Dagblaðið Vísir - DV - 21.09.1988, Side 16

16
MIÐVIKUDAGUR 21. SEPTEMBER 1988.
Spumingin
Hver finnst þér að eigi að
verða næsti forsætisráð-
herra?
Guðveig Vilhjálmsdóttir: Það veit ég
ekki. Þeir eru allir farnir sem ég
hefði treyst til þess.
Gunnar Sigurðsson: Steingrímur
Hermannsson. Honum er einum
treystandi.
Stella Benediktsdóttir: Ég treysti
mér ekki til þess að nefna neinn. Það
er engum þeirra treystandi.
Laufey Guðmundsdóttir: Steingrím-
ur Hermannsson alveg tvímælalaust.
steinn Pálsson eigi að vera áfram
Lesendur
DV
Páfi kyssti ekki jörðina:
Ekki allir jafnir fyrlr guði?
Jóhannes Páll páfi II við komuna til Harare í Zimbabwe - þar sem hann
kyssti afríska jörð i fyrsta sinn.
Kristján hringdi:
Þar sem hans heilagleiki Jóhann-
es Páll II kemur er hann vanur að
láta það verða sitt fyrsta verk að
kyssa á jörðina þegar hann stígur
úr flugvélinni sem flytur hann. Nú
brá svo við um daginn að flugvél
hans heilagleika þurfti að lenda í
Suður-Afríku vegna einhverra
ástæðna sem ég kann ekki að rekja.
En þangaö-var för hans „alls ekki
heitið" eins og sagði í fréttum um
máliö.
Þá brá páfi út af heföinni og
kysstijörðina hvergi. Suður-Afríka
er sennilega ekki þess verö að guðs-
maðurinn kyssi jörð þar. Mér þykja
þetta vera kynleg viðbrögð hjá páf-
anum ef hann er með þessu að
mótmæla stjórnarfari í Suður-
Afriku og það tel ég líklegt. Hann
ætti þó að gæta þess að í Suður-
Afríku búa mun fleiri svartir menn
en hvítir og með því að sleppa jarð-
arkossinum er hann einungis að
segja sem svo að þar sé ekkert fyr-
ir hann að gera, þar verði ekkert
blessað (a.m.k. ekki í þessari ferð)!
í því ríkinu sem hann ætlaði til,
Afríkuríkinu Lesotho, er herfor-
ingjastjórn (sem ekki er í Suöur-
Afríku) og hún grimm. Og þar
kyssti páfi jörðina eins og ekkert
væri. - Eru þá ekki allir jafnir fyr-
ir guði eftir allt?
Guðmundur í Gallerí:
Frábærsýning
Gestur skrífar:
Ég tók mér tak um helgina síö-
ustu og kom við á nokkrum sýn-
ingum af ýmsu tagi sem haldnar
eru hér í borgnmi. í Gallerí
Holiday Inn er mjög athyglisverö
sýning Guðmundar Karls Ás-
björnssonar listmálara. Guð-
mundur er enginn nýgræðingur
i listinni. Hann hefur málað mik-
ið og haldið margar einkasýning-
ar hér á landi og erlendis, ásamt
því að hafa tekið þátt í sarnsýn-
ingum.
Sýningin sem stendur yfir á
Holiday Inn er einkar falleg sýn-
ing og gefur mjög góða innsýn i
færni hans á sviði vatns- og pa-
stellita. En þarna eru einnig olíu-
myndir. Mér fannst mikið til
koma að sjá þessa sýningu og það
er yfir henni heföarbragur, eins
konar „aristókratískur" blær-
en um leið einhver kyrrð og
óvenjulegt andrúmsloft, sem
maður verður ekki svo oft var við
hér á landi á sýningum.
Guðmundur Karl er ekki ein-
göngu góður og íjölhæfur málari,
hann er líka sérhæfður í viðgerð
málverka og hefur verið falin við-
gerð dýrgripa, sem orðið hafa fyr-
ir skemmdum, þ.á.m. verk eftir
meistara Salvatore Dali. Slik
verk eru ekki sett í hendur
neinna aukvisa á því sviöi.
Að mati margra kunnáttu-
manna hefur Guðmundur Karl
þegar náð mjög langt með færni
sinni i meðferð lita og má líkja
honum við suma þá erlendu
klassísku málara, sem sækja
efnivið sinn til náttúrunnar og
manneskjunnar sjálfrar. - Ég
hvet alla þá sem hafa unun af
góðum vinnubrögðum í málun og
teiknun að skoða sýningu Guð-
mundar í Gallerí Holiday Inn.
Gott starf hjá
skipulagsnefnd
JB skrifar:
Nýlega dreifði Borgarskipulag
Reykjavíkur korti af Laugarnes- og
Langholtshverfi til íbúa hverfanna.
Vill bréfritari vekja athygli á að það
hefur fallið í góðan jarðveg meðal
íbúa þessa svæðis.
Sérstaklega er áhugavert hvernig
borgin ætlar að skipuleggja Laugar-
dal sem útivistarsvæði. Grasagarð-
urinn í dalnum er til fyrirmyndar.
Bréfritari vill þó ekki fjölga þeim
húsum sem fyrirhugað er að byggja
á svæðinu heldur að lögð verði
áhersla á að rækta upp skógarlund
í Laugardalnum.
