Dagblaðið Vísir - DV - 09.07.1990, Blaðsíða 9

MÁNUDAGIÍR ð. JÚLÍ 1990.
Lech Walesa, fyrir miðju, og Tadeusz Mazowiecki, til vinstri, funduðu um
helgina til að reyna að leysa pólitískan ágreining sinn. Símamynd Reuter
Klofningurlnn innan Samstööu:
Friðarviðræður
deiluaðila
- Walesa gagnrýnir enn á ný stjómina
Lech Walesa, leiðtogi Samstöðu í
Póllandi, og pólski forsætisráðherr-
ann, Tadeusz Mazowiecki, hittust um
helgina til að reyna að leysa hinn
alvarlega póhtíska ágreining sín á
milli. Þessir tveir helstu forystu-
menn Samstöðu, sem nú er við völd
í Póllandi, eru á öndverðum meiði
og hefur það leitt til klofnings innan
samtakanna.
í fréttum PAP, hinnar opinberu
pólsku fréttastofu, sagði að mennim-
ir hefðu náð samkomulagi um að
vinna saman að frekari umbótum í
Póllandi og sjá til þess að póUtískur
ágreiningur þeirra og mismunandi
sjónarmið hinna ýmsu hópa grafi
ekki undan þróun mála í þar í landi.
Heimildum ber hins vegar ekki sam-
an um hvort þeim hafi tekist að leysa
djúpstæðan ágreining sinn. Sumir
segja að mennirnir hafi í raun gert
Utið annað en ýta deilum sínum til
hUöar, að sinni.
Walesa og Mazowiecki unnu náið
saman á þeim tíma er Samstaða var
helsta stjórnarandstöðuaflið í Pól-
landi. Við stjórnarmyndun á síðasta
ári ákvað Walesa, sem vonast eftir
forsetaembættinu, að vera utan
stjórnar. Hann lýsti aftur á móti yfir
stuðningi sínum við Mazowiecki til
embættis forsætisráðherra.
En síðustu mánuði hefur mátt
greina vaxandi ágreining miUi þeirra
og hefur það leitt til klofnings innan
samtakanna. Walesa hefur gagnrýnt
stjórn Mazowieckis harölega fyrir að
innleiða umbætur í landinu of hægt
og sagt að stjórnvöld séu að reyna
að koma á nýju pólitísku einræði.
Og í gær, í kjölfar viðræðnanna,
gagnrýndi Walesa enn á ný stjóm
Samstöðu. Hann gaf í skyn að enn
væri lýðræði í Póllandi í hættu. Fyr-
ir helgi tók Mazowiecki til sinna
ráða, stokkaði upp í stjóm sinni og
rak m.a. þrjá fyrrum kommúnista
úr embættum sínum. Þá lagði ráð-
herrann til að kosningar færu fram
hið fyrsta en Walesa og stuðnings-
menn hans hafa mjög þrýst á það.
Reuter
Stjórnarandstaðan í Kosovo:
Hvetur til
verkfalls
Leiðtogar stjórnarandstöðunnar
í júgóslavneska héraðinu Kosovo í
lýðveldinu Serbíu hafa hvatt til
verkfalls meðal íbúa héraðsins til
að mótmæla yfirráðum Serba.
Serbnesk yfirvöld hafa hótað á
móti að allir sem þátt taka í slíkum
verkföllum muni missa vinnuna.
Lýðræðislegur vettvangur,
stærsta stjórnarandstöðuaflið í
Kosovo, hefur hvatt Albani í hérað-
inu að leggja niður vinnu í klukku-
stund á hverjum degi. Albanir eru
í miklum meirihluta í Kosovo, hér-
aðinu sem lýtur að mestu stjórn
Serba.
Einn embættismaður stjórnar-
innar í Serbíu sagði aftur á móti í
gær að yfirvöld myndu grípa til
sinna ráöa komi til verkfalls, reka
verkfallsmenn og halda eftir laun-
um þeirra.
