Dagblaðið Vísir - DV - 09.07.1991, Blaðsíða 3

ÞRIÐJUDAGUR 9. JÚLÍ 1991.
3
Fréttir
Heimsmarkaðsverðið á áli nú lægra en um langt árabil:
Langtímaverð talið
nægja Landsvirkjun
- segir Garðar Ingvarsson hjá markaðsskrifstofu Landsvirkjunar og iðnaðarráðuneytis
„Því er almennt spáö aö langtíma-
verð á áli verði um tvö þúsund doll-
arar tonniö. Það verö nægir Lands-
virkjun fylllilega til aö hafa upp í
kostnaðinn við orkuframkvæmdirn-
ar. Orkuverðið til Atlantsáls verður
ákveðið hlutfall af álverðinu, þó með
ákveðnu hámarki og lágmarki.
Hversu mikið Landsvirkjun ná-
kvæmlega þarf til að hafa upp í
kostnaðinn vil ég þó ekki gefa upp
því slíkar upplýsingar myndu tor-
velda okkur mjög samningana við
Atlantsál," segir Garðar Ingvarsson,
framkvæmdastjóri markaðsskrif-
stofu iðnaöarráðuneytisins og
Landsvirkjunar.
Álverð er nú lægra en það hefur
verið um langt árabil og er tonniö
einungis selt á um 1320 dollara. í
kjölfar þessa hafa stjórnendur fjölda
álverksmiðja ákveðið að loka verk-
smiðjum sínum. Á íslandi er hins
vegar unnið að samningum við ijög-
ur erlend stórfyrirtæki um nýtt álver
að Keilisnesi.
Að sögn Garðars er ljóst að miðað
við núverandi heimsmarkaðsverð á
áli myndi Landsvirkjun stórtapa á
raforkusölu til Atlantsáls. Hann seg-
ir hins vegar að allt bendi til þess að
verðið muni hækka verulega á næst-
unni og aö það verði orðið meir en
viðunandi þegar áætlað sé að verk-
smiðjan að Keilisnesi taki til starfa í
ársbyrjun 1995.
„í gegnum tíðina hefur verð á áli
sveiflast gífuriega. Á síðasta áratug
fór tonnið af áli upp í tæplega 4000
dollara tonnið, reyndar í mjög stutt-
an tíma, og fyrir tveimur árum fór
álverðið yfir 2000 dollara tonnið. Hið
lága verð núna hefur varað lengur
en búist var við en á því eru margar
skýringar. Ég er bjartsýnn á að ál-
verð muni hækka mjög á næstu
árum þannig að ég óttast ekki tap í
álframleiðslunni hér á landi. Það eru
öll líkindi til þess að hegðun álverðs
verði svipuð og í fortíðinni.“
Meðal þeirra skýringa, sem Garðar
nefnir á lágu álverði núna, er hversu
langvarandi efnahagskreppan í
Bandaríkjunum hefur veriö. Búist
hafí verið við að Bandaríkjamenn
myndu rétta úr kútnum um miðbik
þessa árs en nú sé ljóst að einhver
bið verði á því. Einnig segir hann
Sovétmenn hafa dembt miklu af
umframbirgðum sínum af áli inn á
uppboðsmarkaði í þeim tilgangi að
ná sér í gjaldeyri. Þetta hafi haft gif-
urleg áhrif á heimsmarkaðsverðið
því enda þótt tiltölulega lítill hluti
heimsframleiðslunnar fari á slíka
markaði ákvarðist verðið á áli að
verulegu leyti þar.
Að sögn Garðars eru ýmis teikn á
lofti um að álverð muni hækka veru-
lega á næstu árum. Um þessar mund-
ir sé verið að loka mörgum stórum
verksmiðjum og það á sama tíma og
útiit sé fyrir stóraukna eftirspurn.
Sem dæmi um vaxandi eftirspurn
segir hann að í bandarískum bílaiðn-
aði sé nú einungis notuð um 900 þús-
und tonn af áli en því sé nú spáð af
álsérfræðingum að á næstu 10 árum
aukist þessi notkun upp í níu milljón
tonn. Þess má geta að um þessar
mundir er heimsframleiðslan á áli
Á grafinu má sjá þróun álverðs í doliurum á verðlagi hvers árs frá árinu um 16 milljón tonn á ári.
1970. Samkvæmt upplýsingum frá Landsvirkjun hefur meðaltalsverð á áli -kaa
siðastliðin 20 ár, að teknu tilliti til verðlags og gengis núna, verið um 2000
dollarar. Þvi er spáð að í framtiðinni verði álverðið svipað.
HvalQ arðargöngin munu valda mikilli verömætaaukningu fasteigna á Akranesi:
Milljarður til íbúðareigenda
Sigurður Sverrisscm, DV, Akranesi:
Verðmæti fasteigna á Akranesi
myndi aukast um 1,3 milljarða króna
yrði vegtenging yíir Hvalfjörð að
veruleika. Þar af ykist verðmæti
íbúðarhúsnæðis um milljarð. Þetta
kemur fram í tímaritinu Verktækni,
málgagni Verk- og tæknifræðingafé-
lags- íslands, sem nýkomið er út.
Tímaritið er nær eingöngu helgað
fyrirhugaöri vegtengingu yfir Hval-
íjörð.
Fram kemur í tímaritinu að fast-
eignaverð á Akranesi hafi verið lágt
undanfarin ár. Frá árinu 1983 hafi
söluverð íbúðarhúsnæðis verið 60%
af verði hliðstæðra eigna á höfuð-
borgarsvæðinu. Sömu sögu sé að
segja af atvinnuhúsnæöi, þar sem
verð sé jafnvel enn lægra, allt niður
í 50% af höfuðborgarverði.
Einnig segir að vérð fasteigna á
Akranesi fyrir áratug hafi verið um
70% af því sem tíðkaðist á höfuðborg-
arsvæðinu. Slæmt atvinnuástand
mörg undanfarin ár hafi hins vegar
haft sitt að segja við verðfall á eign-
um.
Með vegtengingu yfir Hvalfiörð
megi ekki aðeins búast við bættu at-
vinnuástandi heldur einnig hækkun
á fasteignaverði, um 10-20%, sem
koma muni fram á 3-6 ára tímabili.

□AIHATSU
JEPPI
DAIHATSU FEROZA heldur enn
áfram að fríkka bæði innan sem
utan. Það er því ekki að undra
þó hún hafi slegið svo rækilega
í gegn, því að um leið og hún er
áberandi falleg í útliti er hún á
frábæru verði. Er hægt að
hugsa sér betri kost fyrir
sumarbústaðaeigendur,
skíðafólk, útivistarfólk eða bara
fólk sem vill fallegan og lipran
bíl sem er hagkvæmur í rekstri.
FEROZA KOSTAR FRÁ KR.
1,098,000 stgr. á götuna.
’SmAka'
A
k AÐ 100.000 KMj
FAXAFENI 8 • SIMI 91 - 68 58 70