Dagblaðið Vísir - DV - 05.05.1990, Blaðsíða 12

12
LAUGARDAGUR 5. MAI 1990.
Grétar Örvarsson söngvari:
Spái Bretlandi
fyrsta saeti
- sætti mig alls ekki við það sextánda
„Mér finnst lag Bretlands best
og spái því fyrsta sætinu. Aörir spá
Júgóslövum sigri annaö árið í röð,“
sagöi Grétar Örvarsson, söngvari
Stjórnarinnar, sem í kvöld flytur
Eitt lag enn ásamt Sigríði Bein-
teinsdóttur í Eurovision-keppninni
í Zagreb í Júgóslavíu. Keppnin fer
fram í stærstu tónleikahöll Zagreb,
Vatroslav Lisinki. Grétar og Sigríö-
ur hafa í nógu aö snúast í dag er
lokaundirbúningur fer fram fyrir
beina útsendingu í kvöld. í gær-
kvöldi var „generalprufa" á allri
útsendingunni og var hún send til
þeirra tuttugu og tveggja landa sem
keppa. Þá komu flytjendur fram í
þeim búningum sem þeir klæöast
í kvöld. Áhorfendur í sal voru boös-
gestir aöstandenda og blaöamenn.
Sigurstranglegastir þykja Bretar,
Júgóslavar, Danir, Spánverjar og
Frakkar. Grétar sagðist vonast til
aö íslendingar kæmu þar á eftir.
Eins og sagt var frá í blaðinu í gær
varö íslenska lagið í fyrsta sæti í
kosningu sem fram fór' meðal
blaðamanna þjóöanna í Zagreb.
Eins og flesta rekur minni til
voru íslendingar í neðsta sæti
keppninnar í fyrra með ekkert stig.
Þrjú skiptin þar á undan höfnuðum
viö í sextánda sæti. Það er því
nokkuð spennandi að vita hvar
Eitt lag enn hafnar og hvaða þjóðir
það verða sem gefa okkur stig. ís-
lendingar hafa tekið eftir því að
stigagjöf fer nokkuð eftir því hvar
löndin eru og nágrannar því góðir
hverjir við aðra. Þetta er i flmmta
sinn sem íslendingar eru með í
Eurovision-keppninni en hún hef-
ur verið haldin allt frá árinu 1956.
Einn millj-
arður áhorfenda
Áhugi á keppninni er sífellt að
aukast meðal þjóða um víða veröld.
Þannig hafa Kanada, Japan, Ástr-
alía og nokkur Afríkuríki óskað
eftir sýningarrétti á keppninni.
Áætlaö er að um einn milljarður
manna muni setjast fyrir framan
sjónvarpstækin klukkan sjö að ís-
lenskum tíma í kvöld og horfa á
beina útsendingu. Stjómin verður
áttunda í röðinni af flytjendum
með lagið Eitt lag enn eftir Hörð
G. Ólafsson.
„Við erum mjög ánægð með þessa
daga hér í Zagreb,“ sagði Grétar í
samtali við DV. Margt hefur verið
að gerast hjá okkur og við höfum
skoðað okkur um. Við fórum frá
íslandi á sunnudag til Kaupmanna-
hafnar þar sem við gistum eina
nótt og áttum reyndar yndislegan
dag þar í borg. Á mánudagsmorgun
flugurn viö til Júgóslavíu ásamt
Dönum, Finnum og Svíum. Við fór-
um nánast beint á æfmgu eftir að
'hafa fengið passa og annað sem
þurfti til aö komast inn í tónleika-
höllina en ströng öryggisgæsla er
þar. Fyrsta æfingin gekk heldur
brösuglega en hún var tekin upp á
myndband þannig að við gátum
skoðaö á eftir hvað fór úrskeiðis.
Talsverö kommalykt
Á mánudagskvöldið var sérstök
móttökuathöfn fyrir alla þátttak-
endur í Eurovision. Við náðum því
að heilsa upp á alla keppendur og
Grétar Örvarsson og Sigríður Beinteinsdóttir flytja okkur Eitt lag enn ásamt Stjórninni í beinni útsendingu frá Júgóslavíu í kvöld kl. 19.
