Dagblaðið Vísir - DV - 20.02.1991, Blaðsíða 11

MIÐVIKUDAGUR 20. FEBRÚAR 1991.
11
Utlönd
Norður-Irland:
w
menn
fyrir dóm
Hafin eru í Belfast á Noröur-
írlandi réttarhöld yfir tíu félög-
um úr Sin Fein, hinum pólitíska
armi irska lýðveldishersins.
Fólkið er sakað um að hafa rænt
Sandy Lynch sem viðurkennt er
aö var uppljóstrari á vegum lög-
reglunnar. Þá er fólkið einnig
ákært fyrir að hafa lagt á ráðin
um að myrða Lynch.
Meðal hirrna ákærðu er Danny
Morrison sem áður var út-
breiðslustjóri Sin Fein og fulltrui
í framkvæmdastjóm flokksins.
Sex aðrir eru ákærðir fyrir þátt
sinn í aðfórinni að Lynch. Átt-
undi maðurinn er einnig ákærð-
ur fyrir að vera í vitorði með sjö-
menningunum og þá eru hjón
ákærð f'yrir að hafa lagt skæru-
liöum írska lýðveldishersins til
hús og bíl.
Aliir sakborningarnir neita
sakargiftum og segjast vera fóm-
arlömb ofsókna lögreglunnar.
Mikill viðbúnaður er við réttar-
höldin sem reiknað er með að
standi næstu tvær vikur.
Yfirvöldá Norður-írlandileggja
mikla áherslu á að sýna árangur
í baráttunni við liðsmenn IRA.
Fólkið, sem hér um ræðir, var
handtekið í janúar á síðasta ári
en ekki hefur þótt fært að ákæra
það fyrr en nú.
Reuter
Maradona hættir að
leika knattspyrnu
- segist fómarlamb hefnigjamra áhrifamanna í ítölsku knattspyrmmni
Argentínski knattspyrnusnilling-
urinn Diego Maradona er ákveðinn
í að yfirgefa hö sitt, Napoli á Ítalíu,
í lok þessa keppnistímabils og hætta
um leið að iðka íþrótt sína. Hann
segist hafa ákveðið þetta í kjölfar
ásakana um viðskipti við eiturlyíja-
smyglara og hórmangara.
Maradona segir að ásakanir í hans
garð séu hefnd áhrifamikilla manna
í ítalska knattspyrnuheiminum.
Hann segir að þar vegi þyngst að í
síðustu heimsmeistarakeppni slógu
Argentínumenn lið ítala út úr keppn-
Diego Maradona hefur nú gert upp hug sinn og ætlar ekki að leika knatt-
spyrnu að loknu þessu keppnistímabili. Símamynd Reuter
inni. Þá skoraði Maradona sigur-
markið úr vítaspyrnu.
„Niðurstaðan í leik okkar við Ítalíu
var mikið áfall fyrir knattspyrnufor-
ystuna. Mér hefur ekki verið fyrir-
gefið aö gera mitt besta fyrir landslið
mitt,“ sagði Maradona þegar hann
greindi blaðamönnum frá ákvörðun
sinni.
Nú um skeið hefur Maradona sætt
mikilli gagnrýni á Ítalíu fyrir slaka
frammistöðu með liði Napoli í ítölsku
knattspyrnunni. Hann er sagður lat-
ur og áhugalaus. Maradona er einn
dýrasti knattspymumaður heims og
vilja stjórnendur Napoli að hann
skili hlutverki sínu betur en hann
hefur gert, sérstaklega í vetur.
Steininn tók þó ekki úr fyrr en í
síðustu viku þegar lögreglan í Napólí
ákvað að svipta Maradona vegabréfi
sínu meðan verið væri að rannsaka
hvort hann hefði keypt eiturlyf af
sölumönnum maflunnar og notið
þjónustu vændishrings sem maöan
rekur.
Maradona neitar öllum ásökunum
um lögbrot og segir að verið sé að
koma sök á hann saklausan. Það er
þó ekki fyrr en nú sem hann skellir
skuldinni á áhrifamenn innan ít-
alska knattspyrnusambandsins og
segir þá fulla af hefndarhug í sinn
garð.
Reuter
Kanadíska stjórnin hefur aflýst
fyrirhugaðri ráöstefnu þar sem
um eitt hundrað dæmdir morð-
ingjar áttu að koma saman og
ræða líf sitt bak við lás og slá.
Ráðstefnuna átti að halda í Tor-
onto aö undirlagi fanga sem allir
hafa verið dæmdir í lífstíðarfang-
elsi en era ekki undir strangri
gæslu. Almenningur i Kanada
hefur verið mjög mótfallinn ráð-
stefnunni og ákvaö stjómin að
láta undan þrýstingnum.
