Dagblaðið Vísir - DV - 30.06.1990, Page 11
LAUGARDAGUR 30. JÚNÍ 1990.
11
Helgarpopp
Umsjón:
Snorri Már Skúlason
Rokkað á altari
Azteka hinna fomu
villst aö gróska í gæðageira popp-
tónlistarinnar var meö mesta móti
í Skotlandi á umræddum tíma og
hvort sem fyrrnefndar sveitir eru
lífs eða liðnar er öruggt að þær
hafa skilið eftir spor. Hugtakið
gáfumannapopp er t.d. til orðið fyr-
ir tilstilli þessara og sambærilegra
liljómsveita. Tilefni þessarar upp-
rifjunar er nýútkomin breiðskífa
Aztec Camera, Stray, þar sem
forsprakkinn Roddy Frame þykir
sýna allar sínar bestu hliðar.
Snemma beygist
krókurinn
Roddy Frame var aðeins 15 ára
gamall er hann setti saman tríóið
Aztec Camera árið 1979. Tveimur
árum síðar kom fýrsta smáskífan
út og árið 1983 réðst hljómsveitin í
útgáfu breiðskífunnar High land
high rain en af þeirri plötu náði
lagið Obhvious almannahylli og
tyllti sér m.a. í 18. sæti breska vin-
sældarlistans. Þessi árangur vakti
athygh á hljómsveitinni og varð
þess m.a. valdandi að Mark Knopfl-
er féllst á að stjórna upptökum á
næstu plötu Aztec Camera, Knife,
sem kom út árið 1984. Þar var á
ferð gripur sem enn þann dag í dag
stendur uppi sem meistarastykki
og Knife var ofarlega á listum
margra gagnrýnenda yfir bestu
plötur ársins. Knopfler hafði
greinilega góð áhrif á unglingana í
hljómsveitinni án þess þó að verða
of áberandi. Kassa- og rafgítarar
voru í öndvegi en þó þannig að
karaktereinkenni hljómsveitarinn-
ar héldu sér í hvívetna. Lög á borð
við Still on flre og All I need is
Everything bera vitni frábærri
plötu. Aðdáendur Aztec Camera
sem nú voru orðnir fjölmargir
máttu bíða í þrjú ár eftir nýrri plötu
úr smiðju Roddy Frame og félaga.
Löng bið tók enda á haustmánuð-
um ársins 1987 er breiðskífan Love
kom á markað.
Lof og last
Það var ekki laust við að gamlir
aðdáendur yrðu fyrir vonbrigðum
er innihald Love barst þeim til
eyma. Flest það sem hafði hrifið á
Knife var nú horfið úr tónlistinni.
Hún var öll mýkri og soul-kenndari
en áður og mikil notkun kvenradda
Roddy Frame.
gáfu tónlistinni yflrbragö sem
gamlir aðdáendur áttu erfitt meö
að sætta sig við. Hinu var ekki að
neita að lagasmíðar Roddy Frame
voru margar hverjar ákaflega
sterkar og Melody Maker tók svo
djúpt í árinni að segja Love bestu
ballöðu-plötu síðan Prefab Sprout
sendi frá sér Steve McQueen. Hvað
sem þeirri staðhæfingu leið þá varð
Love til þess að stækka aðdáenda-
hóp Aztec Camera mikið og lögin
Deep & Wide & Tall, How men are
og Working in a Goldmine náðu
nokkrum vinsældum. Eftir út-
komu Love varð enn þriggja ára
biö eftir nýrri plötu frá hljómsveit-
inni og er sú bið nú nýlega á enda.
Endasleppt vesturför
Nafnið Aztec Camera hefur í
seinni tíð aðeins verið heitið á þeim
vinnuhópi sem hefur aðstoðað
Roddy Frame við plötuupptökur og
tónleikahald hverju sinni. Þar sem
mannabreytingar hafa verið mikl-
ar milli platna hefur ekki verið um
neina fasta hljómsveit að ræða síð-
an 1984. Þannig er t.d. engin sem
sem vann að Love plötunni árið
1987 með Roddy Frame á Stray.
Eftir Love hélt Roddy Frame á vit
ævintýra í vesturheimi þar sem
hann ætlaði að vinna að nýrri plötu
á heimavelli soul-tónlistarinnar.
Ætlun kappans var að samsama sig
þeirri menningu sem soul-tónlistin
er sprottin upp úr, drekka í sig
áhrif gömlu meistaranna og fylgj-
ast með straumum og stefnum.
