Dagblaðið Vísir - DV - 17.09.1988, Page 11

LAUGARDAGUR 17. SEPTEMBER 1988.
11
Breiðsíðan
DV-Myndbrot
vikunnar
DV-mynd Hanna
Ólafur Þorsteinn Jónsson óperusöngvari:
Heldnr upp á 25 ára
starfsafmæli í Þýskalandi
„Ætli maður leyfi sér ekki að taka
upp eina kampavínsflösku í tilefni
afmælisins ef maður hefur þá tíma
til þess,“ sagði Ólafur Þorsteinn
Jónsson óperusöngvari er Breiðsíð-
an sló á þráðinn til hans. Ólafur held-
ur upp á 25 ára starfsafmæli sitt í
Þýskalandi 20. september. „Ég hef
haft fastan samning við lítið leikhús
hér í Eggenfelden og líkar mjög vel.
Leikárið er að byrja og fyrsta verkiö
er Svartaskógarstúlkan. Síðan tekur
við Nótt í Feneyjum," sagði Ólafur
ennfremur. Hann syngur aðalhlut-
verkið í báðum þessum verkum.
Ólafur Þorsteinn hóf söngnám 17
ára gamall og útskrifaðist úr leik-
skóla Þjóðleikhússins árið 1956. Um
tveggja ára skeið starfaði Ólafur sem
leikari við Þjóðleikhúsið en hélt þá í
frekara söngnám erlendis. Eftir
söngnám í Salzburg og í Vín fékk
hann starf við.óperuhúsið í Heidel-
berg. Þá hefur Ólafur starfað við
óperettuhúsið í Hamborg, óperuhús-
ið í Lubeck, í Mainz og auk þess hef-
ur hann sungið sem gestasöngvari
víða um Evrópu.
Ólafur 'hefur tekið þátt í tveimur
óperum hér á landi, Brosandi landi
árið 1968 og Þrymskviðu árið 1974.
Einnig hefur hann sungið nokkuð
fyrir Ríkisútvarpið. Árið 1979 var
Ólafur Þorsteinn Jónsson óperu-
söngvari hefur starfað i Þýskalandi
í 25 ár og getið sér gott orð.
Ólafur ráðinn við leikhúsið í Eggen-
felden (Theater an der Rott) og hefur
staifað þar síðan.
„Ég hef ætlaö mér að koma heim í
25 ár en hef alltaf verið á föstum
samningum og haft mjög mikið að
gera. Á meðan ekkert er að gerast á
þessu sviði heima finnst mér ég ekki
hafa ástæðu til að halda heim. Garð-
ar Cortes hefur reyndar sagt við mig
að þegar ég kem heim fái ég áreiðan-
lega eitthvaö að gera,“ sagði Ólafur
ennfremur. „Ég fylgist alltaf með því
sem gerist heima í leiklistarlífmu,“
sagði Ólafur Þorsteinn Jónsson, sem
kallar sig Olaf Thorsten í Þýska-
landi, en hann er líklega sá íslenski
söngvari sem hvað lengst hefur starf-
að á erlendri grundu við fag sitt.
Ólafur i hlutverki sinu í Selda brúðurin eftir Smetana.
-ELA
Barist um bitann:
Lækjartungl
verður Tungl
- og fær nýjan innri búning
Samkeppnin milli skemmtistaða
borgarinnar er hörð. Ljóst er að
einhverjir staðir eru auðir um
helgar á meðan aðrir eru troðfullir.
Lækjartungl er einn af nýlegri
stöðunum en aðsókn hefur ekki
verið sem skyldi Nú á að bæta úr
því og hefur eigandi Lækjartungls
ráðið til sín tvo framkvæmdastjóra,
Þorstein Högna Gunnarsson og
Önnu Þorláks, til að rífa upp stað-
inn, eins og þaö er gjarnan orðað.
Bæði Þorsteimi og Anna hafa
starfaö í Casablanca i sumar og náð
þar inn talsverðri aðsókn. Þor-
steinn sagði í samtali við Breiðsíö-
una aö róttækar breytingar yrðu
gerðar á Lækjartungli en staðurinn
verður opnaður eftir breytingar 23.
september undir nafninu Tunglið.
„Við höfum fengið Guðjón
Bjarnason arkitekt, sem er einn sá
róttækasti hér á landi, til að endur-
skipuleggja staðinn. Guðjón er
■ einnig lærður myndlistarmaður og
talinn mjög fær niðurrifsarkitekt,“
sagði Þorsteinn Högni. Guðjón
kemur hingaö frá New York þar
sem hann er í námi.
„Veggir verða brotnir, dansgólfið
hækkað og barimir fá nýjan s\1p
svo að fólk mun ekki kannast við
staöinn aftur. Opnunarkvöldið
munum við bjóða upp á óvænt at-
riði, þaö besta sem völ er á. Þaö
veröur leyndarmál þar til staöur-
inn verður opnaður,“ sagði Þor-
steinn Högni.
Hann sagði aö Tunglið yrði opið
um helgar meö diskóteki þar sem
yröi leikin tónlist utan vinsælda-
lista - en úr öllum áttum. „Á
fimmtudagskvöldum veröum við
með lifandi tónlist og höfúm þegar
haft samband við nokkra erlenda
umboðsmenn. Frá sunnudögum til
miðvikudaga verður húsið leigt
leikhópum til afnota.“
Til aö útbúa ytra útlit staðarins,
auglýsingar og fleira hafa verið
ráðnir tveir snjallir hugmynda-
smiöir, Hrafnkell Sigurðarsson og
Jökull Tómasson en þeir reka aug-
lýsingastofuna Myndljós.. Þegar
Þorsteinn var spurður hvort nokk-
uð þýddi að endurvekja aðsókn,
svaraði hann: „Það er engin spum-
ing. Fólkið sem kom í Casablanca,
á aldrinum 20-35 ára, hlýtur að
færa sig yfir.“
-ELA
Þorsteinn Högni Gunnarsson, nýr
framkvæmdastjóri Tunglsins, var
áður í Casablanca.
DV-mynd Brynjar Gauti