Ráðamenn í Serbíu leystu upp
þing og stjórn Kosovo fyrir helgi í
kjölfar þess að fulltrúar á þingi
héraðsins lýstu yfir sjálfstæði þess
frá Serbíu. Um helgina hertu serb-
nesk yflrvöld mjög öryggisgæslu í
héraðinu og vaktar vopnum búin
lögregla nú götur flestra stærri
borga. Lögregla hefur enn ekki
yfirgefið höfuðstöðvar fjölmiðla í
Pristina, höfuðborg Kosovo, en hún
réðst þar inn fyrir helgi.
Á mótmælafundi í Kosovo í gær
hvatti Veton Surroi, einn leiðtoga
stjórnarandstæðinga, Sameinuðu
þjóðirnar til að grípa inn í þróun
mála í héraðinu. Lögregla leysti
upp fundinn.
Reuter
, 9
Útlönd
Sigur Vestur-Þjóðverja á HM:
Gífurleg fagnað-
arlæti í gærkvöldi
Það var ákaft fagnað í Austur- og
Vestur-Berlín í gærkvöldi eftir sigur
Vestur-Þjóðveija í heimsmeistara-
keppninni í knattspyrnu. í austri og
vestri keyrðu fánum prýddir bílar
um göturnar og hópar fólks gengu
um og hrópuðu: „Þýskaland, Þýska-
land.“
Var það áht manna að sigurinn
væri sérstaklega sætur nú, á ári sam-
einingar þýsku ríkjanna.
En fagnaðarlátunum fylgdu einnig
nokkrar róstur og til vandræða kom
í nokkrum borgum Þýskalands.
Skemmdarverkastarfsemi, þjóðem-
ishyggja og kynþáttahatur settu svip
sinn á fagnaðarlætin. Hópar fólks
brutu rúður í verslunum og flöskur
fengu að fljúga um götur borganna.
Óeirðalögreglu í Vestur-Berlín
tókst að koma í veg fyrir frekari ólæti
en í Hamborg slösuöust nokkrir lög-
reglumenn í átökum við óeirðaseggi.
Þá urðu útlendingar fyrir aðsúgi
kynþáttahatara og ofbauð mörgum
hvernig fagnaöarlætin þróuöust.
Tveir áhangendur vestur-þýska liðsins fagna sigri liðs sins á heimsmeistara-
mótinu í knattspyrnu.
Haft var á orði að Þýskaland mætti
á þessari stundu ekki við því að sýna
neikvæða hliö og að Þjóðverjar ættu
erfitt með að gera sér grein fyrir því
Simamynd Reuter
hversu langt mætti ganga í þjóðern-
ishyggjunni.
Reuter
ALTECH SUPER-FAX 22
★★ MYNDSENDITÆKI = FAX ★★
Fax/sími/símsvari/ijósrit
= ailt í sama tækinu =
Verð kr. 71.486,- án/VSK
kr. 89.000,- með/VSK
Pöntunarþjónusta
MARKAÐSÞJÓNUSTAN
Skipholti 19 3. hæð
sími: 2 69 11
Utsölustaðir:
Lyfjaberg, Hraunbergi 4.
Háaleitisapótek, Háaleitisbraut 68.
Snyrtivörubúðin, Laugavegi 76.
Snyrtivöruverslunin Thorella,
Laugavegsapóteki, Laugavegi 16.
Snyrtivöruversiunin Stella, Bankastræti 3.
Vesturbæjarapótek, Melhaga 26-22.
Garðsapótek, Sogavegi 108.
Árbæjarapótek, Hraunbæ 102b.
Apótek Garðabæjar, Hrísmóum 4, Garðabæ.
Apótek Mosfells, Þverholti 3, Mosfellsbæ.
Akureyrarapótek, Hafnarstr. 104, Akureyri.
Apótekið Siglufirði, Norðurgötu 4, Sigluf.
Dalvikurapótek, Goðabraut 4. Dalvik.
Essoskálinn (snyrtivörudeild), Flateyri.
Nesapótek, Eiðistorgi 17, Seltjarnarnesi.
Snyrtivöruversl. Sandra, Reykjavíkurvegi 50.
HEILDIN sf. sími 656050
Fcest aðeins í apótekum og snyrtivöruverslunum