútum of
seinn í sinn eigin sjónvarpsþátt.
Jackson hafði greitt um hundrað og
fimmtíu þúsund dollara, eða hðlega
sex miljónir króna, fyrir sjónvarps-
tíma en mætti svo ekki fyrr en seint
og um síðir, þannig að starfsfólk
sjónvarpsstöðvarinnar varð að fylla
tímann með gömlum myndum af
Jackson og afsökunarbeiðnum.
Þessi tilhneiging Jacksons til þess
að vera of seinn hefur meðal annars
orðið til þess að fréttamenn, sem
fylgja honum eftir, segja að hann lifi
á sínum eigin tíma, óháö tíma ann-
arra.
George Bush varaforseti hefur þegar tryggt sér tilnefningu sem forsetaefni
repúblikana.
Unnió aó viðgeróarstörfum um boró f olíuflutningaskipi á Persaflóa eftir árás íransks byssubáts í síðustu viku.
Simamynd Reuter
Tillaga um að
hætta flotavemd
á flóanum felld
Öldungadeild Bandaríkjaþings
felldi í gær tillögu um að bundinn
yrði endi á flotavemd Bandaríkj-
anna á Persaflóa eftir 18. septemb-
er.
Undanfarið hafa verið miklar
umræður um hlutverk Baridaríkj-
anna á flóanum en á síðasta ári
nutu ellefu olíuflutningaskip frá
Kuwait vemdar bandarískra her-
skipa gegn árásum írana.
Það var leiðtogi demókrata í öld-
ungadeildinni, Robert Byrd, sem
bað öldungadeildina um að fella
tillöguna þar sem hún væri byggð
á formgalla. Þó svo að hann væri
mótfallinn stefnu Bandaríkjanna
varðandi Persaflóa kvað hann ekki
réttan tíma til þess að taka ákvarð-
anir núna.
í forsetatíð Nixons saniþykkti
Bandaríkjaþing lög þar sem því var
heimilað að fyrirskipa að hermenn
væm kallaðir heim ef um hættu-
ástand væri að ræða og ef ekki
hefði verið lýst yfir stríði af hálfu
þingsins. Hingað til hefur sérhver
stjóm haldiö því fram að þessi lög
séu skerðing á valdi forsetans og
þau hafa aldrei verið látin koma til
framkvæmda.