Dagblaðið Vísir - DV - 15.09.1990, Blaðsíða 4

4
LAUGARDAGUR 15. SEPTEMBER 1990.
Fréttir
Erfiðleikar Húsnæðisstofnunar:
Byrjunarörðugleik-
ar og sumarleyf i
„Lögin tóku gildi í sumar og þá
voru vitaskuld ýmsir byrjunarörð-
ugleikar fyrir utan þaö að sumar-
leyfi voru fyrir hendi sem varð
auðvitað aö sinna. Það hefur verið
unnið jafnt og þétt í þessu öllu sam-
an og það er ekki nokkur vafi á að
öll afgreiðsla verður með eðlilegum
hætti, mér liggur við að segja í
næstu viku. Ég á ekki von á öðru,“
sagði Sigurður E. Guðmundsson,
forstjóri Húsnæðisstofnunar, þeg-
ar hann var spurður um það
ófremdarástand sem ríkt hefur hjá
stofnuninni í sumar en hún hefur
verið nánast sambandslaus um leið
og fólk hefur verið að reyna aö fá
afgreiðslu þar.
- segirSigurðurE. Guðmundsson
- Hvað segir þú um þá gagnrýni
sem komið hefur fram á stofnun-
ina, meðal annars frá formanni
Félags fasteignasala?
„Mér finnst aö fasteignasalar
eins og Þórólfur Halldórsson eigi
ekki að gera sig mikið breiða á al-
mennum vettvangi. Það eru hundr-
að fasteignasalar í Reykjavík með
300 manna starfsliö. Viö erum aftur
á móti með 10 manna lánadeild til
að sinna öllu þessu. Ég held að þeir
ættu að byrja á því að laga sína
eigin þjónustu áður en þeir kvarta
yfir þvi að hún sé slæm annars
staðar. Þeir hafa ekkert upp á okk-
ur að klaga,“ sagði Sigurður.
- Nú eru sumarleyfi og annað
slíkt fyrirsjáanlegt - gat stofnunin
ekki brugðist við því?
„Heyrðu mig. Það var ekki fyrir-
sjáanlegt að það myndi hellast yfir
okkur þessi ósköp af umsóknum.
Og það er heldur ekki mögulegt
fyrir okkur að ráöa, eins og fast-
eignasalamir geta gert, 200-300
manna starfslið eins og ekkert sé.
Við höfum þetta starfslið okkar og
fjölguðum því lítillega en fengum
bara miklu, miklu meiri aðsókn en
við reiknuðum með.“
- En nú vinna 50 til 60 manns í
stofnuninni. Var ekki hægt að færa
einhvem þeirra?
„Jú, jú þetta fólk vinnur þarna
og að margvíslegum störfum. í
lánadeildinni eru ekki nema eitt-
hvað í kringum 10 manns sem njóta
stuðnings ráðgjafastöðvarinnar.
Þar er allt í finu lagi. Það gengur
allt saman eðlilega fyrir sig. Það
er mikil kraftur í þessu fólki og þó
nokkur yfirvinna unnin og helg-
arvinna."
- En þegar myndast álagspunkt-
ur á einum stað er ekki eðlilegt að
fólk sé flutt til?
„Jú, auðvitað og það er gert.“
- Já, en það náði ekki að létta af
álaginu?
„Sko heyrðu mig, ekki fór ég að
flytja sjálfan mig í þetta og það er
nú erfitt að flytja arkitekt í þetta
og þannig má lengi telja. Hvaö
verður þá um hin störfin? Hin
verkefnin sem aðrir eru að sinna?
Það er auðvelt að segja það en það
er ekki jafn auðvelt að gera það.
Annars er þetta alls ekki jafn slæmt
og þið viljið vera láta.“
- Þú vilt þá ekki segja að þarna
hafi verið neyðarástand?
„Nei alls ekki. Ef um sérstök
vandamál er að ræða kemur fólk
hingað til að ræða við mig og aðra
yfirmenn og við leitumst við að
leysa þau eins og við höfum alltaf
gert frá því darraðadansinn byrjaði
1986,“ sagði Sigurður E. Guð-
mundsson forstjóri Húsnæöis-
stofnunar.
-SMJ
Páll Líndal: w
Skjaldarmerki Is-
lands misheppnað
- of misheppnað til þess að hanga á Alþingishúsinu?
Eins og DV skýrði frá í gær er
búið að ákveða að skjaldarmerki ís-
lands verði komið fyrir inni í þingsal
en ekki utan á Alþingishúsinu eins
og til stóð. Þá var frá því sagt að
skjaldarmerki íslands hefðu verið
utan á húsinu frá upphafi til 1918.
Fyrst voru þar þáverandi skjaldar-
merki íslands, flatti þorskurinn
ásamt dönsku konungsljónunum.
Eftir að ísland fékk heimastjóm 1904
var þorskurinn tekinn burt og nýja
skjaldarmerkið, fálkinn, sett í staö-
inn. Ljónin fengu að halda sér. Eftir
1920 hafa skjaldarmerki íslands ekki
verið utan á Alþingishúsinu.
Lilja Ámadóttir ritari húsafriöun-
arnefndar segir að merkin hafi verið
tekin niður 1920 vegna þess að ekki
þótti við hæfi að hafa erlent skjaldar-
merki, auk þess sem fálkinn var
kominn úr notkun. Einhverra hluta
vegna hafi ekki verið sett skjaldar-
merki eftir það. Hún segir að þegar
Alþingishúsið var friðað 1973 hafi
það verið friöað í því ástandi sem það
var þá. Á þeim grundvejli hafi ekki
verið hægt að fallast á tillögur. þing-
forseta. Það hafi þó aðeins verið
ályktað gegn þessari tilteknu tillögu,
þaö sé hins vegar ekkert sem útiloki
að skjaldarmerki íslands geti verið
utan á Alþingishúsinu í einhverri
mynd.