Ekki gekk Bandaríkjaförin eins og
til var ætlast því andlegt harðlífi
hrjáði pilt. Eftir skamma dvöl sá
hann sæng sína uppreidda, flutti
aftur yfir hafið og höfuðborg Breta-
veldis veitti innblástur sem nægði
Roddy Frame til að fylla heila
breiðskífu. Stray var síðan hljóðrit-
uð á sex vikum í Wales.
Tilveran með
augum einfarans
Árangurinn er fjölbreyttasta
plata Aztec Camera til þessa. Stray
býður upp á allt í^senn, ljúfsáran
djazz, hressilega gítarrokkara,
glerfínar tregaballöður og grípandi
popplög. Lagasmíðarnar þykja
sýna Roddy Frame talsvert þrosk-
aðri sem lagasmið en á fyrri plötum
og gítarleikur kappans er á köflum
hreint frábær. í bresku popp-press-
unni, sem lofsyngur Stray, er
Roddy Frame sagður hafa tekið
miklum framíorum sem textasmið-
ur. Gelgjutextar sjást ekki, heldur
er yrkisefnið að stórum hluta úr
reynsluheimi höfundar og lífssýn-
in, sen: þeir endurspegla, bera vitni
heilbrigðum þankagangi.
Sjálfur segist Frame ekki ætla
textum sínum neitt æðra hlutverk.
Þeir eru ekki búnir til til að bjarga
regnskógunum, afnema aðskilnað-
arstefnu eða bjarga heiminum að
öðru léyti. Ef þeir koma fólki hins
vegar til að hugsa um yrkisefnið
er tilganginum náð. Svo dæmi sé
tekiö um innihald nokkurra texta
plötunnar fjallar Get outta London
um firringu einstaklingsins í borg-
arsamfélaginu og þrúgandi ein-
mannaleika sem hrjáö getur fólk í
mannmergð stórborgarinnar.
How it is er texti sem varð til í
Bandaríkjafórinni og segir frá
nauðgun í Central Park þar sem
svertingi nauðgaði hvítri konu.
Textinn endurspeglar hneykslan
höfundar á því hveijum höndum
fjölmiðlar í New York fóru um
málið en þeir sneru því upp í ras-
íska baráttu milli svartra og hvíta,
þar sem þeir svörtu voru hið illa
en hinir hvítu saklaus fórnarlömb.
Good Morning Britain er það lag
plötunnar sem líklegast verður aö
telja til vinsælda, kröftugur rokk-
ari, sem Frame samdi á 45 mínút-
um. Sjálfur telur Roddy Frame
Good Morning Britain eitt besta lag
sitt á ferlinum. Lagiö samdi hann
eftir aö hafa hitt Mick Jones (Clash
og BAD) í æfmgastúdíói um svipað
leyti og upptökur á Stray voru að
hefjast. Mick Jones var þá nýstig-
inn upp úr alvarlegum veikindum
sem höfðu nær dregið hann til
dauða. Bjartsýnn og lífsglaður eftir
sjúkrahúsleguna hafði Mick Jones
slík áhrif á gamla Clash aðdáend-
ann Roddy Frame að sá síðarnefndi
samdi braginn sem í raun er óður
til lífsins.'Lagiö syngja þeir félagar
saman og ferst þaö vel úr hendi.
Eins og þessi upptalning ber með
sér er fjölbreytninni ekki síður að
heilsa í textasmíð en lögum og þó
einmanaleikinn geti talist grunn-
tónn í mörgum laga plötunnar er
bjartsýnin aldrei langt undan hjá
Roddy Frame. Bjartsýni Frame
bíður tæplega skipbrot eftir út-
komu Stray því ummæli gagnrýn-
enda hafa nánast verið á einn veg.
Undirritaður getur tekið undir lof-
söng erlendra gagnrýnenda, enda
Stray besta plata Aztec Camera í 6
ár og gleðilegt aö heyra Roddy
Frame takast á við rokkið á nýjan
leik.
Sú mikla uppsveifla, sem varð í
skoskri popptónlist um miðjan 9.
áratuginn, hefur skilið eftir sig
trausta minnisvarða á ólíkum
breiddargráðum dægurtónlistar-
innar. Hljómsveitir, sem voru lof-
sungnar sem efnilegar á árunum
1984 og 1985, eru í dag viðurkennd-
ar sem fulltíða. Hér má nefna til
sögunnar hljómsveitir á borð við
Prefab Sprout, Martin Stephenson
& the Daintees, Waterboys og Aztec
Camera. Aðrar samtíða sveitir
skoskar sem annaðhvort eru hætt-
ar eða hafa legið í dvala eru Blue-
bells, Associates, Orange Juice og
Lloyd Cole & the Commotions svo
einhverjar séu nefndar. Þessi upp-
talning sýnir svo ekki verður um
- Roddy Frame gleður með gæðagrip