Emma, fimmtán ára stúlka frá Suður-Wales, á góða Danska lagið þykir ekki ósvipað íslenska laginu enda
möguleika á sigri í Eurovision-keppninni í kvöld með er það á svipuðum slóðum og það íslenska i veð-
laginu Give a Little Love Back to the World. bönkum í Englandi. Það er sautján ára stúlka, Lonnie
Devantier, sem syngur Hallo Hallo.
við fundum að blaðamenn sýndu
okkur sérstakan áhuga. Á þriðju-
daginn var okkur boðið í skoðunar-
ferð ásamt fulltrúum Spánar,
Grikklands, Belgíu, Hollands, Lúx-
emborgar, Tyrklands, Bretlands og
ísrael. Það var erfitt ferðalag. Við
ókum í tvo og hálfan tíma upp í
sveit í fylgd lögreglunnar. Ég verð
að viðurkenna aö maður finnur
aðeins fyrir kommalyktinni hér.
Við áðum á frægu vatnasvæði þar
sem eru margir fossar, afar fallegt
landsvæði. Síðan sigldum við yfir
stórt vatn og rúturnar biðu á bakk-
anum hinum megin," sagði Grétar.
Blaöamannafundir voru hjá
Stjórninni bæði eftir mánudags- og
miðvikudagsæfingu þar. Mikið var
spurt um Island, þjóð og lifnaöar-
hætti. Sýnd var kynningarmynd
um ísland sem vakti mikla athygli.
Síðari æfing Stjórnarinnar gekk
mun betur en sú fyrsta að sögn
Grétars. „Á miðvikudagskvöldiö
fórum við út aö borða með norsku
flytjendunum, Ketil Stokkan og fé-
lögum, og það var mjög skemmti-
legt. íslendingar og Norðmenn hafa
náð mikilli vináttu í keppninni og
hafa haft mest samskipti. „Norð-
mennirnir fengu að heyra ættjarð-
arsöngva sungna undir borðum en
Stokkan sagði að í Noregi væri yfir-
leitt ekki mikið sungið viö borðhald
eða í rútum,“ sagði Grétar.
Hörður í loftbelg
Á fimmtudag áttu íslensku flytj-
endurnir frí frá æfingum og notaði
hópurinn, sem er sautján manns í
allt, tímann til að skoða sig um í
borginni og vöruúrval í verslunum
ásamt sérstökum fararstjóra sín-
um, Daniellu. „Matvörur eru mun
ódýrari hér en fatnaður dýrari en
heima," sagði Grétar ennfremur.
Mikil opnunarhátíð var á
fimmtudagskvöldið þar sem einn
frá hverju landi fékk að fara í loft-
belg. Hörður G. Ólafsson var sá
heppni í röð íslendinganna.
í gær var strangt æfingapró-
gramm og í dag er það lokaundir-
búningurinn. Grétar vildi engu spá
um gengi Stjórnarinnar í kvöld en
sagði að útilokað yrði að sætta sig
við sextánda sætið. „Við viljum
vera nokkuð mikið fyrir ofan það,“
sagði hann.
„Beina útsendingin leggst vel í
okkur og engan beyg í okkur að
finna. Það sem kannski hefur kom-
ið okkur mest á óvart er skipulags-
leysi á undirbúningi keppninnar.
Mér sýnist að Júgóslövum hefði
aldrei tekist að skipuleggja Reag-
an-Gorbatsjov-fundinn sem okkur
tókst aö skipuleggja á tíu dögum.
En ég er ánægður með tónleika-
höllina og mér sýnist að þetta muni
koma mjög vel út í sjönvarpi í
kvöld. Svo virðist sem við höfum
ágætis fylgi hér, hvað sem það þýð-
ir þegar aö dómnefndum kemur.
Við höfum fengið góðar viðtökur
og verið vinsæl,“ sagði Grétar Örv-
arsson. -ELA