I grein Páls Líndal um gerð skjald-
armerkja fjallar hann m.a. um ís-
lensku skjaldarmerkin. Flatti þorsk-
urinn var í innsigli íslands frá 1593
og var merki íslands allt til 1903.
„Ekki get ég varizt þeirri hugsun,
aö skjaldarmerki íslands, eftir að
krýndi þorskurinn var niður lagður,
hafi verið misheppnuð. Fálkahug-
myndin var út af fyrir sig nokkuð
góð, en útfærslan var aldeihs afleit.
Árið 1920 var ákveðið nýtt skjaldar-
merki. Að minni hyggju er alls ekki
um skjaldarmerki að ræða í venju-
legri merkingu. Virðist sem land-
vættirnar séu allar að hraða för sinni
sem mest frá fánanum og úr þessum
selskap yfirleitt.
Þegar stofnun lýöveldis var ákveð-
in, þótti nauösyn til bera að kippa
burt kórónunni góðu, en að öðru leyti
er merkiö óbreytt efnislega; Það er
sem sagt ekki frekar en fyrr skjaldar-
merki, heldur skjöldur með fána tyllt
á svokallaða „stuðlabergshellu",
eins og kallað er í forsetaúrskurði frá
17. júní 1944 um skjaldarmerki ís-
lands, en „stuðlabergshella" er fyrir-
brigði, sem jarðfræði íslands þekkir
ekki. Kringum fánann er landvætt-
unum hrúgað saman eða staflað upp
beggja vegna. Sú er breyting á oröin,
að ekki er sérstakt farai^nið á þeim
eins og í eldra merkinu. Hins vegar
er ástandið að baki fánans heldur
bágboriö, því að gammurinn og drek-
inn virðast helzt sitja á baki grið-
ungsins. Gæti verið fróðlegt að fá
mynd af því, hvernig ástandið að
baki skjaldarins er, frá hinni hliðinni
séð!
Skjaldarmerki íslands er sem sagt
misheppnað. Ég get t.d. varla hugsað
mér öllu tilkomuminna merki en
skjaldarmerki lýðveldisins."
„Þegar sterkar líkur eru á því, að
fundið sé hið upphaflega merki ís-
Skjaldarmerki íslands til 1903
w.
Skjaldarmerki íslands frá 1919
lands, hlýtur sú hugsun að vakna,
hvort ekki sé rétt að láta endurskoða
gerð skjaldarmerkisins meö hliðsjón
af því? Ef það þætti ekki henta, stend-
ur okkur þá annað nær hjarta en
þorskurinn, þessi fornfrægi velinn-
rætti fiskur, sem viröist hafa líf okk-
Skjaldarmerki íslands frá 1903
Skjaldarmerki íslands frá 1944
ar í hendi sér? Fálkinn kemur líka
til greina svo og landvættirnar, ef
útfærslan yrði algerlega endurskoð-
uð. Eða eigum við kannski að búa
við þetta skjaldarmerkisviðundur
um alla framtíð?"
Langtímaspá um veður á N-Atlantshafi fyrir septembermánuð
Byggt á gögnum NOAA (National Oceanic and Atmospheric Administration)
Eins og sést á kortinu þá liggur ísland inni á miðju úrkomusvæði. Það eru því litlar líkur á að stytti upp í bráð hér
á landi.
Lftil
Veðurhorfur til mánaðamóta:
Hlýtt en votviðrasamt
Það verður hlýtt en votviðrasamt
á íslandi seinni hluta september-
mánaðar, ef marka má langtímaspá
bandarísku veðurstofunnar NOAA.
Samkvæmt spánni verður heldur
hlýrra seinni hluta mánaöarins en í
meðalári og úrkomumagnið verður
sömuleiðis heldur meira en í meðal-
ári, þar sem landið liggur inni í miðju
úrkomubelti. Hlýjast verður á Aust-
urlandi þar sem hlýir en rakir loft-
straumar munu leika um þann hluta
landsins.
Línurnar á kortinu afmarka ákveö-
in líkindasvæði þar sem líkurnar á
hita, kulda eða úrkomumagni eru
mismiklar. Talan 30 þýðir að jafnar
líkur eru á meðalhita eða meðalúr-
komu, með öðrum oröum að þar sem
talan 30 stendur eru líkur á veður-
lagi eins og í meðalári.
Frávik frá tölunni 30 merkja síðan
líkur á meiri hita eða meiri kulda og
það sama gildir fyrir úrkomumagnið,
það er, frávik frá tölunni 30 táknar
líkur á meiri eða minni úrkomu.
Tölurnar 35, 40 eða 45 þýða þá
auknar líkur á frávikum frá meðal-
ári, hvort sem um líkur á heitara eða
kaldara veðri er að ræða, meiri eða
minni úrkomu, og sést það á kortinu
þar sem annaöhvort stendur hiti -
kuldi, mikill eða lítill.
Að gefnu tilefni skal svo tekið fram
að áreiðanleiki veðurspáa hrað-
minnkar því lengra sem spátímabilið
er. Þessum spám er ætlað að sýna
megindrætti í veðri viðkomandi
vikna en ekki veðrið dag eftir dag.
Þvi ber að taka spárnar með fyrir-
vara.
-J.Mar