Fangamir áttu ekki að fá frelsi
meðan á ráðstefnunni stóð og
fjöldamorðingjum var meinuð
þátttaka.
Reuter
Kúplingsdiskar
Pressur
Legur
Bjóöum einnig flest
annað eem viðkemur
rekstri bflsine.
Gí*
SKEIFUNNI 5A. SIMI 91-8 47 88
Kanadískir fuglavinir:
Björguðu lífi
máf a á eyðieyju
Fuglavinir í Kanada hafa komið í
veg fyrir áform um að eitra fyrir
máfa á afskekktri eyju við Atlants-
hafsströnd landsins. Stjórn landsins
hafði legt blessun sína yfir áætlunina
um að eyða öllum máfum á eyjunni
en hefur nú bannað tiltækið.
Það var á síðasta ári að ákveðið var
að eyða öllum máfum af Safalaeyju
austur af Nova Scotia neð því að setja
eitur i hreiður þeirra. Ástæðan fyrir
þessu er sú að á eyjunni hefst einnig
við mjög sjaldgæft afbrigði af þern-
um.
Þær eru í útrýmingarhættu vegna
þess að máfarnir éta egg þeirra. Því
þótti réttlætanlegt að eyða öllum
máfum í von um að bjarga þernu-
stofninum. Fuglavinir era ekki á eitt
sáttir um þá ákvörðun að gefa máf-
unum líf.
Sumir segja að máfastofninn sé það
sterkur að hann sé fjarri því að lenda
í útrýmingarhættu þótt öllum fugl-
um sé eytt af einni eyju. Hins vegar
geti nú fátt orðið þernunum til bjarg-
ar.
Nú eru aðeins um eitt þúsund
varppör eftir af þernunum og fer
þeim fækkandi ár frá ári. Máfunum
fjölgar hins vegar óðfluga. Ekki er
endanlega búið að gefa máfunum
grið því að áætluninni um eyðingu
þeirra hefur verið frestað til ársins
1992. Fjöldi manna reis upp til að
mótmæla drápi máfanna eftir að
nokkrir náttúrufræðingar sögðu op-
inberlega frá áformunum og sögðu
að með þessu væri verið að grípa
fram fyrir hendurnar á móðúr nátt-
úru.
Reuter
Færeyingar mól-
fallnir aðild að EB
- fa liklega ekki fríverslunarsamning
Samkvæmt niðurstöðum skoðana-
könnunar færeyska sjónvarpsins eru
56,4 prósent Færeyinga mótfalhn að-
ild að Evrópubandalaginu, EB. Að-
eins 18,4 prósent voru fylgjandi aðild
en 25,4 prósent voru óákveðin.
Skoðanakönnunin var gerð sam-
tímis því sem sjávarútvegsmálaráð-
herra Danmerkur, Kent Kirk, var í
heimsókn í Færeyjum til að ræða á
opinberam fundi um framtíðarsam-
skipti Færeyja við Evrópubandalag-
ið. Þau eru nú í sviðsljósinu þar sem
ljóst er orðið að Færeyjar fá líklega
ekki þann fríverslunarsamning við
Evrópubandalagið sem vonast hafði
verið til.
Danski sjávarútvegsmálaráðherr-
ann sagði í viðtali við Ritzau-frétta-
stofuna að danska stjómin gæti ekki
gert meira til að reyna að koma í
gegn fríverslunarsamningi milh Evr-
ópubandalagsins og Færeyja. „Við
getum ekki þvingað önnur lönd til
að ganga að shkum samningi," sagði
hann.
Ráðherrann vildi ekki segja skoðun
sína á því hvort EB-aðild yrði fær-
eyskri útgerð í hag. „Ég hef ákveðið
að tjá mig ekki um það því að það
er mál Færeyinga sjálfra,“ sagði
hann.
Fjöldi bílasala, bila-
umboóa og einstaklinga
auglýsa fjölbreytt úrval
bila af öllum gerðum og
í öllum veröflokkum með
góóum árangri í DV-BÍLAR
á laugardögum.
Athugió aó auglýsingar i
DV-BÍLAR þurfa aö berast
í síöasta lagi fyrir kl. 17.00
á fimmtudögum.
Smáauglýsingadeildin er
hins vegar opin alla daga
frá kl. 09.00til 22.00 nema
laugardaga frá kl. 09.00 ti I
14.00 og sunnudaga frá
kl. 18.00til 22.00.
Smáauglýsing í
HELGARBLAÐ verður aö
berast fyrirkl. 17.00
á föstudögum.
Auglýsingadeild
. Ritzau