Skipulagsnefnd Reykjavíkurborg-
ar hefur nýlega gert aðalskipulag
fyrir næstu 20 árin, þar sem þróun
byggðar er ákveðin. Skiptir það
miklu máli fyrir alla aðila hvort held-
ur þeir þurfa lóðir undir íbúðarbygg-
ingar eða iðnaðarhúsnæði. Er mikil
þörf á að aðalskipulagið verði kynnt
sem allra best.
Að lokum vill bréfritari lýsa
ánægju sinni með þá lausn sem kom-
in er á Skúlagötusvæðinu með íbúða-
byggingum og á Meistaravöllum, þar
sem skemmur voru áður mikil
óprýöi. - Reykjavík verður því fal-
legri borg með hverju árinu.

„Áhugavert hvernig borgin ætlar að skipuleggja Laugardal sem útivistar-
svæði.“
Hreiðar Jónsson skrifar:
Hér eru nokkrar tillögur, sem ég
vildi koma á framfæri, ef þær mættu
verða umræðugrundvöllur nú eða
síöar. Tillögurnar sem eru í 12 liðum
eru eftirfarandi:
1. Brjóta upp landbúnaðarkerfið
með það fyrir augum að gera bændur
og bændasamtökin ábyrg fyrir
rekstri. - Hætta greiðslum útflutn-
ingsbóta og niðurgreiðslum og láta
markaðinn ráða verðlaginu.
2. Afnema verðtryggingu lána og
halda vöxtum innan við 20% á meðan
fullu jafnvægi er náð. - Einnig að
vinna aö því að afnema alla vísitölu
á meðan endurskipulagning fer
fram.
3. Endurskoða varnarsamninginn,
með það fyrir augum að setja gjald á
varnarliðiö, og að það greiði fulla
tolla og söluskatt af þeim vörum sem
það flytur til landsins.
4. Vinna áfram að sölu ríkisfyrir-
tækja og ríkisbanka.
5. Endurskoða rekstur Seðlabank-
ans, með það fyrir augum að minnka
umsvif hans og völd. - Kanna hvort
honum beri ekki að skila því íjár-
magni sem hann hefur sölsað undir
sig. Athuga hvort auðsöfnun bank-
ans sé ekki langt umfram það sem
eðlilegt getur talist.
6. Stofna sjóð sem komi því fólki
til hjálpar sem er fórnarlömb síðustu
síðustu stjórnarstefnu.
7. Setja höft á innflutning, á meðan
jöfnuði við útlönd er náð.
8. Láta fara fram úttekt á fisk-
vinnslunni og veita aðeins fjármagni
í þau fyrirtæki sem hafa sannanleg-
an rekstrargrundvöll, en láta hin
fara á hausinn eða selja þau til þeirra
sem ráða við reksturinn.
9. Skattleggja hinn siðlausa verð-
bólgugróða íjármagnseigenda, einn-
ig verslunarhallir, bankana og síðast
en ekki síst gráa markaðinn sem
ætti reyndar að loka.
10. Kanna verðmyndun innfluttrar
vöru vegna óhóflegs verðlags miðað
viö önnur lönd.
11. Draga saman í ríkisrekstri og
minnka samneysluna svo að útgjöld
veröi í samræmi viö tekjur ríkis-
sjóðs.
12. Láta athuga hve mikið af eigin
fjármagni fyrirtækja hefur farið í
greiðslu vaxta og veröbóta af verð-
tryggðum lánum.
Þessar tillögur eru allar fram-
kvæmanlegar - og án kjaraskerðing-
ar. Það þarf aðeins pólitískan vilja til.
Bréf til Óla
blaðasala
Óli Þorvaldsson kom:
Hinni kunni Óli Þorvaldsson
blaðasali leit við hjá lesendasíðu
blaðsins og mæltist til þess, að
eftirfarandi bréf, sem hann fékk
sent frá Sauðárkróki, dags. 14. ág.
sl. yrði birt á síöunni.
„Ágæti gestur.
Þann 20. júlí sl. áttuð þér leið
um Skagafjorð á hringferð yðar
um landið. í hádeginu þann dag
munuð þér hafa fengið yður súpu
á Hótel Áningu á Sauðárkróki.
Vegna mistaka gerðist það að
þér voruð rukkaöur um fullt verð
á súpunni, samkvæmt sérrétta-
matseðli kr. 475.- Það hefur hins
vegar verið venja okkar í sumar
að bjóða hópum verulegan afslátt
á mat, þegar pantaö er fyrirfram.
Þetta viljum við hér meö leið-
rétta, því ekki var það ætlan okk-
ar að mismuna fólki. Sendum við
yöur hér hjálagt 200 kr. og nemur
sú upphæð rúmlega þeirri upp-
hæð er við veitum yflrleitt í af-
siátt. Vonum við að þetta hafi
ekki komið að sök og þér hafið
átt ánægjulega dvöl hér í Skaga-
firði.
Veriö ávallt velkominn á Hótel
Áningu á Sauðárkróki og kær
kveðja.
Jón Gauti Jónsson
Hringið
í síma
27022
milli kl.
13 og 15
eða skrifið.